حلفتكم بالله ساعدوني

[عطار]

السلام عليكم
استغفر الله الذي لا اله الا هو الحي القيوم واتوب اليه
ساعدوني بالله عليكم وايش اسوي قاعدة اكتب وانا حاسة انه بتجيني جلطة من القهر وقلة الحيلة
زوجي يقول انه مسافر للرياض لدورة مدتها ثلاثة ايام مع العلم انه في اجازة فكيف يكلف شخص مجاز بعمل؟
واتصلت عليه وكانت النغمة حقت الجوال غريبة والادها والامر ان جوازه ما هو موجود في البيت
واعطاني 500ريال ليه قبل ما يروح مع العلم انها ماهي عادته وقال هاذي لك اشتري فيها اي شيء ... انا اقول اكيد انه طالع الشرقيه مع شلة همل ورايح من هناك على******* وايش رايكم دلوني ايش اسوي لمن يرجع اترك البيت والا ايش الحل
مع العلم اني سالته عن الجواز قال دوري يمكن منخش هنا والا هنا والجواز له مكان معين ما يتحرك منه تحت يدي يعني.
ارجوكم بكرة عندي حفل في التحفيظ لانه أخر اسبوع وبعد كذا نكمل في رمضان الحفظ لكن ماليه نفس في شيء حاسه بغم اعوذ بالله العظيم من الشيطان الرجيم

 

[6flah]

هدي اعصابك ياقلبي

انا حاسه فيك بس كل شي با الهداوه ينحل

وتتركين بيتك علشان سافر؟؟!!

اهدي وفكري وخليك راكزه بردودك وافعالك علشان ماتنقلب الايه علي راسك وهذا هم الرجال وفعايلهم

بس اعجبتني كلمتك يوم تقولين رايح مع همل هههههههه

 

[مودي حبيبي]

حبيبتي ارتكي زوجك على راحته والموهم يعرف انك عرفه انه برى البلد

ولاتتصلي عليه اكتفي برسايل عتب وتأنيب ضمير وانك استحقرتي كذبته وما كان العشم

وانه لو جاء صارحك ما كنتي بتمنعيها والاهم ارسلي له رسايل تخوف كذا يعني عشان لايلعب يمين والا يسار

وانتي اصبري واصحك حد يدري من العيله سرك فبيتك لايطلع واساسا لو رحتي بيت اهلك او حد عرف ماحتستفيدي اي شي بس بتكبر المشكله وبتنفضحوا على الفاضي

خليك بالرسايل شوي عتب شوي رسايل ديينه شوي شوق شوي زعل وووو انتي وشطارتك وقبل كل شي استهدي بالله واتعوذي من ابليس ومالك الا الصلاة وقيام الليل والدعاء


ولاتخسري حياتك الزوجيه على زله ماتسوى

 

[عطار]

اسأل الله العظيم ذو العرش العظيم ان يحقق لمن ردت عليه كل ماتتمنى ويمدها الله بجند من الملائكة يكونون عونا لها على طاعته ويسر لي ولها حفظ كتابه الكريم أمييييييين​

 

[مضاوي كول]

ربي يسعدك ويفرح قلبك

 

[al.7laa]

اختي العزيزه انتظري الين يرجع وراح تلاقي الجواز فتشي فيه واذا كان مسافر راح تلاقي مختوم بتاريخ جديد وقتها لكل حادث حديث وتصرفي التصرف المناسب معاه يمكن ماسافر لا تسبقي الاحداث فديتك

 

[أسيرة غلاها]

الله يفرج همك يا أختي و يعينج

هاذولا هم الرجال .. نادر تحصلي واحد ايخاف ربه

أكثري من الاستغفار والدعاء و انشالله الله ايفرجها عليج

 

[مناي رضى ربي]

الله يصبرك ويهديه لك ولنفسه.. عليك بالدعاء والاستغفار.. وحاولي تتاكدي ولازم تتصرفي معاه بس بهدؤ وبدون مشاكل والله يسهلك

 

[شواااقة]

الله يفرج همك ويخفف عليك يارب ... انتي توضي وصلي ركعتين وادعي وربي ما يخيب رجا عبده .. حبيبتي انا من كم سنة صارت لي مثل سالفتك وعرفت من وقت ما سافر بس سكت وعادي وبعدها قلتلة اني دريت وقلتلة اذا ما كان فية ثقة بين الزوجين ما فية استقرار ومن بعدها صار يقولي وين رايح المهم تكلمينة بهدوء ويكون الجو رااااااااايق عشان هو بعدين بيفكر في كلامك وصدقيني راح يندم انا اكلمك عن تجربة ...والله حاسة فيك اكثري من الاستغفار وان شاء الله تنحل ..

 

[أميرة الوفاء]

الله يفرج همك

 

[ممددة بالصالة]

اول شئ حبيتي عنوانك (حلفتكم بالله)فلا يكون الله عرضه لإيمانكم ادري انه من توترك بس هذا لايصح لأن يمكن فيه من لايقدر ان يرد او ان يساعد فارجوالأنتباه
وبالنسبه لمشكلتك احسن الظن وتفائلي بالخير وان كان مسافر خارج البلد يمكن لشغل مايبغاك تعرفينه موشرط متزوج او خراب ودائما خلك متواصله برسائل الشوق والفراق حتى يحس بقربك وإذا استقبليه احسن استقبال وحاولي تفهمين منه الموضوع بهدوووووووووء حتى تعطينه الأمان ويفصح عن سبب سفرة
والله يطمن قلبك ويشرح صدرك وأكثري من الأستغفار والحوقله واستودعيه من لاتضيع ودائعه
ال

 

[watyn]

بالعكس ياعمري استني الين يجي واتاكدي اذا لقيتي الجواز .وعرفتي انه سافر برا
لحظتها ......اديه طنااااااش ولا تعبريه اهتمي بنفسك وفبيتك واولادك..
خليه ينصدم بردة فعلك..ولما يسالك ايش فيكي لحظتها عاتبيه وسوي اللي بتسويه فيه.

 

[ماريس2009]

الجواز يبين كل شي

 

[همسة&حنان]

الله يعينك وهدي اعصابك اهم شيئ صحتك

 

[ذهب غالي]

حبيبتي مو معقوله بيروح ******* 3 ايام والله انك سلمتي نفسك لوسوسة الشيطان انا حاسه فيكي بس ولاالضايقي روحك استخيري ولستغفري وصلي واتعوذي من ابليس فهو يحب خلق المشاكل بين الزوجين عن طريق الوسوسه

 

[fhosani]

أتعوذي بالله من الشيطان الرجيم و لا تسوين في عمرج جي..الغايب حجته معاه و أدعي أن الله يرجعه بالسلامه و لا توسوسين