خطيبي ولد خالتي

[سحر الشوق]

السلام عليكم ورحمة الله وبركاته....
اشحالكم خواتي؟ عندي سؤال بسيط أنا وايد محتارة ولد خالتي خطبني وأنا وايد محتارة أوافق ولا لا من اليوم بديت أصلي استخارة بس ساعات افكر في اشياء بس هو يبه وحده حلوة وشعرها حلو وانا الحمدالله حلوة بس شعري ابد مو حلو خفيف وايد فاخاف اخيب امله فشوروا علي الله بخليكم

 

[سحر الشوق]

وينكم يا خواتي مالي غيرك أرجوكم ردوا علي

 

[مناكير وردي]

استخيري ولاتحطين شعرك نقطة ضعف ممكن تعيقك في حياتك بعدين معه اقبلي اذا هو انسان طيب ولاتوضحين ان فيك نقص او شي هو مو عاجبه بالعكس الشي اللي تحسينه مو تمام فيك حاولي تمدحينه اكثر
وبينيله انك معجبة بنفسك وبكل شي فيك انتبهي لايحطم ثقتك بنفسك واذا لاحظ شعرك قوليلة عاجبني وخليك ثقيله من البداية وواثقة من نفسك لانه لو شاف منك مجال انه يكسر مجاديفك راح تتحطمين للأبد وماتعرفين تردين على اي شي من البداية خليك مستعده لأي غلطة او زلة لسان منه واعرفي شلون تصديها
موفقه

 

[om aziz]

يا اختي اش هاي كلام شو تخيبي املة ؟؟؟؟ علشان شعر ؟؟؟ فعلا ما عندك سالفة !!! انا ألي اعرفة ان وحدة تخيب ضن زوجها لو ما طلعت حرمة صنعة في بيتها و زوجها و تربية اولادها تربية صالحة .... ه>ا ألي ينفعك في حياتك موش شعر حلو . يا اختي شوفي اخلاقه و دينه و توكلي على الله " سامحيني "

 

[يارحيم ارزقني]

الله يدبرك على الخيرة

 

[leen1983]

صلي الاستخاره و توكلي عل ربج والله يوفقج ولا تخلين هاالشي يخرب عليج
وهي كلمه وقالها بس بعدين كل شي يتغير

 

[ام حمدان الغالي]

لو فكر في شعرك ما كان خطبك انتي عاجبته بشعرك وبدون شعرك
يعني اهو راح يرفضك لانه شعرك خفيف
لا حبيبتي
انتي حبه عشان كذي اختارك

 

[أم سكر]

مو شرط يا غالية الشباب يحلموا وايد وايد بس ما يلاقوا إلا نصيبهم
ولد عمي كان يبغ وحدة زي لميس وأخذ وحدة عادية

 

[MalakAlrooh]

الله يعينك


خلك واثقه من نفسك


وابد لا تطلعين عيب فيكي


بالعكس دايم امتحي نفسك

قدام الكل مو بس زوج المستقبل


حتى انتي راح تتغر نفسيتك لما تحسين انك واثقه من حالك وانه ما يهمك راي احد المهم انتي مرتاحه

 

[نضوج أنثى]

عزيزتي استخيري والله يكتب اللي فيه الخير وصدقيني هو اكيد سأل عنك أوصافك وماخطبك بس كذا بدون مايسأل وبعدين في نظره شرعيه لا تخافين والله يوفقك يارب.

 

[سحر الشوق]

مشكورييين خواتي يزاكم الله خير على النصيحة الطيبة والله إني ارتحرت واااااايد وأنا الحمد الله متوكلة على الله ومازلت أصلي استخارة بس أحس الشي عادي ما أحلم بشي ولا أحس بشي بس الحمد الله أنا مرتاحة ما يضايقني أي شي؟؟؟ فهل هذا الشي عادي وإلا لا ؟؟؟؟؟ أنا أسالكم لانه ماعندي خوات فانتو خواتي يعطيكم العافية الله يسعدكم إن شاء الله.........

 

[عرش بلقيس 2009]

سبحان الله العظيم

 

[كلي احزان]

نفس ما انتي فيج نقص مع ان هذا مش نقص بس مسببلج مشكله أكيد كلنا فينا نفس الشي

والزين مايكمل فديتج

توكلي على الله والله يهنيج

 

[Luv]

يالغالية.. انا تزوجت ولد خالتي.. والله اني مرتاحة معاه وهو يحبني موووت .. ولما يه يخطبني .. كان خاطب اختي اللي اكبر مني .. بس هي رفضته .. وبعدين خطبني انا..
يعني عقلي كان يقولي لأ لأنه ما كان يباني لأنه يباني انا.. كنت افكر انه يباني لأنه اختي اللي هو كان يحبها لسنين رفضته.. بس انا صليت استخارة ودعيت ربي على صلاة الفجر اذا هو فعلا يحبني او حتى بيحبني في يوم من الايام .. انه يرسل لي مسج على موبايلي قبل ما تخلص اقامة صلاة الفجر..

وسبحان الله .. ما خلصت من الدعاء الا وهو مطرش لي مسج .. "قومي صلي صلاة الفجر و لا تنسين تدعين لي" .. ومن هني عرفت انه ربي يقول لي وافقي عليه لأنه بيكون خير لي..

وفعلا انا الحين متزوجة بكمل اربع سنوات .. وما شفت منه الا الحب والحترام والتقدير..

والحمدالله على كل خير..

الله يوفقج يالغالية .. ولا تترددين لأنه ولد خالتج .. ولا لأنه فيج عيوب.. يمكن هو ما بياج لشعرج ولا لجمالج.. هو يباج علشان اخلاقج ومديح الناس فيج..

موفقة..

 

[يتيمة]

اهم شي اختي تكوني واثقة من نفسك والدنيا مابتوقف على شعر افرضي ان شعرك حلو وكثيف حبيبتي اول ماتحملي وتولدي بعد اربعة اشهر يبدا الشعر يتصاقط
حبيبتي مثل ماقلت لك الحياة الزوجية مابتوقف على شعر خفيف
ربي يسعدك ويوفقك

 

[خبايا سنين]

الله يهدي زوجك ويسهل أمرك وتنحل المشاكل بأذن الله يا رب *

 

[ممددة بالصالة]

لا تخلين شعرك هوالأعاقه إذا الولد حبوب وعلى دين وخلق فوافقي وبالنسبه لشعرك فيه الخلطات وراجعي دكتورة علشان تاصف لك على علاج وبرنامج غذائي
وتر يمكن زوجك يرافيك اشياء اهم من الشعربحسن تعاملك وتبعلك له
والله يوفقك ويسهل امرك

 

[سحر الشوق]

بصراحة مشكورين خواتي على الردود والنصائح الجميلة اللي ادش العقل والله ان شاء والله بغير تفكيري بس عندي سؤال بسيط اصلي استخارة من اربع ايام اصلي استخارة بس موحاسة بأي شي احس عمري عادية والله لامستانسة ولا متضايقة حتى قبل كان اطرش لي مسجات يقولي شو رايج بس من البارحة ما يطرش لي شي ولا أنا اطرش له شي.

 

[سحر الشوق]

هلا خواتي لحد الآن أصلي استخارة وما احس بشئ هو الحين مسافر اترية لين مايرد وأصلي ولا لا ؟؟؟؟؟؟؟؟؟؟؟

 

[دره الكون]

الرجال اذا لقى راحته اللي يدور عليها مستحيل يفكر في الجمال