حوار مع طفل... رضيع ومهموم!!!

[هبه الرحمن]

حوار مع طفل .. رضيـــع ومهمـوم !!

بسم الله الرحمن الرحيم

السلام عليكم ورحمة الله وبركاته

هذا يا جماعة موضوع يمس مشكلة اجتماعية عامة
ما يعاني منها الا الاطفال الرضع
واليوم اخبركم قصة مفبركة ( يعني خيالية )
ولكن تحاكي وتلمس الواقع المر ...


كنت جالس في احد المراكز التجارية في جلسة مقابلة للنافورة
وكنت أتأمل خرير المياه بعد ما أنهكني التعب من الدوران في هالسوق من محل لمحل ...
وفجأة جلست جمبي شغالة سيريلانكية معها طفل رضيع أبيض وجميل وكان مهموم جدا ..
طالعته وأمعنت النظر فيه وأبتسمت له
وابتسم لي وقالي أأأغغييي .. أأغغغييي
قلت له نننوووننييي ... ننوونننيي ..
قلت من الاخ ؟
قال وش عليك
قلت واحد بيسولف معك !!
قال انا واحد من الاطفال الرضع المظلومين في عالم اللهث خلف المدنية !!
قال أجل عاجبك وضعي
تحظنني شغالة سيريلانكية وجالسة تتنفس بوجهي
وانا مالي الا الشقى والصبر
حتى أكبر ويفكون سجني وقيودي بين يديها !!

قلت : والله ما نلومك اذا كانت هذي حالتك !!
قال : لا هو أنت شفت شي !!
قلت : طيب قل لي برنامجك اليومي !

قال : والله يا حبيبي أصحى من النوم الفجر ...
يصحيني الجوع ..
وتعطيني الشغالة حليب مالها خلق اصلا تقوم وتصلحه لي !!
تصرفني بأي شي !!
وأنا والله مالي الا الرضا لأني مجبر
والا اذا صحت زيادة حطتني على صدرها وجلست تهز وتخض كنها ماكينة
تبي تسكتني !!
وبعدين تصحيني أمي وتشيك علي قبل ما تروح الدوام ..
وتوصي الشغالة علي !!
جزاها الله خيييييييييييييير ...
وتجيك الشغالة تغير الحفاظة
وتجلس معي من الساعة 7 الصباح الى الساعة 12 الظهر
وانا بحفاظتي ماتغيرها !!
وتعال شف عاد أنواع المشاق والالتهابات في جلدي وأنواع الروائح !!

قلت له : طيب ماتستخدم الحفايظ سريعة الامتصاص والجفاف ؟
قال : أي سريعة الامتصاص
انتم ايش دراكم !!
مايروح فيها الا نحن ياصغار
ما أحد حاسس فينا !!
واذا عبرت عن تذمري للوضع السائد
جاءت الشغالة وشالتني وحطتني على صدرها وتضمني عليها بقوة
وتعال شف الروائح والكتمة
واذا صحت وتغير لون وجهي
شالتني ولمتني
وكل شوي تطل علي وتلاعبني
وتعال شف ريحة فمها !!


اااااه بس من وضعي المأساوي !!
والله ما أحد معبرنا !!

قلت له : طيب وأمك وينها
ماتشيلك ولا تلاعبك !!
قال : الا والله ...
تشيييييييييييييييلني
وانا والله أضحك بوجهها
وأتحمل العطش والجوع
لأني أخاف أصيح توديني للشغالة
وتقولها صلحي له الرضعة !!
واذا رحت للشغالة متى أرجع لحضن الوالده !!
لذلك أجلس مع أمي ساكت !!
الا أذا أستفحل الوضع أصيح مرغما
واتجه الى الشغالة مجبرا !!


قلت له : طيب ليه ماتنام مع أمك !!
قال لي : لا والله ...
أنام مع الشغالة !!


وبعد قليل:
جاء رجل من رجال الامن في المركز وقال لي :
لو سمحت هذي منطقة جلوس عوائل
ممكن ...
وفي هذي الاثناء أتجهت أنظاري للطفل الرضيع وهو يودعني بدمعة !!
وفجأة رفع يده وقال لي : لحظة ... لحظة بالله !!
قلت : هل تريد شيئا؟
قال : تصدق هالحفاظة اللي علي لها أكثر من خمس ساعات ماغيروها هالظالمين !!
والشغالة مستمرة في التنفس بوجهي أشكال وألوان !!
والله اريد ان اصرخ
بس ليتهم يفهمون طلبي ويسمعون صوتي !!
والله أنبح حلقي وانا أصرخ لعل أمي تفهم مرة
أني أبي صدرها وأنام بحضنها لو في اليوم مرة !!




منقووووووووووووووووووووووووول​

 

[ظبي]

حلووووووووووووووه
بس مساااكين هالاطفاال محدن حاااسة فيهم​

 

[روح الضياء]

لا حول ولا قوة الا بالله

كلمات يجب أن تصل لكل أم تترك فلذة كبدها بين يدي خادمة !!!!

الله المستعان...​

 

[هبه الرحمن]

نورتوا الصفحه خواتي الغاليات..........

 

[عزيزه بالإسلام]

مسااكين الأطفااال

هذاا حال ثلاثة اربااعهم ...

مشكووووووره على النقل ....

 

[أمل مفقووود]

مرررررررررررررررررررررررررررة حلوووووة

والله معاناة
طيب وقت الدوام أجبرتها الظروف
ليش تنومه مع الشغالة ؟؟
​

 

[القدس]

الله يعين الأطفال اللي كذا

ويهدي أمهاتهم



يسلموووووووووووو


سي يو

 

[ام النونة]

والله حرام مافي شي اهم من عيالي الله يهدي الامهات

 

[هبه الرحمن]

فعلا الله يهدي الامهات يارب ........اللهم اجعلنا امهات صالحات يااااااااااارب

نورتوا اخواتي الغاليات..........

 

[عروسة البحور]

مرررررررررررررررررررررررررررة حلوووووة ​

والله معاناة
طيب وقت الدوام أجبرتها الظروف
ليش تنومه مع الشغالة ؟؟​

ايه صدقج والله
مشكورة اختى عالموضوع

 

[ام القمرk]

الله يعينهم فديتهم