جدا مقهورة شوي وأبكي وش أسوي معاه

[اللي في بالي]

بإختصار شديد

زوجي لايصلي إلا بعض الصلوات ووممكن يمر يوم كامل ما يركع فيه ركعة وحدة ودي إنه يصلي حتى لو في البيت
بس صلاة الجمعة يصليها ويحرص عليها و يروح المسجد متأخر
على فكرة إذا صار فيه جماع في أخر الليل ينام ويروح الدوام ويرجع من الدوام وينام المغرب ويصحى بعد العشاء وهو لسه ماغسل من الجنابة .....
شفتو أكثر من كذا أتحمل أي شي وأطنش أي شي بس الصلاة ماني قادرة أحس أنا بالذنب إذا صار فيه جماع
وأكره نفسي إذا ماشفته يصلي وأتضايق وأحاول ما أفكر في الموضوع علشان ما أنكد على نفسي وأكيد هو راح يشوفني في هاذي الحالة ويقولي إنتي نكديه ..
وقلت له إني أتضايق كثير في حكاية إنه يروح العمل وهو على جنابه من جد بنات تعبت

وشلون أحل الموضوع ___ وبحاول أحط له شريط في السيارة لعل وعسى ربي يهديه

حاولت إني امتنع عنه إذا رغب في الجماع بس ما قدرت أخاف يعاقبني ولا عاد يجيني

شوفو لي حل ...؟؟؟؟

 

[حواء]

حديث أبي هريرة رضي الله عنه أن رسول الله صلى الله عليه وسلم قال : "يتنزل ربنا تبارك وتعالى كل ليلة إلى السماء الدنيا حين يبقى ثلث الليل الآخر فيقول : من يدعوني فأستجيب له، من يسألني فأعطيه من يستغفرني فأغفر له". رواه البخاري؟

مافي افضل عن صلاه الليل وقراه صوره البقره والله راح تحسين بفرق كبير وداومي على الصلاه وبتشوفين الفرق ان شاء الله

والله يهدي زوجك وجعله من الصالحين

 

[راعية الشوق]

شوو هااا زوجك

بصراااحه حراام عليه اللي يسويه

هذه الصلاه اول ما يسأل عليها العبد يوم القيامه وهو ما يبالي لووول


والله شو اقولج

ما عليج الا بالدعاء له في كل صلاة مثل ما قالت الاخت حواء


والسموحه الغلا

 

[some1]

ادعي له حبيبتي بالهداية وربنا كريم يمكن ييجي يوم وفجأة الله يهديه ويصير متعبد لرب العالمين أكثر مني ومنك ،،
آمين يارب العالمين

 

[اتيت من بعيد]

يالغالية اسالي المفتي في بلدكم
عن حكم الاستمرار معاااه

لان ترك الصلاة مو سهل

وربي يفرج لك

 

[رومانسيه]

الله يهديه ويصلحه ادعي له

 

[القلب الكبير]

ادعو لزوجك بالهداية ان شاء الله

 

[نعومي]

الله يهديه ويجعل قرة عينه الصلاه
وحاولى انك تنصحيه وخليه دايم يشوفك تصلى امكن يحس ويسوي مثلك

 

[غريبة زمن]

ياغالية الله يعينك على مابتلاك ويأجرك ويقر عينك بصلاح زوجك ...لاتيأسي وكرري النصح بلطف ولين مع لمسات حانية واذا طلب الجماع اعطيه واطلبي منه ان تستحما سويا وانك تريدين ذلك
حاولي تشغلين اشرطة في السيارة
ذكريه ان له أبناء فكيف سينشأون اذا كان اباهم مفرطا في دينه
لوتعرفين احد من الاخيار من حولك ممكن يؤثر عليه كلميه او ممكن جماعة المسجد ويكون بطريق غير مباشر
او صاحب له في العمل طيب ملتزم ممكن تكلمينه او احد من اخوانك يكلمه وينصحه ويصاحبه وقلي من تصاحب اقل لك من انت ( المرء على دين خليله فلينظر احدكم من يخالل )
الدعاء ثم الدعاء ثم الدعاء ..تستجلب به الرحمات وتكشف به الكربات بإذن المولى عز وجل

 

[المذهله44]

الله يهديه ان شاء الله ، اكثري من الاستغفار والدعاء له وان الله قريب يجيب دعوة الداعي اذا دعاه
ولا تياسي واحمدي ربك على كل شيء.

