حقائق + MAC dupes

[E.L.E.G.A.N.T]

صباح الخير

مبروك للي نجحوا

...وبالتوفيق اللي يختبروا...

واجازة سعيدة للجميع ان شاء الله

عني أنا (شخصيا) ماأحب عنوان الموضوع بالانجليزي...بالذات وهوا بدا الشكل نصو عربي ونصو انجليزي طالع شكلو شوه...بس لحكمة...حذكرها لاحقا...

حبدأ بالموضوع دوغري

الميك أب...عالم واسع
عالم من الخدع...ابداع الاعلان والترويج...عالم من ذكاء التسويق

حقائق

أول حقيقة قرأتها من قبل 4 سنوات...اتكسرت يدي وأنا صارلي قرابة الشهر أفر النت أدور عليها
تعبت...أعلنت استسلامي...بحثت بالمنتديات الأجنبية اللي كنت أزورها...مالقيتها
بالأخير أيقنت انهم أكييييد حذفوا الموضوع...

أوووبز

...معليش نسيت أحكيلكم ع الموضوع اش هوا أصلا...

هو خبير تجميل مشهور...وكان داخل ع حسب قوله بيوزر عادي...المهم...كان يحكي عن ماركات الميك أب العالمية...
اش قال؟

كان يحكي انو كل ماركة ميك أب عالمية ولها شهرتها...عندها خطين انتاج واحد عالي التكلفة وواحد منخفض..
زي مثلا ماركة أرماني...لها خطين خط عالي وغاااالي...وخط انتاجية لعامة الناس وسعرو بمتناول أيديهم...

بالزبط الميك أب...
وكان كاتب عن كل الماركات بالأدلة اللي حصل عليها بطريقتو الخاصة زي مايقول...

اللي أتذكروا منهم...بورجوا وايف سان لوران...
انو بورجوا هي نفسها بالزبط ايف سان لوران...وكلهم يتم انتاجهم بنفس المصنع وبنفس الخبراء وبنفس التركيبة...
بعد استخدامي ومقارنتي لبورجوا أصدقو مليون بالمية....

وكان يحكي انو دي خطة ترويجية وتسويقية لشركات التجميل...لأنو مو كل الناس حيقدروا يشتروا بنفس المبالغ...طيب لازم يربحوا...ولازم يغطوا أكبر شريحة من الكستمرز...فعشان كدا كانت فكرة الخط الانتاجي الثاني...

ثاني ماركة اتكلم عنها هي ريميل وماكس فاكتور...
واتكلم انهم اثنينهم طبق الأصل لنفس الشركة ونفس المصنع لماركة كبيرة بس والله نسيتها...
عصرت مخي ماقدرت أفتكرها...اللي تلاقي المعلومة أو الموضوع بليز تنقذني وتجيبو...

ع العموم هو ذكر كل الماركات بس العتب عليا...أنا اللي نسيتهم...ومااحتفظت بالموضوع

شايفين كيف يستاهل تعب البحث عنو لمدة شهر...

راجعتلكم باذن الله​

 

[E.L.E.G.A.N.T]

لازم نعترف انو أوقات ندفع ع المنتج مقابل الاسم فقط لاغير...
وأوقات كثيرة يكون من أفشل مايكون...

أكبر دليل دا الشي الفاشل من بينيفت...سواء التنت أو باودر الحواجب...



أكيدة انو أغلبيتنا انغر باسم الماركة وشهرتها...ودعايتها القوية...
والنتيجة...كانت لون فاشل...تشقق الشفايف...وحالتنا حالة...والدليل شوفوه عندي كأنو جديد...
أصلا ماحاولت أديلو فرصة اثبات ذات ثانية...

الثاني باودر الحواجب كمان من بينيفت...حلو ويجنن...وزيادة ع النتيجة..تساقط الحواجب...
مو بس أنا...الكثير كانت لهم نفس النتيجة معاه...بس للأسف كنت دوبني اشتريت واحد جديد وظل زي ماهو مترزع جنب التنت...

باودر الحواجب من بودي شوب ومكياجي أفضل منو بستمية مرة...


في المقابل في شي مغمور...أحلى وأحلى وأحلى...بس للأسف مانال نفس الاعلان والدعاية...
وأبوه مو اسم مشهور زي بينيفت...ياحرام...محد مديلو وجه....

نشوفو سوا...



الهاي تك...من بورجوا..

شوفو السواتش هنا...واحكمو بنفسكم...



