خطيب متزوج زوجتين ردو علي

[آلـ جـآدل]

اولا السلام عليكم ورحمة الله وبركاته ​

كيكفكم ياابنات ؟؟​

بنات اتمنى تردون علي لاني محتاجه ردودكم بدون ماتجي انساانه مرتاحه وسعيده وترد رد يجرحني لاني مجروحه بما فيه الكفاايه والي مو قادره ترد رد مفيد ياليت تدعي لي وتغلق موضوعي بدون جرووح ​

انا عمري 34 سنه، من عمري 21 وانا اتمنا اني اتزوج
زي اي بنت من البنات واشووف البنات من حولي يتزوجن وانا مكانك سر وياليت على حياه بيت اهلي سعيده الا مابين ام تحب عياله وهم شي عندها مصلحة عياله الذكور اما البنات فهم كمالة عدد وابوو تارك زوجته وعيالها ورايح مع زوجته الثاانيه طبعا الضغوطات الي بيت اهلي خلتني اتجهت للنت
واتجهت لبرنامج من برامج الدردشه وقابلة رجل وسولفة معه وجلس يشتكي لي من حيااته بيته وزوجاته وقالي انه مطلق زوجاته وانه معد يبيهم
حاولت معه انه يرجع زوجاته لكن قنعني انه خلاص معد يبيهم وقالي كلام بصراحه اقنعني بالبدايه ،
وبعد اسبوع طلب انه يتقدم لي لانه يقوول اني غير كل البنات الي عرفهم واني مالي علقات وانا فعلا مالي علقات وحتى يوم طلب مني الصداقه قلت له انا مااعترف بصداقة البنت والولد اذا تبي اخطبني قلتها من باب المزح ، لكني انصدمة انه طلبني رقم ابوي او اخوي عشان يثبت صدق نواياه ، وبالفعل انا استخرت الله وعطيته رقم ابوي . يوم عطيته رقم ابوي وجا خطبني ، وكنت فرحانه حيل لكني اكتشفت ياابنات انه ماهو مطلق انه متزوج وهالشي قاله لي يوم عطيته رقم ابوي قال انا كذبت عليك بشي وعلمني انه ماهو مطلق .
وبعد ماخطبني وعطيناه النيه اكتشفت بعد انه صااحب علاقات وانه يدور بعلاقاته كلها على الجنس والغريب ياابنات انه يعترف بهالشي من باب الاعتراف لي وانه بيعتبرني مثل اخته وامه وابوه واخوه وكل حيااته ، لكن الصدمه الي واجهتني انه يحسسني انه يبي يمشيني على كيفه مثل العبد تعالي اجي روحي اروح وغير كذا انه يتكلم عن البنات بكل جراءه وانه سوا مع فلان وعدل مع فلانه ، وغير كذا بدا يطلب مني طلبات جريئه واني افتح له كام واني اسوي معه جنس وانا اقابله بالرفض ويتكلم كلام جريئ وانا متحمله واحاول اغير الموضوع واقلل من مكالمتي له لكن ياابنات انا ابي اطلع من بيت اهلي ماابي انفصل لان بيتنا صارت الحياه فيه لاتطاق غير كذا احس ان هالانسان ماراح يسعدني ​

ويمكن ارجع للهم والتعاسه من جديد امانه ياابنات شورو علي اعتبروني اختكم الي تبي مشورتكم ​

انا اليوم تهوشة مع امي وقالت لي كلام زي السم ويجرح اي بنت عانس مثلي وغير كذا نفسي احمل بين ايدي طفل والعمر 34 اقسم بالله ياابنات اني احس نفسيتي زفت تصدقون ياابنات تقدمو لي اكثر من شااب بس امي تصرفهم عشان اساعدها على خدمة زوجات اخواني وعلى فكره ترا زوجات اخواني بنات الحلال ماشفت منهم اي شي لكن امي الله يهديها ويسخرها لي هي الي تسوي كذا وتبي تخدمهم لانها تخاف انهن يطلبن الطلاق وتشمت فيها زوجة ابوي ودايم تصرح بهالشي تقوول نتحمل الخدمه ولا يطمحن عن اخوانكم على فكره بنات اخواني طيبين لابعد حد مع زوجاتهم لدرجة انهم ياخذون رواتبهم ويعطونها زوجاتهم وزوجاتهم طيبين بعد بس امي مادري ليه تسوي كذا خواتي كلهن تزوج بكيف ابوي وغصب بنات ادعوولي تكفوووون ​

 

[يابعدها سماي]

