خطيبي شايف نفسه !!

[معاندة الحزن]

السلام عليكم خواتي
بكتب لكم مشكلتي مع خطيب الغفله وياليييييت تلقوا لي حل الله يفرج همكم
هو شمالي شرقي

المشكله كل ماصار سوء تفاهم بيننا او مشكله قاللي لاترسليلي ولا تكلميني
احسه يذلني لاني ارسلله واتصل عليه :8:
الله يسعدكم القوا لي حل يخليه يوقف عند حده
وبعد لما اجي اتفاهم وياه على موضوع يصير حساس حيييل ويقول خلينا نترك بعض احسن
يعني يكبــــر كل شي مايعرف الواحد يكلمه بهدوء وبالعقل

 

[معاندة الحزن]

بلييييييييييييييز ردوا علي

 

[تفــآصيلـ]

وه يا قلبي !!!
في حد يقوول لخطيبته خلنا نترك بعض !!!!!


انا بقوولج شي..وطبقيه وما تلقين إلا الخيـــر باذن الله
صلي استخاااره على أنج تسوين اللي بقوله..
أولا أن زعل ولا تضاربتو لا تتصليــن فيه ولا ادزي مسج ولا حتى نصصص مســج
فاهمهـ

وإن صــآر وقاالج: خلنا نترك بعض ..
قوليله: مثــل ما تبي.. وسكري التلفــون

إن رد دقلج فهو متمسك فيج.. وبيعرف قيمتج
إن لاااء.. فهني إنتي تعرفين أن هو ما يبيج.. ولا يقدرج.. وجودج مثل عدمه عنده..
لأن على حد علمي.. وانا وحده مخطوبه.. أجمل ما في الحاه فترة الخطوووبه
فكيف يقضيها مزاااعل وطوله لسااان !!

أنا ما اقول انما تصير اختلافات وسوء تفااهم.. بس كلمة تعال نترك بعض !! <<حدي اتأثرت بالكلمة هذي
تكســر القلب والله

وإن ما ماك في أمل بصلااحه.. عسى ربي يعوضك..
ولا ترمين نفسك مع وااحد مو عارف يقدر العلاقه من بدايتها

 

[تفــآصيلـ]

ولا تبديـتنها تنااازل ومذله من أولهــــأ
وربي أمس قريت موضوع بالمنتدى قطع قلبي..
تقول : أنو زوجها يقط عليها كلام ويجرحها ويقولها مالك لزمه عندي.. وترد تصاالحه وتراضيه
وشوي بتحب ريوووله

وتقول: القولي حــل !!


لا تفهمين ان تكبرين راس وتسويلج كياان يلغي رجووولته
بس لا يغلط بحقك
::
:
وعسى ربي يهديه
أي خدمه انا موجوده

 

[معاندة الحزن]

مشكوووره حبيبتي تفاصيل على ردك والله يبرد القلب
انا اسوي زي ماتقولي اقوله اوك ومااعطيه وجه
لكن حدي يومين او 3 ايام بعدين ارجع ارسلله او ادق عليه
وهو يبدا انواع الغرور
يقول ليش متصله ؟ وش تبين ؟
واخاف مااتصل ولا ارسل وهو بعد مايعطيني وجه ويطول الهجر بيننا
مابي كذااا
ساااعديني

 

[نضوج أنثى]

