البيت السعيد**
New member
- إنضم
- 3 يناير 2009
- المشاركات
- 603
بسم الله الرحمن الرحيم
السلام عليكم ورحمة الله وبركاته،
هذه وحدة من طبخاتي الإبتكارية واللي تم تداولها في كل المنتديات،
حبيت إني أعرضها لكم، وكل مرة بحط مجموعة من أطباقي،
السلام عليكم ورحمة الله وبركاته،
هذه وحدة من طبخاتي الإبتكارية واللي تم تداولها في كل المنتديات،
حبيت إني أعرضها لكم، وكل مرة بحط مجموعة من أطباقي،
إسم الطبخة بعد من تأليفي هع هع هع
الطبخة هي:
الطبخة هي:
:essen:تــــــــــــاج الملكـــــــة :essen:
المقادير:
5 باكيتات كيك سويس رول على فراولة (على حسب الطاسة مالتج)
2 قيمر
2 دريم ويب
2 ملعقة طعام سكر
6 حبات جبن كيري
ثلاثة أرباع كلاص جبن ماي دافي مخلوط فيه ملعقة ونص جيلاتين
نكهة الفانيلا
كلاص جبن صغير حليب سائل
2 قيمر
2 دريم ويب
2 ملعقة طعام سكر
6 حبات جبن كيري
ثلاثة أرباع كلاص جبن ماي دافي مخلوط فيه ملعقة ونص جيلاتين
نكهة الفانيلا
كلاص جبن صغير حليب سائل
الطريقة:
1- إنييب طاسة عميقة، ونحط فيها شفاف علشان ما نبي الكيكة تلصق في الطاسة.
2- نقطع الكيك شرائح متساوية، وبعدين إنرصها زين ما زين في الطاسة.
ولا تنسين إنج تضغطين عدل على كيك من فوق علشان ينرص عدل، بس مو تهوسين بقوه وتصير عجينة.
3- ناخذ باقي المقادير ونخلطها مع بعضها البعض في الخلاط الكهربائي، لين ما نتأكد إنه ما في كتل وكل شي إنخلط زين ما زين. وصبي بعدين الخليط على الكيك بالعدال.
4- غطي الطاسة بشفاف وحطيه بالفريزر 4 إلى خمس ساعات (لأن الطاسة عميقة والخلطة تحتاج وقت علشان تيبس في الوسط).
5- عقب إنتهاء الوقت، طلعي الطاسة من الفريزر وقطعي الأطراف علشان يصير السطح متساوي حق نقلبه بعدين.
6- يبي صينية ولا صحن حلو، وقلبي الطاسة بشكل سريع، ما راح إتطيح الكيكة إلا إذا سحبتي الشفاف بالعدال وتشيلين الطاسة، والشفاف وزيني الكيكة بالفراولة صوص، وبقطع الفواكة المتوفرة.
وهذه صورة لها من داخل وإشلون طلع شكلها فظييييع
وهذه القطعة مالتي، يا زعم رجييم بس قطعة صغيرة
وبالهنا والعااااااااااااافية إنصحكم تجربونها، ريلي ألف مرة قال لي عجييييييييييبة، ذكرتني بكيكة أول إلى على إسكريم، أحين ما في منهم