نفسك اغلى من ان ترمينها بحضن شخص مثل هذا ..!!
هذا سميه اي شي الا رجل !!
حدثي نفسك بعيد عن ضغوط الاهل وعواطفك ومشاكلك الاسرية
انت شايفه انه شخص مناسب ؟!!​

بكرة تقولين ليتني ظليت عند امي ولا ارتبطت في هذا الأنسان
هذا اذا ما كان نتيجة زواجك الفشل !​

مااعتقد بقت فيه صفة حسنة تستاهل انك ترتبطين فيه !!​

الزواج مو هروب من بيئة الاهل
الزواج ارتباط روحين الى آخر العمر ​

اغلي نفسك وارفعيها عن هذا الشخص !
وانت تستاهلين اللي احسن منه
بس اتقي الله لا تبنين علاقات محرمة لا في شات ولا غيرة
والجئي الى ربك هو اللي ابتلاك وهو القادر على رزقك بزوج ماكان من ضمن احلامك​

اجعلي صبرك على أمك من باب البر بها
من طرق باب السماء سيفتح له ​

فقط اكثري من الصلوات في جوف الليل واستغفري​

 

[ملكة ببلقيس]

ربي يوفقك اختي بالإنسان اللي يسعدك و يعزّك ..

حبيبتي صحيح عمرك ليس صغير و حياتك عند أهلك ليست بتلك الرفاهية المريحة و لكن ليست بتالك القسوة الظالمة ..

حبيبتي خوفــي أنك تخرجين من هذا البيت إلى بيت أسوء منه !!

هذا رجل كذاب .. همه إشباع غرائزه ..

و طريقه خاطئ

لا يتقبله العقل و لا المجتمع ..

فبنظرتي المتواضعة .. أنه لا يصلح أن يكون زوجاً ..

توكلي على الله / و اصبري / و ادعي الله أن يعوضك زوجاً خيرا منه

بالتوفيق اختي ,,

 

[آلـ جـآدل]

يابعدها سماي يعلم الله اني اكتب لك والدموع تذرف من عيني

كلامك هو مايحدثني به عقلي ولكن اذا رايت عمري قلت اتحمل اي شي في سبيل اني انجب لي طفل

ينسيني الهم اضحك من ضحكته واعوضه الي انا فقدته لاتوقعين اني اقول لك هالكلمات عشان تغيرين رايك

او اقنع نفسي انا من داخلي واثقه ان كلامك صحيح بس وان رايك هو الراي السديد لكن قلبي يقوول لي

لو فشلة حيااتي معه بس اهم شي يكون عندي ناتج الي هو طفل اعيش عشاانه اشكرك على كلماتك

وانك اعطيتيني من وقتك لو الشي القليل فان بحااجه للدعم النفسي يعلم الله اني محطمه نفسيا

 

[صفا الليل]

لا ما يصير انت ترمي نفسك انت ما تتزوجي
يمكن الحياة ما تطاق في بيت اهلك
بس تعتقد الغريب رح يكون احن عليك من امك ؟؟
لو كان انسان غير كذا ممكن تشزفي السعادة معه
بس انسان مثلك هذا ما يصير تتزوجيه
اذا فرحت كم يوم يمكن تعيشي باقي عمرك اكثر تعاسه من بيت اهلك
اتركيه وعند ربك احسن ... فكر بعقلك عيوبه قدمك رح يكون ندمك اكبر من انك تتزوج انسان وما تعرفي عيوبه الى بعد الزواج لانك هذا الوقت ما كنت تعرفي
لكن هذا الانسان كتاب مفتوح ...... لا تتهورى بلحظة ضعف
الله يفرج همك ​

 

[وردة الامارات90]

اختي اتركي هاي موب الرجل المناسب لج
لا تنسين الجنة

 

[آلـ جـآدل]

ملكه ببلقيس اشكرك على الدعوه الي ريحة صدري فعلا انا محتاجه لمثل تلك الدعوة

جات في بالي هذه الفكره اني ممكن اطلع من بيت اهلي وانصدم اني اعيش حيااه اسوا من بيت الاهل

لكن عندما تقول لك الام مين بييقبل وحده مثلك مع العلم اني ولله الحمد جميله لكن التحطيم النفسي

هو الي تتعامل به امي معانا مااقول الا ادعو لي تكفون فانا محتاجه للدعا والله اني اكتب لكم وانا محطمه

محطمه نفسيا واكرر شكري على اعطاك لي من وقتك لو بالشي القليل​

 

[اسيرة المرح]