حبيبتي معانده انا مع تفاصيل ومشكلتك حلها من ضمن كلامك انتي تقولين يومين او 3 وترجعين تكلمينه هو خلاص فهم انه بترجعين له مردك له وصار واثق من هالشي الشمالي يحب الثقل وكل ماتطنشين هو يدور عليك انتبهي لو يجلس شهر لاتدقين لو غلط عليك وقوي قلبك ولاتخافين وتقولين اخاف يتركني وماادري ايش بإذن الله يرجع لك بس السالفه ييبي لها صبر وخاصةً المره الاولى يعني بيقول مردها تضعف وتدق وين بتروح ويصبر نفسه يمكن يطنشك اسبوع او اسبوعين او اكثر يبيك تضعفين بس هو اصلاً في قرارة نفسه مايحب الضعيفه يحب البنت القويه اللي لها شخصيه مستقله وثقيله جربي وبتدعين لي عزيزتي هذا حل مشكلتك بكل بساطه والله يسخره لك يارب انتي ممكن تشوفين الحين هالموضوع تقدرين تتحملينه بس بكره لما تتزوجين ويصير بوجهك ويقولها لك في الطالعه والنازله ماتحسين بقيمتك ابدا وتنفجرين وتتعبين من الحين عودي نفسك اذا غلط عليك ماتتنازلين وتبين نصيحتي انتي لاتدقين في فترة الخطوبه إلا نادرا يعني كل شهر مره ولا ترسلين خليه يتجنن على اتصالك ومو كل مادق تردين مره ماانتبهت للجوال ومره مشغوله ومره كان عندنا ضيوف ومره كنت برا ... الخ وتشوفين كيف بيتغير بس المسأله يبي لها وقت وصبر

 

[معاندة الحزن]

مشكوره حبيبتي نضوج انثى والله يوفقك يااااارب ويسعدك دنيا واخره
انا المشكله مابي الهجر يطول بيننا لكن رح اطبق نصيحتك بعون الله وياااارب يفيد معاه
طيب مشكله ثانيه اذا بقيت اتفاهم وياه بالعقل ونتناقش بسرعه يتحسس ويقول مع السلامه ويسكر في وجهي
والله قهررررررر
يعني هذا شلون اتفاهم ويااااه جنني
وشي ثاني
اذا طنشته وماعطيته وجه ورجعلي كيف اتصرف ؟؟؟
وكيف اوضحله انه مايعيد هالحركه مره ثانيه

 

[معاندة الحزن]

ردووو علي محتاجتكم

 

[تفــآصيلـ]

ان اتصل وصاالحج
خلج عادي.. يعني ضحك وسوااالف
بس لا تفهمينه انج متي بهالفتره عليه
ولا تكشرين بوجهه.. لأن الريال لا اعتذر وصديته مشكله!!

بس اتعودي تخلين لك حدود
يعني لا يعديها بالغلط او طوله اللسان
..
.
وشحقه ما يقبل النقاااش !!!
هذي يباالها مخمخه..
أو فديتج عطينا موقف صاار نقدر نقيم الوضع

 

[توبليرون]

في نظري آن الشمالي ماينفع معآه الآ الثقل والثقه بالنفس َ .. تخليه يخضع لك ٍ مع كامل جبرووته ٍ !!


كلآمك يآتفاصيل عين العقل َ ..< وآنآ معاك فيه

 

[wa7da co0ol]

السلام عليكم ورحمة الله وبركاته

اختي الغالية الله يسعدك ويسخر لك خطيبك

بس ابغى اعرف ليه مشاكل وانتو مخطوبين المفروض فترة الخطوبة مايكون فيها مشاكل ولانقاشات حادة كلها احلام بالزواج وبيت الزوجية وتمشية وفرح

اما انه لكم فترة طويلة مخطوبين او بتشوفوا بعض كثير او انكم ماتتناقشوا بهدوء

لاتصعدي النقاش الى ان يوصل لسكة مغلقة

اذا قال لاتتصلي ولاترسلي لاتتصلي ولاترسلس خله حتى الوقت اذا قعد شهر واذا عاتب قولي انت طلبت مني كده وانا اسمع الكلام لاتخافي من طول الهجر مراح يؤدي الى الطلاق بعيد الشر الله يخليكم لبعض

زاعملي زي ماقالت نضوج انك مشغولة و او عندكم ضيوف وعادي حتى لو صالحك لاعاد ترسلي كثير وتتصلي خلي يشتاق للرسالة ولصوتك ولشوفتك


الله يسخره لك يارب​

 

[دموع الانثى]

:32:انتي تصبري لا تتصلي عليه خليييك ثقل وحتى لو كلمك لا تزيدين الميانه نفس الشي اثقليييي ويجي على وجهه عندك :32:الله يزيييد المحبه بينكم:18:

 

[كلي حنو]

صراحه اللي بدايتها كذا ينعااف تاليهاا ..

