قمورهـ ~*
New member
- إنضم
- 9 ديسمبر 2009
- المشاركات
- 18
السلام عليكم ورحمة الله وبركاته ..
صباحكم / مسائكم ورد جوري
شحالكن خواتي الغاليات ؟
موضوعي اليوم خااص وسبشل حق المتزوجات و المقبلات على الزواج ^.^
صح اني مب متزوجة وبعدنيه بنية حلوة وأمورة وشطورة --> بس خلاص ذليتينا لول
لكن خبرتي في الحياة كبيرة من تجارب غيري و بعد احب اقرا واتثقف واتعلم من صغري وعقلي سابق سني بمراحل ما شاء الله بشهادة وايد دكاتره و أساتذه وناس كبار ^_^
حكمتي في الحياة ان تجارب الناس أكبر مدرسة والشاطر اللي يتعلم من اخطاء غيره ويستفيد منها وما يكررها
و سبق اني كتبت موضوع عن الثقة بالنفس و حصلت تفاعل كبير من البنات ما شاء الله و وايد حريم استفادن من الموضوع .. و اللي تبغي تشوفه على هالرابط :
~ . .|| كوني واثقة من نفسج >> موضوع مهم جداً ! || . . ~
:
:
موضوعي اليوم مميز عن العلاقة الزوجية
يعني نقدر نقول فن من فنون ومهارات التعامل مع الزوج ^_*
اممم انا فخاطريه افيدكم لكن أفكاري متخربطه نوعاً ما وماعرف كيف ارتب الموضوع والمحاور اللي بتناقش فيها بس ان شاء الله توصل المعلومة في النهاية وتستفيدون وتدعون لي بالخير ^_^
عنوان الموضوع ( خلي قوتج في ضعفج ) ..
بتسئلين كييف ؟ و ليش ؟ و من متى القوة تكمن في الضعف ؟!
اول معلومة حطيها في بالج :
قوة الحرمة في ضعفها لأن الريال يمووت في "الانثى" الضعيفة اللي تحسسه بقوته وإحتياجها له لكن بذكائها و دهائها و ثقتها بنفسها !
و نحن هنيه ما نتكلم عن ضعف الشخصية والانهزامية لأنها من اكبر العيوب والسلبيات اللي تنفّر الريال من حرمته =)
الضعف المقصود هو في العاطفة و الانوثه و الدلع و الرقة و النعومه ..
الرجل الشرقي بطبيعته يعشق الحرمة اللي تحسسه بكيانه و قوته و احتياجها له في كل الأوقات ..
و سبحان الله اعتقد هالشي فطرة طبيعية في كل الرجال ومذكور في حديث الرسول صلى الله عليه وسلم :
(استوصوا بالنساء خيراً فإن المرأة خلقت من ضلع أعوج، وإن أعوج ما في الضلع أعلاه..)
تعرفون ليش حواء انخلقت من ضلع آدم وما انخلقت من راسه ولا من ريوله ؟!
ما اتخلقت من راسه عشان ما تتكبر وتتعالى عليه ..
و اما انخلقت من ريوله عشان ما يذلها ويحتقرها ويدوسها !
لكن انخلقت من ضلعه عشان يحطها في قلبه ويحبها ويظلها تحت جناحه ويرحمها ويعطف عليها
حواء انخلقت من الضلع الأعوج لأنه الضلع اللي يحمي القلب و الطب الحديث أثبت انه بدون هالضلع أخف ضربة على القلب بتسبب النزيف اللي يؤدي للموت .. !
يعني حواء مهنتها حماية القلب وانخلقت من المكان اللي بتتعامل وياه عشان تكون أم حنونة و أخت رحيمه و بنت عطوفه و زوجة وفيّه ^_^
لهالسبب لازم نفتخر ان نحن بنات حواء انخلقنا من ضلع أعوج والمقصود بالإعوجاج هي العاطفة عند الحرمة اللي تغلب عاطفة الرجل ومب النقص والعيب مثل ما يظنون بعض الرياييل .. لازم نفتخر ان نحن انخلقنا جذا و الرياييل يحتاجونا جذا و روعتنا وجمالنا في عاطفتنا
نرجع لموضوعنا بعد ما اتكلمنا عن آدم وحواء ..
