حامل بعيدة عن زوجي ومحتاجة دعمه النفسي ..... تعبت افكر..

[janoo]

ياحلوات مساكم الله برضاه وجنته

صلو على الحبيب







عندي موضوع ابي رايكم كخبيرات فيه ومافكرت اسال باي منتدى غير بلقيس لانه دايم يحتويني ويحتوي مشاكلي الحمدلله

اذا انتي حامل وعند اهلك بانتظار الولادة وزوجك بعيد عنك متى تبلغينه بولادتك

هل اول ماتروحين المستشفى وتجيك الالام ولا بعد ماتقومين بالسلامة ولا تخلين اهلك يبلغونه خصوصا المولود الاول
وفرحته غير

اسالكم وابي رايكم لاني

انا حامل ماشاء الله وعلى مشارف الشهر التاسع وزوجي وصلني السعودية عشان اولد عند اهلي وامي الله لايحرمني منها ولايحرمكم غواليكم ورجع لدراسته بالغربة والوحدة هناك
انا رفضت بقوة اولد عنده بالغربة لاني احتاج امي كمان معاي ولاابغا اولد بالدولة اللي يدرس فيها
انا بكرية واول ولادة لي ومرة محتاجة دعم زوجي النفسي تعرفون اهميته للحامل وخصوصا وقت الولادة كثير اتمنى يكون معاي يومها ويساندني ويخفف عني وايضا اتمنى يشوف طفله اول لحظات حياته ونستقبله مع بعض لكن والله اعلم مايقدر يكون موجود وقت لاولادة لانه بدراسة وتعرفون مافي مجال ياخذ اجازة ويجي مثل العمل مثلا
ولا تتوفر له اجازة يقدر يجي فيها للرياض الا بعد موعد الولادة تقريبا بشهر

انا افكر اكلمه بالتلفون وابلغه بداية الالام واني بروح المستشفى افكر انه بيعيش الجو كذا ويحس عالاقل بشي من جو استقبال المولود وكمان يخفف عني ويدعمني ويشجعني عالولادة ...
كمان افكر كيف باخليه يتعلق بالطفل بعد الولادة ويحس بالابوة وهو بعيد...

ااه نفسي ومنى عيني يكون معاي يومها ونستقبل المولود مع بعض ويسميه ويسوي اوراقه ويأذن في اذنه ويستقبل التهاني مثل اي اب جديد الله لايحرمكم ويسهلها يارب انتظر رايكم اخواتي الكبيرات والمجربات وش اسوي ومتى ابلغه وكيف خففوا عني والله كل مااذكر الموضوع اقعد اصيح واتنكد ويارب ماتنحرمون احبابكم ويتحقق كل امانيكم

على فكرة هو شرقي شمالي وانا نفس النمط​

 

[الملاك الوحيد]

الله يووفقك يارررب ويسهل امرك ويقر عينك بزووجك ولدك اللهم اميين
اذا انت وزووجك نفس النمط اتوووقع انو تفكيركم متشاابه في غالب الاحيااان
او اذا بتحسين انو عليه اختبارات يبي ينشغل معك لاتبلغيه الابعدين
مع الافضل انو تبلغيه او باوووول

 

[رازيا]

بس تولدي بلغي احسن
اسئل الله ان ييسر ولادتك امين

 

[janoo]

الله يسعدكم مشكورات

بس انا احتاجه يشجعني ويطمنني وقت الولادة وكمان اخاف اسوي له قلق وهو بعيد مايقدر يسوي شي..؟؟

 

[حكايا ورد]

الافضل بعد ماتولدي تبلغيه....لانو حرام يمكن عندو اختبارات ويقلق عليكي
وهو بعيد صعبه عليه...او اذاتبغي يكون معاكي اول ماتروحي المستتشفى بلغيه
الله يسر ولدتك وتقرعينك بشوفة زوجك وولدك يااااارب

 

[نبراس الشرق]

غاليتي ان شاء الله تولدين بالسلامه والعافيه اذا ولدت وخلصتي

خلي احد والديك يخبروته ويبشرونه بسلامتك وبالمولود الجديد

لاتخبرينه قبل ذلك حتى لاتشغلينه عن دراسته ويكفي انه بالغربه وبعيد عنك

والله يسهل ولادتك ان شاء الله​

 