دامه يقولك من بدايه الخطوبه نترك بعض ومدري شنوو

وشايف نفسه احسن لك اتركييه ..

صدقيني هذا الحل الانسب ..

لا ترجعي ادقي عليه بعد 3 او 4 اياام ..

شوفي اذا هو دق اثقلي بالاول قولي ماكنت ع الجوال

ومره ثانيه ردي عليه وشوفي وش يبي

اذا كلمك بحتراام كلميه بحتراام ..

كلمك بدون نفس قولي له انا مزاجي رايق ولا ابي اعكر مزاجي ..

صدقيني الرجال هالاياام مايمشي وياهم الطيب ..

خليك قوييه ولا تعطي الرجال وجه زياده عن اللزم ..

بعدين وربي تتحسفي وتندمي ع قد شعره شعرك ..

اذا هو غلطان يجي هو يعتذر لك مو انتي تروحي تعذري له

واذا انتي غلطانه انتي تعتذري له وتسوي اللي تبيه بس بحدوود

شوفي كيف اعتذاره وسووي مثله .. ترى الرجال يحب المراه القويه ..

واساليني انا .. والله اني ما اكذب عليك زوجي هو اللي قالي

ان اكثر الرجال يحبوو البنت القويه اللي ادافع عن نفسها مو تتميع عند الرجال

اذا زعل عليهاا المفروض هو يجي يعتذر لها مو هي ..

انا الحمدلله ما اقوله طبعي من اول كذا اذا احد زعلني يجي هو يعتذر لي

واذا انا غلطانه ارووح انا بنفسي واعتذر له بس بحدود ..

واذا حابه اكثر عطيني خبر واقولك وش تسووي وش ماتسوي ..

والله يوفقك يالغلاا ويسعدك .. واعتبريني مثل اختك ..​

 

[-من الناس-]

عزيزتي معاندة الحزن
انا متزوجة وعندي بنتين في الجامعة وولدين
يعني لي 24 سنة . زوجي مغرور وشايف نفسه على الفاضي عديم الاحساس ولا همه إلا نفسه ومهما يصير عليه من أزمات ما يتغير . صبرت عليه إلين كرهته وكرهت نفسي معاه وصابرة عشان عيالي وبناتي
نصيحة من مجربة متزوجة من أناني ومغرور أفلتي بجلدك من بدري قبل لا يفوت الأوان عن ابي هريره (رض) قال رسول الله (صلى الله عليه سلم) قال الله – عز وجل – الكبرياء ردائي ، والعظمه إزارى ، فمن نازعني واحدا" منهما ، قذفته فى النار )
والله لتشوفي الويل من الغرور .

 

[معاندة الحزن]

مشكورين حبيباتي على ردودكم والله يوفقكم ويسعدكم دنيا واخره يااااارب
بس مااقدر اتركه لاني احبه وفيه صفات حلوه عاجبتني وبعد مابي اصير مطلقه
في بعد شي ابي اوضحه هو مطلق وعنده بنت
ابي اعرف كيف اعامله وخصوصا انه عايش بمدينه ثانيه يعني تواصلنا بس عن طريق المكالمات والمسن والرسايل


ساعدووووني والله محتاره حدي معاه وخايفه اعيش حياتي كذا وياه انا اترجاه وهو يتغلى !!

