خربطت الدنيا ... دلوني كيف اتصرف ويااااااااه

[firstone]

السلام عليكم و رحمة الله و بركاته
شكرا جزيلا على المنتدى الرائع و الذي استفدت منه كثيرا
الا اني مازلت مبتدئة
و لا اعرف كيف اتصرف مع وضعي:dunno:
و اطمع في مساعدتكم

ابدأموضوعي اني اكتشفت ان زوجي على علاقة مع وحدة :icon28:
وحاولت بقدر الامكان اني استفيد من قصص اخواتي بالمنتدى و من نصائح المشرفات و خاصة استاذة ناعمة الهاشمي
لكن دون جدوى
يبدوا انه في مرحلة عشق و هيام
ماكلة عقلة ,,, ما ادري شمسوية فيه
و كل محاولاتي باءت بالفشل

و مع كل الي قريته ما عرفت اتصرف و عفست الدنيا

اهم ما في الموضوع اني في اخر مشاجرة معاه
سمعتني عمتي ( ام زوجي) و جت تهدينه لكن انا لخطبت الدنيا
كشفت كل اوراقي الي مخبئتنها من غيضي:icon28:
راويتها الهيستري الي في الكمبيوتر قدامه و راويتها المواقع الاباحية الي يزورها كل اسبوع فتحته وراويتها...
و ذكرت لها عن القنوات السيكس الي حطها في الريسيفر و الي تفاجئت بها بعد عودتي من العمرة مع اولادي و يوم ثاني مسحها لوحده و كشفت عن التلفونات و المسجات الي في تلفونه و عن مسنجره كل العام حظر ما عدا ايميها
المهم ما خليت شي ما قلته مصطحبه وياي قاموس من الكلمات البذيئة :blushing: الي ما ادري كيف و من وين جبتها
(كان يبغي لي قيص لسان :shutup

و الحين ما ادري كيف اتصرف
ساعدوني
كيف اتعامل مع زوجي ؟ و كيف استعيده منها ؟؟

 

[sahar1982]

عزيزتي

موقفك كان صعب جدا ... وعارفة انه نفسيتك كانت مدمرة ..

بس انتي دمرتي نفسية زوجك و مسحتي وجهه في البلاط ...

هل تعتقدي امه بتكرهه ؟؟ او بتخرب علاقتها فيه بعد الي صار ؟؟ هذي امه مهما حاولتي تشوهي صورته امامها حتى لو معاكي حق مليون في المية ماراح تكرهه

مثل مادمرتي صورته ... اطلبي من عمتك تساعدك تستعيديه .. قوليلها انك تحبيه و انك غلطانة يوم سويتي هالشي ... اطلبي منها تتوسط بينكم من دون ما يحس

و اتبعي نصايح المنتدى ... بس بعد كل الي سويتيه لا تعتذري له ... خليه هو الي يجي يعتذر منك والله اعلم

و شوفي آراء بقية البنات

 

[firstone]

شكرا اختي sahar1982 على ردك السريع و نصيحتك القيمة

انا عارفه اني الي سويته خطأ و انه الي صار ما راح يخرب علاقته مع امه
بالعكس امه تحب وايد هو ولدها البكر و احس دايما انها تفضلها على كل اولادها و كان طول عمره هو ولي امر عائلته حتى في الفترة الي كان ابوهم على قيد الحياة ( الله يرحمه) الكل يهابه و يعمل له الف حساب و يقدره في نفس الوقت

و انا مسحت فيه الارض و شوهت صورته قدام بيتهم خاصة اني كنت اصرخ بأعلى صوتي

ان شاء الله اسوي الي قلتيه و اطلب من عمتي تتوسط بينه و ما راح اعتذر

لكن اعرف انه ما بيعتذر
مو من طبعه يعتذر
دايما اذا يغلط ما يعتذر
و انا الي اتلصق و في الاخير اراضيه

 

[عنقود عنب]

اختي ...لا تركزي على من يعتذر ...