[$ ساجده $]

انا في اول مولود كنت زيك عند اهلي بس مو بغربه بمدينه ثانيه وماقلتله الا لما خلصت وكانت ولادتي مع اذان الفجر وارسلت له رساله اني جبت ولد وقمت باالسلامه بس مسافه الطريق اخذ اجازه وجاء طيران وخليكي كذا لا تقولين لما تخلصين وبشريه انتي صدقيني بيطير من الفرحه :24:​

 

[hadifa]

أنا مثلك ولدت ابني البكر زوجي كان في الغربة ولم يره الا لما كمل عامه الأول

زوجك أكيد بيفكر فيك وفي الجنين أنصحك لا تخبريه الا لما تولدي

ان شاء الله تكون ولادتك سهلة ويجمع بينك وبين زوجك في أقرب وقت​

 

[janoo]

والله كلامكم بدا يقنعني

الغربة صعبة ياناس الله يسهل عالجميع......

 

[قمر بلامنازع]

الله يسر ولادتك

 

[أرضى عني يارب]

يـــابعدي أنا كنت مثلك وحسيت نفس الأحساسوي
صعب صعب الله يردلك زوجك ردآ جميلآ
وتولدين وتقومين بالسلامه أنتي والبيبي,,اللهم آمين

وأنا رايحه للمستشفى عطيته خبر أني راحيه بولد

أنتي شوفي المناسب لك إذا تقوليله قبل الولاده أو بعد

الله يجمعك بزوجك وكل زوجه بعيده عن زوجها يااارب..اللهم آمين

 

[جنون بيبي]

صدقيني انو قلبو معاكي..

الاحلى انو تكلميه بعد الولاده انتي بنفسك دقي عليه مو احد من اهلك..

 

[رحلة انتظار]

انافي ولادتي بولدي البكر كان زوجي في دولة ثانية للدراسة
مادقيت عليه ولا قلت له اني بولد وبعد ماولدت الساعة 1 الليل اتصل عليه اخوي وبشره وطار من الفرحة وطول الليل تلفونه ماسكت من الاتصالات والتبريكات بس ماكلمته الا يوم ثاني

 

[ام رنومه]

الله يسهل عليك وعلينا ياااااااارب

 

[janoo]

هلا فيكم كلكم الله يسعدكم ويحقق امانيكم وينولكم رضاه وجنته ويرضي ازواجكم عنكم ويخليكم بعيونهم عرايس على طوووول

 

[غزال الجبل]

الله يهون عليك حبيبتي ...
حلو شعور الوحده وزوجها معها في هذه اللحظات ...ولكن ربما الظروف تمنع ..
فالافضل ما تبلغينه الا بعد ما تقومين بالسلامه ...
وخلي بينكم تلفونات هالايام بلغيه انك دخلت شهرك وعطيه موعد ابعد من اللي تحدده الدكتوره للولاده
يعني بتقولك اخر موعد كذا انت زودي عليها عشره ايام وقولي حددت لي في هذا اليوم ويمكن بعده ..
واذا حسيتي بحركات جنينك تواصلي معه وقولي له شعورك ...هذي امور تفرحه وتسهل عليه اموره وتونسه...
واذا قمت بالسلامه انتي اللي تبلغينه وياليت يسمع صوته تكوني كسبتي فيه اجر ...
والله يجمعكم مع بعض على خير ويسعدكم ..​

 

[janoo]

اشكركم بس كيف بيحب طفله وكيف اقدر انا نفسي احتاج وجوده وحنانه

 

[مييسو]

الله يهون عليك وتقومين بصحة وسلامة انتي والبيبي ..
لاتبلغيه الا بعد ماتولدي انتي كلميه احلى من احد يعطيه خبر لا تشغلين نفسك كثير ببعده انتي داخله على مرحله محتاجه تكوني مرتاحه الاسابيع الاوله من الامومة تحتاج طاقه وراحة نفسيه اما النونو خليك زوجك يشوفه بإستمرار عالكام وارسلي صوره دايم عالبريد خبليه وبيتعلق فيه غصب