خطيبي امس فاجئني بكلامه !!

[*حلمي تحقق*]

السلام عليكم والرحمه ياحلوات

بنات ياحلوات انا عندي مشكله حابه تساعدووني
انا مملكه ولي شهر وكم اسبوع تقريبا .... وتوني اعرف حكاية هالانماط والفضل يعود لله ثم صديقتي
واحب اشكرها لانها سمحتلي ادخل بيوزرها ربي يسعدها ويفرج همها
امس صارت مشكله بيني وبين زوجي "مملكين" تخيلوا قالي في بداية الاتصال :التمثليات الكويتيه اكبر كذابين
واااضحه مايبيلها هو يقصدني وبصراحه جرحني بس انا متفهمه ورح احكيلكم اول شي ........
انا من النوع المنطقي العاطفه عندي بس بنسبة اقل واكيد رح تفهموني لانكم قريتوا الانماط والله لو حطيت موضوعي في منتدى ثاني عز الله ماحد بيفهمني ههه
باختصار انا ما احب بسهوله!! وزوجي يبيني احبه بسرعه وبما انه اكثر شي نتواصل عن طريق الواتساب كنت عادي اخذ واعطي معاه وارتحنااا الحمدلله
وعادي انا ابادله الحب بس انا للان ماحبيته لكني ارتحت له ....... فــ امس دق علي الظهر وكان هذا ثالث اتصال بيننا وعداااا على خير طبعا كنت مستحيه
وبطبيعتي انا شوي هاديه صح اني اتفاعل واعطي الناس جووها لكن عموما ما احب الكلام الكثير ....... بس لما دق علي بعد المغرب فاجججأني
لما قالي الكلام الي كتبته فوق! والله اني ما مثلت بس يمكن لاني اعطيه جووه واحاول افرحه هو فهمها تمثيل ! بس والله قهرني وظليت ساكته طول الاتصال
وكل مره يناديني اسكت لما يعيد كم مره واقوله هلا وانا ماسكه نفسي ويجي بكل بساطه يقول زعلانه؟ انا لا قالي مسرحه؟ لا مشغوله؟ لا
احس كأنه داري اني زعلانه على الكلمه الي قالها وبنفس الوقت لأ لاني لما قالي الكلمه قلتله مدري والله ما اتابع مسلسلات < على اساس كأنه يسولف
معي (مثل صديقاتي لما يتكلمون عن مسلسلات خخخ داهيه) فقال يعني ماتتابعين ولاتتفرجين؟ قلت لا وجلس يصرف بعدها الموضوع وانا ماااسكه نفسي
وهو يحاول فيني اسولف بس والله ماقدرت ...... انا من الايام الي راحت وانا احاول اني اسعده وبالعكس حسيته حبني وارتاح لي بس لما يقولي احبك هذي الكلمه
الوحيده الي اسكت فيها مقدر اكذب فيها والله ضميري يعورني > بس ابين له اني مستحيه .... المشكله مو هنا لما يتصل ويقولها وانا اسكت
وممكن من الاتصالات حس اني اكذب عليه!!!! عاد مدري والله بس احاااااووول وربي ارتحت له بس صدمني
المهم بعدها قالي تعرفين شيعني الدنيا حظووظ؟ وقال بصوت واطي يقولوها ف الزواجات < يعني لو ماقالها ذي ممماكنت فهمت المغزى لكني سويت اني مافهمت
وقلت ماسمعت ؟ وعادها قلت شيعني؟ قال يعني ماتعرفين وانا سكت ومن بعدها مره ما اسولف وبس اسلك له عاد هو صار يسألني وكأنه يكلم بزره
يقولي وش اسم اعمامك عندكم سواق ولالا < مدري من قلبه يعني ومستصغرني ولا بس عشان يطلعني من الصمت الي انا فيه ؟؟؟؟؟
بعدها قالي اذا تبين نتكلم بالواتس وترتاحين فيه عادي قلت بكيفك وانا كل شي فيني مو معاه انتظر يقفل الاتصال هوووو ...... بس لما ماشفت منه فايده
اعتذرت وقلت خلاص انا بقفل اكلمك بعدين وهو مو راضي ويحاول فيني وانا ممكن ذيك اللحظه لو قالي زعلانه؟ ممكن اصيح او شي
لين امي الله يهديها دخلت علي وأأشر لها ممكن تطلعي ما ابيها تشوفني بهالحاله لكنها طنشتني قلتلها رح افصل الخط عليه ناظرتني وقالت عادي
والله يابنات ماتحملت وقفلت الخط ورحت لاخر البيت اصيح مدري ايش صار فيني انا حاولت وسويت الي اقدر عليه ودايم استشير خالتي او اقرى بالمنتديات
ماكنت اعرف عن هالمنتدى إلا امس لما كلمت صديقتي ولانه ماجاني النوم جلست اقرا بس والله مو من قلبي مب قادره استوعب شي
الحين هو امس راسل لي في الواتس : أدق عليك ولاهنا احسن؟ يقصد الواتساب بعدها قال انا متضايق وشوي قال ارسل صورتي؟؟؟ والله مدري وش قصده !!!!
والحين مدري شلون اعتذر منه على الخط اني قفلته ووشلون اتصرف على الكلام الي قاله؟ ما ابي اكمل الغباء واني مافهمت فصده ويحسبني مصدقه نفسي
انا بالعكس مره ذكيه ولماحه وافهمها على الطاير بس استغبي كثير واسلك ساعات طبيعتي كذا ........ ووالله لما نتكلم في الواتس ينبسط مني ولو انه قليل نظل ساكتين بس والله ينبسط ويتحمس واحسه يحبني ومرتاح لي بس حق امس صرت متردده مدري اذا يضحك علي؟ بس احساسي يقول العكس
حتى لمايتصل ننبسط واتكلم بعفويتي لكن فيه ربكه خفييف وكذاااا بس والله منقهره الحين
والحين مارديت عليه ولادخلت اواتس بس كلش ظاهر على الشاشه بره وفي الصباح رسل لي صباح الخير !!!!!! والله حيرني وتعبني ومدري وش ارد عليه وخاصة اذا سألني انتي زعلتي امس؟ وليه سكرتي الخط؟ < ولانه اتصل مره ثانيه ومارديت فهنااا ممكن يشك؟ مدري وش اصرفه ووش اسوي
مني عارفه يابنات وش اقولكم ووش اكتب حاسه نفسي ملخطبه والحين ابي ارد عليه قبل الساعه 9.ص اتمنى تردوون علي وترشدووني للحل الصحيح
واحسكم مارح تقصروون معي وتساعدووني وعسى ربي يسعدكم .....,. انتظركم