المهم انه يتوب عن الخطأ

انت قلتي انك فضحتيه و هو كان موجود

وش كانت ردة فعله ؟؟؟؟

هل حاول انه يدافع عن نفسة ؟؟؟ مثلا يكذب هذا الكلام كله

او قال انك انت السبب في وصوله الى هذه الحالة ؟؟؟

اختي ...موقف يبغي له شوية وقت عشان ترجع علاقتكم طبيعية

انت الان لا تحاولي انك تضغطي عليه

ولا تبيني انك غلطانه ...بالعكس حسسيه انه هو السبب في وصولك الى هذا الحد من الغضب

خلي ام زوجك تحاول تلطف الجو

لكن لازم تجلسي جلسة مصارحة وتتفاهموا على كل شي

خلي كل واحد منكم يشوف وين النقص اللي فيه و تبدأون في الاصلاح

وربي يعينك

 

[خيالة الشرق]

اختي ...لا تركزي على من يعتذر ...

المهم انه يتوب عن الخطأ

انت قلتي انك فضحتيه و هو كان موجود

وش كانت ردة فعله ؟؟؟؟

هل حاول انه يدافع عن نفسة ؟؟؟ مثلا يكذب هذا الكلام كله

او قال انك انت السبب في وصوله الى هذه الحالة ؟؟؟

اختي ...موقف يبغي له شوية وقت عشان ترجع علاقتكم طبيعية

انت الان لا تحاولي انك تضغطي عليه

ولا تبيني انك غلطانه ...بالعكس حسسيه انه هو السبب في وصولك الى هذا الحد من الغضب

خلي ام زوجك تحاول تلطف الجو

لكن لازم تجلسي جلسة مصارحة وتتفاهموا على كل شي

خلي كل واحد منكم يشوف وين النقص اللي فيه و تبدأون في الاصلاح

وربي يعينك

الله عليك يا عنقودة فعلا اهم شى انه ما تبن انها غلطانه
يعنى هو مادمر نفسيتك ما عشتى بعذاب الخيانه نارها غيييييييييييييييييييييييييير
بعد تبين تتاسفين له لالالالالالالالالالالالالالا
بصراحه الله ما يخاف من الله يستاهل ما يجه
انا ما يقهرنى الا ان الحرمه كلش بوجهه خان تحمليه واصبرى
لكن لو هى خانت يا ويلها وياسواد ليلها انا ما ابررر الخيانه لاى احد لاننا عند الله سواسيه
بس دايم مجتمعنا يهضم حق المراءة
الله يعينك على بلواك

 

[firstone]

اختي ...لا تركزي على من يعتذر ...

المهم انه يتوب عن الخطأ

انت قلتي انك فضحتيه و هو كان موجود

وش كانت ردة فعله ؟؟؟؟

هل حاول انه يدافع عن نفسة ؟؟؟ مثلا يكذب هذا الكلام كله

او قال انك انت السبب في وصوله الى هذه الحالة ؟؟؟

اختي ...موقف يبغي له شوية وقت عشان ترجع علاقتكم طبيعية

انت الان لا تحاولي انك تضغطي عليه

ولا تبيني انك غلطانه ...بالعكس حسسيه انه هو السبب في وصولك الى هذا الحد من الغضب

خلي ام زوجك تحاول تلطف الجو

لكن لازم تجلسي جلسة مصارحة وتتفاهموا على كل شي

خلي كل واحد منكم يشوف وين النقص اللي فيه و تبدأون في الاصلاح

وربي يعينك

شكرا لك اختي عنقود عنب على الرد و محاولة المساعدة

اتمنى من كل قلبي انه يتوب و يتركها
مشكلتي ما اعرف من هي و شو عاجبه فيها و ما اعرف كيف اتفاهم و ياه

لما فضحته وواجهته اعترف
قال اي عنده وحدة ( ما انكر و كرر الجملة )
و قالت له عمتي ما تبيها في البيت
ورد انه ما قال بيتزوجها و بيجيبها البيت

طلبت مني عمتي رقم تلفونها اكثر من مرة علشان تزفها وتتهاوش وياها
لكن انا ما عطيتها الرقم
و حتى هالمرة طلبت مني الرقم و قالت بتتصل قدامه
قلت لها اذا تبين تتصلين ابها اتصلي من تلفونه لان من تلفوني او اي تلفون ثاني ما بترد عليش
و طلبت تلفونه علشان تتصل بيها عمتي
قال انا ما انكرت ,,, عندي وحدة اذا تبين اتصلي بتلفونك ( طبعا هو عارف انها ما ترد على احد غيره)

************

بالنسبة لاقتراحك جلسة المصارحة

صعبة وياه
هذا شخص صعب الكلام معاه
ما يتقبل انتقادات او اي كلام
اذا ابي اتكلم وياه دايما يرفض
هذا طبع فيه من زمان
علشان جذي ما في حوار بينه
حياتنا كلها صمت في صمت

 

[firstone]

الله عليك يا عنقودة فعلا اهم شى انه ما تبن انها غلطانه
يعنى هو مادمر نفسيتك ما عشتى بعذاب الخيانه نارها غيييييييييييييييييييييييييير
بعد تبين تتاسفين له لالالالالالالالالالالالالالا
بصراحه الله ما يخاف من الله يستاهل ما يجه
انا ما يقهرنى الا ان الحرمه كلش بوجهه خان تحمليه واصبرى
لكن لو هى خانت يا ويلها وياسواد ليلها انا ما ابررر الخيانه لاى احد لاننا عند الله سواسيه
بس دايم مجتمعنا يهضم حق المراءة
الله يعينك على بلواك

شكرا لك اختي خيالة شوق على مرورك و شعورك بمشكلتي
انا ما ابي اتأسف منه بعد اليوم
لان هذا الشيء كبير و هو اللي غلطان و عليه يتأسف:icon28:

انا ما اكلمه و ما عطيتنه وجه هو بدوره عاجبه الوضع طبعا
لكن على وجها ملامح حزن ,,, و انا عامله نفسي ما هامني

بس كيف اغيره ,, كيف اتصرف وياه:sadwalk:

 

[خيال الحقيقة]

الله يفرج همك...

 

[دوومي عالية]

ربي يفرجها في ويهج يا رب..

 

[umm_reem]

عزيزتي..حلي مشكلة زوجج الأول..وبعدين فكري بأمه؟؟؟؟؟

بالنسبه لمشكلة ريلج...يحتاج منج قوة وصبر...وهدوء اعصاب..لأنها حرب بارده وطويله.....وحطي في بالج في الاول والاخير انه ابتلاء من الله...
انصحج تاخذين دورة استراتجيات الزوج الخائن ...راح تفيدج...

 

[الغلا كله222]

عادي الغالية حاولي تصلحي اللي خربتيه وانصحيه مب يوم تعصبي طلعي كل شي اهدي ولا تخربين بيتج

 

[la esperanza]

السلام عليكم ورحمة الله وبركاته
اختي الحبيبه
انا اشوف ان الي سويتيه فيه الصح وفيه الخطأ
الصح انك وريتيه انتي مو قليـله والخطأ كان توقيتكِ
الحيـن اهدئي وروقي وطنشيييـه عالاخر
واذا فيك تتركيه فتره وتسافري وترجعين له بغير لووك

انا اشوف انك ماتصري عالمصالحه ولكن اذا صارت من صالحك
خليكِ هادئه واتركيه
واهتمي بنفسك وبيتك ... لكن لو طلب منك اي شيء لاتعمليه
اهتمي بنفسك وبس
اقعدي وامزحي مع اهله واهتمي فيهم
بس مو تسوينها بطريقه تخليه يفكر انك ودك تكسبيه ولكن بطريقه تبين له انك مامهتمه فيه وهذوله اهلك

 

[الحُرّه]

صحيح مشكله وتصرفك كان طبيعي اي وحده تغار على زوجها وماترضى بالاشياء هذي!

