خبيرات الاوربوتراك ارجوكم عندي اسئلة

[دايم ع بالي]

السلام عليكم ورحمة الله وبركاته
انا حابة اشتري الاوربتراك بس المشكلة اني لما رحت اشري لقيت انه اسمه اير ابك air bike يعني هل اهو نفسه الاوربتراك اللي يتكلمو عنه
وبعدين اللي جربته ممكن اتوضحولنا هل هو فعلا ينحف ويشد الجسم وينحته نحت
وهل هو مفيد فقط للارداف والبطن كيف هل يشده ويخليه سيده
ووين احسن اللي يكون مسكت اليد ثابته والا اللي فيه النوعين ثابت ومتحرك
يعني لو شريت ثابت بيعطيني نفس النتيجة والا الاحسن الثاني
مين منكم خف بعد ما استعمله
وكيف اضبط السرعة يعني يشتغل ع الكهرب او لا لاني اسمع البنات يقولو خلوه ع سرعة 17 او 16
ارجوكم ترا باكر ابي اروح اشريه
او انكم تنصحوني بشي ثاني
ههههه طولت عليكم السموحة :9:

 

[دايم ع بالي]

يا ربي محد عنده اي معلومة غريبة

 

[*انفاس الصباح*]

انا استخدمته صحيح ماهو مكتوب عليه اوربت تراك
لكن نفس الشكل والفايده استخدمته 4 اشهور
شد جسمي لكن ماوصلت للي ابيه
الوزن يزيد والمقاس ثابت
اعمل عليه 45 دقيقه
على قوه دفع 5

 

[اماراتية دلع]

اي رياضة فالدنيا لو ما سويتي رجيم ما بتنزلي بالعكس ممكن تزيدي و المفروض لما تخلصي الرياضو ما تاكلي الا بعد ساعتين عسب الدم يبرد


الاوربيتراك احسن جهاز بس احسن شي اشتري الي ايده تتحرك


و ابتدي تصاعديا يعني يوم 20 الي بعده 30 الي بعده 40 و تجي

 

[ثقتي عاليه]

نعم هو نفسه
اشتري اللي يوجد فيه اليد ثابته ومتحركه هاي افضل عشان شوي تحركين يدج واذا تعبتي تثبتينها وايد احسن
نعم يشد الجسم بس لازم معاه دايت
القوه على حسب قدرتج وبعدين زودي على كيفج

توكلي على الله وشتريه

 

[دايم ع بالي]

هلا حبوبات شكرا ع المشاركة
زين هل يوجد فرق بينه وبين الغزال الطائر
وليش ما نزل زون انفاس الصباح والله اللي اقراه انه اينزل الوزن
غريبة
ودي انزل وزني صايرة بالونة تنط من مكان ل مكان حححح