طبعا المقارنة كانت بين تنت بينيفت...وهاي تك بورجوا...وتبع بودي شوب




والنتيجة



زي ماهو مبين...أفضل نتيجة رونق ووضوح لون...كان الهاي تك من بورجوا

​

 

[E.L.E.G.A.N.T]

طيب...نشوف شي ثاني يثبت انو ممكن نلاقي طلبنا بذكاء وبأقل تكلفة...



الصورة كفاية...

خلاصة الموضوع انو بموقع يثبتوا انو غلوسات بورجوا سو ديليكيت...هي نفسها غلوسات شانيل
ألور...
من حيث الكثافة والقوام والترطيب والألوان واللمعة والثبات وكلو كلو كلوووو...
لدرجة انو خبير تجميل يجزم انها نفسها وانو الاختلاف فقط بالشكل الخارجي...


شوفو البنت هنا...جايبتلكم منتج بديل لكونسيلر ايف سان لوران تتش ايكلا...اذا ماكان أفضل منو...
أنا بصراحة أقنعني...واشتريتو بعد ماشفت المقطع من سنتر بوينت...وفعلا طلع نسخة طبق الأصل منو وأفضل من ناحية الثبات...والسعر الربع اذا ماكان أقل...




هنا

كود:
http://www.youtube.com/watch?v=W6MRpABdwf4​

​

 

[E.L.E.G.A.N.T]

حقيقة

مع انتشار البلوقز أو المدونات والصفحات الشخصية
زاد هوسنا بالميك أب...نتنقل بينهم...وكل وحدة عاملة ريفيو عن منتج معين...وتقطعو مدح...
ونحنا نسجل بالنوت...وأقرب نزلة للمول نشتري ونشتري...
وكثير ماناسبنا...

طيب شوفوا دي الجملة...انتبهولها بكثيييير من البلوقات والصفحات الشخصية...




وعادة تكون ببلوقات البنات اللي لهم شعبية...الشركات تديلهم منتجاتها الجديدة اول بأول وبدون مقابل...
وكمان يدفعولها مقابل الاعلان...
شايفين كيف الذكاء...يعرفوا انو النت صار أكبر وأقوى مؤثر...وانو البنات العاديات يكون التقبل منهم أكثر...ودا الشي يساعدهم بالانتشار والبيع أكثر...

ودا السبب انو أوقات نلاقي البنات عندهم كوليكشن ماركة تجميل معينة كاااامل...أو عندهم أعداد كبيرة من الميك أب...أو نلاقيهم مثلا جايبين 5 ألوان شدوز متشابهة من أي ماركة...وعاملين عليها ريفيو...


شوفو اعتراف دي البنت هنا...




لها مقطع ع اليوتيوب...عاملة ريفيو عن فاونديشن شانيل وتمدحو...وكتب دا الكلام تحت المقطع...
انو اشترت الفاونديشن بفلوسها هي بنفسها...عشان كدا كانت صادقة..لأنو هي مو تبع شركة شانيل أو بالأحرى مو منتسبة لهم...​

 

[E.L.E.G.A.N.T]

MAC DUPES

بدائل ماك...أو منتجات طبق الأصل من ماك...
ودا الموضوع الأهم بالنسبة لي





لو كانت بنتك أو أختك أو ولدك...مكان ذولا الطفلين...اش حيكون شعورك؟




أطفالنا يقضوا أوقاتهم بالملاهي والمولات وبين أصدقائهم وأهلهم...ربي يحفظهم لنا ويحفظنا لهم...
طيب ذولا الأطفال كيف يقضوا حياتهم؟أي طفولة اللي عايشينها؟

للأسف نشوفهم بالنت وع التي في...ونحزن عليهم...قول بدون فعل...
اش قدمنالهم؟
جالسين نساعد بقتلهم عشان والله الروج حلو وقوامو كثيييييف!!!!
ولا عشان الفرشاية الفلانية تعمل بليندنغ يجنن!!!!

لو قابلنا واحد من ذولا الأطفال...وسألنا ليييييييييه؟
اش حنجاوب؟؟؟

واذا حاسبنا ربنا يوم القيامة...
اش حنقول؟؟؟

اطلعوا ع حقيقة ماك...وماأعتقد انو في وحدة مننا يخفى عليها دا الشي...