الله يساعدك عزيزتي مااملك لك سوى الدعاء

 

[firstone]

شكرا لكما اخواتي خيال الحقيقة و دوومي عالية
على شعوركم و دعواتكم
ياربي فرج لي يا رب

اختي ام ريم شكرا لك عزيزتي
انا ما همني امه
احس ما بيرجع مثل ماكان
و احس ان الانفصال هو افضل حل لمشكلتي
دايما افكر اني اشترك في دورة استراتيجيات التعامل مع الزوج الخائن لكن ما في ماني ما في هني
عندي ارتباطات و مسؤليات (قروض و جمعيات )و الي بيبقى من معاشي يدوب يكفيني
ان شاء الله اذا الله كاتب بشترك فيها

 

[firstone]

عادي الغالية حاولي تصلحي اللي خربتيه وانصحيه مب يوم تعصبي طلعي كل شي اهدي ولا تخربين بيتج

شكرالك الغلا كله على الرد و النصيحة
انا ما اقدر اتأسف منه لاني موغلطانه هوالي خال حبيبته تشتري اغراض للاطفال للمدرسة بدل ما يوديني وياه
لو اشترى الاغراض لحاله ما عليه
لكن هي تشتري لبنتي اغراض المدرسة؟؟؟؟!!!!! كبيرة
و عبالة اني غبية و ما بعرف

القصة الي خلتني اعصب طبعا بعد ما هو بدأالصراخ و العصبية كالاتي:
واعتذر مقدما على التطويل و التفصيل

يوم الثلاثاء 5/2 بالليل و بعد رجعته من الشغل
قلت له ابي اروح وياك نشتري اغراض لبنتي للمدرس
قال يصير خير ( في السابق كان يقول ان شاء الله و من يوم تعرف عليها صار يقول يصير خير ما يذكر اسم الله)
قلت له ليش تقول يصير خير ما تقول ان شاء الله
سكت و بعدين سأل شنو ابغي اشتري
قلت ابي اشتري شنطة لبنتي شنطتها منقصة و دفاتر و اغراض للفصل الثاني
يوم الاربعاء لما رجع من الشغل بالليل ما قلت له شي
يوم الخميس يخلص شغله الساعة 9 بالليل و طبعا ما يرجع الا على العشر او بعد العشررغم ان الطريق ما ياخذ حتى ربع ساعة
لما كان بالحمام وانتو بكرامة ترك تلفونة على الطاولة مومقفول (طبعا بعد ما كشفت تلفوناتها و المسجات صار يقفل التلفون و كله وياه وين ما يروح و يخليه تحت المخدة و هو نايم و كله صامت بس بعد ما رجعت من العمرة صار يخلي تلفونة في مكان واضح و طبعا ما في اتصالات متها او اليها و لا مسجات من و الى رقمها)
اخذت التلفون نظيف ما في اتصالات و فتحت السجل و فيه كل اتصالاته و المسجات مكتوبة بالساعة و اول اتصال منه كان الصبح سبع الا و هو في طريقه الي الشغل و استمر ثلث ساعة تقريبا اهم ما في الموضوع ان كان في اتصال الساعة 9.08 بالليل بعد خروجه من العمل و استمر 11دقيقة و شي و بعدين بعد اقل من عشر دقائق اتصل ابها و استمر حديثة بعد 11 دقيقة و ثواني و انا استغربت ليش قطع وياها ايش صار مو من عوايدة ليش قطع ورد اتصل يمكن عندها شي هو في السيارة يتكلم بالبلوتوف يعني عندها شي و قطع

