حطي نفسك مكاني ,,وشوفي كيف تتصرفي

[لعلّي أعيش]

بسم الله الرحمن الرحيم
كيفكم بلقيسيات يارب تكونو بخير وبصحه وعافيه
بغيت استشيركم بموقف مرر علي قبل كم يوم واحس اني مرررة ومقهورة
ولدي قبل كم يوم تصرف بطريقة بايخه(من غير تفصيل)وضربته
وكان ابوه نايم وصحي من النوم على ازعاج ولدي وهو زعلان
وانا تعبانه مو ناقصه غثاء
فزوجي بعد ماعرف الموقف قالي بزعل هذا مو اسلوب للتربية!!
وانا مشغوله بتنظيف خراب الولد وقلت له الله يخليك خليني انا مو ناقصاك
وزعل وعصب وتلفّظ ولأول مرة يقولي ياحيوانه وعادها كم مرة
ورماني بفوطه صغيرة كانت قريبة منه
بصراحه انصدمت منه عمره ماسواها
وخايفة لايكررها معاي
بصراحه لو كنتم مكاني كيف حتتصرفوا؟؟؟
مع العلم اني حامل وبشهوري الاخيره
وهو مقتنع اني غلطانه لأنه صحي على بكى الولد بس مو راضي يعترف انه غلط علي
افيدوني وجزاكم ربي كل خير ورفع قدركم بالدنيا والاخرة

 

[مصاصه بالفراوله]

لا يا قلبي مو غلطانه بس كان من الممكن تصكي الباب لمن ضربتيه ولا خليتيه يصيح قريب الغرفه
عادي تصير كلنا نضرب عيالنا وعلى راسنا اشغال كثير
بس معروف عن لرجال انهم يصحو من النوم منكدين كان سكتي ولا جادلتيه لانه فرغ غضبه عليك
وانتي قلتي ماعمره سواها ولا رح يسويها اذا انتي شلتي الولد من قرب الغرفه اللي هو نايم فيها
و ربي يصلح الحال

 

[فريدة بذوقي]

الله يكون بعونك حبيبتي

انتي مو غلطانة بس هوا معصب عشان صحي من النوم من بكى ولدك وتصرفه اكيد من وراء قلبه بس عشانه معصب لانك تقولين اول مرة يسويها
روقي وعديها له وربي يصلح الحال
موفقة

 

[قطفة اولى]

شوفي ياحبيبتي
بصراحة ومن دون زعل
المفروض زوجك لما يكون نايم حاولي بشتى الطرق انك ماتزعجيه ابدا ابدا
تخيلي
انا مع اولادي في العصر دخلتهم تحفيظ قرآن بس عشان لما يجي ابوهم من الدوام مايزعجوه
لأن الرجال لما يصحى من النوم على ازعاج خاصة اذا كان تعبان وماشبع نوم يقوم بشره وكل انواع النكد يشوفها قدامه فلا تلوميه
كان الله يهديكي اجلتي العقاب
ياشيخة اذا كان لابد من الضرب ومرة مانتي قادرة تمسكي نفسك دخليه غرفة معزولة عن البيت وسوي اللي تبغيه بس بعيد عن غرفة نوم ابوه
وبالنسبة للي سواه زوجك ردة فعل مضاعفة كيف ؟؟؟
لأنه قام من النوم بإزعاج
ولأنك رديتي عليه وقلتي له انا ماني ناقصتك يعني لا تدخل نفسك
عموما
قومي بواجباتك كاملة
وطنشيه كم يوم لأن ردة فعله قوية شوية باعتبارك تعبانة وحامل والولد زودها وووو
وبعدين اذا جاكي واعتذر خلاص اقبلي الاعتذار وخذي منه وعد انه ماعاد يسبك مرة ثانية ولابد يكون بينكم احترام
ربي يوفقك يارب

 

[لعلّي أعيش]

ربي يجزاكم كل خير خففتوا عني كثيييير
وراح اسوي اللي قلتوا لي عليه
المشكلة ماكان فيه مجال اشيله لمكان ثاني ماقدرت واختبصت

 

[ياغيابه]

الحمد لله مافيه شي

دائما احد الابوين مايحب اولاده ينظربو وزوجكـ كان نايم انتي فكري فيها ..!!


