حب زوجي الشديد لاخته؟؟

[ورررردة]

مرحباااا

شلوووونكم
​

اليوم حبيت اكتبلكم شي مضايقني والله ياخواتي في الله ان هذا المنتدى اروع مكان الجأله بعد رب العالمين

وبصرااااحه ياخواتي انتم لي خواتي اللي ماجابتهم امي

لانكم تعطوني حلول تنفع معااااي

وتغيرت حياااااااتي بعد هالمنتدى


والشكر لله ثم لكم


اليوم ابيكم تساعدوني بمشكلتي الا وهي

انا عندي حمااااتي اللي اهي اخت زوجي اكبر منه عمرها بالثلاثينيات حماتي هذي يمووووت فيها زوجي الله معطيه حب لها مو طبيعي انا مااقول لا يحبها بالعكس بس يبيني اموت فيها بعد وهي مو متزوجه بس مو عايشة معانا بالبيت وقاعد يقنعها انها تسكن معانا تخيلواا ولدت وماباركتلي كل خواتها اتصلوا الا هي وزوجي يدري بس ماقال شي

والله العظيم واقسم بالله اني موكارهتها بالعكس بس ماادري ليش اهي جذي كله متثيقله علي

واللي قاهرني انها اي شي تسويه عسل على قلبه لو انا اللي اسويه جان سوالي اعدااام

لا ويسألني ليش مادقيتي على اختي ؟؟؟؟


امره عجييييب

بنات قولولي شلون اتصرف معااااها ؟؟؟؟


ومع حب زوجي لهااا


ودايما يوديها اي مكان تبيه

لا ويقول اذا كثرواا عيالنا بعطي واحد من عيالي لها

حشى جنطه مو عيال


بنات بليز تفاااعلوا معااااااااااااي



​

 

[wa7da co0ol]

لاتركزي كثير بس اذا قالك شي وقالها ايوة قوليليوا وانا دايم اربطي اشياءك باشياءها عشان مايصيرله عذر ولاتكلميه ولاتعانديه وحاولي تكنمي عشان مايزيد وهي تزيد

وادعي انه الله يسهلها زوج وتتزوج

 

[روج احمرر]

انا زوجي يحب خواته وامه كثييير ومايرفض لهم طلب مع انهم متزوجات وانا عادي عندي لانهم اهله
وممكن اخووك حان عليها لانها كبيره ومو متزووجه
لاتدققين ياقلبي راح تتعبي

الله يفرج همممك

 

[ورررردة]

حياتي فديت مرورج

بس لوع جبدي فيها والمشكله اني لو اعرف احقد جااان وريتهم الكلام العدل بس والله مااعرف احقد

حيرني هالرجااااااال؟؟

 

[دانة الشام]

ممكن زوجك بحن عليها وبيشفق على وضعها كونها لم تتزوج...صدقيني اذا تجاهلتي الوضع وحاولتي التقرب لها بترتاحي..بكرة بتكبر مسؤوليات زوجك والحياة تشغله بداومتها وبتتغير الامور ...

 

[ورررردة]

بس اللي قااااهرني ليش ماباركتلي لما ولدت واول جاهل لي ؟؟؟


كل خواتها كلموني الا اهي


تتوقعون زوجي حاز بخاطره انها ماكلمتني او عادي عنده لانه يسألني منو باركلج من اهلي ؟؟

 

[ورررردة]

انزين شلون اتقرب منها ؟؟؟


مع اني مااحب هالاسلوب بس الله يعييين

 

[غلا روحي ليول]

عااااادي وشفيهااا يمكن كاسره خاطره لانها مب متزوجه مافيهاا شي واهي يمكن من حبها لاخوهاا تغار منج والله اعلم بس اهم في نهايه اخوان الحمدلله مايحب له حبيبه والله يخليهم لبعض

 

[قطرة في بحر]

يا أختي نصيحة لا تدخلي نفسك بين زوجك وأخته كرهها واللا حبها هذا شي بينه

أما بالنسبة لمعاملتها لك لو أنتي حاسة أنها ما تبيك خليك رسمية معاها ولا تحتكي فيها كثير

لكن إذا وصل الحال مثل ما قلتي أنها تجي تسكن عندك أو يعطيها أحد من عيالك هنا من حقك تقولي لاااا وتاخذي موقف قوي أما غير كذا من حبه وخدمته لها مالك فيها

 

[غلا روحي ليول]

واللي مافي خير في اهله مافي خييير في الناس

 

[ورررردة]

غلا روحي حبيبتي



ترا انا ماابي افرقهم ويشهد الله انا بس ابي احل مشكلة بس

 

