حامل وارضع

[alfrasha]

السلام عليكم ورحم الله وبركاته
اخباركم بنات ان شاء الله تكونوا بخير يارب
الله يعافيكم انا عندي سؤال صعيرون وياليت تجاوبوني عليه
انا حملت على ابني وهو يرضع طبيعي هل اذا استمريت برضاعته يضر عليه او على الجنين ؟
واذاكان ضار ياليت تعطوني طريقه تساعد على فطامه لاني تعبت جربت معاه كل الطرق مانفع
مع العلم ان باقي على فطامه 4شهور

 

[alfrasha]

جاوبوني الله يرضى عليكم

 

[سماي الامل]

ما اعتقد يضر لان بنت عمي نفس الحاله

بس عشان تتاكدي اسئلي دكتورتك و تغذي مزبوط لان الرضاعه والحمل حياخذوا منك

والله يسهلها عليكي

 

[@@الجوهره@@]

اعتقد مايصلح خلاص تقطعين الرضاعه
اسالي االدكتوره افضل

 

[والله مادري]

بصراحه انا مو متاكده بس مره قريت بمنتدى نفس مكلتج واغلب الردود قالت لها وقفي ؤضاعه لان الحليب الحين مايفيد ..

فالاحسن انتي تتاكدين من الطبيبه بنفسج لان كل واحد من عندنا بيعطيج راي شكل .. الله يسهل عليج الحمل والولاده ..

 

[تفآحة حمرآ]

انااا والله ماا جربت لسه
لاااكن أمي بآخر أخوين لي كذاا حملت الأخير وكاان أخوي اللي قبله عمره 6 شهور
وقالت لهاا الدكتووورة وقفي رضاااعه
وأتذكر تبهدلناا لحد ماا رضي فديته وتعود على الصناااعي
لاكن بعد استشيري دكتورتك افضل

اماا عن طريقة الفطااام
الله يعينك الموضوع صعب لاااكن الله يسهله
خوفيه حطي الدواا الأزرق خليه يعاافه او الدواا المر طبعاا خاصين للفطااام يعني مافيهم ضرر

وتولدي بالسلااااااااااامه ياااارب

 

[دانة_بوظبي]

لااااااااا مااااااااايضر
لان في اخصائيه رضاعه اتقول .. لكل طفل حليبه الخاص من رب العالمين ومحد ياخذ رزق الثاني

وحتى لو رضعتي 2 في نفس الوقت بقدرة قادر كل شخص ينزل حليبه له ... عاادي رضعي

 

[احن قلب]

نفسسسسسسسسسسسسسسسسي انا توني بالشهر الاولى بس الحل

 

[coffee]

اولا ابشرك انك حامل بولد....انتي عندك ولد صححححححححححح ومازال يرضع منك صحححححححححححح اذن الي ببطنك ولد لان الحليب ما تغير عليه ونفس الطعم سبحان الله لو حملت ببنت كان هو من نفسه فطم نفسه لان الحليب حيكونغير طعمه ...المهم اختي استشيري طبيبه افضل ب انا افضل انك تفطميه لانه كبير الحين والبيبي الجاي بيحتاجك اول 6شهور ومشكله اذا كانو اثنين بس على العموم افطميه بالتدريج...

 

[بقعة ضوء]

لازم تفطميه ... لأن الرضاعة تأثر على الجنين وبالذات لعظام تسبب له لين عظام

صاحبتي مثل وضعك رضعت ولدها وهي حامل ولم ولدت المولود الجديد صار عنده كساح ..

انتبهي عشان الاثنين ..

 

[كلايدي]

خلاص اختي افطميه عن الرضاعه لانو الان حليبك بدى يخف واكيد انك حسيتي فيه واذاا كنتي من النوع اللي يتغذى زين فاتوقع عادي ..

 

[وين القاني]

نفس مشكلتي
في من قالت لي الحليب صار سم للطفل ,,,, اعوذ بالله كذب معلومة خاطئة
الدكتورة قالت لي حاولي تفطمية شوي شوي
والدكاترة حديثا طالعين بمعلومة ان الحليب تزيد كثافته ولزوجته وبالتالي اللي بترضع لازم تكثر من السوائل للطفل عصيرات ماء
انا تعذبت وانا افطم بنتي مافي طريقة
لين يوم جربت شي ههه
شوكولاته مرة
مليت صدري منها لما جات بنتي ترضع ذاقت الطعم المر وامتنعت وشافت صدر اما وسخ وادينها تملت خافت
قلت لها هذا دودو ( جرح ) صارت تنفخ عليه تبرد لي جروحي هههه
وبعدين قلت لها كخ وسخ صارت تضربه
وابتعدت بسهولة وبين كل غترة والثانيه تجي تسالني (كخ وسخ ) اقول لها اي ماما
تنقرف وتبتعد