كود:
http://en.wikipedia.org/wiki/Est%C3%A9e_Lauder_Companies
شركة يهودية...جزء من أرباحها لدعم اسرائيل...في وضوح أكثر...
مالك الشركة يعتزم رفع نسبة أرباح الشركة الداعمة لاسرائيل بنهاية شهر10/2010

شوفوا هنا

كود:
http://www.facebook.com/group.php?gid=2220732641
احنا فين من دا كلو؟اش قدمنا؟ اش سوينا؟

تجي وحدة تقوللي الرسول استعان بالكفار...
أقولها ايوا صح...برافو عليكي...
بس دا بوقت السلم...قال تعالى:
(وَقَاتِلُوا فِي سَبِيلِ اللَّهِ الَّذِينَ يُقَاتِلُونَكُمْ وَلَا تَعْتَدُوا إِنَّ اللَّهَ لَا يُحِبُّ الْمُعْتَدِينَ )
الاسلام علمنا وأدبنا...
(فَإِنْ قَاتَلُوكُمْ فَاقْتُلُوهُمْ كَذَلِكَ جَزَاءُ الْكَافِرِينَ )
طيب ذولا قاتلونا...وعذبونا...وشردونا...وانتهكوا عرضنا...اش نستنى أكثر من كذا؟

قبل فترة قابلت فلسطينية بالحرم...وسألتني انتي من المدينة؟
جاوبتها:ايوا...
ردتلي والدموع بعيونها...:أنا جاية آخذ عمرة...الله يخليكم ادعولناربنا يفك أسرنا...
تعبنا والله تعبنا...ننام واحنا ماندري بكرا نصحى أو لا...
قبل ماننام أودع أولادي وزوجي وأهلي...ماأدري مين اللي يصحى فينا بكرا أو لا...
نمت مرة..وصحيت ع القصف..أهلي ماتو...وأولادي...وزوجي...

حبايبي هم...مستنين منا الدعاء لهم والدعم...كيف لو يعرفوا اننا جزء داعم للاجرام اللي قاعد يصير لهم
للعذاب...للموت...للفقد...للتشرد...

تخيلوا...لو بعد ماسمعت كلامها...ثاني يوم أنزل ماك وأشتري!!!!
ياالله قد ايه حكون حقيرة...وعديمة انسانية...​

 

[E.L.E.G.A.N.T]

لازم نلاقي البديل

كنت مغرمة بروج ريبيل...وكل مرة أقول لنفسي طيب مو موجود الا بماك أنا مضطرة!!!!
مشكلة اللي يبغى يلاقيلو عذر!!!
وكل ماقربت من ماك...أرجع أقول يابنت من ترك شيئا لله عوضه الله خيرا منه...وأكنسل الموضوع...وماأدخل ماك...




وأخيرا لقيتو...وأحلى كمان...
اللي ع اليمين من ايف روشيه يجنن...اللون طبق الأصل والترطيب أحلى والثبات أحلى...
اللي ع اليسار ماركة أسبانية تتباع بمحلات عادية وسعرو بـ15ريال...ومكوناتها أعشاب...في أحلى من كدا...

بنات المدينة تلاقوها بوجه القمر...وبمحل بالدخيل 2 فوق جنب أجمل...




روج ماركة مافالا...موجودة الماركة بقزاز...
الروج طبق الأصل لمورانج من ماك...الترطيب والثبات كمان أحلى...




اللي ع اليمين من أفون اسمو bikini...والل ع اليسار ماركة سيراز من زهوا الريف
كلهم اثنينهم طبق الأصل من فيغاس ماك...بس بالتصوير اتغير اللون شويا




اليمين هق مي ماك
اليسار لاتيه أفون
اللي ورا لوك...

لوك ماركة ألمانية مبدعة بس مظلومة ومغمورة...أرواجها الأقلام اللي زي كدا طبق الأصل لأرواج ماك الكريمية...نفس الدرجات ونفس كل شي وسعرها 10ريال...

الثلاثة الأرواج نسخ...بس الأفضل بينهم من وجهة نظري لوك...



هنا بدون فلاش




الثلاثة كلهم مطابقين تقريبا لقيرل أباوت تاون تبع ماك...
ع اليمين سيفورا
الوسط كليرز...لاتستهينوا بأرواجو...مرا حلوة وريحتها تجنن ع فواكه...
الأخير ماركة بلاك أب من قزاز...




wild orchids من ريفلون الكل اجمع انو مطايق له 100%






fushia كمان من ريفلون




امباشيند من ماك

المطابق له هو




Rouge Allure Lipstick in Genial ...من شانيل

تبغي شي أرخص..أوكي روج من مكياجي ماركة minxرقمو 11 أعتقد...​

 

[E.L.E.G.A.N.T]

تعشقي cream cup من ماك...وماتقدري تستغني عنو...هنا البديل...




ريفلون pink pout...





رشن ريد ماك...كمان لو بديل...




ريفلون really red 006




أو برستيج fatal red...




أنجل من ماك...كلنا نحبو...بس مو لازم نشتريه من ماك...في البديل المطابق له...