[ورررردة]

بناااات انتم فاهمين شنو اقصد ؟؟؟

 

[توتونجد]

ما احسها مشكله ابد

بلعكس المفروض تفرحي لانه فيه خير لاهله يعني فيه خير لك

هي بثلاثين مو متزوجه يبي يحسسها انها ملكه ومحبوبه تزوجت او ما تزوجت

كل اخ يحب اخته ما فيها شي

واذا ما بركتلك يمكن رح تدق او قصدها تزورك


مبروك ما جاك

موفقه​

 

[الجواااان]

بس اللي قااااهرني ليش ماباركتلي لما ولدت واول جاهل لي ؟؟؟


كل خواتها كلموني الا اهي


تتوقعون زوجي حاز بخاطره انها ماكلمتني او عادي عنده لانه يسألني منو باركلج من اهلي ؟؟

يمكنها تبادلك بنفس الشعور ؟؟؟؟؟؟؟؟؟؟؟حاسه انك ماتطيقينها فقالت اريح نفسي وماأعطيها اي اهتمام
واذا هو يحب اخته فجزاه الله الف خير ويمكنه راحمها بسبب وضعها انها ماتزوجت

 

[ورررردة]

توتو نجد


الله يبارك فيج ياحياتي

فديتج

 

[ورررردة]

الجوان

سبق وقلت اني مااكرهااا


وللمعلومية ترا انا عندي اخوان بعد ؟؟

واحس بالاخوة اشفييييكم

 

[انثى تعشق رجل]

يمكن هي كانت له بمثابة ام ثانية
تحن عليه وتهتم لامره بكل شي ء وهالشي خلاه يتعلق فيها
ويحس برغبة في تعويضها بما انها لم تتزوج
انت حاولي تكسبيها ويصير بينكم صداقة بترتاحي كثير

 

[أمنية الحياة]

لا حول ولا قوة الا بالله
يا اختى اذا بيحب اخته دليل على الخيرة الموجودة فيه
ضرورى تفرحى من هاد الشى ان زوجك فيه الخيييير الكتييير ما شاء الله..
انت عاملة متل مرت اخى ..
كانت فى بداية زواجها اذا اخى اتصل على او اشترالى شى او ضحك معى او حكالى سر
تقوووم القيامة وما تقعد لا اله الا الله
وبعدين هى ما عندها زوج ليش تستكترى عليها محبة اخوها ؟
حرام كسر الخواطر يا ناس ​

 

[لمن يجرؤ]

فديتك والله ضحكتيني

ا ويقول اذا كثرواا عيالنا بعطي واحد من عيالي لها

حشى جنطه مو عيال

لا يتحراهم قطاوه

والله شوفي الكلام اللي كتبتيه فوق موضح المشكله هو تلقينه يحبها وكاسره خاطره انها ما تزوجت وشي طبيعي انها لو مش متزوجه بيكون ما عندها عيال هو حنون عليها

ومثل ما قالت وحده من الاخوات يمكن هي تتحراك ما دانينها انا اشوف انك تتقربين منها وتتصلين تسلمين عليها وتدعينها للزياره تشربو كوفي وتدردشو

هني راح يبين اذا في شي فالقلب ولا لا

وصدقيني كثير من الناس نفهمهم غلط
نقل فلانه ما باركت وهي تكون فعلا مو مركزه وليس تعمد

والل ان زوجك هذا راح يكون حنون عليك انتي بعد

دام انه مع اخته جذي

بعدين اختي لا تقارنين حالك فيها من ناحية اللي هي تسويه ويفرح فيه واللي انتي تسوينه

شيلي من بالك هالشئ ابدا

والخطوه الجايه جربي تعزمينها او تتصلين بكل صدر رحب تقوليلها والله مانشوفك وانتي مختفيه شو رايك تجيني بالمره تشوفين النونو

ولد الغالي

يعني شوي سياسه

وهالخطوه اختبار

اذا حسيتيها ما تبي تبادلك الشعور شيليها من بالك ولا تكلمين زوجك عنها ويوم يقلك اتصلي
قوليله طيب وطنشي
​

 

[ورررردة]

اذا في بالها شي الله يسامحها مع اني والله ماسويتلها شي


بس انشاءالله بتقرب منها وبشوف يمكن احساسي غلط

مع اني مره كلمته عنها قلت احس انك تحبها اكثر مني قالي هذي اختي وانتي زوجتي

والاخت ماتقدر تسوي اللي تسويه الزوجه

انتي احبج وهي احبها


راح احاول اتقرب