دكتوره بنات سااااااااااااااااعدوني الله يخليكم بنفجر

[غرشوب رعبوب]

السلام عليكم ورحمة الله وبركاته

خواتي ابغي استشيركم في مشكله تخصني وياريت القى الحل عندكم :sad_1:

خواتي زوجي انسان ملتزم وجيد يعني لا يضرب لا يسب ولا يهين وماخذني اصلا عن حب يعني واثقه من حبه لي بس فيه طبع غريب وهو انه لما يزعل يططططططططططططططططنش يعني حتى لو كان هو الغلطان والكل يقول هو الغلطان مب انا وهو مقتنع انه مب مسوي شي يطنش يا خواتي ويقهرني !!!!

اللحين تخيلو لنا اكثر من اسبوع مابينا ايييييييييي شي اللهم سلام وكلام عااااااااادي كلمه ورد غطاها والسبب قسم بالله مادري شو السبب الرئيسي !!!

يعني بدينا بشويت تطش بسيط بينا عادي موقفين عاديين يكلم الخدامات على الزرع وانا اتكلم معاه وكل شوي يسكتني وانا مستغربه يقولي اسكتي انتي خليني اخلص كلامي !!! وبعدين عصبت عليه قلت له ناقص تضربني فسكت !!! ولا تقولون بينه وبين الخدامات شي ابددددددددا بس مادري شو سالفته
انا صح عصبت عليه بس بعدين هديت لان خلاص تعودنا من طلعنا من بيت اهله لو يصير بينا اللي يصير نتفاهم وننسى ونمشي لبعض وماشيه امورنا تمام قعد كم يوم متغير وانا اكلمه عادي بس حاسه بتغيره ولا ناقشته لانه هو الغلطان مب انا !!!

المهم بعدها بيومين قعد يكلمني شوي احسن من قبل تخيلو ليش انا استغربت في البدايه انه رجع يكلمني عادي !!! كان يبغي سلف فلوس !!! انا عطيته بس مب المبلغ اللي يبغيه لا عطيته اقل لانه ماعندي وبعدين هو كان عنده مبلغ كبير وطيره على اشياء ماتسوى واللحين يبغي يلعب بفلوسي !!!

وبعدين رجع نفس قبل !!! :sad_1:

بعدها بيومين رحنا بيت عمه وقعدنا عادي وكانو بيروحون بيت اخته اللي جنب بيت عمه انا بيني وبين اخته صاير موقف كبير جدا وهي غلطت علي وايد وهالموقف مأثر بعلاقتي فيها بس مع ذلك كنت امر عليها لما نكون في بيت عمه وازورها لما يصير لها شي بس رسمي مب نفس قبل سوالف وغيره المهم لما كانو بيروحون قالت لي ام زوجي يالله بنروح وولدي وبنتي اصلا مريضين وكنت بوديهم العياده قلت لها روحو انتو وبخلي زوجي يوديني بنمر عليها ونحن طالعين لاني بروح العياده طبعا ام زوجي حركات وياما سوت لي مشاكل هي بعد ما شحنت قلوب بناتها واولادها علي وافترت كثيييييير علي وانا سامحتها وكانت سبب كبير في المشكله اللي بيني وبين اخت زوجي يعني بالعكس هي السبب في المشكله الرئيسي من كلامها علي قالت لي يالله نروح قلت لها اوكي بجي انتو روحو قالت لا رجلي على رجلك قلت لها ولدي ياكل بعده ماخلص وهو بالفعل ولدي قاعد ياكل قالت لي انتي ماتودرين يعني ماتخلين اللي براسك ولا تبغين تتغيرين وبخليك براحتك !!! الله واكبر بعد ماشتتينا وبالذات انا واخت زوجي هاي كنا مثل الخوات وخليتيهم كلهم يكرهومني ويشيلون بقلوبهم علي اللحين تبغين تجمعينا!!! انا سكت وماقلت شي :schmoll:
انتظرت زوجي يطلع من المجلس عشان نروح بس هو طلع هو وعمه وراحو عند عمه الثاني وقالي قبل لا يطلع قلت له اوكي بترياك يعني بنتظرك
زوجي طول بالروحه ولما تأخر اتصلت عليه لقيته في بيت اخته !!!! وقاعدين يتعشون !!! قلت له انت قلت لي بتروح بيت عمك قالي خلاص انا هنيه في بيت اختي ليش انتي كنتي بتجين بيتها !!! شوفو الكلام اللي يسم البدن !!! قلت له كنت بمر عليها انا وانت وبعدين بنروح العياده بس اللحين خلاص دامك رحت بنتظرك عشان نروح العياده

