حيــاتي بيـــد خادمه؟؟؟

[الزمن القاسي]

مساء الخير
​

اشكر جميع من رد على موضوعي (شنو رده فعلج )

مشكلتي مع الخدامه انا خدامتي صارلها سنتين وكانت تبي تروح وقلنا لها انا وزوجي انها تقعد بعد سنه ونزيد معاشها اول شي قالت لا انا ابي اروح عيالي وابي اروح خلاص ما ابي اقعد المهم ضلت فتره وقالت خلاص انا ابي اقعد بس تزيدون معاشي وتشترولي موبايل المهم احنا رضينا علشان مضطرين بسبب الظروف الماديه وثاني سبب انا على وشك ولاده والمصيبه اني اكتشفت انها على علاقه برفيج اخوي ومو اي علاقه كل ماهو محرم تسوي معاه انا تعطي معاشها وتنام معاه وكل شي وين وشلون بيت اهلي في مخزن صغير يم الباب تروح فيه وتخلص شغلها الكلبه معاه والمشكله انها هي اللي تطلب الشي هذا منه وزوجي الحين مايدري لانه اذا قلتله راح يهاوس ويقول كله من بيت اهلج وبيت اهلج كله فوضى ويقلب السالفه على والله انا خايفه لا تحمل وتقول من زوجي واهيا كلبه مره هاوشتها وتدرون شنو سوت راح تقول حق زوجي تعال اقولك شنو ماما تسوي لمه تروح الدوام والله يابنات انا هسترت من الضحك ما ادري منصدمه وما ادري مومصدقه تعرفون شنو تقول ماما اذا رحت الدوام تطق البيبي وتهاوشهم ومره طقت الكبير وطلع منه دم وقالتلك ان تعور ورد عليها وقالها انتي مالج شغل عيالج ولا عيالها وهاوشها وماعطاها مجال انها تتكلم والحين انا خايفه اذا درت ان انا قلت حق زوجي خاف تطلع وتألف سوالف عني لاسمح الله ما ادري شنو تكون رده فعلها والمشكله انها ما تدري ان انا ادري بموضوعها
انصحوني شنو اسوي لاتقولون وديها انا على وشك ولاده وضعنا المادي ضعيف
​

 

[ام عنودي]

اجل تخلينها تلعب علي كيفها وتسوي اللي ما ينتسوي ، اتكلي علي الله وانا اختك وقولي لزوجك وارتاحي ازين ما تجيب لكم بلوي هالشغاله لا تقولين بحاجتها علي وجه ولاده الحمد لله عندك اهلك وبالديره حتي لو ما في شغالات عندهم ولا تجيك مصيبه يا وخيتي من وراها الله يحفظكم منها ولو تقول اللي بتقوله لزوجك ما بيصدقها ابداا بيصدق شغاله علي ام عياله طبعا لا انشالله اتكلي علي ربي وقولي له وتصرفوا وفتشيها اهم شي قبل تنقلع .

 

[الشامه]

استعيني بالله وتوكلي عليه والله كان عندي شغاله تبغى تتحكم في كل شيئ وانا ساكته لها لاني كنت حاسه انها لو تتركني بيكون نهاية العالم لان ابني صغير وعندي التزامات ثانيه وفي بداية عطلة الربيع سوت حركات ماعجبتني وتوكلت على الله واستغنيت عنها وتيسرت اموري بحمد الله والاشكال هذي ماتقدرين تروحين تولدين وتخلينها في بيتك اصلا كان الله في عونك هو من سيدبر لكي الامور فلا تترددي في اخراجها لحظه واحده قبل ان تجيب لك مصائب اخرى

 

[(دادا مرادي)]

ياليتها عندي وانا اعرف كيف اربيها 00لا تستني اكثر سفريها الوسخة لاتجيب لك مصيبة وتحطها على راسك وقولي لاخوك على اللي يصير في بيتكم الا هذا الشي ماينسكت عنه واذا ولدتي الله ييسر امرك ويرزقك بشغالة احسن منها مع اني مااظن في الزمن هذا ان فيه شغالة سنعة كل اللي يجون مايشتغلون يدورون المشاكل والعلوم الوسخة الله يحفظنا ويحفظ ازواجنا واولادنا من الحرام

 

[أم بشورة]

والله مدري كيف تسكتين وزانية وسخة قذرة ببيتك

تنظف مواعينكم وملابسكم..وترعى عيالكم

كيف تطمني لها

أنا لو مكانك ما أبين لها شي..وأصارح زوجي وأتركه يتصرف باللي يشوفه مناسب

يا أختي هذه بلوة تخلصي منها فورا..ودبري نفسك من الحين قبل موعد ولادتك

ومن يتق الله يجعل له مخرجا ويرزقه من حيث لا يحتسب​

 

[ياغيابه]

لالا .. خليها لين تجيب لكـ الامراض انتي وعيالكـ خذيها حلليها وسوي لها فحوصات شامله للامراض المعديه وعلمي اخوكـ يمسكـ خويه ويكسر ضلوعه لين يتفل العافيه حتى لو كانت هي اللي تطلبه هي ماعليها شرهه لادين ولا ذمه لكن هاللي يخاف الله من يردعه ؟

لو انها مواطنه قلنا العتب عليها وعليه لكن هذي مافيه شي يخافون منه


واللي تكذب عليكـ وقدام عينكـ وش تتوقعين تقول بغيابكـ ؟ وراتبها لاتشوفه لين تسفرينها قولي انا حطيته في البنكـ مع فلوسي وفيه مشكله في البنكـ حتى فلوسي مع فلوسكـ عشان ماتأذيكـ ..


