نفرتاري
New member
- إنضم
- 8 مارس 2007
- المشاركات
- 528
ما اعرفه ويعرفه الكثيرون غيري .. ان في بداية الحياة الزوجية .. تحدث الكثير من المصادمات بين الزوجين .. والخلافات اللي مالها معنى .. لعدة اسباب .. منها
اختلاف طباعهم .. اختلاف البيئة اللي تربوا فيها .. كل واحد منهم يبغي يفرض سيطرته
تفكير مختلف .. توجهات مختلفه .. فينشأ خلاف .. او صدام
بس الامور تمر بسلام .. أذا كان في صبر .. وتنازل من كل طرف عشان المركب تمشي .. او ينشأ بينهم نوع من التفاهم بعد كم سنة
اختلاف طباعهم .. اختلاف البيئة اللي تربوا فيها .. كل واحد منهم يبغي يفرض سيطرته
تفكير مختلف .. توجهات مختلفه .. فينشأ خلاف .. او صدام
بس الامور تمر بسلام .. أذا كان في صبر .. وتنازل من كل طرف عشان المركب تمشي .. او ينشأ بينهم نوع من التفاهم بعد كم سنة
بس لما هالأمور تحدث بين زوجين .. بعد 22 سنة زواج .. هنيه المشكله
لما ينقلب حال زوج .. بعد هالعمر .. ويصير مراهق .. تستوي المشكله
لما يترك زوج تجارته واعماله .. ويتفرغ للعب يهال ومراهقين .. هنيه المشكله
لما يشوف ان ( I phon ) الموبايل يقضي فيه وقت فراغه .. هذي متعه .. هنيه المشكله
لما يضيع وقته .. مع اليوتيوب .. هنيه المشكله
لما يكون عنده الرياضة .. والرحلات هوس .. هنيه المشكله
لما يهتم بقعدات المجالس .. اللي كان في السابق يعيب على روادها ... هنيه المشكله
لما يجي بعد هالسنين .. وقول اللي ماتطبخ في بيتها .. هي مش راعية بيت .. هنيه المشكله
وينسى ان هالزوجه شاله البيت والعيال وكل المسؤوليات .. ماجات على الطباخ هو الشي الوحيد اللي مخليته في يد الخدامه
لما يقول .. ابغي طباخ امي .. يا حلونا بعد هالعمر .. نقول امي
لما يبتدي يهتم في صبغ شعره بشكل يومي .. مع اني كنت اطلب منه زمان يصبغ .. ويرد علي بالأغنية .. عيرتني بالشيب وهو وقار
لما يبتدي يفرض على الزوجه .. ما تشاهد في التلفزيون .. ومالاتشاهد .. هنيه المشكله
لما يفرض على زوجته اتغطى .. مع انه ماكان يهتم قبل .. هنيه المشكله
نقول غيره .. ممكن .. بس شوفوا التعليق اللي يقوله بعد ما يقولها تغطي وتسمع الكلام
مساكين .. عبالهم انتي حلوه
ارد عليه .. الحمدالله انا حلوة مو محتاجه شهاده أو تقييم من حد
مساكين .. عبالهم انتي حلوه
ارد عليه .. الحمدالله انا حلوة مو محتاجه شهاده أو تقييم من حد
لما تكتشف في يوم .. انه واقف ينتظرها عند مدخل شغلها ..
على قولته جاي بس عشان يسلم عليها ويروح
حركته مريبة ..
على قولته جاي بس عشان يسلم عليها ويروح
حركته مريبة ..
كل اللي فوق يهون و اتحمله في موضوع التغيير اللي صاير في حياة زوجي
إلا مسألة انه ... اول يوم تجيني الدورة الشهرية يفتعل مشكله .. عشان بس ما يكلمني ( يحاربني )
وأول يوم أغسل فيه من الدوره .. يسوي المستحيل عشان يراضيني
صار لها خمس شهور على هالعادة
وأول يوم أغسل فيه من الدوره .. يسوي المستحيل عشان يراضيني
صار لها خمس شهور على هالعادة
يظن اني لوح جدامه .. المهم الفراش وبس
مايدري اني انسانه لها مشاعر وأحاسيس .. محتاجه حتى في ايام عذري الشرعي للإهتمام
مايدري اني انسانه لها مشاعر وأحاسيس .. محتاجه حتى في ايام عذري الشرعي للإهتمام
استاذه ناعمه قالت لنا مرة .. الزوج ما يصالح بالكلام وبالأسف .. يصالح في الفراش
استاذه انا راضية بهالكلام .. بس انا مو لوح .. مو لهاي الدرجة
معلش غضيت النظر .. اول شهر .. وتسامحت مع الموضوع ثاني شهر .. وماكبرتها ثالث شهر .. وصديت رابع شهر
وبعدين؟!!!!! لين متى؟؟!!!
معلش غضيت النظر .. اول شهر .. وتسامحت مع الموضوع ثاني شهر .. وماكبرتها ثالث شهر .. وصديت رابع شهر
وبعدين؟!!!!! لين متى؟؟!!!
التعديل الأخير: