خطيبي ياناس يرفع ضغطي .. احسه بخيييل

[عاشقة الاحلام]

السلام عليكم
كيفكم بنات .. انا نمط خطيبي شرقي شمالي .. وهو من ناحيه الفلووووس رافع ضغطي احس مايطلع منه الا بطلوع الروح
مع انه في شقتنا اللي حنسكن فيها اي شئ اقوله سوه فيها يسوووويه بدون مايقول لا ..
بس اجي واقوله سددلي لانه مستحيل يسدد من دون ماتكلم او محتاجه فلوس لان زواجي قرب وفلوسي خلصت ..
يقوم الدنيا بالاعذار ومايقعدها ..
والله احس متازمه نفسي احس انه يبي يسوي شئ عشاني لي انا عشان يرضيني انا .. فهمتوا علي
يعني مثلا نفسي اذا لمحتله يقول ابشري تامرين امر
او اذا ناقصك شئ لا تترددين اطلبيني انا زوجك
تخيلوا اشياء تافهه احسه يتهرب مايحب يعطيني فلوس حتى هداياه عاديه جدا وربي نفسيتي زفت احس ما بقدر اعيش معاه بعدين كذا هو يقول ظروفي صعبه بس انا احسه من اول وهو كذا .. انا انسانه اكره شئ اسمه بخل مع انه في مواضع ثانيه ما احسه بخيل يعني مع اهله يكب الفلوس عليهم كب ولمن اجي اقوله يقول ماعاد معي تخيلووو؟
كيف اتعامل معاه ؟؟؟ جنني يابنات جد ادري المقارنه شينه بس لمن البنات يحكولي عن ازواجهم يضيق صدري غصبن عني .. احسهم يتحملون مسؤليت حريمهم الماديه ..
بس هذا احسه بعد الزواج بيطلع روحي وانا انسانه ملوله وما اطيق البخلاء حتى لو كان في هذي النقطه بس وبس معي كذا انا اعتبره بخل لا تقولي افهميه لتحبيه ..
شبعنا من هالكلام ابي طريقه اخليه هو يفهمني ليرضيني كانثى مسكينه تتالم دائما وهو مايدري عني ..
الله يخليكم لا تبخلون عليه والله العظيم احاول انسى بس مجرد ما احس اني محتاجه لشئ افكر اقوله بعدين اقول لا وبعدها تمتلي عيوني بالدموع .. يابنات الموضوع اتالم منه كثييير كل فتره وفتره مدري اش اسوي انا جنوبيه غربيه ..
الله يوفقها على فكره جربت مهاه كل انواع الاساليب الحلوه ولما مانفعت انفجرت مررره وزعلت ..
الي بتدلني وبتساعدني بدعيلها من كل قلبي ..

 

[نــور عـيـونـه]

والله حبيبتي طالما انتم بفترة خطوبة وملكة مو حلوة منك تطلبين منه فلوس إنتِ لسه باقيه عند اهلك لاتصغرينهم بنظره

بيقول هذولي ماحسبو يتخلصون من بنتهم يبوني اصرف عليهاا...

وبنفسك قلتِ إنه مايرفض طلباتك من ناحية الشقة هذا دليل واااااضح إنه مو بخييل وماعنده مانع يصرف فلوس طالما في محلهاا

وليش ما تصدقينه إن ظروفه صعبة حبيبتي هو وراه تأثيث شقة ولوازم فرح و شهر عسل يعني التزامات ومصاريف ماهي سهله...

هو ماقصر أعطاكِ مهرك كامل مثل ماطلبتي و إذا ماكفى هذه مشكلتك اهلك يقدرون يكملون اللي ناقصك...

مدري يا أختي احس إنك مبالغة وفاهمة زوجك غلط وترى مايسير تقارنين نفسك بغيرك من اللي حولك لأنك بتتعبين..

ولازم تعرفين إن البخيل مايفرق بين زوجة أو أهل وانتِ تقولين إنه يصرف على أهله يعني ماعنده مشكلة مع الصرف..

