حلفت على كذب عشان رفيجتي !!!

[نظرةعيوني ذلتهم]

السلام عليكم ورحمة الله وبركاته
بنات انا صارت لي سالفة او مشكلة او مصييييبة ما ادري بصرااحة
بس مو عارفة انام بسببها والحين الامتحانات قربت
بدخل بالسالفة...
قبل كم يوم عزمت صحباتي عندي في البيت على عشاا
ووحدة منهم عسسل خفة دم وادب واخلاق وبسرعة تنحب ماشالله عليها
وبنت عمتي كانت عندنا في البيت وشافت البنت واعجبت بها وقررت انها تخطبها لاخوها الا هو ولد عمتي
طبعا بنت عمتي ما قالت لي ولا قالت للبنت بنفس اليوم ولما طلعوا البنات سالتني عنها اساله عاديية
المهم بعد يومين اتصلت فيني بنت عمتي وقالت لي انها تبي تخطبها لاخوها ولد عمتي طبعا انا فررحت لانها ماشالله عليها بنت نااس
بس المشكلة لما بنت عمتي بدات تحقق معاي وتسالني اساله عنها بحكم اني اعرفها ومعاي في المدرسة وبينا عشرة عمر!! وتبي تعرف وتتاكد ان مالها اي حركات او علاقات سابقة
وبصراحة البنت اللي هي رفيجتي كانت لها علاقة بس العلاقة انتهت لاسباب منطقية
بنت عمتي اصرت انها تعرف عنها وانا اكتفيت اني اقولها البنت ما عليها كلاام وماشاءالله كاملة والكامل الله وبالفعل هذا الصج
لكنها يا بناات حلفتني ان مالها علاقات قبل وانا حلفت لها يعني حلفت على كذذب !!!
بناات شسوي ارحموني السالفة ما قلتها لاحد الا انتوا
ابي كل وحدة تقراكلامي تحط نفسها مكاني
هل اللي سويته صح باني حلفت على كذب بس كان هدفي ان استر عليها ؟؟
ريحوني ربي يريحكم دنيا واخره :tears:​

 

[مانقو]

اختي السوال عندالزواج امانه كبيره والله وانتي ويش دراك يمكن البنت الى الحين له علاقه وماتعلمك بكرا ولدعمتك يتورط فيها ماتدرين عن دواخل الناس تقعدتسبب له مشاكل بعد مايبني بيت انتي صارحي بنت عمتك وعلميهم بلي حاصل وانه تابت وهم احرار مثل مالبنت تتورط بالرجال بعدالرجال يتورط بالبنت صدق اختي والله اعرف وحده له علاقات تزوجت وبنو بيت وجابت بنت وبعدين اكتشف زوجه انه له علاقات وطلقها والحين هدمت بيته وشتت بنته وبكيفك

 

[اعلامية طموحة]

والله مادري شقولج ياختي هالسالفه بالذات احس انها صعبه

انا اول شي ماحب اللي يسأل عن الماضي .. لأن في ناس كثير تنظلم . لأسباب تافهة من شباب وبنات .. وهالشي يصير كثير .. ومن منا ماغلط في صغره .. أكيد حتى ولد عمتك مرت عليه فحياته امور مايحب ان حد ينبشها .. وبنت عمتك نفس الشي مب شرط علاقات .. بس الماضي ماضي المهم الحين

عموما اذا انتي شايفه ان البنت محترمه وتناسب ولد عمتك انا اقول استخيري اليوم .. واتجهي لله بالدعاء وربي بيهديك لسبل الرشاد

بعدين قرري .. اذا قررتي تخبريها قوليلها احلفك بالله لاتحكمي على سالفه تافهة .. الواحد يحكم على الحين .. ولاتظلمي البنت لأن ربي بيرزقنا ببنات مانريد اذا زلوا ربي يغفرلهم والناس ماتغفر لهم

واذا قررتي ماتخبريها .. طنشي الموضوع وتوكلي على الله ​

 

[يارب افرج همي]

هلاا حبيبتي انا انصحج انج ماتقولين لهاا
لانه مااضي والبنت تركت هالشي وتبي ربي يرزقها
وانتي المفروض تسترين عليها عشان ربي يستر عليج
بس المفروض انج ماحلفتي لها

 

[ليل الشتا]

وأنا أقولك أحفظي سر صديقتك ولا تعلمي بنت عمتك وماحد ما يغلط وربي أعلم بنيتك

وكفري عن الحلفة وإذا ولد عمتك أخلاقه طيبه وشيمنع من الارتباط