حمل بدون جنين

[ام الحلوين]

مرحبا اخواتي
توني راحعة من المستشفى وعملتلي الدكتوره اشعة وقالت في كيس بس بدون جنين من صارلها مثلي وبان بعدين لاني خايفة
والي تعرف عن الموضوع تقول لنا علية
ولاتنسوني من دعائكم

 

[آه ياقلبي]

كم لج الغاليه
كم شهر...
اذا الحمل شهر واكثر ..الكيس موجود وماشي بيبي معناه مابيكمل لان اختي مثل حالتج وماكملت اربعين يوم ونزل مثل دورة عاديه...
وفيه حالات ماتبين في التصوير لان البيبي حجمه صغير
لكن الغاليه صوري مره ثانية

 

[ام الحلوين]

اللة يجزاك خير تقول ستة اسابيع

 

[زهرة البوادي2006]

اختي اذا فيه كيس بدون جنين يعني ما فيه حمل وروحي سوي سكان يعني اشعة وتأكدي والله يعوضك خير

 

[ام الحلوين]

طبعا انا لي ستة اسابيع وعندي نزيف بسيط وانا خايفة جدا لانة ماشافت ولاسمعت لة نبض

 

[ام الحلوين]

مقعولة ما في احد مر بنفس التجربة

 

[دلــــع]

اختي وحده عندنا قالو لها فيكي كيس من غير حنين
وطلبو منها تعمل غسيل وهي رفضت قالت متى مانزل الكيس كيفه ماني رايحه
واكتشفت بكبر في بطنها والحبن هي ولدت وجابت بنت والحمدلله

والله اختي لا تصدقين كلام الدكاتره خليها على الله

اذا كنتي حامل او مو حامل راح يبين بعدين
ولا تسوين شئ لا غسيل ولا شئ الا بعد ما تتاكدين

 

[ام الحلوين]

اللة يجزاك خير يادلع واللة انك اعطيتيني امل

 

[رنين]

أنا بصراحة مريت بهالتجربة

وبعد فترة طلع الحمل ويبت بنتي والحمدلله

ونصيحتي تريي شوي لين الله ييسرلج وتشوفين البيبي الحلو

والله ييسرلج أختي

 

[رحيق]

أختي ام الحلوين::in_love:
وحدة من أهلي صار لها مثلك بس الفرق انها بكر واضنها اكتشفت هالشي بالشهر الثالث وسولها عملية تنظيف لكن ربي عوضها الحمدلله ..........
وانا شخصياًقرأت عن هذا الموضوع في كتب طبية وذكرو انه قد يحصل حمل بدون جنين ويكتمل
الى الشهر التاسع ويكبر البطن عادي وعند الولادة يخرج ماء فقط وقديما لم يكونو يكتشفون الأمر
إلا بعد الولادة أما الآن مع تطور العلم فيتضح الأمر من البدايه .....
ونصيحتى أن تكرري الفحص فإذا تأكدت تماما أعملي العملية....والله ييسر لك
وأنتبهي من عملية التنضيف سويها عند دكتوره ممتازه لأنها قد تلخبط الهرمونات لأن جارتي
حصلت لها لخبطه بعد العملية
أتمنى أكون أفدتك وطمنينا عليك....:icon26:​

 

[ام الحلوين]

اللة يجزاكم خير هي سوت لي تحليل الهرمون وقالت ممتاز وبعد اسبوع نسوي لك اشعة ونشوف

 

[ام الحلوين]

اللة يجزاكم خير هي سوت لي تحليل الهرمون وقالت زين وبعد اسبوع راح اعيد الاشعة

 

[اميرةحقيقية]

الله يكون بعونج حبيبتي , اعتقد هذا يسمونه الحمل الكاذب

 

[اللؤلؤة البراقه]

انا بعد بحملي الثاني سويت تحليل وطلعت حامل وبعدماكملت الشهر قمت انزف وسويت سونار وقالوالي كيس بس مافي جنين قلت لها شسوي قالت ارتاحي على ظهرك والله يسويه عدل ضليت على هذي الحال لما جاء الموعد الثاني بعدها سويت سونار وقالوا مافي جنين وسويت تحليل حمل وقالوا مافي حمل يعني نزل مع النزيف بس الحمدلله بعدها حملت والله عوضني ببنوته انشاءالله خير

 

[ام الحلوين]

بس يالؤلؤة انا الدم الي معي على شكل افرازات وهل سويتي تنظيف ولا

 

[جـود]

لاتخافين اختي ان شاء الله بسيطه00

اختي اول حمل لها كان مثلك وظل شهرين تقريبا وبعدها سقط

 

[يرونة الصغيرة]

مشكووووووووووووووووووووووورين