و أكيد إنه يعطي اهله فلوس هالفترة لأنهم يجهزون معه ويجهزون أنفسهم

استهدي بالله ولاتنكدين على نفسك وكوني متفااائلــة دووم



نـــور عــيــونــه

​

 

[chorook]

الشمالي الشرقي مو بخيل ولكن حريص سامحيني انا مستغربة كيف تطلبي منه الفلوس وتخلي مشكلتكم كلها فلوس ونت لساك مملكة انت صحيح زوجته بس مو ملزوم يصرف عليك مادامك مع اهلك وثاني حاجة فين هي كرامتك كيف تناقشيه في الفلوس يمكن هو اللي يشوفك طماعة ومو عندك عزة نفس هو يفكر من ناحية وانت من ناحية انصحك ان تحسني الظن به وتقدري موقفه هو وراه مسؤوليات الزواج وتاثيث و.... وانت همك هدايا وبعدين الهدايا بمعناها مو بقيمتها المادية هو يحق له انه يعطي لاهله مو من حقك تفكري بهذا الاسلوب غيري نفسك كوني عادلة ومنطقية انت لسه مع اهلك لا تخلي الشىطان يوسوسلك التقي الله فيه وفي بيت المستقبل ولو كنت حريصة على الاحترام والحب فساعديه معنويا حتى يحبك فاذا احبك لن تحتاجي ان تطلبي فسوف يكون كريما عادلا اعانك الله واسعدك في الدنيا والاخرة

 

[هذي حاله بذمتك]

الله يسعدك ويسخره لك

 

[صفا الليل]

انتي قلتي انه يصرف ع اهله زز وانت .. يعني بكرا حتصيري زوجته في بيته اكيد حيصرف عليك مثل اهله
ع فكره اذا تبغي تعرف شخص كيف هو شوفي معاملته لاهله ... لان الانسان الى يعامل اهله كويس هو انسان كويس ... .. حاولي يكون الحور بينك وبينه مفتوح ... لان الانسان الى تقدري تتكلمي ... ويسمعك وانت تسمعيه
حتكون الحياة سهله وحتفهمو بعض ...
الله يكتب لكم الخير ....

 

[كاتياباسل]

والله ياقلبي أنا ماأشوف زوجك بخيل
بدليل أنك تقولي ماشاءالله كل ماأطلب منه شي يسويه بشقتنا على طوووول يروح يسويه
البخيل لو طلبتي ماراح يسويه ويكون بيته وأثاثه من أردى مايكون!!!!!!!!!!
هو بس مثل أغلب الرجال ممكن يكون أقتصادي أو يوفر لحوسة الزواج ومصاريفه
وبعدين ليش تقولي زواجي قرب وفلوسي خلصت،،،،ليه هو ماأعطاك مهرك؟؟؟؟؟؟؟؟
أذا كد أعطاك خلاص ياقلبي ليه تطلبي منه بعد،،،،

 

[كاتياباسل]

بعدين نصيحة لاتقيسي الزواج بالمادة بس
ترى (الزواج )أسمى وأرقى من كلللل هذا
هو مبني عالحب والتفاهم والألفة!!!!!!
وألا ليه نشوف زوجات يأخذون من أزواجهم فلووووس بالهبل ومع ذلك غير سعيدات أبداً
عوديه يصرف عليك بعد الزواج حسب قدرته ((ولاتضغطي عليه)) بما لايطيق يحسك أنسانه ماديه
بنفس الوقت لاتعوديه يشيل أيده من مصروفك،،،خير الأمور الوسط
يعني هو مسوي بيتك كما تريدي ومديك مهر،،،،،،أيش تبيه يسوي كمان،،،،يعطيك فلوس عالرايحة والجايه
ترى الرجال مو مثلنا عقلانيين ويوزنوا المواضيع أحسن منا
وألا كيف يديروا بيوت وأسر،،،،،،،وأحنا مانحسن التصرف حتى برواتبنا!!!!!!!!
أنا ماأقولك البخل زين بالعكس أنا أكرهه كره العمى
بس ماأشوف زوجك بخيل البخيل غيييير مايطلع ولاقرش
الله يوفقك ويتمم زواجك على خير