بطارية جهازي مضطره ارد ع السريع


سلام ​

 

[الحنان55]

استغر ب منك كيف تثقين منها على زوجك وانت في المستشفى نصيحه سفريها والله يعوضك

 

[وحيدة درب]

اللهم اكفنا شرهم يختي الله يبي يعينك افتكي منهاووانتهى مايبيله نقاااااااااااااااااااااااااااش

 

[أم رهف 6]

ياشيخه وش خايفه تقولين لزوجك أجل تخلينها على هالوضع
انصحك تخبرين زوجك ومن غير نقاش معها تحجزون لها على شان ماتفكر تسوي لكم شي وعلى طول فتشي أغراضها
وحطيهم بشنطه وخلي زوجك ياخذها المطار
وياليت بالمره تخلين أخوك ينصح رفيقه من هالاشكال والامراض اللي تجي من وراهم

 

[دلوعة زوجي1]

سفريها بأسرع بوقت من جد غريبه انك باقي تسألين ايش تسوين

 

[مملكة الصبر]

سفريها وارتاحي هذي ماوراءها الا المشاكل ووجع الراس

 

[حديث الصباح]

قبل ما تسفرينها سوي مصيدة لها مع صديق اخوك وخلي اخوك وزوجك يشوفونهم وهم بيدخلون
عشان لا تتبلى عليك لو قلتي كلام بدون دليل

 

[راحةالقلوب2]

تموتي إذا ما عندك شغالة ؟؟
انا ولدت وجبت الخامس ما شاء الله وما عندي شغالة وعندي 2 شباب يعني محتاجين خدمة من غسيل وطبيخ ونظافة
خلاص خربت الدنيا اذا ما عندنا شغالات
ايش الكلام اللي يرفع الضغط
اختي استغني عنها والجئي الى رب العباد ان يقويكي
اللهم لا تحوجني الى احد اللهم ارزقني الصحة والعافية
ترى شغل البيت صحة للمرأة وتزيد من انوثتها
سامحيني والله شيء يعصب ما قدرت اسكت تفكيرك غلط تخلي شغالة تتحكم بحياتك او مصيرك انتي وزوجك او تهددك ؟؟

 

[NOUARA81]

السلام عليكم اختي انا والله ماقصدي التجريح او الاساءة وانا من اول ما تعرفت عالمنتدى وفي مشاكل الشغالات وحتى لما سكنت بمنطقة الخليج ماشفت بيت مافيه شغالة طيب ليششششششششششششششششششششششش؟ليش الشغالة اهالينا كان عندون 10 اطفال وما يجيبون شغالة؟انا ماعم افهم ليش.وانت بتقولي وضعكم المالي صعب طيب ليش ؟كلنا عندنا بيت وعائلة طيب ليش الشغالة .انا ما اخصك بالكلام بس هالسؤال ببالي من زمان وبدي احد يجاوبني اي احد والسلام عليكم

 

[دمعة أحزان]

خسااااااارة انها موعندي كان شفتي ويش اسوي فيها
والله لاذبحها من الضرب واسفرها مابقى الا الشغالات تهددني
سفريها روحة بالا رجعه

 

[مصاصه بالفراوله]

الله اكبر عشان انتي على وش ولادة تسكتي على بلاوريها و ضربها لعيالك
والله لا اطردها و عساها ما تربح زناها على نفسها و ذنبها هي تشيله لكن برا بيتي و ما تلمس عيال يو كمان تكلم زوجي ايش لك بالرجال يا حشرة
لا تخليها تتطاول عليك و هي عارفه انك محتاجتها والله في ليل الظلم ارميها في الشارع و ابلغ انها شردت

 

[حالمه ولكن]

ياختي حتى انا حامل وعلى وشك ولاده وماأفكر ادخل هالنوعيه بيتي وعندي صغار وشغل وتعب بس تعب جسدي ولا تعب نفسي اقلعيها والله ييسر لك امورك

 

[غلا مسك]

المطار

من البيت للمطار بدون توقف ومن غير ماتدرى الا واهى بطياره وقلعة مردى والهوا شرقى ولا تعبين نفسج ولا شى

 

[الزمن القاسي]

انا قاعده افكر بطريقه اخلي يشك فيها وماني عارفه شلون ابدي بالموضوع

 

[تملال]

قولي له وخليه يراقبها من ما تدري