حبيباتي تفضلوا لمواساتي

[الزين ولدي]

السلام عليكم ورحمة الله وبركاته
حبيباتي اخواتي
انا زوجي كان زين بس من شهر وهو 24 تحت بالديوانه من الفطور الساعه 6 اقعده يتفطر يلبس وينزل ما يصعد الا 10 الصبح ومعاه جهازين بلاك بيري شفت بجازه بلاوي قبل اسبوعين وانجن ليش تفتحين جهازي وقعد يكسر بعدها نزل و3ايام طنشته وعدلت بالشقه وكشخت بعدها جاني يعتذر
تسنع 3ايام ورجع للحاله السابقه والحين الساعه 8ونص ليما الحينه بالديوانيه تحت دقيت عليه قلتله مصختها ماصارت قال ماني صاعد
انا ساكنه عشقه عنداهله متزوجه من 3 سنوات وعندي ولد بس شالحل تعبت والله تعبت

 

[امنتك قلبي]

الله يصبرك ويهدي زوجك حبيبتي بس بعض الكلام مش مفهوم
الله يجازيك ااااامين​

 

[الزين ولدي]

جبيتي شنو اللي مواضح انا كويتيه تعمقت ابلهجتنا

 

[الزين ولدي]

طنشته يعني تركته
تسنع يعني تعدل
كشخت يعني تزينت
مصختها يعني زودتها واضح الحين والله تعبانه نفسيتي بالمره

 

[عمري هويته]

الله يفرج همك...ويرد لك زوجك ردا جميلا.,,,,

 

[فيـ عيونيـ كلام]

صباح الورد يالغاليه..
اتوقع زوجك عنده بما يسمى بالمراهقه المتأخره ..
على حسب كلامك تقولين لقيتي بلاوي بجواله ..اكيد من ظمن هالبلاوي ,,بنات او اي شي يلهيه عنك...
دعواتك له في جوف الليل بالهدايه وان يرده الله لك ففي هذه الحاله تشعر الزوجه بان زوجها انفلت منها.!
احب انبهك على شي اخر
خليك مهتمه بنفسك ..
انتي يالغاليه واسمحي لي اني اقولك انك اخطيتي يوم فتحتي جواله ..!
وفيه موضوع بهالقسم حذر من الشي هذا
انتي سوي نفسك انك ناسيه الموضوع >>موضوع الجوال
ورتبي نفسك ,, انتي مقبله على عيد
حاولي تغيرين شكلك..وتغيرين ترتيب غرفة نومك وغيري المفرش خليها له مفاجأه
امم اذا قدرتي اشتري له هديه بسيطه ..
ولاتناقشينه ابد بالموضوع
لانه مصيره يرجع لك ..
اذا ولدك يتكلم خليه يقول لابوه بابا ليش صرت ماتقعد عندنا كثير ..!
انا ماودي تكلمينه انتي اخاف..
ان بروده يصبح عادي عنده ويتعود عليه
او يجرحك بكلمه
الله يوفقكم يارب..ويسخره لك امين
ويرجعه مثل قبل واحسن بعد
تقبلي مروري ​

 

[الزين ولدي]

مشكورين بنات الله يجزاكم الجنه قولوا امين
حبيبتي ولدي عمره سنتين بس احتياجات خاصه مريض شوي
ودايم ابدع بشقتي واغير بنفسي بس احس مو قادر يقعد بالشقه 5 دقايق كاملين بس يبي ينزل تحت قبل ادق عليه يصعد الحين حتى لو دقيت يقول ماني صاعد اه بس اه

 

[فيـ عيونيـ كلام]

حبيبتي اكثري من الاستغار ....اثره عجيب..صدقيني
حاولي تدوريين وتبحثين بنفسك وش اللي ينفره منك..​

 

[فيـ عيونيـ كلام]

يمكن زوجك مايحب احد يتصل عليه يقول وينك ..,تعال.., تاخرت..,
في رجال كذا
انتي خليه لاتسالينه ابدااا ولا تتصلين عليه
الله اعلم وش فيه ..
الله يفرج همك وكل مهموم يارب​

 

[الزين ولدي]

زوجي يحب البلاك بيري حيل موبايله من كثر حبه حط اجهزته اثنينهم بلاك بيري يعني قروبات وبنات وشباب وجذي انا ما اواطن هالجهاز وهو يدري مو قادر يصبر عنه وما يبي يفتحه قدامي شيسوي ينزل تحت حتى النو قل عنده والسبه اقعاده تحت

 

[الزين ولدي]

حتى النوم قل عنده ينام 5 ساعات او 6 مع ان زوجي نويم قبل بس الحين بس قاعد تحت واجهزته معاه

 

[فيـ عيونيـ كلام]

حسبي الله فيه بنات مايستحون من جد مدري وش تربوا عليه الله لايبلانا
ياويل عين تبكي عين..
الله يهدي جميع بنات المسلمين
كل مازاد التطور زاد الهبال والمشاكل والاستخدام الخاطئ

حبيتي لاتحرقين عمرك عليه
الحين كان فيك نوم روحي نامي لاتنتظرينه ..

قولي امين يارب يخرب جهازه ​

 

[الزين ولدي]

حبيبة قلبي الله يجزاج الجنه ضحكتيني والبجي ذابحني شهر ونص صابره بس تعبت انهرت

 

[فيـ عيونيـ كلام]

اضحكي واستانسي وانبسطي وش يزعلك من الدنيا والله فانيه وما تستاهل ان الواحد يغلط فيها​

 

[محبة التميز]

أسأل الله تعالى أن يفرج همك عاجلااا غير أجل
ويرده لك ردا جميلا ...
تأثرت كثيرا بحالك اختي الحبيبة ...
وانصحك أن تتقربي الى الله تعالى وتكثري من الاستغفار
وتحاولي الابتعاد عن جميع المعاصي مهما صغرت
وتتوجهي الى الله في الثلث الاخير من الليل تبثينه همك تدعيه ....

والله لن يخيبك
​

 

[فيـ عيونيـ كلام]

نسيت اقولك شي يالغاليه انتي بعد انزلي استانسي ليش مسكره على نفسك
اللي تحتك اهل زوجك يعني عادي انزلي سولفي مع خوات زوجك
ولا تنسين الجانب المشرق...ان الله اذا احب عبدا ابتلااه ..ربما الله يبتليك حتى يعلم
انتي من الصابرين ام لاا
ايضا كلام اختي محبة التميز رائع وجميل ..لاتهمليه​

 

[الزين ولدي]

الله يجزاكم الجنه ويفرج همومكم كلها قولوا امين زوجي ماعنده خوات
اخوان بس

 

[فيـ عيونيـ كلام]

امين واياك يارب ..الله يكون بعونك
مسألة وقت وتعدي ان شاء الله مصيره بيمل​