خطيبي حكر

[جوووووودي]

السلام عليكم ورحمة الله وبركاته

كيفكم بنات؟ ان شاء الله تكونو بخير


قبل شوي صار سوء تفاهم بيني وبين خطيبي ,, ومالي غيركم اشاوركم

من فينا الغلط انا والا هو ؟!!

بصراحه هذي اول مره يشتد بيننا النقاش ... لكن ماحبيت انه يمشي كلامه علي !!


السالفه ومافيها انا ادرس برا ..ألوضع مختلط .. وهو عارف هالشيء من البدايه

مو هذا موضوعنا ..

نقاشنا كان انه مررررررره غيوووور بدرجه غير طبيعيه وطفشني !!

احنا اختلفنا على نفطتين :

اول شيء... لمن اطلع مع وحده من صديقاتي السعوديات في زيارده او شيء.. وتاخرنا بالليل مانرجع بلحالنا ( نخاف) فيجي اخوها ياخذنا
طبعا اخوها مو محرم لي ,, لكن انا مو معه بلحانا.. ماهي خلوة ... وهو يقولي ليه تطلعين مع اخوها ؟
اليوم صار هالموقف.. وقلت له تبغاني اركب التكسي بلحالي؟؟؟
اخوها اهون !!
طبعا الاخ ما اقتنع !!


الخلاف الثاني ,,
عن بنت ثانيه هي مررره فري مع اخوها ... ولمن يجون صاحباتها يجلسون مع بعض ( مختلط) بس لمن انا اجيها البيت مع صديقاتي هي تحترم خصوصياتنا ومانخلي اخوها يجي
لاننا ضيوفها وتحترم رغبتنا

المهم ... خطيبي يقولي انا اكره هالبنت وهذي فيها وفيها ( وكله كلام غلط ) قلت له انا ماسمح تتكلم عن شرف البنت لانها بجد مرررررره محترمه وعاقله لكن مو غلط كونها ترتبت في بيئه فري والاختلاط عنهدهم عادي!!

سوااا لي سالفه.. المهم قالي خلاص لاعاد تدخلين بيتها ابد !!
انا بصراحه مارضيت .. مابيه يمشي كلامه علي
اليوم يقولي عنها وبكره يقولي عن غيرها .... ويحكرني!!

وانا اصلا ماشوف البنت غلطت بشيء اصلا!!

تكلمت معه من اليوم الين الصبح ,, مافيه فايده

صار يقولي مالي خاطر عندك ؟؟؟
وانا بقلبي اقول والله مابي اعطيك وجه بكره بتسوي لي قائمه بالمحظورات ..........>> بالعربي ماينعطى وجه !!

قفلنا على هذا الخلاف ...
والحين مو عارفه وش اسوي

اذا رخيت وقلت له كل الي بخاطرك بسويه ... بصراحه انا مو راضيه عن هالشيء ولاني مقتنعه !!

يعني بكره اذا انعزمت مع البنات عندها وش بيكون موقفي؟
و والله الخلاف اللي بيني وبينه مو علشاني مرره ميته على صداقه هالبنت
بس علشان مابيه يمشي كلامه علي


الحين ابي اخذ برايكم ..
انا غلطت ؟؟؟

 

[عسوله قمر]

انتي ليش تظهرين الين فليل برع الازم تسمعين كلا ريلج صح كلاهمااا بنات محترمات اوكييه بس النصحه لاتعدنين رليج

 

[جوووووودي]

مانطلع ياقلبي الا اذا كنا معزومين عند وحده من البنات

يعني نسهر في بيت وحده

الحين صار يقولي لا تروحين لهم خليهم هم يجونك البيت

 

[مايصحش هالحتسي]

لاتطلعين باليل لو مايحبك كان ماقالك كذا
وانتى لاتطلعين اسرارك لزوجك تقولين له وش سويتي مع البنات وكيف طريقة عيشتهم برا خلي لك خصوصية عشان مايحكرك

 

[عسوله قمر]

انتي ليش تظهرين الين فليل برع الازم تسمعين كلام ريلج صح كلامه ا بنات محترمات اوكييه بس النصحه لاتعدنين ريلج

 

[د/سيليماس]

حبيبتي لاتقولي كل شي لخطيبك
انتي لسه ماتزوجتي ولسه موفي بيته
لما تكوني في بيته يصير خير

 

[!!اميره الورد!!]

لا تقوليله كل شي ويمكن هو خايف عليك----

 

[وجن ~]

أول شئ تبين الصراحه أول شئ واضح إنك عنيده من اسلوبك وهذا ماينفع مع الرجال خصوصا إذا انتِ سويتي كذا وأنتِ توك مالكه كيف بكره بتسوين ؟ يعني توك مالكه استحي المفروض تسمعين كلامه ثاني شئ صاحبتك مااخطأت بس أنتِ أخطاءتي لاتقولين لا إلا أخطئي يوم تتكلمين عند زوجك عن أخو صاحبتك الله لايلومه يوم يزعل منك الرجال كل شئ إلا غيرته على زوجته يعني احترمي رأيه وقولي ابشر وحتى لو مانفذتي بس الاهم إنك ماتكرهينه في اخلاقك والأصل تمشين كلامه وخصوصا لما يكون منطقي الأستاذه ناعمه ركزت على عدم إثارة غيرت الرجل لأنها بسببها يثور والصراحه انا اشوف إنك أنتِ غلطانه أثرتي غيرته وهو بعيد عنك وأنتِ براحتك وأصلا أشوف الوضع كله غلط في غلط وهو دراستك برا ومختلط لكن الشكوى لله تحملي أدري اسلوبي فيه قساوة بس والله لمصلحتك ولمصلحة مستقبلك أتمنى تتقبلين نصيحتي

 

[جوووووودي]