 

[معاندة الحزن]

اختي من الناس الله يسخره لك يااااااااااااااااااااااااااااااارب
والله قطعتي قلبي بقصتك
ومعاك حق مشكله الرجال المغرور
الله يعيننااااااااااااااااا عليهم

 

[معاندة الحزن]

اي وغير كذا اذا بقى يستفزني يقوللي انا بتزوج وحده ثانيه ويسوي نفسه جدي بالموضوع
وانا اسوي نفسي مو مهتمه واقوله بس تخطب بنت ثانيه اتركني
بعدين يقول انتي صدقتي اصلا مستحيل اتزوج غيرك انتي وبس

بعدين اتفاهم وياه ابينله ان هالمزحه ماابيها تنعاد وانه يتلاعب مشاعري واذا يبي يتزوج بجد ساعتها يقولي اما كذا فلا يعيدها

صح تصرفي يابنااات ؟؟؟
واذا خطا كيف اتصرررف ؟؟!

 

[شذا الأزهار]

طنشيه وخليكي واثقة من نفسك
ولاتتصلين عليه بالمرة,,,, وشوفي ردة فعله حتى لوبعد شهر شهرين....
إذا رجع تمام خلاص ولاتسوي نفسك زعلانة..
إذا ماكو فايدة منه الله يسخره لك وش نقول!!!

وترى والله العظيم ان فيه رجال بس يسوي شخصية في فترة الخطوبة عشان تلحق وراه الحرمة,,,وتلقي كانت كاسرة خشمه الحرمة الاولى( اعذريني على التدخل في التفاصيل وانا ماادري عنها)..
يعني تصرفات تمثيل منه, ويسوي انه مابعده... لا تخافي وان شاء الله لك الخير من الله..

الله يوفقك ويسعدك في حياتك يارب ويسخر لك من تحبين..
تحيآآآآتي

 

[معاندة الحزن]

اي والله صادقه يااختي شذى الازهار وجته الاولى موريته الويل حتى معقد من الزواج !
عشان كذا انا احاول اراعيه

اي بعد لما يشوفني مطنشته وما أسأل يسوي نفسه مريض
توه قبل اسبوع قالي انه طاح عليهم بالدوام جاله هبوط ورسلتله اذا الحين هو بخير
قالي انه بيسوون له شويه فحوصات وتحاليل وبعدين انشغل بالي عليه وصرت ادق عليه واتصل وارسله وهو مو معبرني بعدين قفل جواله !!!
ولما جا الليل رسللي عاادي ومروق عالاخر
ولما قلتله شلون صحتك الحين قال والله سيئه جدا وهذا كله منك !!
عاد مااحط بذمتي واقول كذاب

يعني مو عارفه ان تغليت عليه توهقت وان دلعته وسالت عنه طول الوقت بعد توهقت
الله يفرجها

 

[بصمة مخملية]

يااااااااااااااالله ارحمنا ..انا قلت مادري ليييش الكرامة محطوطه ع الرف هالايااام؟؟
ياأختي ياااأخيتي ..والله ثم والله ثم والله انه ماخلاه يشوووف حاله أو يغتر بحاله الاانت
الى متى واحنا ورا الرجااال لزقة ظهر ؟؟بالله الى متى ؟؟
يعني انت المشكله وانت الحل ,,والله احيانا ترفعون ضغط الواحد ..وتسألين وش أسوي!!
لاتزعلين لانه اذا ماقسينا شوي على بعض ’’ماراااح تستوعبين انك غلطااانه
يابنت الحلال طنشيه ..طنشيه ..طنشيه ..مايبغالها مشااورة .
يعني انت ماتبينه يزعل وهو سااحب عليك ...وعلى اي مشكله يقول نترك بعض ..هذا وش ترجين من وراه..
..يعني ممكن تنبلع لو انكم متزوجييين لكم سنيييين (مع انها برضو قويه) ..
بس لسه فترة ملكه.خييير ..ياحبيتي عزي نفسك وخليك ثقيييله ولاترمين نفسك والله نصيييييحه
...............أكثر من كذا مااقدر اقووول <<<<<<<<<<<<<مابقيتي شي !!