 

[خجلے]

البنــأآأتـ ... مــأآقصررو حطوولك النقط على الحررروف
عيدي حسـأآبـأتك يالغــلآأآ ...
​

 

[الخبرة]

كيف تطلبي منه فلوووووووس
هو ما هو ملزم يصرف عليكي وانتي ببيت اهلك

عيب عيب عيب

بعدين لازم تقدري ظروفه الان عنده مصااااااريف كثير الشقة والفرش والزواج
يعني ما عنده مجال للكلام الفاضي وكل قرش يفرق معاه الان

لا تثقلين عليه وكوني عون له

واحمدي ربك ان كل شي تبيه في الشقة سواه

راجعي نفسك​

 

[يآلبى قلبك]

إلي اعرفه ان الزوج يعطي مبلغ لزهبة زوجته ،

وهالمبلغ المفروض انج تحكمين التصرف فيه وتعرفين كيف تصرفيه وشو تشترين لج ،

وبعدين انتي بفترة ملكة ، يعني مب حلوه تطلبين من زوجج اكثر من مره ،

بس انا اشوفه الصراحه مب مقصر وياج في شي ، يعني كل ما قلتي خاطري بشي يابه لج ،

بس سالفة ان يعطيج فلووس وتطلبن منه ، صعبه ، لان هو الحين يجهز لعرسه ولحياته اليديده ،

المفروض أهلج يساعدونج لو نقصة الفلوس ، هاي الاصول إلي انا اعرفها ،،

حاولي تفهمينه ولا تتسرعين بحكمج ،

والله يصبرج ويهديج ويوفجكم ويكتب لكم إلي فيه الخير ،~

 

[hadifa]

أنا مع رأي الأخوات

زوجك مو بخيل أنت طلباتك كثيرة خففي شوي عليه ​

 

[عاشقة الاحلام]

ياجماعة الخير الله يجزاكم بالخير ماقصرتوا
بس انا والله اني اقدره كثير .. انتو فهمتوني غلط على بالكم اني كثيرة طلبات لا لا بالعكس والله بس انا كنت اقصد اني احس باشياء يعني مثلا اقوله عندي تسجيل اختبار وهو يعرف انه بفلوس يقوم يسكت يعني مايبادر مع ان المبلغ تافه جدا زي كذا اشياء كثيره ..بس قيسوا عليها هذا مثال
وبعدين اهلي من كثر ما اعطوني انا صرت استحي منهم .. وما عاد اقدر اطلبهم اذا نقصني شئ وش اسوي اسرق مالي الا هو وكمان المهر ما كفاني هذا وانا مقتصده وما كفاني والله يابنات انا فاهمه نصايحكم وانا انسانه مو سيئه بس انا ابيكم تحسون فيني يعني مو حلو يكون مبادر ويحسسني انه مهتم فيني ..السكوت والهروب من الموضوع هو الي يرفع ضغطي بس ..
احسه مايبي بس كذا يعني انا انثى احب احس بالدلع واحب يدلعني والا حرام
الي ابيه مو نصايح مع اني اشكركم على نصايحكم الي ابيه طريقه تحل هالمشكله انا لي سنتين معاه وكل ما المح لشئ احسه يسكت كانه مايبي وبعدين انا ما اطر انا لي اسلوبي في الطلب الغير مباشر عشان اشوف هو بيبادر او لا فقط يابنات ..
والله يسعد كل من رد

 

[عابرة في الحياة]

خلي من شروطك ان المصروف الشخصي

1500 .. واذا جبتي ولدين - ان شاء الله - يجيب لك شغاله

والله يعينك

ودي^

 

[توتونجد]

تطلبيه فلوس ؟

شي طبعي يرفض لانه عطاك مهر واكيد عليه ديون

يعني المفروض ما تطلبيه مو حلوه بحقك ابد

الله يسعدك ويتمملك على خير​

 

[^.^lamaaar^.^]

فلفبلبابل

 

[عاشقة الاحلام]

شكرا يعطيكم العافيه