دعيت على زوجي بالسرطان في دمه وهو يسمع

[قوت 2000]

السلام عليكم

زوجي اكرهه واكره الفراش معه انا تعبت معه لي ست سنات متزوجه عندي ثنين احس اني

ظالمتهم معي كل يوم هواش انا وياه قدامهم انا تعبت احاول اتغاضى عن حاجات

وتطلع لي حاجات ثانيه يحب يلف ويدور عني ويوصل للي يبغاه باللكاعه والدوران

والله العظيم عرفت له زين وعرفت لكاعته يلعب مي على الحبلين

ومع ذلك ماخلاني في حالي لاتروحين لاتجين لاتزورين احد الحرمه ماتطلع من بيتها

واذا بغيت حاجه سوق ولا طلعه يقول خل اخوانك يودونك انا بطلع والله تعبت معاه

واذا شافني اشيل حاجات ثقيله لو ازحف مايشيل معي وانا اركض اذا شفته يشيل كيسه

خبز اشيلها عنه والله الرحمه منزوعه منه اليوم قالي انا خطبت الاسبوع اللي راح

بس ابوها ماطاع اشوفها وعمرها 18 سنه انا انقهرت وبكيت وليتني مابكيت

وكلمت اخته اعلمها انه خطب وراحت كلمته وقال لا اكذب والله تعبت يلعب باعصابي

واليوم دعيت عليه كل الدعاوي الشينه وقدامه وهو يسمع والله من قلب طالعه

وعسى ربي يستجيب دعوتي

وانا دايم استغفر بنية ان الله يصلح عيالي ويخليني لهم

ولا عمري فكرت استغفر عشانه انا ماابيه ولا ادانيه

 

[حرب الأحساس]

ليه ياقوت ماتبغينه؟ هل انغصبتي عليه
فهمينا عشان تساعدك
طيب ليه بكيتي لما قال خاطب؟؟!!!!!
قوت تحبينه ويحبك بس شكله فيه عنااااااااااد بينكم
وخطأ في التعامل صح؟
حاسة انه مايعاملك زين؟
طيب يصلي؟
يخاف الله؟
لازم توضحين وكل مشكلة ولها حل

 

[قوت 2000]

ليه ياقوت ماتبغينه؟ هل انغصبتي عليه
فهمينا عشان تساعدك
طيب ليه بكيتي لما قال خاطب؟؟!!!!!
قوت تحبينه ويحبك بس شكله فيه عنااااااااااد بينكم
وخطأ في التعامل صح؟
حاسة انه مايعاملك زين؟
طيب يصلي؟
يخاف الله؟
لازم توضحين وكل مشكلة ولها حل[/


انا مانغصبت عليه بس كنت مطلقه يوم اتزوجه واخذته بدون تفكير خساره تزوجته

انا بكيت يوم قال انه خاطب لانه معاملته معاي سيئه وانا على جرف الانهيار وبدال

مايصلح نفسه ويلتفت لي يروح يتزوج يعني هذي اخر حياتي معاه

انا قررت بعد ماقال انه خاطب اني اخفف اهتمامي فيه

وهو ماعرف يتعامل معي لنا ست سنوات مافهمنا بعض هوصعب

وهو يصلي بس ايمانه ضعيف


وانا بكيت

 

[حرب الأحساس]

قوت حبيبتي هو يحبك؟
تعامله السئ من زمان؟ انت دحين خليك معانا بالمنتدى
اقري مواضيع البنات ود_ ناعمة
وصدقيني بتستفيدين كثير
وهدي أعصابك ونفسيتك حبيبتي
والله الحياة مافيها أحد مرتاح ودوري رضا ربك
قربي من ربنا وادعي وربك يصلح الحال
واذا هديتي نفسيتك ووريتيه ان حياتك ماتتوقف عنده
وان سعادتك فدينك ويشوفك مرتاحة على سجادتك وماعاد تعصبين ولا يهمك أمره بيرجع يتعدل
لا يلعب عليك طنشيه خليك هااااااااااااادية
لا تخلين نفسيتك متوقفة على ضغطة زر منه لا لا فهمتيني
خليه ولا كأنه يحرك فيك شعرة وربي بيتربى وبيعجز فيك
بس اتوكلي على الله وخلك مع الله ثم معانا ع المنتدى
وخليه يعاند نفسه مسكين بيستحقر نفسه
انت لزوووووووووووم تتغيرين ومن الأن هيا توعدين تحاولين؟