اكيد الحين تتسائلين يا ترى كيف تخلين قوتج في ضعفج ؟!
اول شي حطي فبالج ان الزواج مافيه كرامة وعزّة نفس وكبرياء لأنه بإختصار شراكة في كل شي ..
شراكة في القلب والروح والمشاعر والوجدان والبيت والعيال وحتى السرير .. يعني ريلج قطعة منج وانتي منه واثنينتكم تكملون بعض ^_^
أكره ما على الريال يسمع حرمته تقول كرامتي ما تسمحلي وعزّة نفسي و كبريائي .. الخ !
ليش تحطين هالحواجز بينج وبين ريلج وتبعدينه عنج ؟!
تعرفين ليش الله سبحانه وتعالى شرّع الزواج ؟ اول سبب عشان تعمير الأرض واستمرار ذرية البشر وثاني سبب عشان يحفظ كرامة الحرمة ويصونها من العبث .. يعني انتي من اول ما اتزوجتي خلاص كرامتج محفوظة لأنها من كرامة ريلج وهالشي مفروغ منه =)
اذا تزاعلتوا ولا استوى بينكم سوء تفاهم لا تعاندين وتكابرين وتصدين عنه وتقولين كرامتي ما تسمحلي اعتذر منه ولا اراضيه و انا قوية وما بتنازل ومن هالكلام .. بالعكس هذي أبداً مب قوة و قمة الضعف !
التصرف الصحيح انج تسيرين له بكل رقه ودلع وتعاتبينه بحنان ورومانسيه وانتي تناظرينه بنظرات تذبح وتقولين له على سبيل المثال ما قدرت ارقد بدونك و ماروم أصبر عنك لأنك روحي و حد يزعل من روحه ؟! و شوفي كيف بتكون ردة فعله وبيستحي من نفسه أصلاً و جيه انتي بتكونين كسبتيه بضعفج و ذكائج وكبرتي في عينه أكثر و بيفكر ألف مره قبل ما يزعلج في المستقبل و بيخاف على مشاعرج ..
شفتي كيف قوة الانثى تكمن في ضعفها ؟!
و شي ثاني لا تخلين عمرج بو الشباب و تستوين جونقر في البيت وتسوين كل شي بروحج
ترى الريال ما يحب هالمبادرة من الحرمة حتى لو كان مستانس ومرتاح وعايبنه الوضع .. لسببين :
1- يحس في قرارة نفسه انج مب محتاجه له وتفقدين جزء من انوثتج و جاذبيتج و دلالج
2- انتي بتصرفج هذا تعودينه على الهياازه و عدم تحمل المسؤولية في أمور أكبر ..
انا استغرب الصراحة يوم اشوف الحرمه راكبه الدري وتغير الليتات ولا ماسكه الدريل وتخبق اليدار .. الخ !!
لازم تخلين ريلج يتحمل مسؤولياته و ما يتهرب منها ولا تخلينه يعتمد عليج في كل شي لأن شوي شوي بتفقدين بريقج وجاذبيتج في عيونه وبيتعامل معاج مثل واحد من الربع لأنج حسستيه انج مش محتاجه له وبالتالي تفقدين انوثتج ! .. خليه يشاركج في كل شي و سوي عمرج ما تعرفين وما تقدرين ومحتاجه مساعدته حتى لو كنتي شاطرة وتعرفين وتسوين كل شي في بيت أهلج
مثلاً تربية العيال مسؤولية مشتركة بينكم ومب كلها على راس الحرمة .. يعني المفروض يساهم في توصيل اليهال للمدارس اذا دوامه يسمحله ويساعدج في تدريسهم فترة العصر اذا كان فاضي وحتى أغراض البيت مب شرط انتي بروحج تاخذينها يعني يقدر يسير الجمعية يوم الجمعة وسوق السمج وغيره .. واذا انكسر ولا اخترب شي في البيت المفروض هو اللي يصلح ويتابع الموضوع ويطلب العامل مب انتي !