شوي سوت لي ام زوجي انا كنت اتكلم بسالفه ضروريه مع حرمة عم زوجي وقلت برد عليها بعدين وشوي اتصل زوجي قالي امي تتصل عليج ليش ماتردين قلت له كنت اللحين بسوي لها قالي تبغيج امي كلمتها قالت لي والله فلانه سوت لنا عشا ونحن ننتظرج وتعالي قلت لها توني متعشيه وبعدين خلاص مافي وقت ابغي اروح العياده تعشو انتو قالت لي لا تعالي والا بطرش لج زوجك والا ولدي الثاني !!! قلت لها خلاص بجي

انا رحت عادي دخلت وسلمت حتى بنت اخت زوجي مارضت تقوم تسلم علي سوت نفسها ماشافتني !! كيف ماشافتني وهي عينها بعيني وردت علي السلام ورجعت تعشى !!! انا مشيتها وبالعكس سلمت على بنت اخته وهي استحت وقامت وسلمت علي من بعدها رجع لصمته واسلوبه الزفففففففففففففففففففت يعني سلام وبسسسسسسسسسسس كلام بالحدود :busted_red:
انا ماشوف نفسي غلطت عليه لا هو ولا اهله بالعكس سوو لي مشاكل كثييييييييييييييييييييره جدا واستحملت عشانه ووصلتهم عشانه رغم انهم ماكانو يستقبلوني لما اروح لهم بس استحملت عشان زوجي واللحين يسوي فيني كذا !!! طيب وين الغلط اللي سويته ؟؟؟؟؟؟؟ :tears:


ولو سويت شي بدون ما اقصد ليش مايتكلم ويقولي ؟؟؟؟؟؟؟ وتصدقون من امس مريضه وارجع قسم بالله ماقالي يافلان شو فيك !!!!!! احسه حد وازنه وتارس راسه علي او انه خلاص يكرهني !!! بنات بموت من القهر شو اسوي معاه دبروني انا مابغي اذل نفسي معاه مثل كل مره امشششي واروح له:icon1366​

:

 

[الصبوره]

بالنسبة لرأيي في موضوعك فأحس التالي:

زوجك علاقته مع أهله قويه ما شاء الله وهذا يفسر ذهابه لهم من غير ما يخبرك وهو حاس انك عقبه ما بينه وبين أهله نتيجة المشاكل اللي بينك وبينهم.يمكن هو يعرف انهم غلط وانت الصح بس هم أهله اللي يحبهم وما يبغي يخسرهم من أجل أي حد حتى ان كانت زوجته اللي يحبها.
الظاهر توتر العلاقات بينك وبين أهله خلتهم يدخلون في راسه انك صعبه شوي وطبعك مب عاجبهم وهذا أكيد يأثر على علاقته معاك لأنه يحبهم وهم مهمين عنده.

أنصحك انك تحاولي تحسنين علاقتك معاهم جامليهم على قد ما تقدرين لمصلحتك عشان تحصلين على قلب زوجك ولكن دون مبالغه وحبيبتي طنشي وطنشي لا تهتمي بصغائر الأمور وإذا حد تكلم عنك بسوء قولي في نفسك حسبي الله ونعم الوكيل فهو سبحانه قادر على تبصيرهم بأخطائهم.

وإذا حصل وصار زعل أو سوء تفاهم بينك وبينهم فحاولي انك ما تدخلين زوجك في الموضوع خليه يحترم سكوتك وتغاضيك عن كلامهم وتصرفاتهم.

هذا ما أراه من خلال شرحك وأسأل الله أن يبعد عنك الهموم والأحزان.

 

[غرشوب رعبوب]

اختي الصبورة جزاك الله كل خير وشاكره لك كلامك واهتمامك انتي الوحيده اللي عبرتيني

كلامك صح اختي صار بيني وبين اهله وايد مشاكل بس انا ماقدر اظلمه كان واقف معاي لانه يعرف اني ماغلطت عليهم ولا قصرت فيهم بالعكس هو اللي ذاق المر منهم وشربت وياه من نفس الكاس لانهم بالفعل اذوني ورغم كللللل شي قدرت له موقفه ولا رضيت اكون السبب في تفرقته عن اهله ولا يزعل مع انهم والله يا اختي الكل قاطعه ولا حتى يسوون له تلفون بالعكس هو اللي يسوي لهم ويزورهم ورحت لهم ورضيته وعلاقتي معاهم ردت تقريبا نفس قبل بس صرت شوي رسميه يعني ما اتدخل عشان المشاكل واخته هاي انا ماقصرت فيها بس شو تقولين اصلا امه مب اول مره تتكلم عني بسوء عند زوجي لانه كذا مره قالي بعد ماتصير مشكله بيني وبينه او اشوفه متغير ان امه وزته علي !!! وانا حاسه انه هذا اللي صار قامو يتكلمون علي وينتقدوني قدامه

بس ما اقول غير حسبي الله عليهم ونعم الوكيل

اللحين مادري انتي شو رايج اروح اكلمه واتفاهم معاه والا اطنشه مثل ماهو مطنشني ؟؟؟؟

 

[غرشوب رعبوب]

حد يعبرني اهئ اهئ

 

[نبراس الخير]

الله يكون في عونك حبيبتي بس أنا مو عارفة أقول لك إيه إنت ما عليك من
حد إعملي كل إللي عليك و مفهاش حاجة لمن تروحي تكلميه لحسن تتعودو على هده الحالة و إعملي بكلام الأستادة لمن قالت أنه مابين المرأ و زوجها مفيش حاجة إسمها كرامة إرضي ربك أولا و تقربي منه تم إهتمي بنفس و تلقائيا زوجك سيكون راض عنك

 

[بيونه]

غرشوب رعبوب... غاليتي
أولا نيك نيمك ضحكني :shiny:
الشي الثاني خيه .... استعملي مع زوجكي حيل النساء وهي ان تذهبي له بدلع وبكلمات ناعمه وفيها من الحنيه والعطف الشيئ الكبير و( كأن تقول حبيبي يعز عليا ان اراك متضايق ولا اعرف السبب )
هل تسمح بأن اجلس معك واحاورك ؟؟ كلميه الى ان ينطق ... خدي منه الأسباب وراء صمته قولي له بأن الصمت لم يكن يوما حل للمشاكل ان وجدت !!
اخبريه بحبك لأهله وانكي تحبين مواصلتهم وهم اعمام وعمات أبنائي قبل ان يكونو اهل زوجي .. اخبريه بما يحويه قلبك له ولأهله من احترام وحب وحاولي ان استطعي ان تفكرين في زياتهم وتخبرينه بذلك وتحددين الوقت لكي يراه بعينه كبيره لأنه يحب أهله كثيرا ..
أختي الغاليه ... اخبريه بكرهكي لموقفه المتكرر وهو التطنيشششششششششش ياويلي يحرق الأعصاب :icon28:
خبريه بأنك لا تستطيعين أن تريه على هذا الحال فأنا لا استغني عنك وعن صوتك في البيت ..
هذا ما لدي يا غاليتي علا وعسا يفيد بهالرجال :smoke1:

 

[أمل أمه]

اهم شي ترضين اهله وبالذات امه صدقيني اذا افترت علاقتج به الاهل هم يساعدونج << عن تجربه

وشكل امه اذا رضت رضا الكل عليج واذا زعلت زعل الكل

الله يعينج ويصبرح

 

[مهره]

ارضى امه وخليك ذكيه واعرفي وش الي يحببه فيك,,,

مثلا جربي الهدايا ترى فيه امهات يحبون الهدايا مثلا تجيبي لها شي غالي وتهديها ممكن تسل السخيمه الى في قلبه عليك والله ترى الهدايا وايد تصلح المشاكل ..

وزوجك يمكن من مالمشاكل الى تصير بينك وبينه بدا يحس ان اهله صدقين باللكلام الي يقولوه عنك ,, وهذي المصيبه حاولي تفهمين الموقف زين وتعرفين الى من صالحك تسوينه وانك انتي الطيبه دون ان تخبريه بذالك ولكن من تصرفاتك,,

ومهما كان هذولا اهله وغصب راح يميل لهم ,, فاذكريهم بالخير وخاصة امه ولم تزوريهم بيني له انك فرحانه بالزياره ومشتاقه لهم لحد مايبعد تصوره عنك انك ماتبغي اهله..

والله يوفقك ويصخر لك