حياتي معلقه بكلمه بطلقه

[ام سوقات]

السلام عليكم​

اريد استشارتكم
زوجي حالف علي بطلاق​

اذا اختي الكبيره دخلت بيتي​

واختي ساكنه في البيت الي انا ساكنه فيه​

بس كل واحده في ملحق
احنا خوات متزوجات اخوان
بس توفي اخو زوجي
واختي احين ارمله وعندها سته اطفال
زوجي الله يهديه قولو امين
قال اذا اختج دخلت بيتي انتي طالق
من دون سبب
كيف اسوي اختي او زوجي و عيالي
بس هذي اختي واكبر مني ورملة
ولا عرفت اقنعه انا محتاره
يارب افرجها عني وعن كل مكروبه
ساعدوني لكم الجنه​

 

[مـــاربيل]

مايصير يفرض عليك قطيعتها
وهوماعطاك سبب مقنع
حاولي فيه الله يهديه ويصلحة​

 

[حبي لهـ وحدهـ]

غريبة ليش مايبغى أختك تدخل بيتكم !
لازم تجلس معه و يقولك الأسباب و ع
حسب كلامه اتصرفي
بس بدون سبب و من رأسه صعبة .

 

[قيثارة الروح2]

ياروحي اجلسي معه وشوفي السبب اواذااختك متفاهمه قولي لهاانابجيك لكن لاتجيني زوجي حالف علي...والله يكون بعونك...

 

[النوم سلطان]

اجلسي معه وقولي له انا ابي اعرف سبب رفضك لاختي
هي غلطت في شي قلي
انا مااحب اكون مهمشه
ابي اعرف السبب
ولا اسمح لي اختي بامس الحاجه لي ولك
وهي مرت اخوك وام عياله



بس انتبهي انتي بعد من اختك...ماتدرين يمكن انه صاير شي بينهم
انا حبيت انصحك من كثر ماقريت عن خيانات الخوات
تخون اختها وتاخذ زوجها


اسمعي كلام زوجك ولكن اطلبي منه تبرير لمنعك من اختك
قولي له انا عصاك اللي ماتعصاااك بس لازم اعرف السبب


وبالتوفيق

 

[ام سوقات]

مشكورات يااخوتي

على مساعدتكم

 

[لواكـــــــــر]

الله يصلح حالكم