الله يفرج همكـــ يا اختي ويحقق مناكـــ .,.,.,ويسعدك بدنيا

ويفرح قلبكــ يارب ’,’,’,’, امييييين ​

 

[الامومه]

لو مكانك مستحيل
اوافق

 

[انوثه طاغية]

الله يفرج همك ويسعدك بحياتك ويرزقك الزوج الصالح ياااااااااااااااارب

 

[آلـ جـآدل]

صفاا الليل اشكرك على ردك

الله يحققلك الي تتمنينه ادعي لي في جوف الليل تكفين

دعوة المسلم للمسلم مستجاابه تكفون بنات

 

[آلـ جـآدل]

بنات وردة الامارات انوثه طاغيه اسيرة المرح الامومه اشكرك على ردودكم وعدم اهمالكم لموضوعي

تكفون ادعو لي بصلاة الليل تكفون بنات

 

[مرت ولد الحموله]

الله يدلك للخير ويفرح قلبك به
انتى مشكلتك مع امك وليس مع اهلكـ ؟؟ اجلسي يوم مع امك في غرفتها وصارحيها باللي بقلبكـ ؟ واحضنيها وبوسيها على خدودها وقولى لها بكل اللي بخاطرك وش الكلمات اللى ماتحبين تسمعينها ؟؟صدقيني امك ماعرفة تتفاهم معك بس بجلسه مصارحه بينك وبينها راح تنحل كل اموركـ ,,
وبعدين حبيبتي الزواج مو كل شي في الدنيا واذا قصدك بس الخلفه وودك يكون عندك ولد ممكن هالولد يكبر ويشوف ابوه وقدوته وشو من رجال ويصير زييه ؟؟
ام المومنين عائشه رضي الله عنها توفى عنها الرسول صلى الله عليه وسلم وهي ابنه 18 سنه وليس لها اولاد وكرست حياتها لطلب العلم ونفع المسلمين

 

[مرت ولد الحموله]

وحذاري حبيبتى تفتحين الكام لخطيبك لانه ممكن يصورك ويستغل هالشي ضدك اذا رفضتيه

 

[.PRADA.]

جاني توتر وتعب نفسي وانا اقرا كلامك ووضعك
بس الخطيب هذا اتنتي عارفه انه مايصلح والا كان ماكتبتي هالموضوع فليش تلقين بنفسك الى التهلكه ؟؟؟
الله يعوضك باخير منه , لاتقنطي من رحمه الله خلي املك بالله كبير
ان شاء الله بيجيك من هو افضل منه , وانتي لسه في كثيرين في عمرك مابعد تزوجوا انتي مو اول وحده ولاخر وحده لاترخصين نفسك الى هذه الدرجه ان شاء الله بيجيك واحد افضل منه .​

 

[Ms.RoZa]

انهي علاقتك بهالشخص المريض فورا ً .. هذا بيزيد همومك هـم اكبر ... ماراح يريحك ابد
ولا هـو هذا الحل ..

عزيزتي .. ارسلي لي ايميلك على الخاص فورا ً ..
وبإذن الله حلك راح يكون سهل .. واسهل من ما تتخيلين
​

 

[أنا كدا]

المشكلة ان هالاشكال حقين مشاكل وبلاوي..بالعربي مو امين ولا يستحق ادنى ثقه..
حكايه تتزوجينه او لا هدا شي مفروغ منه..واضح كيف راح تكون حياتك جحيم لو تزوجتيه..
الشغله الثانيه زي ماقلت هو مبين انه استغلالي وغير امين والخوف انه يهدد او شي زي كدا..

 

[عشيقة مودي]

انا سويت تسجيل دخول بس عشان ارد

بقولك كم حاجة

الانسان بعد مايفقد الحياء كيف يكون... هذا اللي تتكلمين عنه انسان فاقد للحياء و شوفي

كم وصل بعمرة وهو مستمر على الخطاء

و على فكرة هذا اول عيوبة ولسه باقي عيوب بتكتشفينها بعدين

اذا انت كنت بتتحملين تعيشين حياة مع انسان مايعتبرك الا وسيلة للوصول لغايته

اذا بتتحملين الاهانه اللي بيهينها لك

في النهاية انت استخيري و ان شاء الله ربي يكتب لك اللي فيه الخير يارب و يرزقك باللي

تستاهلينه يارب

 

[جروح انسانه]

ربي يكون فعونك ويفرج همك ويرزقك بالزوج الصالح

 

[حنان 33]

حبيبتي نار اهلك ولا جنة هذا الانسان اللي ظاهرها جنة وباطنها جحيم