 

[Smoalthat2244]

برايي هويحبك ويريد سماع صوتك ويشتاق لك كثيرا وانتي بارده اوبمعنى اصح لاتعرفين التعبير او الحديث معه لانك تنحرجين منه اعتقد انك شماليه ولكن احذري كثره الصمت والتصريف سيجعله يعتقد انك لاتريدينه او مغصوبه عليه
ومساله انك تدعين الغباء هذا خطا سيجعله هذا الامريعتقد انك غبيه او لاتفهمين او لديك مشكله بالادراك وقد يعايرك اوينتقدك مستقبلا بعد الزواج وقد يناديك بغبيه انتبهي اظهري له انك ذكيه لماحه تفهمينها على الطاير لاتتظاهري بالعكس وهوشعر بذلك لذلك قال مسلسل كويتي لانه حس انك تلفين وتدورين وان فيك ان انتبهي هو لانه يخبك يتصل ويهتم خبريه عن هواياتك اظهري له ابداعك حسسيه انك مميزه امدحي نفسك كثير امامه وقولي له كلام حلو دلعيه دلعي اسمه حسسيه انه بالجنه معك عيشيه احلام حلوه هويبيك وشاريك وبيفهم تصرفاتك انك ماتبينه وممكن يقلب عليم الرجال بطبعه لايقول احبك بسهوله لزوجته الا اذا كانت مكانتها بقلبه قويه لان بعد الزواج لن يقولها مره اخرى الا اذل كنتي مميزه وتجدظين عشقه لك لان كثيرا منا ببدايه الملكه تصرفنا مثلك والان نقول ليت الزمان يعود يوما لنعيش اجمل لحظات الملكه انتي بنعمه فمثلي امامه باانك تشتاقين له لاتقولي احبك لا اثقلي قولي وحشتني لك وحشه ومن هالكلام لاتخربين بدايه زواجكم بهالتصرفات وانتبهي كثره ادعاء الغباء تجعلك بعينه غبيه وقد يتطبع عقلك بهذا وتصبحين جد غببيه

