خجل الزوجة في طلب مصروف من الزوج - شاركونا كلكم

[رقة وانوثه]

مساكم الله بالخير​

موضوعي هو :​

خجل الزوجة في طلب مصروف من الزوج - شاركونا كلكم​

أعتقد أن أغلبية الزوجات تعاني من هالموضوع​

موضوع طلب مصروف من الزوج​

يا ترى ..​

هل أنتي ممن يخجلن بطلب المصروف من الزوج ؟​

وما هي طريقتك في طلب المصروف .. هل تلفين وتدورين ؟ ​

أو​

على طول تعطينها اياه في الوجه​

احتاج مصروف ؟؟​

هل زوجك يمشي لك مصروف ثابت شهري ؟​

او انه متى ما طلبتي يعطيش ؟​

وهل المصروف يكفيك ؟​

أتمنى أن كل حوارنا يكون بخصوص هالموضوع
وتوضيح أغلب النقاط المبهمه بهالخصوص الى كل من الزوج والزوجه
وما نطلع من الموضوع الا ملاقين حل للجميع
​

وتقبلوا أرق تحيه​

 

[صدق العطاء]

من ناحيتي ما كنت اطلب مصروف ولا كان يعطيني

كنت إذا احتجت شيء وما قدرت اطلبه ابيع من ذهبي

بدون علمه ....واحياناً اطلب منه ويعطيني بس مو في كل الاوقات

لاني كنت استحي اطلبه

بس بعد مرور السنين تعبت وصرت اطلب وكما عودتي زوجك

إذا من البداية سويتي لك شخصية وطلبتي مصروف

كنتي شاطرة وذكية

والا عليك السلام

دوري مين يعطيك

دمتي بحفظ الرحمن

لاتنسي ذكر الله
​

 

[حبي ميدو]

بصراحه موضوع حلو انا شايله هم لاني حتى ابوي احرج يوم اطلب منه والشرررررررررررررقي مره كريم مايحتاج كلكم تعرفونه ياليت تفيدونا بخبرتكم ومنكم نستفيد الله يسعدكم

 

[احاسيسي غير]

انا الحمدالله عن نفسي كل شهر يعطيني مصروفي

واخذ ساعات زياده ع المصروف

صح ساعات استحي اطلب اذا مثلا فلوس لي بروحي لاني من قبل ما اتزوج وانا فبيت اهلي ما تعودت اطلب اهلي

واذا بغيت منه شي ارسل له مسج حبيبي انا ناقصني كذا كذا او ابي الشي الفلاني بس ماعندي فلوس او

فلوسي ما تكفي وهو يفهم

اما اغراض البيت عليه واذا نقص شي او غيره لاعادي اكلمه اقوله الشي الفلاني خلص هذا مافي نبي كذا وكذا

وبعدين نطلع ونشتري الاغراض

وايام العيد او المناسبات مثلا تفصيل او غيره اروح افصل لي وادفع اقل من نص العربون والباقي اخليه عليه هو يدفع

 

[جدائل البنفسج]

موضوع جدا مهم انا بالنسبه ليه استحى مرررررررره اقله اعطني بس هو يعطيني مصروف كل شهر بس اوقات ينسى يعطيني وانحرج اقله حتى لو عندى ديون مااقله اضطر ابيع ذهب . لو وحده عندها طريقه تفيدنا نكون شاكرين لها

 

[لودققتو]

انا موظفه بس نفس اطلبه مصررررررررررررررروف بس استحي اخاف يقول وين راتبك حتى عيالي انا الي اصرف عليهم هل هذا صحيح ادري انه غلط بس اخاف اطلبه.:33:
وهو جنوبي شرقي

 

[ليـ ـ ـل]

طيــب اللي ماعندها ذهب؟
انا كنت متفقه معاه على المصروف الشهري..وكان قيمه وقدرها..


ولكن..ماشفت شي..


بس إذا سافرت لاهلي..يعطيني 500 ريال..


وبرضو ماتوكل عيـــش..
من بعد العز اللي انا فيه..


انا اقول

مافيه الا اعطيه كاش بالوجه..لاني مو متعوده على هالوضع فبيت اهلي..

ولازم احط حد:30:

 

[ام المليحه]

موضوع مره حلو انا زوجي شوي بخيل او مثل مايسمي نفسه حريص انا ابدا مايعطيني يقول مو محتاجه دامك تاكلين وتشربين تكفون انا اعاني من هذي المشكله كثير كثير المشكله اني انحرج كثيييييير مع سلفاتي واخواتي واخواته اذا فيه جمعه او قطه الله ينور بصيرتكم عطوني طريقه اقنعه مافيه كريقه ماجربتها
وازيدكم من الشعر بين انه مايحب احد يعطيني فلوس ابد من اهلي او اي احد ويزعل اذا شاف معي فلوس
تكفون ارشدوني

 

[ليـ ـ ـل]

لو دققتو..يخيتي..لاتصرفين على عيالك..مو مكلوفه بمصروفهم..
والدكتوره ناعمه تقول..الفلوس اللي ماراح يصرفها عليك بيصرفها على غيــرك..