 

[nada14]

اختي الغاليه اللي في بالي

مشكلتج نفس مشكلتي تقريبا بس ادا زوجي ادا صار جماع لازم يستحم وبعدين ينام بس المشكله ما يصلي حاولت معاه ويقولي ان شاء الله ان شاء الله بصلي
ودايما احاول اني اصلي جنبه عشان يشوفني اصلي ويهتدي بس ما في فايده
الحل هو الدعاء لله تعالى بان يهديهم

 

[دانـــة]

انك لاتهدي من احببت ولكن الله يهدي من يشاء

عزيزتي ممكن النصيحة المباشرة بهالاسلوب ينفره اكثر وممكن يعاند ويبتعد عن الصلاة أكثر

عليج بالصبر والدعاء والله كريم يااختي

دام انه يصلي بعض الصلوات ويحافظ على صلاة الجمعة هذا يعني انه مرات يحاسب نفسه ويفكر بربه وهذا شي زين

يعني فيه بوادر ..

لاتكرهيه بهالشي وتخليه يعاند .... يعني حاولي تصلي قدامه دوم ... اذا كنتي متضايقة قومي صلي ركعتين قدامه وخليه يشوف شلون انج اترتحتي بعد الصلاة وان الواحد لمايصلي يحس براحة

جيبي كتاب عقوبة تارك الصلاة وخليه قدامه على اساس انج ناسيتيه وخليه يشوفه لو ماقراه على طول بس يمكن يظل بباله

الله يهديه ويقوي ايمانه ويثبته ويسخره لج غاليتي

 

[الامل22]

ادعي له بالهدايه والصلاح يارب العالمين

 

[احب المرح]

3300cc
تذكري دوما انك لا تهدي من احببت ولكن الله يهدي من يشئ
وادعي واستغفري
الله يهدي شباب المسلمين.

 

[حبيبي دقايق من وقتك سلف]

زوجج مبتلي وايمانه ضعيف
القوة والضغط ماينفه وياه ولاالتهديد
اهم شي الزمي الدعاء له بالهداية
وسالفة الجنابة قوليله الجن والشياطين يتلبسون الناس الي مب مغتسلين من الجنابة
كم حالة سمعتيها ان سبب لبسهم للانسان هو عدم تطهرهم من الجنابة خوووفيه

 

[دانة الدنيا]

هذا مايجووووووووز تعيشين معاه
بين الانسان والكفر ترك الصلاة
لازم تدخلين اهلك بالموضوع

 

[احبه موووت]

طبعا اولا عليج بالصبر والدعاء له بالهدايا ، ثانيا : ريلج حريص على صلاة الجمعة ومايفوتها بموجب كلامج معناتها انه يعرف فيه وازع ديني بس ضعيف ويحتاج لمن يرشده ويوجه ويذكره برب العالمين ولاتياسي من رحمة ربج وحاولي مثلا صلاة الفجر حاولي تقومينه للصلاة تمسحين وتبوسين على راسه وكم كلمة حلوة "عساني ماانحرم منك يارب قوم حبيبي للصلاة عسب ربي يوفقك ويحفظك "
وكلام من هذا القبيل واتعمدي تتناسين كتب عن الصلاة وعواقب تارك الصلاة ، اتعمدي تنسين اشرطة في السيارة تحث على الصلاة وشغلي القرآن في البيت وبالخص يوم يكون موعد دخوله للبيت لان كلام الله له اثر كبير في النفس ودايما رددي عن قصص او مواقف تذكرين فيها عن فلان وعلان مايترك صلاته وكبف رب العالمين رزقه لانه مايفوت صلاة ... الله يوفقج ان شاء الله :icon30: