دخيلكم ساعدوني

[مافي حل]

السلام عليكم انا ياماكتبت في هذه المنتدى والحمدلله تحسنت اوضاعي والحين ردت للاسوء والحمدلله على كل حال قبل شهر تخانقت انا وزوجي عشان انا شفت الشغاله تسوي حركات ويدامي وكرهتها وبغيت اردها وكان زوجي في الدوام قلتله بردها قالي كيفج ثاني يوم قلب الدنيا فوق راسي قالي رديها وقلتله لا قالي رديها وزعل وسوا اشياء وايد المهم رديتها بعدها بيوم تخانقنا لاني انزليت عشان اردها وقلتله انت زليتني وهذي سوالف حريم ليش تدخل وغيره المهم مشاكل كثيره حياتي كلها تغيرت عصبت وضربت عيالي وقلتله طلقني وطلقني بالثلاث بعدها بيوم رجع ندمان ويبي يردني وقول خلاص بنرد تستوي بينا مشاكل ومانرد ولحين شهر على هالحال يقولي احبج وعقب يغير رايه بس هومتمسك بالبشكاره طبعا هي مو على اسمه باسمي كل دقيقه يقولي سوي لها اقامه ولحين هي كملت شهرين اذا ماسويت اقامتها بتخالف متردده فيها اقول يمكن انا ظالمتها بس كل وحده تشوفها تقولي بشكارتج لأيمه وماتنزل عينها لما تشوف ريال وهي عاد تلفت الانتباه وتبور وتتعمد تبرز الي عندها ولاحظت ان الدوره مايتها وهي دورتها بعدي بكم يوم ونالحين بعد يومين موعد دورتي الثانيه وقبل مانتبه ودقق في دورتها حلمانه ان البشكاره حامل وتكرر الحلم اكثر من مره وحتى قمت اتخيل انها مكرشه ولاغرب اني لما اقول حق طليقي انا بترك العيال حقك يقولي انا اداوم وغيره وماقدر ايودهم وذا قلت بخلي فلانه معاهم يسكت وامس بعد كنت اسولف اقوله شورايك تزوج الخدامه وتعيش ويا عيالك سكت وكل مره استغفر وقول هي شكوك بس قلبي قارصني ماعرف شو اسوي خايفه من الي ياي وماعرف كيف اتصرف هو يقولي انا ماحبج بس اذا غلقت التلفون اي البيت ويسمعني كلام حلوه ويقول بيردني وعقب يقولي انامابرد حيرني المهم رضيت بقسمتي

 

[amoooly]

وشهالكلام زوجك معيشك في قلق وتردد ..حراااااااااااااااام عليه...
اختي استخيري والله يكتب لك اللي فيه الخير..

 

[الدانــهــ 11]

الوضع مزري بصراحه
الله يعينك

 

[مافي حل]

ابي نصيحه ردوه علي ولاتنسون تدعولي زوجي يرد

 

[أملي في ربي]

الله يكون بعونك بس نصيحه لاتفتحي باب للشك والوساوس لانه لو انفتح صعب يتسكر بالمره يعني اقطعي الشك باليقين دايما حاولي تراقبي من غير ماحد يحس تطبي عليهم فجاءه تسوي اشياء تكشف اذا كان فيه شي .. وعالعموم كل الشغالات الاندنوسيات كذا يموتون عالرجال .. انتبهي لزوجك ولاتبيني له انك غيرانه من خدامه لانه بكذا يمكن تحطي الفكره براسه وتحلا بعينه .. حاولى تعبين عينه وتتزينين له وتتدلعين ولا تهتمي قدامه لموضوع الخدامه .. وقولي لها ااذا صار مستر فيه لاتدخلين علينا مكانك في المطبخ وبس واذا بغيتك بناديك .. وخلي طلباته عن طريقك انتي . .. والله يوفقك ..

 

[أملي في ربي]

الله يرجعه لك ان شاء الله اذا هو رغبان يردك ارجعي فورا ..

 

[أمل مكة]

الواجب يااختي اولا ايش ذنب الاولاد بالضرب؟ وبعدين ماكان له داعي هالمشاكل( خناق-طقاق-و.........نهايتها طلاق)
انصحك بالاستغفار كثيرا وعودي لاولادك وبيتك واصبري واحتسبي الاجر عند الله والشغاله اذا كانت سيئه تترحل ولا هذا كله والله يرزقك بافضل منها وياليت تسمعين انشودة غياب السنا انت وريلك والله المستعان.