 

[*حلمي تحقق*]

تسسلمي ياقلبي حتى انا توقعت اني شماليه
طيب هو وش يطلع ؟ انا قلت ممكن شمالي شرقي لانه قالي امس انه مررره عصبي وبصراحه خوفني
> طبعا دورت على صفاته واحترت فيه مره اقول انه شرقي ومره شمالي
وبصراحه انا جريئه بس بهاذي المواضيع "الزواج" مررره استحي
ودايم يقولي خلاص تعودي من الحين يبيني جريئه مره
بس مدري وش اسولف له مدري شلون ابدأ
وحبوبه انا قصدي لما استغبي يعني ما ابي ابين له اني انفتاحيه مره لانه ممكن ياخذ فكره مو زينه
ودي اقرا عن نمطه اكثر عشان افهمه اكثر واعرف اتصرف زين
ولو فيه روايه عن كذا اتمنى تعطووني العنوان لاني محتاجه واستفيد مره

شكرا لوحة خواطر فناااان ربي يسعدك ياقمررر

 

[Smoalthat2244]

بماانك شماليه افيدينا بشماليتك لنفهم ازواجنا الشماليين بقسم زوج زواج في موضوع تجمع زوجات الشمالي الشرقي

 

[صبرت كتير]

الاخت لوحة خواطر فنان مااا قصرت في ردها عين العققل
اختي زوجة او خطيبك باين انو يحبك فلا تكثري المشاكل منذ الان عيشي هالحظات الحلوة قبل ما تفوت وتندمي والله انك ما عشتيها معه بكل رومانسبه اغدقيه بالحبك وكلماته دام انكم متملكين حلالك ما اقول لك كوني جريئة اكثر من اللازم لا ابداً بل بيني له انك مهتمه فيييييي وانك مشتاقه له
هو يريد يعيش هذي اللحظات لأنه يسمع من اصحابو عن سوالف المتملكين والرمانسية اللي بينهم لا تخسري لحظاتك ان ارتحت له بيني ذلك بكلامك معه ان احببتيه بيني له بتصرفاتك وبكلامك هو زوجك ومن حقه يعرف واذا الآن ما تبين له العاطفة نحوه طيب كيف بعد الزواج ومعروف عن الرجال بعد الزواج قليييييل منهم يطلب الرومانسية والحب
وفقك الله

 

[دلوعتك28]

أحسك متعبه نفسك وموترتها من فرااااااغ موضوعك هين اذا هشي ضد طبيعتك خليك إنسانه وسط ،ولازم تكونين معاه بلجو أنتو مخطوبين يعني وناسه وفرفشه ورومنسيات وكلام حلو مو مشاكل وتقفلين الخط وتبكين وحالتك حاله بدل ماتعلقينه فيك نتفرينه منك لأي سبب تافه خليك شطوووووووره وعلقيه فيك حتا لو جيتي على نفسك وتقبلتي شي ماترضينه لعيووووونه ههههههههههه ارضي