و بعد نقطة ضرورية لا تغفلين عنها و هي دمووعج لأنها سلاحج الفتّاك ^_*
الريال يمووت ولا يشوف دموع الحرمة ويسوي المستحيل عشان يسعدها ويفرحها ..
يعني اذا اتضايقتي منه لا تحبسين دموعج وتسوين عمرج قوية ومب متأثره ومب هامنج شي ! .. بالعكس صيحي وطلعي اللي فخاطرج و عاتبيه بكل رقة ونعومة وقولي اللي فخاطرج ودموعج على خدج و طالعيه بنظرات حزينه وقولي اللي فخاطرج بدون صراخ ولا انفعال مبالغ فيه وحسسيه انج متضايجه منه وانه هو سبب دموعج وشوفي كيف بتكون ردة فعله ..
و اذا طلبتي منه شي وما رضى و ما وافق على طلبج لا تعصبين وتصارخين وتشلين البيت على راسج ! .. انتي جيه تحلميين تحصلين اللي تبغينه لول لأن اسلوب العناد والتحدي ما يمشي ويا الريال .. صدقيني احسن شي تسوينه انج تتدلعين عليه شرات اليهال ههههه واذا حسيتيه ما عطاج ويه ومطنشنج قوليله خلاص ان شاء الله اللي تشوفه و رضاك عندي بالدنيا كلها مع انه كان فخااطري هالشي بس كم بو فلان عندي ؟! و بعدين سيري يلسي في زاويه ومدي البوز شويه وطالعيه بنظره كسيره وبدلع والدمعة في عيونج وصدقيني بيتخبل وبتكسرين خاطره وما بيقدر يردج
الحديث يطول في هالموضوع والأمثله كثيره واذا ذكرتها كلها ما بخلص لين باجر لوول بس ان شاء الله تكون وصلت الفكرة ^_^
و في نقطة أخيرة ومهمة حبيت أتطرق لها واذكركم فيها
ضعفج و عاطفتج وحاجتج للرجل مع معناتها انج تخلينه محور حياتج !
هذا أكبر غلط لأن ريلج جزء من حياتج و مب حياتج كلها ومركزها ..
بعض البنات يوم تتزوج يستوي زوجها عالمها كله ومحور حياتها وينصب تفكيرها واهتمامها فيه وتنسى نفسها وحياتها قبل الزواج لدرجة ان زوجها يطفش منها ويحس انها محاصرتنه و مضايقتنه ويحاول يتهرب منها عشان يقدر يتنفس شوي !
مثل ما زوجج له حق عليج ترى حتى نفسج لها حق عليج و لازم تهتمين فيها وتعطينها حقها ..
ليش تنسين الاشياء الحلوة اللي كنتي تمارسينها وتحبينها قبل الزواج وتنغمسين في عالم الرجل ؟!
روحي النادي و اهتمي بجسمج و ليقاتج و شوفي رباعتج واستانسي وياهن ومارسي هواياتج اللي تحبينها و اقري الكتب اللي تفيدج وتستمتعين فيها و زوري أهلج و اوصلي أرحامج و عيشي حياتج بكل تفاصيلها و شوفي كيف ريلج بيشتاقلج و بيركض وراج وبيدورج دواره ^_*
لازم تعطينه مساحة من الخصوصية لأن كل انسان له خصوصياته حتى بعد الزواج و نفس الوقت بتكون فرصة عشان يشتاقلج و يحس بغيايبج و يعرف قيمتج و كل يوم يزيد الحب بينكم أكثر ...
:
:
في النهاية ما اقول الا الله يسعد كل زوجين ويديم المحبة والموده بينهم
ان شاء الله تستفيدون من موضوعي اللي كتبته بعفوية ومن الخاطر وابتعدت عن التفاصيل الدقيقة عشان توصل المعلومة لكل المستويات الثقافية و الفكرية ..