المهم بعد خروجه ما قلت له شي و قعد يطالع التلفزيون سألته نروح بكرة نشتري الاغراض للمدرسة
قال : لا انتي ما تحسين انا كل يوم في الشغل من الصبح لليل ابي استريح بكرة ما بطلع
قلت يعني تروح بنتي المدرسة و شنطتها قديمة و مقصوصة
عصب و نزل تحت و ما رجع الا 6.30 الصبح صلى و قعد على الكمبيوتر الى 7.30 و بعدين نام
و اول ما قعد من النوم نزل و بعدين طلع ويه اخوه وراح سوق المقاصيص هو متعود كل جمعة الظهر يصلي و يروح سوق المقاصيص ويه اخوه
بعد الغذاء سألته نروح الحين نشتري
رد بعصبية لا
قلت له انت قلت تعبان و ما بتطلع اليوم لكن طلعت مع اخوك متى نشتري تفتح المدرسة يوم الاحد
رد بشتري يوم الاحد
سالته ما عندك شغل
رد عندي شغل الصبح
رديت و العصر
قال عندي شغل
سالته باستنكار يعني متى بنشتري الاغراض ما بودي بنتي المدرسة و شنطتها مقصوصة مسكينة تروح و شنطتها مقصصة
استنكر كلمة مسكينة و عصب و طلع
و كانت الساعة على اربع العصر و ما رجع الا الساعة 8 بالليل
عنده كيسين واحد فيه الشنطة و الثاني مقلمة و اقلام و خلاهم على الكرسي و جاب للاطفال حلاوة و ناداهم
بنتي اخذت الكيس و قالت لي ماما شوفي شنطتي الجديدة و هي فرحانه شلتها وطاحت الفاتورة قريتها كلها عرفت من وين شرى الاغراض وتفاجئت بالوقت و التاريخ كان التاريخ 7/2 سألته و هو في طريقة للحمام (الله يعزكم) كم تاريخ اليوم قال 8 قلت له مكتوب التاريخ 7 قال من قال هذي فاتورتنه و عصب ليش مسويه تحقيق قلت انا ماقلت شي سألت عن التاريخ ما قلت ان الساعة الحين 8 و مكتوب الساعة 9.23 المساء ما قلت لك طالع من 4-8 في وين و يه من
التفسير
اهي الي اشترت الاغراض وقت الي كان يكلمها يوم الخميس اتصل الساعة 9.08 و قطع لانها كانت على الكيشر و لما خلصت رد اتصل له يكمل حديثة هذا السر الي كان شاغلني
و علشان جدي قال ما بيوديني اشتري الجمعة لانها شرت الاغراض الخميس و هو بدوره بمر عليها الاحد و يجيب الاغراض
هذي كانت خطته
وانا فركشتها ليه
وصارت الهوشة وجت عمتي وصار الي صار

 

[shadoo]

لما عرفتي بخيانته المفروض انك ادبتيه و علمتيه من تكونين يعني على الاقل رحتي لبيت اهلك و خليتيه مع عياله عشان يعرف قيمتك ...بس الحين بصراحه مادري ايش اقولك الله يصبرك

 

[Sliver Rain]

السلام حبيبتي
معقول ماتعرفي عنها اي شي؟؟؟؟؟؟؟؟؟؟؟
لازم تعرفي حتى تقدري تلغيها من حياته
انت بس طولي بالك شوي وابتعدي عنه شوي
خليه مايدري اش وراك...
لاتتكلمي معه بأي حال عن هذا الموضوع حتى يكون عندك قاعده عريضة من المعلومات حولها...
بالتوفيق​

 

[همس الداخل]

حبيبتي _بيني وبينك انت خربتيها _بس بينك وبينه_ انت سويت الصح ولا تتنازلي عن موقفك ابدا لانه فعلا زي ما قالت عنقودتنا
هو الي وصلك لهذي المرحلة من فقدان الاعصاب _لكن ماعليك حاولي تكون هادئة الفترة القادمة ،لانه متوقع منه ردة فعل عكسي وانت عليك بالكياسة-والله يعينك ويسهل امورك

 

[البرائة]

الصراحة شي يقهرررررررررررررر

الله يعينك...

انتي بس اهدي شوي عشان تعرفين تتصرفين...

لانك معصصبة وبهالعصبية اللي انتي فيها ممكن تسوين تصرفات خطأ...

 

[*زين الوصوفي*]

والله حاسه فيج والنار اللي بقلبج حسبي الله على بنات ابليس الله لا يوفقهم لا في الدنيا والاخره كم بيت يعاني منهم هذا وباء منشر الحمد الله هذا ابتلاء من رب العالمين لكن صدقيني انتي الافضل انتي اتقيتي الله في نفسج اما هي عايشه في حرااام تتوقعين انها مرتاحه لا والله ( فإن من يعرض عن ذكري فإن له معيشه ضنكا)
اذا تزوجها صدقيني ما بيدوم الزواج لأن اساسه غلط لا تتركين عيالج وبيتج عشان وحده ساقطه اعتبريها معركه وانتي الحق معاج والله بينصرج عليها بس شوي صبر اما زوجج اعتبريه
مريض فتره وبرجع بإذن الواحد الاحد

وخليها في بالج(( وما الله بغافل عما يفعل الظالمون))