 

[قوت 2000]

وشلون اتغير وضحي لي اكثر انا محتاجه لك وامثالك كثير فيهم الخير

 

[حنين الدموع]

الله يصلح حالكم بس حبيت اضيف ان الرجال اذاكان يعاند ويكابر فهو محتاج حنان وكلمة حلوة تطلع من القلب بس انت اهدي يا الغالية العصبية مو زينة

 

[نملة فوشية2009]

حبيبتي ..دعيتي عليه بالسرطان عاد..!!والله الدنيا ما تستاهل
وسعي صدرك واذكري الله
ولا تدعين عليه ..عشانك.. تدرين ليه؟
لان اول ما تدعين له او عليه تقول الملائكة ولك بالمثل
تخيـــــــــــــــــلي بس انك تدعين على نفسك طول هالوقت
بسم الله عليك

وبعدين لو هو دعى عليك بالشين وانت تسمعينه ياترى وش ردك ؟؟
ادرى انه هبل فيك وما الومك بس انبهك الا الدعاء
ما دمت داعيه ادعيله بالخير
فرج الله همك

 

[ليه يازمن]

الله يهديك بس تدرين ان فيه ملائكه وتقول ولك بالمثل اختي كلش الا الدعاوي اذا ضقتي عليه تحسبي الله افضل لك وبعدين انتي عارفه البير وغطاءه قلتي المشكله وقلتي الحل الي يريحك وبماانك حطيتي موضوعك اكيد تبين استشاره
اولا تعوذي من ابليس وخلي عنك الدعاوي وهدي بالك كل مشكله لهاحل
ثانيا كثري استغفار وادعي له بالهدايه وجعل ربي يسخره لك
ثالثا حاولي تعرفي نمطه وكيف تتصرفين معه شكلك انتي عصبيه وهو يعاند الله يسخركم لبعض

 

[قوت 2000]

انا ماعرفت هو وش نمطه هو صعب ماينعرف له

 

[حرب الأحساس]

قوت اقري بالمنتدى
وانت قلتي زوجك يراوغ ويتلكك
طيب ليه؟ لقي منك ردة فعل : زعل وصياح ونك يعني
متحكم بمزاجك
ليـــــــــــــــــــــــه
الله خلقنا لهم ولا لعبادته؟ طيب هم أزواجنا صح ونطيعهم
بس كل وحدة تدري بزوجها ينفع معه ايش؟
انت متفانية في خدمته طيب هو زيك؟
انت نفسيتك لا تخلينها ملك لبشر
ليه الهم والضيق والحزن؟
واذا هو افضل من غيره فغيريه بدون لا يحس
ماينفعه القوة جربي الطيب
ماينفعه الأهتمام جربي التطنيش والثقل
غيري نفسك
اقري كثير ثقفي نفسك والمنتدى هذا يعجبك
اقري استشارات أ ناعمة وشوفي عيدي حساباتك
وانا والأخوات معك
والطمأنينه والهدووووووء وتبدأ بصلتك بربك
هل يقدر زوجك يدخل بينك وبين ربك؟ لا
وقومي بواجباتك مع احتساب الأجرولا تخلينه كل همك
وخلك أنثى وقوية مو يبكيك وينرفزك لا اقهريه بقوتك
وثقتك بنفسك وقبلها ربك
وادعي ان الله يقذف حبه في قلبك ويصلحه
انت معااااااك الله
وموفقة يالغالية

 

[معشوقه]

