دمرتها ولله الحمد (قريبته والعشيقة القديمة)

[pretty women]

السلام عليكم ورحمة الله وبركاته


انا متزوجة من 3 سنوات تقريبا بطريقة تقليدية يعني جو اهله وشافوني وخطبوني وهو شافني ووافق

لكن ولله الحمد من يوم الملكة بدات قصة حب بيني وبينه هو شمالي شرقي وانا جنوبية غربية

قصتي بدات قبل سنة بالضبط بعد ولادتي ببنتي البكر لما خلصت الاربعين وجا زوجي من المدينة اللي احنا عايشين فيها لمدينة اهلي حسيت انه زوجي متغير

اعترف والحق لله اني اهملته في فترة النفاس لاني ولدت مبكر وكنت عند اهلي وزيارات حريم وبنتي كانت تعبانة المهم ماانتبهت لبعده

لما جا عندي المفروض نجلس اسبوع مع بعض وبعدين نطلع لبيتنا اختلفنا على موضوع تافه وكبر الموضوع وما كلمني ولا كلمته تلات ايام ويوم السفر (ماكنت حتى اعرف موعد السفر) اتصل علي قبل موعده بنص ساعة وسالني جاهزة؟ فيه احد يجيبك عندي؟ كبرت براسي وقلت لا المهم طلع وتركني انا وبنتي عند اهلي بعد فراق شهر ونص

وقتها شكيت انه زوجي مو هو الاول واكييييد فيه شي مو طبيعي وزي مايقولو لبحث عن الانثى

المهم انا عندي الباسوورد حق ايميله ودايم كنت افتحه (طبعا هو مايدري) بس في هذيك الفترة انشغلت ونسيت وافتكرته بعد ماسافر لحاله ورحت فتحته

واكتشفت بلااااااوي آخر شي كنت اتصوره واتغيرت حياتي 180 درجة

 

[pretty women]

اكتشفت انه زوجي في الفترة اللي كنت بعيدة عنه فيها طبعا طفش وكان متسلي عالنت

اول شي سواه فتح صفحة عالفيس بوك وعامل اضافة لكثيييير بنات كم واحدة منهم علاقات قديمة زي مافهمت وكانت تجيه ايميلات كثيييير من بنات اغلبها صور بنات وقلة حيا

طبعا اول شي سويته انهرت وبكييييت وحسيت العالم كله انقلب فوق راسي بس اكبر غلطة غلطتها اني رحت على طول غرفة امي وجلست ابكييي لدرجة انها اول ماشافتني وعمري ماانسى هذا الموقف سالتني مين مات؟

حكيتها كل شي حاولت تهديني وتقولي عادي ويحصل في كل بيت بس على مين انا ماتخيلت انه يحصل في بيتي ابدا

المهم اتخذت قراري اني حضغط على نفسي واحط كرامتي على جنب واطلع بيتي وانا كلي ثقة اني حقدر اخليه يبعد عن كل الكلام الفاضي هذا

وفعلا طلعت بيتي اتصلت عليه وحليت المشكلة مع انه كان غلطان 100 بالمية بس جيت على نفسي وقلتله احجزلي بطلع بيتي وسويت نفسي مرررة مشتاقتله وحركات حريم اني مو قادرة اصبر عنه وتعباانة .....الخ افهموها :5:

وحجزلي وطلعت بيتي طبعا هنا اعترف انه الحمدلله زوجي ابدا مااتغير علي من جميع النواحي وهذي من مميزات الشمالي متحمل للمسؤوليه بس في هذيك الفترة حسيت انه قلبه مو معايا :4:


المهم جيت على نفسي وضغطت عليها وكنت جدا تعبانة هذيك الفترة بيت وبيبي جدا صغير لانه مولودة سباعية وتسهرني طول الليل ومع كذا كنت البسله واتصلح له 24 ساعة واتغيرت كثيييير هذيك الفترة في الفراش ماصرت زي اول كنت استحي ​

 

[بعيدة عن أهلها]

لاحول ولاقوة الا بالله

كملي يااختي

 

[pretty women]

وبدات شوية شوية استرده وحسيت انه رجع يقرب لي وكنت مراقبة الايميل والفيس بوك

وقاطع كل البناات وماصار يدخل الفيس بوك كثير زي اول وهم كمان بطلو يرسلوله ايميلات الا واحدة بس

هذي كانت ترسله باستمرار وكانت الوحيدة اللي يرسلها دونا عنهم كلهم وجلست اراقب بالاسابيع والايام وهي لسه ترسل وهو رغم انه مو النوع اللي يرسل ايميلات لناس كثير لكن هي بالذات يرسلها

واكتشفت ايميل ثاني مسويه ومايرسل عليه احد غيرها هنا انا شكيت وماادري ليه حسيت انه شخص قريب

وفعلا بعد مادورت ودورت اكتشفت انها بنت خاله (متزوجة وعندها 3 اطفال) واتجننت حسيت انه كل اللي فات كوووم وهذي لحالها كوووم مدري ليه احساس الانثى

واستمريت اراقب من بعيد وهو ماعنده اي خبر وجلست اسال عنها اهله واجمع عنها اخبار ومعلومات قدر الامكان عشان استعد للحرب لاني قررت احاربها

طبعا الى الان انا ماكنت ادري اش حدود العلاقة هي كانت مضافة عنده عالمسن بس ماكنت ادري هم بيتكلمو والا لا؟

​

 

[ساره 2010]

كملي حبيبتي

 

[*ملكة الحب*]

نستناك حبيبتي

 

[سنيوريتو]