من ريميل أول واحد من اليسار...nude praline




تصدقوا انو الروج اللي بشفتها اللي فوق مو نفسو اللي بالشفة اللي تحت...




استخدمت دي الروجين...
الشفة العلوية...ريميل airy fairy
الشفة السفلية...ماك viva glam ​

 

[E.L.E.G.A.N.T]

البلاشرات الكريمية...

في أكثر من ماركة...بس خلوني أعرفكم ع ماركة فلوريل...وهي ماركة ايطاليا أعتقد...
أرواجها تجنن...بس شوفو معايا هنا...



شدو كريمي...ألوانها تجنن...ثابتة وواضحة...سعرها مايتعدى الـ18ريال...وكميتها تكفي سنة...لأنو نقطة وحدة وبس كفاية...

أستخدمها كبلاشر وكشدو...,اشوفها بديل للبينت تبع ماك...وأوقات أخلطها مع غلوس ويطلع معايا أحلى روج...




النايلون من ماك...طبعا معروف...شوفوا بديلو المطابق...



اليمين مينكس من مكياجي...واليسار نارس...



هنا مفتوحين...ع فكرة..ترا حتى هما اثنينهم مالقيت فرق بينهم أبدا...اذا خلص تبع نارس حوفر ع نفسي وأشتري تبع مكياجي...




البديل الثالث barely there من نيكس...وموجودة بسنتر بوينت


السكن فينش من ماك...لقيت البديل الرااااااااااائع ومطابق 100% وبسعر 20ريال فقط...
وهو من ماركة مدام وموجودة بالمحلات العادية...



اللي ع اليسار مدام...واليمين نفس النتيجة بس بلمسة بينك من زهور الريف ماركة بيغين...

نجي لشدو ماك...ماجربت أطابق نفس درجات الألوان...بس كان لي تجربة رائعة بمطابقة الجودة والثبات ووضوح اللون واللمعة...



زهور الريف ماركة بيغين...وأخذتها وقت التخفيض بـ10ريال فقط للون الواحد...



اللي بالزاوية ماك...



هنا الألوان أوضح...



كاربون ماك..مطابق للأسود من نيكس



bitter ماك...نفسو هنا




riotis لوريال...




هنا شدوين لماكس فاكتور burnt bark
وماك satin taupe




شدو ريفلون وماك...وأسمائهم موجودة...
تطابقهم يبين أكثر بالسواتش هنا...



مجموعة من شدوات مايبلين...وشوفو كيف التشابه بينها وبين ماك...







​

 

[E.L.E.G.A.N.T]

بيجمنت ماك مقارنة ببيجمنت نيكس...



البنات اللي اتعودو ع كونسيلر ماك...سيبوه لوجه الله...وربي حيعوضكم...
والبديل والمطابق هو كونسيلر نيكس بالمرتبة الأولى وبعدو كونسيلر فوف...

أخيرا



فاونديشن ريفلون color stay...الكل أجمع سواء باليوتيوب أو البلوقز أو المنتديات...حتى خبراء التجميل...
انو مطابق لفاندويشن ماك من كل النواحي...وانو مافي فرق أبدا...الا انو ريفلون أفضل بحبة...


بالأخير...بنات بلز الموضوع موضوعنا كلنا...نحنا المسلمات...يدا بيد...نفيد ونضيف بدائلنا...
ولكم الأجر باذن الله...وخلينا نعلنها من اليوم...مقاطعة لماك...أقل شي ممكن نسويه كمسلمات...

قبل لاأنهي الموضوع...السبب اللي خلاني أكتبو بالانجليزي...عشان يظهر بمحرك البحث...وأكبر فئة تنسحب عن ماك...لأنو الأجانب عاملين مواضيع كثيرة بنفس الطريقة...بس سببهم للمقاطعة هو ارتفاع الأسعار...ماعدا وحدة صينية كان قروبها مقاطع لنفس سببنا...وهو اللي يسووه باخواننا الفلسطينيين...

وأي وحدة فيكم حابة تدور ع بديل بس تعمل بحث بالصور وتكتب MAC dupes
أو MAC VC وتكتب أي ماركة هي حابة يكون البديل منها...

أشكركم ع المتابعة...وأعذروني ع الاطالة...وبانتظار بدائلكم...​

 

[يارب ارزقني طفل]

لاحول ولاقوة الابالله

 

[عصير فرواله]

جزاك الله خير مره استفدت​

 

[ام دانه العمري]

جزاك الله خير ورزقك الله الجنه على تعبك

 

[سماره الحلوه]

جزاك الله خير