غاليتي إنت طول سنين زواجكم ما حطيتي في بالك إن تعامل زوجج إنعكاس لتعاملج معاه يا الغاليه زوجج محتاج تدرسينه بشكل موضوعي يعني الريال ما يبي الحرمه إلي تشيل عنه كيس الخبز و ما تطلب منه يمد ايده ويشيل الثقيل إلي في البيت يعني ما يبي الحرمه السوبرمان تشيلين و اتحطين ليش يا الغاليه في شغلات لازم تكون مسؤوليته حتى لو ما سواها بيجي يوم ويسويها يبي له طوووووولة بال وصبر و بس و تعامل بهداوة و دلع يعني المطلوب منج تكونين انثى واتحاولين تجذبينه و اتطوعينه أكيد في حياتك حاولتي مره اتسنعين له و كان له رد فعل يا عجبه أو لآ ؟؟ و أكيد في مره تعاملتي معاه باسلوب هادي و كان له رد فعل يا تجاوب و معاج يا لآ ..؟؟ كل هالتجارب جمعيها و حددي اسلوب تعامل معاها ... في وايد رياييل مثل نوعج يلفون ويدورون وترى هذه طبيعه يعني سمة شخصيه فيه مو يتصنعها و المفروض دامج تقولين عرفتي له و فهمتي لعبه المفروض يا الغاليه اتعلمين تلعبين معاه ... يمكن يبي يستثير أنوثتج لما قالج إنه تزوج عليج ... يمكن يبيج اتغيرين اسلوبج في التعامل أو الإهتمام فيه أو الإهتمام في نفسج إشوي مو كل ريال قال بتزوج معناها إنه فعلا بيتزوج ....

يا الغاليه عصبيتج و دعائج عليه جزء كبير من مشكلتج حاولي تصلحين في نفسج بالأول راح اتشوفين إن حياتج مشت بسلاسه معاه و من غير أي تكلف أو عناء أو مشاكل ...

على طريقته معاج في التعامل وايد أزواج يحبون تملك زوجاتهم و عندهم شعور إن هذه الزوجه ملك خاص لي و في زوجات وايد يستغلون هالنقطه بدلع و يطلعون أجمل مافي الريال و خاصتا في تلبية طلباتهم ... و بالنسبة إن ما يرضى يوديج ويلبي طلباتج حبيبتي كل ريال له اسلوب تدخلين له فيه ... و هذا على حسب شخصيته في إلي يجي بالطلب المباشر و في إلي باللف و الدوران يعني تبين شي لازم يكون لج مبرر و قوي و شيء لزوم الشيء و يالله يستجيب لج و في إلي بكلمه حلوة يعطيج عيونه يعني كل واحد وله مدخل ...

نصيحتي لج درسي زوجج بنية الإصلاح و السعادة و إنت إن شاء الله ماراح تكون لج معاه مشاكل لي جدام و دايم لا تحطين في بالج إن عمل هالشي أو الشغله علشان يغيضج فكري باسلوب ثاني إن عمل هالشي أو قال هالكلمة أيا كان الموقف لأنه محتاج منج رد فعل معين أو لأن الموقف جذي مو أكثر المقصد إن لا تفسرين تصرفاته بشكل سلبي ينعكس على حياتكم كلها و دايم قولي لعله خير ... في كل أمورج ...

وربي يسخركم لبعض و يصلحكم ويهدي سركم ... آمين

 

[joumana]

حبيبتي الرجال ما بتعاند هيك
يعني سمحيلي قلك انو طريقتك معه غلط
وهيك بتكبر الفجوة بينك وبينو
واذا ما بدو يتجوز بيصير بدو بس حني يذلك ويفركلك ادنك
سايرية يا البي
واذا كنت معصبة احسن ان\ لا تردي عليه
الرجال متل ولد الزغير يا حبيبتي بدو مسايرة
خللي لسانك حلو معه ولا تجاوبيخ بالاخص لما يكون منرفز
ومش حلوى تخربي بيتك لانو الاولاد رح يكونو الضحبة وبدفعو الثمن
واساليني الي انا مجربة وبقلك اني رجعت تجوزت وطليقي كمان تجوز
لكن
اولادي التلاتة دفعوا الثمن غالي كتير
ولسى
الي الان
بيدفعوا الثمن
صدقيني انا مجربة
اصبري وتحملي واد ما فيك خللي لسانك حلو
وطنشي
طنش تعش
والله يهدي جوزك ويسخرو ليك