......بانتظار البقيه....:33::33::33:

 

[دفء الجليد]

ننتظررررررررررررررررررررر

 

[pretty women]

المعلومات اللي عرفتها عنها انها متزوجة من سته سنوات وعندها طفلين وحامل :dunno: وزوجها مرررة يحبها ومدلعها ومو مقصر عليها انا طبعا جدا انصدمت اش تبغى منه والاهم اش يبغى منها ؟

من المعلومات اللي جننتني عنها انها ساكنة في نفس المدينة اللي احنا فيها وانه دايم لما اجيب سيرتها يقول هذي متربية عندنا في البيت طبعا ماقدرت اعرف منه ولاشي لانه مرررة كتوم فاكتفيت بسواليف الحريم

المهم جلست ساكتة واجمع معلومات الين جا العيد السنة اللي فاتت كان عمر بنتي 4 شهور ورحنا نعايد اهلها وشفتها :33:

كانت اول مررة اشوفها وهي اتجننت لما شافتني بس كانت تعاملني مرررة بطيبة (هذا الظاهر طبعا) وسوت فيها صحبتي وكيف حالك ولازم تجي تزورينا وانا طبعا كنت نار تغلي ومو عارفة اش اقول والا اش اسوي وجاملتها ومشيت

اول حاجة صدمتني انها حامل في الشهر الثامن :10: وبطنها قدامها طبعا هي حلوة من غير تفاصيل يعني تفاصيها مو حلوة بس الناتج مقبول ميزتها طبعا نحيييفة وشعرها طويل واسود وهذي الحاجتين جنان زوجي

اول ماركبت السيارة حاولت اجر من زوجي كلام ورد علي كالعادة بكلمتين هذ متربية عندنا (يقولها بمحبة زايدة)

واتخذت قراري حرسلها ايميل اهددها واقولها انه صورتها عندي (اخدتها من ايميل زوجي) وانها لو مابعدت عنه حنشر صورتها من غير مااقول اسمي لاني ماابغى مشاكل مع اهله
​

 

[حلم الامس]

ا

استغفرالله العظيم الله يوفقك اختي فعلا كارثه

 

[انثى مغرورة]

الله يعينك والله ادعي لك.....

 

[احلى فجوري]

الله ينصرك عليها كملي اختي

 

[ميمونة3]

اي وبعدين شو صار يا قلبي

 

[لطوفه]

معاكي ياعسل كملي

 

[شتتنيــ غيابهــ]

نستنااك يااقلبي كملي

 

[pretty women]

بس واستنيت الين رجعت بيتي عشان يكون جنبي واقدر اراقب رد فعله وفعلا سويت ايميل جديد وارسلتلها ابعدي عن زوجي والا حفضحك عند كل الناس من غير اسم

لما رجع من العمل كان يطالع في بنظرة غريبة وانا سويت نفسي ماادري عن شي وبكل براءة استقبلته وضحكتله

طبعا انا اتاكدت انها كلمته لاني ارسلتلها الايميل وبعدها بنص ساعة غير الباسوورد حق ايميله وهنا دخلت في قلق جديد انها عندها رقم جواله

المهم بعدت عنه وبعد عنها ولله الحمد انا في تصوري وانا طبعا الى اليوم مدري اش صار انها دقت عليه وقالتله وكانت تبغاه يخاصمني او يسوي شي عشان يوقفني عند حدي هو رفض وهي زعلت منه واتقاطعو

هذا تخمين مني وفي جميع الاحوال ماكان يهمني المهم انهم اتقاطعو وانا ارتحت

بس جلست اراقب الايميل الثاني اللي المفروض هي ترسل عليه لحالها والجوال طبعا باستمرار

 

[ميمونة3]

قدرتي تعرفي الباسوورد للايميل الجديد لزوجك ؟
وهي بعدها على اتصال بزوجك عالتلفون ؟

 

[pretty women]

وفرحت مرررة انها بطلت ترسله وهو بطل يراسلها وجلست على هذي الحاله تقريبا 6 شهور مرتاحة منها وبعد 6 شهور جلست عند اهلي فترة شوي طولت كان عندنا حالة وفاه وقبلها اجازة وبعدها هو جاله شغل عند اهلي

في هذيك الفترة لاحظت انه رجع يتغير علي ويبعد عني ورجعت ادور وراه وفتشت لابتوبه واكتشفت المصيبة الجديدة ايميل جديد ورجعت ست الهانم ترسل له

طبعا مستحييييييل اوصفلكم صدمتي وجرحي منه حسيت الدنيا اسودت في وجهي والكابوس رجع لحياتي ثاني

طبعا هو كالعادة هذيك اليومين نزل عند اهلي وعملي مشكلة كبييييرة على حاجة تافهة وطلع وهو مسوي زعلان مني وقاطعني وانا كنت مقهورة منه لانه فعلا كان غلطان

وبرضه كالعادة لما اكتشفت ان الحرباية رجعت تحوم وراه جيت على نفسي وعلى كرامتي وصالحته وانا جالسة افكر ياربي اش اسوي وكيف اتصرف ؟

والسؤال اياه لسه في راسي اش تبغى منه واش يبغى منها؟

​

 

[pretty women]

قدرتي تعرفي الباسوورد للايميل الجديد لزوجك ؟
وهي بعدها على اتصال بزوجك عالتلفون ؟

ايوه عرفت الباسوورد كان نفس الباوورد القديم


في هذيك الفترة لا بس بعدين رجعت

 

[pretty women]

برب

دقيقة وارجع اكمل ان شالله