انا صحيح ما اطلبه..لكن راح يتغير الوضع..
هي ضروفه حبتين صعبه..لكن ماشوفه يقصر على عمره..
وانا صراحه مابي اقصر على عمري

 

[ليـ ـ ـل]

ام المليحه..قولي له..انا ما ابي اقعد بمجلس..يقولون فلانه قصر عليها زوجها فلان..
انا ابيهم يقولوون شوفو فلانه..زوجها ماقصر عليها..

وانشاءالله تنفع..

 

[عهود زمزمي]

لا والله اطلب منه مصروف شهري اشتري به الي احتاجه لي ومااطلب منه زيادة ليش استحي هذا حقي خصوصا اني غير موظفة واطلب مصروف لبنتي كمان ايش المشكلة؟؟؟؟

 

[برنسيسة زوجي]

موضوع رائع ومثل مايقولون وطيتو عالجرح
أنا كنت ادرس وزوجي كل بين فتره والثانيه يعطيني مبلغ صغير
للفطور ومتى مابروح السوق يعطيني الي احتاجه ولا يزيد شي
بس الحين المشكله خلصت دراسه ووقف المبلغ الصغير
و يكون ماعندي شي واذا طلبته مصروف يتحجج بحجج ولا يعطيني
ابي حل بس هذي الشقله تهون اذا فكرت في بعدين بعد ما اتوضف
هو ما قالي بس احس من كلامه انه راتبي بكون حق التزاماتي
ومابيعطيني شي من راتبه وانا ما ابي هالشي يصير
بس رجاء ردو علي مو اطرح مشكلتي وما حد يعطيني الحل

 

[لوليتا2010]

:5:في بدايه زواجي كنت ابيع ذهبي واستحي اطلب لمن خلص ذحين بديت اسطى عليه اطلب منه مصروف ما يغطي طلباتي مره يعطيني ومراااااااات يطنش ويعصب علي :santa_1: واطفالي:11::6: لمن اطلب لهم مصروف يقول ما لك شغل فيهم شاربين اكلين ليش مصررررررررررررروف هما كمان ووووووووبس هذا حالي ايش رايك فيا

 

[لوليتا2010]

ياليتني اتوظف عشان ما امد ايدي لحد

 

[مهاوي 26]

والله جبتيها عالجرح
انا موظفه وصرافتي عند زوجي واستحي اطلب منه مصروف لانه يروح معاي السوق ويدفع
بس ودي بمصروف خاص فيني

 

[تؤام روحي وقلبي]

الله يعيننا على المصروف هو سالفتنا

 

[حورية البحار]

امممممم شوو اقولكم يؤلمني حالكم بنات وا لله


لكن هو قالي من البدايه شوو رايك تبغين مصروف لك و الا مو محتاج تراكي راح تروحين معاي و انا اللي راح ادفع لكني كنت قاريه و فاهمه انه الا هذاا الشيء لا تستهيني فيه

و قلت له لا انا ابغي مصروف لي بنفسي

قال ليش انتي خسرانه جذي و انتي بتصرفين على نفسك قلت له لا اانا ابي لنفسي و مرات لما اروح معاه يدفع لي بس مو دوووم


بس الحمدلله احس بحريه لاني طول الاسبوع عند اهلي و اهلي ما شاء الله كل يوم و الثايني شوق سوق و اصرف من مصروفي و لله الحمد


بس احس ما ادري كيف اساعدكم بنات ؟؟؟!!

 

[صحاري11]

موضوووووووع رائع

 

[ام نبيله]

انا ما يعطيني مصروف شهري بس اذا قلتله محتاجه اغراض ما يقصر...

 

[التين الشوكي]

بصراحة أنا مع ليـــــــــــــل الفلوس اللي ما راح يصرفها عليك بيصرفها على غيرك

ومن واقع تجربة زواجي يقول احمدي ربك على الأكل والشرب اذا كان معي اعطيتك على كيفي والطامة الكبرى بعت ذهبي وفرشت بيتي وفجأة فرش بيت أمه فرش احسن من فرشي ويوم نا قشته قلي كيفي ونصيحة لوجهة الله أكرفي الرجال في مصاريفك ولا تخجلين لأنه مسئول عن نفقتك