حامل ولايوجد جنين

[العيون الحائره]

اخواتي انا حامل في اول شهر وجاني الم في ظهري وبطني ونزل مني دم

ورحت للدكتوره وعملت لي سونار وقالت لي مافيه جنين ياليت اللي صار لها ها الشي او سمعت مثل حالتي تقول وتقولي شنهو صار لها

 

[البوادي]

السلام عليكم
حبيبتي انا نفس حالتك لا وقالوا لي سوي عملية تنظيف بس دكتورتي تقول انتظري
في احتمال يبين بعد اسبوعين لالالالالالاتستعجلين وتنزلينه
بس عليك بالراحة التـــــــــــــــــــــــــــــــــــــــامة
والله يكتب لنا اللي فيه الخير

 

[هند بنت عتبة]

حبيبتي يمكن يكون حمل متاخر

انتظري بعد فترة عيدي السونار

 

[ice--girl]

http://arb3.maktoob.com/vb/arb206009/

شوفي هالموضوع بيفيدك لان اوقات الحمل يكون فقط كيس حمل من غير جنين يصير ويطلع نتيجة ايجابيه

لو سويتي تحليل منزلي....اذا كان كذا تاكدي انه خير وادعي ربي يكتب لك اللي فيه الخير...

 

[العفو يالله]

لا تصدقينهم صبري كم شهر وبعدين شوفي
لانه انا قبل سنه حملت وقاالي الجنين متوقف عن النمو وسوو لي عمليه تنظيف
السنه هذي حملت قالو لي ماقيه جنين بس كيس وظليت على هالحال شهرين وانا مو راضيه اسوي تنظيف
وبعدها رحت مستشفى ثانيه قالو لي فيه جنين بس متوقف عن النمو ونفس الشي مارضيت ينزلونه وبعد ماخذت شهر ونص رحت المستشفى كنت تعبانه وقالت لي الحمد لله الجنين كويس ونموه سليم ماتصدقين من الفرح قمت البكي
لانه تعبت هم لازم تنزلينه لازم تنزلين لكن الحمد لله في النهائيه طلع الحمل سليم يعني مارتاح قلبي الا في الشهر الرابع صبري ومراح تندمين انش اءللله وجعله من الحمل السليم المعافى انا الحين في الشهر السادس

 

[العيون الحائره]

اشكركم اخواتي

انا بانتظر واشوف شنهو النهايه

 

[دواه عندي]

أختي أنا صار لي زيك بس ماسويت عمليه تنظيف الدكتوره قالت لي انتظري شهرين ونص وبعدها نحكم وبعد الشهرين

والنص نفس الشي مافيه جنين بس مارضيت اسوي تنظيف مرخت عند حرمه ونزل الكيس الحمد لله والله يكتب لك

اللي فيه الخير والصالح

 

[ابداااع أنثى]

إنتظري لا تسوين اي شيء دائما يقولون كذا كيس بدون جنين وبعد فترة يوضح الجنين
الله يكتب لك اللي فيه خير

 

[بنوته كلها حزن]

حبوبه سالفت مرت علي عادي تكونين حامل ومايبين بالسونار نطري جم شهر وسوي سونار وانشالله يبين

 

[وجــــــــYـــد]

حبيبتي انا حملي هذا لما كان شهر عملت سونار وظهر الرحم فاضي طنشتهم اسبوعين وانا متأكده من داخلي اني حااامل وبعد الاسبوعين يااادوب بان الحمل حتى النبض ما كان واضح بس ما نزل مني دم انتي اهم شي الراحه ولا تجهدي نفسك . . .

 

[أم ايلانه]

أنا صار لي كنت حامل وكل ما أروح المستشفى تقول كويس وفي الشهر الثالث نزل علي دم ويوم رحت للدكتوره قالت كيس بدون جنين ونزل الجنين وسويت عملية تنظيف والحمدلله وبعدها حملت وعندي ولد زي القمر عمره 8 أشهر والا كاتبه الله بيصير

 

[ملكة اسطورية]

لا تصدقينهم صبري كم شهر وبعدين شوفي
لانه انا قبل سنه حملت وقاالي الجنين متوقف عن النمو وسوو لي عمليه تنظيف
السنه هذي حملت قالو لي ماقيه جنين بس كيس وظليت على هالحال شهرين وانا مو راضيه اسوي تنظيف
وبعدها رحت مستشفى ثانيه قالو لي فيه جنين بس متوقف عن النمو ونفس الشي مارضيت ينزلونه وبعد ماخذت شهر ونص رحت المستشفى كنت تعبانه وقالت لي الحمد لله الجنين كويس ونموه سليم ماتصدقين من الفرح قمت البكي
لانه تعبت هم لازم تنزلينه لازم تنزلين لكن الحمد لله في النهائيه طلع الحمل سليم يعني مارتاح قلبي الا في الشهر الرابع صبري ومراح تندمين انش اءللله وجعله من الحمل السليم المعافى انا الحين في الشهر السادس

انا نفسج بالشهر الثاني قالولي متوقف عن النمو وصدقتهم ووكلييييت حبوب وضربوني ابره من غير اني كنت اشرب اعشاب بس عسب ينزل الله يغربلهم وما يوفقهم ان شالله ونزل فدييته

وخالتي صار لها نفسي بس ما رضت تنزله وسارت لهم الشهر الرابع وشافته سليم حمدلله ويابت بنوته حلوه

اختي لالالالالا تسمعين كلالالالالامهم بس ارتاااحي على ظهرج واذا ترومين ارفعي ريلج

 

[العيون الحائره]

والله اني خايفه مادري شسوي اقول بانتظر اسبوع او اسبوعين وان شاء الله خير

 

[العيون الحائره]

وينكم بنات طمنوني

 

[محرومه من زوجي]

الله يتمم عليك ياقلبي..
انا صار لي مثلك..بس قالت لي الطبيبه انتظري اسبوعين يمكن يبين..
ولما صار بعد اسبوعين اخذت اشاعه بالسونار وقالت مازال كيس بدون جنين..
لازم عمليه تنظيف...
طلعت على مسؤوليتي واكلت اعشاب واجهضت...


فانتي انتظري حبيبتي اسبوعين على الاقل......

 

[عيون حورية]

يااااااااااااااااااااااعمري ياحياتي ياعيون حايره الف الف الف الف الف مبرررررررروك
لا ان شاء الله فيه جنين بس ها الفتره يكون صغيرررررررر ومومن السهوله وضوحه
الله يتمم لك يااااااااااااااااارب بخير
والله فرحت لك من كل قلبي وحيرتيني معك يارب يارب يارب فيه جنين بس مو واضح

 

[أم الغالي*]

انا وحده من قريبيني مابين الا بعد ثلاث شهور تخيلي و\\حده ثانيه من قريباتي بعد قالها دكتور مافي جنين بعد شهر وكم يووم لازم تنزلينه يوم نزل الا فيه الجنين

انصحك لا تستعجلين اصبرري كم اسبووع انا بحملي بولدي تاخرت الدوره علي 12 يووم ورحت الدكتور قال مافي جنين انتظري كم اسبووع بعدين بين اصبررررررري وان شاء الله خير
\

الله يتمم لك فرحتك

 

[سمو الوجد]

اعرف وحدة نفس حالتك ومارضيت تجهضه وفي الشهر الخامس سبحان الله بان وضح

 

[مس الكندوشي]

يارب تكونين حامل وتفرحين بالبيبي يارب

 

[شهــد]

انا صار ليي مثلك بالضبط وكنت حزتها بالشهر الثاني بس ماعبرت الموضوع لان اصلا في هالفترة مايبين الجنين لان بكون مرررررررررررة صغير

الحمد لله اكو الحين بأحسن حال