منفؤؤل للـآخت الغر الحشيم منتدى سيدات الآمآرآت ..
صباحكم / مسائكم ورد جوري
شحالكن خواتي الغاليات ؟
موضوعي اليوم خااص وسبشل حق المتزوجات و المقبلات على الزواج ^.^
صح اني مب متزوجة وبعدنيه بنية حلوة وأمورة وشطورة --> بس خلاص ذليتينا لول
لكن خبرتي في الحياة كبيرة من تجارب غيري و بعد احب اقرا واتثقف واتعلم من صغري وعقلي سابق سني بمراحل ما شاء الله بشهادة وايد دكاتره و أساتذه وناس كبار ^_^
حكمتي في الحياة ان تجارب الناس أكبر مدرسة والشاطر اللي يتعلم من اخطاء غيره ويستفيد منها وما يكررها
و سبق اني كتبت موضوع عن الثقة بالنفس و حصلت تفاعل كبير من البنات ما شاء الله و وايد حريم استفادن من الموضوع .. و اللي تبغي تشوفه على هالرابط :
~ . .|| كوني واثقة من نفسج >> موضوع مهم جداً ! || . . ~
:
:
موضوعي اليوم مميز عن العلاقة الزوجية
يعني نقدر نقول فن من فنون ومهارات التعامل مع الزوج ^_*
اممم انا فخاطريه افيدكم لكن أفكاري متخربطه نوعاً ما وماعرف كيف ارتب الموضوع والمحاور اللي بتناقش فيها بس ان شاء الله توصل المعلومة في النهاية وتستفيدون وتدعون لي بالخير ^_^
عنوان الموضوع ( خلي قوتج في ضعفج ) ..
بتسئلين كييف ؟ و ليش ؟ و من متى القوة تكمن في الضعف ؟!
اول معلومة حطيها في بالج :
قوة الحرمة في ضعفها لأن الريال يمووت في "الانثى" الضعيفة اللي تحسسه بقوته وإحتياجها له لكن بذكائها و دهائها و ثقتها بنفسها !
و نحن هنيه ما نتكلم عن ضعف الشخصية والانهزامية لأنها من اكبر العيوب والسلبيات اللي تنفّر الريال من حرمته =)
الضعف المقصود هو في العاطفة و الانوثه و الدلع و الرقة و النعومه ..
الرجل الشرقي بطبيعته يعشق الحرمة اللي تحسسه بكيانه و قوته و احتياجها له في كل الأوقات ..
و سبحان الله اعتقد هالشي فطرة طبيعية في كل الرجال ومذكور في حديث الرسول صلى الله عليه وسلم :
(استوصوا بالنساء خيراً فإن المرأة خلقت من ضلع أعوج، وإن أعوج ما في الضلع أعلاه..)
تعرفون ليش حواء انخلقت من ضلع آدم وما انخلقت من راسه ولا من ريوله ؟!
ما اتخلقت من راسه عشان ما تتكبر وتتعالى عليه ..
و اما انخلقت من ريوله عشان ما يذلها ويحتقرها ويدوسها !
لكن انخلقت من ضلعه عشان يحطها في قلبه ويحبها ويظلها تحت جناحه ويرحمها ويعطف عليها
حواء انخلقت من الضلع الأعوج لأنه الضلع اللي يحمي القلب و الطب الحديث أثبت انه بدون هالضلع أخف ضربة على القلب بتسبب النزيف اللي يؤدي للموت .. !
يعني حواء مهنتها حماية القلب وانخلقت من المكان اللي بتتعامل وياه عشان تكون أم حنونة و أخت رحيمه و بنت عطوفه و زوجة وفيّه ^_^
لهالسبب لازم نفتخر ان نحن بنات حواء انخلقنا من ضلع أعوج والمقصود بالإعوجاج هي العاطفة عند الحرمة اللي تغلب عاطفة الرجل ومب النقص والعيب مثل ما يظنون بعض الرياييل .. لازم نفتخر ان نحن انخلقنا جذا و الرياييل يحتاجونا جذا و روعتنا وجمالنا في عاطفتنا
نرجع لموضوعنا بعد ما اتكلمنا عن آدم وحواء ..
