حكمتكم يااميرات

[شقاوة الطفوله]

صباحكم ومسائكم وايامكم كلها ورد وجوري حبيباتي اميرات هاللمملكه الرائعه
احتاج مساعدتكم لي بشي مضايقني
زوجي ككااكثر الرجال لايتكلم كثيرا
لكن مابطول عليكم اليوم كذب علي كذبه صغيره انا ماتضايقت من الكذبه كثر ماتضايقت من تصرفه

عسولات دلوني كيف اتصرف بدون ماانكد اليوم لاني اكره النكد والزعل بس بنفس الوقت ابين له اني مصدومه لاني جد انصدمت انه كذب
كيف اخليه يحس اني مره تضايقت عشان مايتعود اته عادي ويعيدهل
مع اني انبته ورسلته له مسج اتي انصدمت فيه بس اذا زعلت هو دايما يسوي حاله مايدري ويستعبط


بنات ربي يريح بالكم ويسخر لكم ازواجكم ويسخركم لهم
اتمني تردون علي حبيباتي بسرعه عشان كيف اتصرف الحين احتاج حكمتكم


مشكورات

 

[شقاوة الطفوله]

احتاج ردكم وحكمتكم حبيباتي

 

[quen]

الله يوفقك اتمنى يفيدوك

 

[شقاوة الطفوله]

مشكوره قمر
بنات انتظركم

 

[شقاوة الطفوله]

بنات لاتبخلون عليي اعرف ان حكمتكم واسعه بلييييز طلبتكم

 

[شقاوة الطفوله]

كسرت بخاطر روحي لازلت انتظر ارائكم

 

[S-H-SH]

والله ما اعرف كيف ارد عليك
بس نفسي ارد عشان لا ينكسر خاطرش

 

[rainprincess]

هونيها تهون وكبريها تكبر
لامانع من توضيح موقفك بحزم
والله يسخرة لك
بعض الامور تهون وطبعا حسب كذبته وتاثيرها على حياتك يكون موقفك وحزمك
وصلي ركعتين لله وشوفي حتعرفي بعدها ايش تسوي
وبالنسبه للكلام اكثرهم كذا كان في فمهم لولوة وخايفين تتطيح
الكلام بالقطارة

 

[دانة الشام]

ببساطة تحركي في بيتك كعادتك ,,قومي بكاااافة واجباتك ولكن ارسمي نظرة حزن على وجهك ..يعني كوني حزينة بكل ماتحمل الكلمة من معنى,,لاتكلميه ولكن حين يكلمك ردي عليه بجدية ورسمية,,إن أتاكي ليتكلم في الموضوع ,,قولي له أنا زوجتك سترك وغطائك وأنا أكثر إنسانة تفهمك وتتفهم أي شيئ في حياتك لذلك قل لي أي شيئ يخطر ببالك وسأكون خير من يسمعك ويصدقك,, وانهي الموقف ولاداعي لتكبيره,,أعطيه الثقة والأمان كي يصدقك القول دوما ولايضطر لأن يكذب عليك,,حين تكتشفي أنه كذب في أمرا ما لاتلجأي للومه بقسوة لأن ذلك سيجعله أكثر قدرة على إخفاء كذباته,, يلجأ الانسان أحيانا للكذب إن خاف من ردة فعل الطرف الآخر تجاه بعض الأمور,,لذلك تعودي أن تكون ردات فعلك هادئة وحكيمة حتى يشعر زوجك أن باستطاعته أن يكون أمامك كالكتاب المفتوح وأنك ستفهميه حتما مهما صدر منه ومهما ارتكب من بعض الأخطاء,, ربي يختار لك الخير.

 

[خافقي]

بصراحه انا لما كذب علي زوجي .. سكت عنه يومين سويت عمري عادي اشتغل في البيت واراعي عياله واراعيه ولما اعترف لي مثلت عليه اني منصدمه منه .. ونزلت دموع التماسيح وسويت له مسرحيه انسى انك تكذب علي مره ثانيه والحمدلله حياتنا واضحه لي وله الحين ..

 

[ناصرة المظلوم]

تعريف الكذب:هو جرعة مسكنه ضد الحقائق المؤلمة"
للأسف أغلب الرجال يستخدموا ه الاسلوب من أجل أنهم يمشون أمورهم بسكاااات

 

[ام ساني]

انا من كلام دانة الشام

ومدام دزيتي مسج له فهو عارف انه انكشف
ادن اتبعي خطوات دانة الشام عشان لايجي يوم يكدب بشئ اكبر
والله يصلح بينكم يارب

 

[شقاوة الطفوله]

ام ساني ناصره المظلوم s h دانه الشام
وكل الاميرات العسولات مشكورين ماقصرتو ياحبي لكم
من جد حسيت في احد واقف معاي
انا لمته واعترف انه غلطان وقلت له الصراحه وان كانت تجرح احسن من الكذب
وصل له المسج وفهم بس للحين كل مااذكر انقهر واكرهه
افف مشكورات حبيباتي

 

[بنوتة بلادي]

سوي اللي قالت عليه دانة الشام...

 

[قطـــــريه]

حبيبتي لاهو اول ولا اخر انسان يكذب .. وعشان نكون صادقين كلنا نكذب .. على قولتج كذبه صغيرة طيب عديها ولا تحسسينه انه وانه .. ماراح تلاقين انسان صادق 100٪ مرات تكونين متاكدة انه يكذب ولازم تعدينها مايستاهل الموضوع انكد على نفسي وبيتي .. ان كذب فعلى نفسه وان صدق على نفسه بعد .. انا ما اتفق مع اي وحده تكشف لزوجها انها صادت عليه خطا لان الرجل مايبيطيح من عين زوجته ابدا ..

 

[راعية الحسن]

حبيبتي دامج طرشتيله مسج انج مصدومه من تصرفه وانه كذب عليك يعني الرساله وصلتله انج ماتحبين هالتصرف وانج ماتبينه يتكرر..لاتضغطين عليه دامها اول مره يسويها وانتي وضحتيله بمسج انج ماحبيتي جذبه..اذا عادها مره ثانيه ساعتها لكل حادث حديث..والله يوفقج ان شا الله