 

[سلــمى]

غاليتي راقبيه شغالتك
حطي كاميرا ادخلي فجأة يعني سوي اي شئ يقطع الشك باليقين
فتشي غرفتها وهي مو فيه وشوفي ايش فيها
وبعدين ليش زوجك متمسك فيها بهذه الطريقة ؟؟؟ شئ غريب
شوفي غلاتي ممكن تكزن ساحرة فاحذري
فتشي غرفتها وحطي كاميرا مراقبة واستعيني بالله وان شاء الله ربي يسر لك امورك
شوفي هالقصة رح تفيدك كثير
خادمات ولكن _ نسخة خاصة للقراءة _.
http://www.niswh.com/vb/showthread.php?t=7066

 

[طمطوجه طرباخ]

الله يسخره لك بس مو هو خلاص طلق 3 طلقات ..

 

[مافي حل]

في امل نرجع لانها تحسب واحده

 

[مشتاقه لريلي]

المفروض تستخيرين قبل لاتفكرين تطلعين الخدامه لان ممكم تكون مجرد شكوك (من تجربتي استخيري بتسفيرها واذا كان بهالشي خيره بيتسهل تسفيرها حتى زوجج ربي بيهديه وذا لا باتم مكانها وبترتاحين من الشك )وبعدين بسئلج الحين انتو تفارقتو سبتها آخرتها اهي للحين موجوده مجابلتج شتبين فيها ؟؟؟انتو مشكلتكم موالشغاله صدقيني انتو عندكم حزمة مشاكل كودتوها وبعدين جت سالفة هالشغاله وقضت عاى البقيه الباقيه ؟؟؟سؤال آآآآخر ضروري تردين عليه لنفسج أولا قبل لايكون لي إنتي شتبين بالضبط 00 تبين زوجج يردج ولا لاء 000 الله يعافيج بطلي سالفة أزوجك الشغاله اللي قلتيها لطليقج تدرين ليش ((((اقري قسم الاستشارات اللي ترد عليها أستاذه ناعمه إقري موضوع كوني واضحه ))))وبتعرفين ليش أقولج لاتقولين تزوج الشغاله 0000 على فكره يكفي أن المطلق يقول أرجعتك عشان تردين (قولا)أو بالمعاشره (فعلا)قبل انتهاء العده 00وبطلي تطلعين الرجال من طوره ولا بسبب شغاله يطلق عذريني حبيبتي عالصراحه بس انتي هم لاتصيرين عصبيه وياه0 ونصيختي شوفي مشاكلكم بالضبط شنو هي وحاولي تحلينها حبه حبه 0

 

[مافي حل]

مشتاقه لريلي انا ابي ارد لزوجي بس هو كل ساعه له راي مثل ماقلتي احنا عندنا حزمة مشاكل وهذي الاخيره انهت كل شي وبستخير ونشالله خير

 

[عيون عزيز]

شتنطرين؟؟؟؟ سفريها ..ولا خايفه على المحروس ريلج لا يزعل؟؟؟؟
شعنده قلبه على هالخدامة هالكثر ؟؟؟ أصلا المفروض ما يتدخل فهالأمور خير شر...وانتي بنفسج تقولين ان الناس يخبرونج انها مب مضبوطة؟؟ لو مكانج بسفرها وأقول شفتها مع واحد ..بتبلى عليها ولا انه بيتي يضيع ..ماهي خدامتج تبي خراب بيتج ..اقري قصة(( خادمات ولكن)) لناعمة لعل وعسى تفيدج..

 

[مافي حل]

اخاف اظلمها وقطع رزقها

 

[عيون عزيز]

ما قلنا اقطعي رزقها لأن الرزق مب بيدج..بيد ربج سبحانه..بس شكل هالخدامة هي الي بتدمر بيتج..الله يستر بس.. لو منج بسفرها بدون تفكير والله يرزقها عند غيري

 

[ام سديم1]

الله يعينك لان الشك مرض وانتبهي للخدامه لان ماوراهن الى المرض والله يرجعك لزوجك ولااولادك

 

[Buthaynah2]

حسبنا الله ونعم الوكيل