اكيد الحين تتسائلين يا ترى كيف تخلين قوتج في ضعفج ؟!
اول شي حطي فبالج ان الزواج مافيه كرامة وعزّة نفس وكبرياء لأنه بإختصار شراكة في كل شي ..
شراكة في القلب والروح والمشاعر والوجدان والبيت والعيال وحتى السرير .. يعني ريلج قطعة منج وانتي منه واثنينتكم تكملون بعض ^_^
أكره ما على الريال يسمع حرمته تقول كرامتي ما تسمحلي وعزّة نفسي و كبريائي .. الخ !
ليش تحطين هالحواجز بينج وبين ريلج وتبعدينه عنج ؟!
تعرفين ليش الله سبحانه وتعالى شرّع الزواج ؟ اول سبب عشان تعمير الأرض واستمرار ذرية البشر وثاني سبب عشان يحفظ كرامة الحرمة ويصونها من العبث .. يعني انتي من اول ما اتزوجتي خلاص كرامتج محفوظة لأنها من كرامة ريلج وهالشي مفروغ منه =)
اذا تزاعلتوا ولا استوى بينكم سوء تفاهم لا تعاندين وتكابرين وتصدين عنه وتقولين كرامتي ما تسمحلي اعتذر منه ولا اراضيه و انا قوية وما بتنازل ومن هالكلام .. بالعكس هذي أبداً مب قوة و قمة الضعف !
التصرف الصحيح انج تسيرين له بكل رقه ودلع وتعاتبينه بحنان ورومانسيه وانتي تناظرينه بنظرات تذبح وتقولين له على سبيل المثال ما قدرت ارقد بدونك و ماروم أصبر عنك لأنك روحي و حد يزعل من روحه ؟! و شوفي كيف بتكون ردة فعله وبيستحي من نفسه أصلاً و جيه انتي بتكونين كسبتيه بضعفج و ذكائج وكبرتي في عينه أكثر و بيفكر ألف مره قبل ما يزعلج في المستقبل و بيخاف على مشاعرج ..
شفتي كيف قوة الانثى تكمن في ضعفها ؟!
و شي ثاني لا تخلين عمرج بو الشباب و تستوين جونقر في البيت وتسوين كل شي بروحج
ترى الريال ما يحب هالمبادرة من الحرمة حتى لو كان مستانس ومرتاح وعايبنه الوضع .. لسببين :
1- يحس في قرارة نفسه انج مب محتاجه له وتفقدين جزء من انوثتج و جاذبيتج و دلالج
2- انتي بتصرفج هذا تعودينه على الهياازه و عدم تحمل المسؤولية في أمور أكبر ..
انا استغرب الصراحة يوم اشوف الحرمه راكبه الدري وتغير الليتات ولا ماسكه الدريل وتخبق اليدار .. الخ !!
لازم تخلين ريلج يتحمل مسؤولياته و ما يتهرب منها ولا تخلينه يعتمد عليج في كل شي لأن شوي شوي بتفقدين بريقج وجاذبيتج في عيونه وبيتعامل معاج مثل واحد من الربع لأنج حسستيه انج مش محتاجه له وبالتالي تفقدين انوثتج ! .. خليه يشاركج في كل شي و سوي عمرج ما تعرفين وما تقدرين ومحتاجه مساعدته حتى لو كنتي شاطرة وتعرفين وتسوين كل شي في بيت أهلج
مثلاً تربية العيال مسؤولية مشتركة بينكم ومب كلها على راس الحرمة .. يعني المفروض يساهم في توصيل اليهال للمدارس اذا دوامه يسمحله ويساعدج في تدريسهم فترة العصر اذا كان فاضي وحتى أغراض البيت مب شرط انتي بروحج تاخذينها يعني يقدر يسير الجمعية يوم الجمعة وسوق السمج وغيره .. واذا انكسر ولا اخترب شي في البيت المفروض هو اللي يصلح ويتابع الموضوع ويطلب العامل مب انتي !
