حياتها اصبحت في حيرة اليوم والسبب ادخل وافيدوني

[قلبي الإمارات]

السلام عليكم ورحمة الله وبركاته


ما اعرف من وين ابدأأ

المهم وبختصار >> :sad_1:

شو رايكم بالزواج من رجل متزوج يملك
اكثر من زوجة وهي راح تكون الرابعه

بس للعلم الزوجه الرابعه كانت متزوجه من قبل وتوفى زوجها

سؤال شو رايكم تقبل ان تكون الرابعه ..؟:questionmark:


ياليت الكل يعطيني رأأية وبعد يقول راأية يعطينا السبب بكل وضوح
واي واحد يبا يسأل اي سؤال يتفضل وانا راح اتابع الموضوع

اعرف راح تكون اراأأ مختلفه بس راح نستيد اكيد

وهاآآي حياه مب لعبه:tears:​

 

[بشووره]

ويييييي
انا زوجه ثانيه ومو متحمله
خليها تستخير والله يقدم الي فيه الخير

 

[مراسيل سوزي]

والله يا اختي الزواج ومعك شريكة مو كويس ويجيب العلة
بس انت دامك ودك تتزوجين وطبعا هذي سنة الحياة
اسالي عن الرجال وكيفه مع حريمه
واستخيري والله يعطيك من فضله

 

[اولادي كل حياتي]

السلام عليكم اهم شي استخيري وثاني شي اجلسي مع نفسك وفكري وتخيلي كيف بتكون عيشتك مستقبلا وكيف راح تقدري تتقبليها ولا لاء والله معاكي

 

[ام ميار]

الربعة وي انا اشوف انة يحب يتزوج كثير و اذا اخذ الرابعة اخاف يحي يوم ويطلق و حدة من الاربع عشان يتزوج

و شكرا

 

[أنــا بــس]

البنات ما قصروا بالاراء السديده

واا ارجع ااكد عليك بالاستغفار و الاستخاره...
صلي بالليل وتقربي من الله عسى ان تجدي بالاستخاره الاجابه العاجله و ترتاح من الحيره

و خلها تسال نفسها كثير,,,,

هي ايش حبت في الزواج والحياه الزوجيه؟
وجود زوج لا اكثر؟
او ان معها شريك حياه يتقاسمون حياتهم فيما بينهم ؟<---هنا بتكون صعوبه بالتعدد
او انها تكون سعيده.؟ <----تشوفين سعادتك بأن احد يشاركك بزوجك و مو بأي وقت تقدرين تتمشين معه او تروحين سفره او زياره؟
عادي يعني قول لك كلام حلو و بنفس الوقت تقولين اكيد يقوله لكل زوجاته!! ويمكن هو يحبهم اكثر مني ولا طلقهم... لو ما يحبهم كان طلقهم ما تزوج عليهم.... و توسوسين بعمرك انه يمكن يطلق اي وحده منكم اذا بخاطره بعد يغير وما عنده مجال يتزوج خامسه!!
عادي تعيشين كذا؟

 

[كبة مقلية]

الثالثة والرابعة سهلة مو زي الثانية لانه لما يزيد عدد المنافسين
تقل المشاكل وتصير كل وحدة همها بيتها وبس

 

[lyale]

مرحبا
الرابعة الرابعة الرابعة الله يعين الصراحة صعبه هذي و شكل الرجال مزواج بس هو مسكنهم في بيت واحد لو في بيت واحد تكون مصيبة و الرابعة هذي عندها عيال ولا سنجل

 

[*العفيفة*]

والله يا حبيبتي يعتمد على مدى تقبلها للوضع
تخيلي ما بجيها الا كل 4 ايام مرة وحدة
وما تدرين هو يعدل بين زوجاته أو لا
يعني هالزواج يعتمد على اشياء كثيرة لأن ما راح يكون لها لوحدها
وخليها تستخير

برايفت*lyale*
استمتع بردودك بكل المواضيع

 

[lyale]

ميغسي حياتي (العفيفة) و امتعك الله دنيا و آخره قولي آمين

 

[قهوة بالبندق]

خليها تسال عن معاملته مع حريمه كيف
اذا كويسة ويخاف الله
بامر الله تستخير وتتوكل على الله
ولو هي بتشتغل يكون افضل عشان ما تطفش اذا كان عند غيرها

 

[اهات14]

هلا يالغاليه اقعدي مع نفسج وتخيلي معيتش وانتي ادرى بنفسج يعني اذا كنت بعدج اصغيره ويجونج خطابه فافضل انج تتركينه اربع عافانا الله اثنتين وهو يالله يالله يعدلون زمن يخوف بس يمكن ربي يرزقج الذريه احلى مافي الوجود يالغلا وفي الاخير عمرج هو الى يحدد مصيرج

 

[نور كندا]

يعنى ازا بدها زواج لمجرد الزواج خليها توافق اما ازا بدها زواج معقول ومقبول وحياة امنة ومستقلة فانا اكيد ضد هالزواج

 

[ام جود99]

رد

استخيري فما خاب من استشار

 

[ام سعودي@]

ليه تظلم نفسها الرابعه مو مستاهله انها تتزوج وتكون الرابعه راح تنظلم لانه ماراح يقدر يعدل بالفراش وبوجوده معها وماراح يكون في تفاهم وممكن يكون كبير ومريض والمراءه عاده تبغى واحد يهتم فيهاوتسولف معاه ويكفي لاجا الليل يكون نايم جنبها يحسسها بالامان والاستقرارمو مشتت ولا لازعل منها ماعاد يجيها شهر لان عنده اماكن ثانيه يروح لها وهذي كلها اراء وما في احسن من انو الواحد يستخير ربه والله ييسر اللي فيه الخير والصالح يارب .....

 

[قلبي الإمارات]

قريت اراائكم ويالسة افكر واتخيل الموضوع في كل الجوانب وان شاء الله

ربي يسوي الي فيه الخير


يعطيكم الف عافية ةوماقصرتم والله

الف شكر

 

[تغريدأم الحلوين]

السلام عليكم ياأختي بالله انصحكي وانصح كل النات حرام تهدمون البيوت حرام تشردون الاطفال لا تتزوجي رجل متزوج حرام انا امراه كامله اداني الله الجمال والمال والاطفال زوجي تزوج علي فسقه دمرني ودمر اطفالي حرام ارجعي لله واصبري اكيد ربنا بيرزقي عريس لكي وحدك مهما كانت الاسباب اللي بتدفعكي للزواج وتدمير البيوت اتقي الله يجعل لكي مخرجا