 

[أم تركي 2030]

ليه تتعبين نفسك عليه سوي طلباته
الاساسيه ماله داعي للمبالغه اهتمي في نفسك
سوي كل شي نفسك فيه دلعي عمرك علي الاخر حبي نفسك عشان يعرف يحبك
لا تخلين كل اهتمامك فيه اكبر غلط نسويه نركز علي شي وننساء الباقي ولا قرب يضيع منا ننهار
بقولك شي ترا الرجال مايحب المره الي تلاحقه

 

[ميرال2009]

هدي نفسك شوي احسك عصبيه بزياده وهو حاب يستغل هذه النقطة فيك في رياجيل يحب يقهر زوجته خليك هاديه عيشي حياتك بحلوها وبمرها وبروح مرحه لاتتنكدين كذا

 

[شوووق الغلا]

طنشيه واهتمي بنفسك ولاتدعين عليه قولي كل ماتذكرتي حسبي الله هو النعم الوكيل
وادعي الله بالييل كثير وصلاه الييل لاتتركينها

الله يسخره لك ويفرج همي وهمك وهم كل ضايق انه سميع مجيب.

 

[أحلى رواضي]

الله يهديلج ززوجج و يصلح بالج وباله
كثري من الدعاء و الاستغفار وايد بترتاحين

 

[صبيه شقيه]

ادعيى له بالهدايه وان الله يسخره لك مو تدعين عليه لو بس عشان بناتك
فعلا زي ماقالوا الاخوات درسيه واعرف كيف الطريقه الصح اللي تتعاملين فيها معاه
والله يهديه يارب ويسخره لك ياعيني

 

[دلع قلبه]

الله يهدي قلبك وقلبه..
تسمحين لي بااوضح نقطه
من كلامك انك لما تشيلين الثقيل مايفكر يساعدك ولما يشيل كيس الخبز تروحي جري تشيليها منه
من جملتك السابقه انا بقولك زوجك يبغى وحده يهتم فيها انثى بمعنى الكلمه حتى علبة الببسي تخليه يفتحها لها
مو تستعرض بقوتها وقدرتها على التحمل !!!
يبغى انثى يدلعها ويهتم فيها يحس برجولته معاها تحسسه انها تحت حمايته ولازم يحافظ عليها ويهتم فيها لانه رجل
وهي انثى
المشكله مو في زوجك المشكله فيك!!ممكن يحمل صفات متعبه لكن اذا اصلحتي نفسك بينصلح معاك
استرجعي انوثتك خليه اهو اللي يهتم فيك خليه اهو يشيل كيس الرز وكيس الخبز وانتي بس دلعي نفسك
اول خطوه اطلبي ربك وبعدها ابدئي التغييير خذي منه قد ماتقدرين واعطيه قد ماهو يستاهل بسسس
ادخلي قسم الزوج والزواج وتعلمي كل شي هناك ممكن يفيدك كمان قصص الاستاذة ناعمه بتغييير تفكيرك فالرجل
والحياة بشكل عام بس اقريها وجلي النقاط المهمه في ورقه وطبقي يعني لاتقري بغرض تضييع الوقت!!
الله يسهل امرك ويغييرك للأفضل ويصلح زوجك وجميع المسلمات يااارب..

 

[**دلوعة بابا**]

الله يسخره لك ويفرج همي وهمك وهم كل ضايق انه سميع مجيب.

 

[غبووش]

فررج الله همج يارب