انسي اللي صار ولمى يكون رايق قولي والله ماهقيت هالكلمه تطلع من لسانكـ الطاهر ياقلبي



وبسسسسسسسسسس وانتي سامحي وعدي​

 

[حلمي صعب]

بصراحه ولاتزعلين ايه غلطانه قام النوم على صوت الازعاج وش تتوقعين يسوي؟

 

[قطفة اولى]

ربي يجزاكم كل خير خففتوا عني كثيييير
وراح اسوي اللي قلتوا لي عليه
المشكلة ماكان فيه مجال اشيله لمكان ثاني ماقدرت واختبصت

ماهي مشكلة خلاص اللي صار صار
الآن فكري ايش راح تسوي وكيف تتصرفي
قومي بواجباتك كاملة مع شوية طناش
واذا تناقشتوا حسسيه انه السب والاهانة ممنوعة ولابد من الاحترام واليوم رماكي بفوطة بكرة يرميكي بصحن ؟؟
لازم يمسك نفسه شوية ويضبط اعصابه
بس لا تعصبي عشان صحتك وعشان البيبي وربي يقومك بالسلامة يارب

 

[دلع الخليج]

اختي الي صاااار خلص صاااار

سيري لريلج واعتذري ليه وان شاء الله تعود المياه لمجاريها

موفقه قلبي ​

 

[زوجة تـــوتـــو]

اللي انا اشوفه انتي مو غلطانه مثل ماهو يدور الراحه حتى انا ابي الراحه اكثر منه

لانك خصوصا حامل لالاتراضينه ارسلي له رساله وبيني فيها ان هو اللي غلطان

وقولي فيها بصراحه يازوجي العزيز صدمتني كذا ترمي علي الفوطه ليش وين الاحترام

وفي الاخير قولي الله يسامحك وخلاص قفلي الموضوع راح يجيك ويراضيك بس

لازم ترسلي وهو خارج البيت>> لو انا مكانك يوم رمى عليك الفوطه كان مسكتي

المكنسه وصكيتيها في راسه من شان يعرف كيف الازعاج وان الله حق < امزح لاتسوينها هههههههههه

 

[لعلّي أعيش]

ماهي مشكلة خلاص اللي صار صار
الآن فكري ايش راح تسوي وكيف تتصرفي
قومي بواجباتك كاملة مع شوية طناش
واذا تناقشتوا حسسيه انه السب والاهانة ممنوعة ولابد من الاحترام واليوم رماكي بفوطة بكرة يرميكي بصحن ؟؟
لازم يمسك نفسه شوية ويضبط اعصابه
بس لا تعصبي عشان صحتك وعشان البيبي وربي يقومك بالسلامة يارب

قطفة اولى
ربي يجزاك كل خير وييسر لك كل امورك ويسعدك وين مارحتي

 

[لعلّي أعيش]

بصراحه ولاتزعلين ايه غلطانه قام النوم على صوت الازعاج وش تتوقعين يسوي؟

يااختي انا عارفة اني غلطت
لكن الوضع مرررة ماكان يستاهل هلطريقة والالفاظ
وانا اعرف شخصية زوجي مو هالشكل

 

[لعلّي أعيش]

فريدة بذوقي..الله يسعدك ويرزقك
ياغيابه..الف شكر ربي يرزقك
دلع الخليج..شاكرة لك اختي ربي يجزاك كل خير
زوجة توتو..الله يجزاك خير وسعتي صدري
والله اني وقتها مدري وشلون مسكت نفسي!!والمرة الجاية الله لايقولها بس صدقيني غير اخذ حقي بايدي:30:

 

[لعلّي أعيش]

مصاصة بالفراولة,,,مدري وشلون نسيتك
ربي يوسع لك ويرزقك بكل شي حلو
شاااااااااااااكرة لجميع المرور سوا ردو او لا

 

[الزوجه الاولى]

ماهي مشكلة خلاص اللي صار صار
الآن فكري ايش راح تسوي وكيف تتصرفي
قومي بواجباتك كاملة مع شوية طناش
واذا تناقشتوا حسسيه انه السب والاهانة ممنوعة ولابد من الاحترام واليوم رماكي بفوطة بكرة يرميكي بصحن ؟؟
لازم يمسك نفسه شوية ويضبط اعصابه
بس لا تعصبي عشان صحتك وعشان البيبي وربي يقومك بالسلامة يارب

كلام الاخت صح الله يكون في عونج

 

[فراشة طائرة]

الموضوع تافهه جدا واكسري الشر وروحي تكلمي معه عادي واعتبري اللي صار انتهى هو كان معصب لانه صحى من عز النوم على صراخ واي احد فينا لما ينزعج وهو نايم يتصرف تصرفات احيانا خارجة عن ارادته تلاقيه هو متندم على اللي صار بس يكابر لانك ماراعيتيه وهو نام وفوق ذلك قلتي له مو ناقصتك انا فاعتبر اسلوبك هذا سيء ..
والله يكتب اللي فيه الخير بينكم

 

[هلا الرياض]

عزيزتي انتي اللي بديتي اول شي بازعاجك انتي وابنك وثاني شي انك رديتي عليه واهو غلطان لازم يكون بينكم احترام بس متبادل

 

[لعلّي أعيش]

جزاكم ربي كل خير واسعدكم