و بعد نقطة ضرورية لا تغفلين عنها و هي دمووعج لأنها سلاحج الفتّاك ^_*
الريال يمووت ولا يشوف دموع الحرمة ويسوي المستحيل عشان يسعدها ويفرحها ..
يعني اذا اتضايقتي منه لا تحبسين دموعج وتسوين عمرج قوية ومب متأثره ومب هامنج شي ! .. بالعكس صيحي وطلعي اللي فخاطرج و عاتبيه بكل رقة ونعومة وقولي اللي فخاطرج ودموعج على خدج و طالعيه بنظرات حزينه وقولي اللي فخاطرج بدون صراخ ولا انفعال مبالغ فيه وحسسيه انج متضايجه منه وانه هو سبب دموعج وشوفي كيف بتكون ردة فعله ..
و اذا طلبتي منه شي وما رضى و ما وافق على طلبج لا تعصبين وتصارخين وتشلين البيت على راسج ! .. انتي جيه تحلميين تحصلين اللي تبغينه لول لأن اسلوب العناد والتحدي ما يمشي ويا الريال .. صدقيني احسن شي تسوينه انج تتدلعين عليه شرات اليهال ههههه واذا حسيتيه ما عطاج ويه ومطنشنج قوليله خلاص ان شاء الله اللي تشوفه و رضاك عندي بالدنيا كلها مع انه كان فخااطري هالشي بس كم بو فلان عندي ؟! و بعدين سيري يلسي في زاويه ومدي البوز شويه وطالعيه بنظره كسيره وبدلع والدمعة في عيونج وصدقيني بيتخبل وبتكسرين خاطره وما بيقدر يردج
الحديث يطول في هالموضوع والأمثله كثيره واذا ذكرتها كلها ما بخلص لين باجر لوول بس ان شاء الله تكون وصلت الفكرة ^_^
و في نقطة أخيرة ومهمة حبيت أتطرق لها واذكركم فيها
ضعفج و عاطفتج وحاجتج للرجل مع معناتها انج تخلينه محور حياتج !
هذا أكبر غلط لأن ريلج جزء من حياتج و مب حياتج كلها ومركزها ..
بعض البنات يوم تتزوج يستوي زوجها عالمها كله ومحور حياتها وينصب تفكيرها واهتمامها فيه وتنسى نفسها وحياتها قبل الزواج لدرجة ان زوجها يطفش منها ويحس انها محاصرتنه و مضايقتنه ويحاول يتهرب منها عشان يقدر يتنفس شوي !
مثل ما زوجج له حق عليج ترى حتى نفسج لها حق عليج و لازم تهتمين فيها وتعطينها حقها ..
ليش تنسين الاشياء الحلوة اللي كنتي تمارسينها وتحبينها قبل الزواج وتنغمسين في عالم الرجل ؟!
روحي النادي و اهتمي بجسمج و ليقاتج و شوفي رباعتج واستانسي وياهن ومارسي هواياتج اللي تحبينها و اقري الكتب اللي تفيدج وتستمتعين فيها و زوري أهلج و اوصلي أرحامج و عيشي حياتج بكل تفاصيلها و شوفي كيف ريلج بيشتاقلج و بيركض وراج وبيدورج دواره ^_*
لازم تعطينه مساحة من الخصوصية لأن كل انسان له خصوصياته حتى بعد الزواج و نفس الوقت بتكون فرصة عشان يشتاقلج و يحس بغيايبج و يعرف قيمتج و كل يوم يزيد الحب بينكم أكثر ...
:
:
في النهاية ما اقول الا الله يسعد كل زوجين ويديم المحبة والموده بينهم
ان شاء الله تستفيدون من موضوعي اللي كتبته بعفوية ومن الخاطر وابتعدت عن التفاصيل الدقيقة عشان توصل المعلومة لكل المستويات الثقافية و الفكرية ..
منفؤؤل للـآخت الغر الحشيم منتدى سيدات الآمآرآت ..