والله انكم صادقين


طيب الحين كيف اتصرف؟

اتنازل عن عنادي واخليه يمشي كلامه ؟.............>> بمووووت من القهر

 

[انا من السعودية]

انتي تكامينه كل يوم وتعطينه الموجز صح كذا
اشوف انه يحبك ويخاف عليك وما الومه في غيرته وخوفه عليك بس حاولي انك ما توصلينها للزعل سايسيه وافهمي مشاعره واكسيبيها لصالحك وبالتوفيق

 

[جوووووودي]

وجن ...
كلامك على عيني وراسي


اصلا سالفه ذيك البنت ... انا كنت اكلمه بالتلفون وانا امشي بالسوق وقابلت ذيك البنت صدفه وسلمت عليها وهي كانت تسولف وهو معي ع الخط ( مركبه السماعه )
هي ماتدري انه معي ع الخط وماحبيت اقولها لانه بصراحه 24 ساعه معي ع التلفون وكثير يعلقون علي انه متعلق فيني ومايفارقني ابد
فسالفه اخوها هو بنفسه سمعها .. وصار يقولي وش هالبنت الفري , وكل شيء عندها عادي .. تلاقينها هي بعد تلعب وماخذه راحتها ..... انا هنا عصبت
وقلت له يعني انا الغبيه وماافهم وماعرف مين اصادق؟!!

 

[دحومتى]

الله يصلح حالك و حالنا
حبوبه خطيبك مو لازم يعرف وش سويتى يومياتك
هذا شى و يعنى مثلا تقولى انو اليوم معزومين وانبسطنا سوا وبس
ماتفصلينها مته رحتى و مته جيتى و من وداك و مين جلس وياك

حاولى تكون فترة الخطبه تعارف بينكم مو تدخلات بلخصوصيه لانو ماله حق يدخل و يحكم بخصوصياتك وغير كذا انتى هذا طريقة حياتك وانتى مع اهلك وراح تكون كذا لانو هو اخذك من اهلك وانتى كذا

 

[جوووووودي]

انتي تكامينه كل يوم وتعطينه الموجز صح كذا
اشوف انه يحبك ويخاف عليك وما الومه في غيرته وخوفه عليك بس حاولي انك ما توصلينها للزعل سايسيه وافهمي مشاعره واكسيبيها لصالحك وبالتوفيق

اي هو معي طوول اليوم , يعني مايمديني اسوي شيء اصلا !!

الحمدلله انا عاقله ومااسوي شيء غلط

لكن اللي مضايقني ان ابوي عمره ماكان معي كذا ,, معطيني الحريه والثقه الكامله
والحين اشوف الوضع غير .. مو قادره اتعود على كذا

صرت اقوله انت حكر وتبغى تمشي كلامك علي !!

 

[وجن ~]

والله انكم صادقين


طيب الحين كيف اتصرف؟

اتنازل عن عنادي واخليه يمشي كلامه ؟.............>> بمووووت من القهر

استسمحي منه والله تكبرين بعينه وبتزيد محبتك وغلاك عنده صدقيني

وتعوذي من ابليس حتى لو ماطبقتي اللي امرك به أهم شئ مشي كلامه

والأفضل تمشين كلامه لأنك الان زوجته ويجب عليك إنك تسمعين كلامه

وأنتِ وماترين بس حبيت افيدك عشان ماتفسدين علاقتك به بنفسك

دعواتك ~

 

[جوووووودي]

دحومتي .. كلامك صحيح 100%


وجن ... والله كلامك يدخل القلب
طيب انا خايفه انه بكره بيتحكم فيني ويقولي سوي كذا ولاتسوي كذا

 

[وجن ~]

دحومتي .. كلامك صحيح 100%


وجن ... والله كلامك يدخل القلب
طيب انا خايفه انه بكره بيتحكم فيني ويقولي سوي كذا ولاتسوي كذا

الله يسلمك
بس إذا أنتِ سويتي الشئ الصح وسمعتي كلامه ورضيتي خاطره بإذن الله ربي مايضيعك وهو بيحبك أكثر ويسمح لك باللي تبين صدقيني

 

[ادووو]

ياحلوه اضم صوتي للاخوات لاتقولين له عن شي وخففو المكالمات مع بعض وترى الرجال ماينعطى وجه
واذا سالك قولي ايه سويت اللي تبغى وهو وش بيدريه=

 

[جوووووودي]

ان شاء الله وجن ...
صار النقاش بينا وقفلنا واحنا متزاعلين
والله بعد ماقريت كلامك ارسلت له مسج اراضيه فيها ....... من ورى قلبي
بس علشان خاطره
وان شاء الله يحس ويقدر هالشيء في المستقبل!!


ادووو ... هذا اللي ناويه عليه انا الايام الجايه مابقوله شيء يضايقه لانه بعيد عني ومايقدر يسوي شيء بس يتضايق ويقولي لو اني متزوجك من قبل ماكان خليتك تسافرين وتدرين في وضع مختلط!!

 

[المتغيرة للأفضل]

فعلا خطيبك معاه حق يخاف عليك معنى ذلك انه يحبك والمفروض انك لا تتاخري برا بيتك وكل كلامه صح كلميه عادي بالتلفون لكن لاتعتذري منه وقولي له انك لن تخرجي مع احد وستقضي وقتك بالدراسه وبناء المستقبل​

 

[روونق]

فعلآ موتقولي له كل شيء مو لازم يعرف أدق التفاصيل وأنتبهي تطاوعينه بكل شيء دام أنتي مو غلطانه لأنه راح يتعود أنك ماترفضين له شيء وينشف ريقك اذا تزوجتوا أنتي حاولي تقنعينه بأسلوب حلو وبدلع مو بصراخ
والفاظ تنرفزه......الله يوفقك