اجمل مافي الكون
New member
- إنضم
- 13 أكتوبر 2009
- المشاركات
- 870
السلام عليكم ...
اولا: هذا اول موضوع لي واتمنى انكم ماتخذلوني وتردون علي والله يجزاها الف خير ويسخرلها زوجها واولادها اللي ترد على ..
اولا: هذا اول موضوع لي واتمنى انكم ماتخذلوني وتردون علي والله يجزاها الف خير ويسخرلها زوجها واولادها اللي ترد على ..
بسراحة ماادري من وين ابدا بس انا محتارة مرررة اولا انا لي سنة ونص متزوجة وزوجي يبغى الحمل بحكم انة مو صغير بس الحمدالله مايبين وانا في بداية زواجي اكلت مانع للحمل وصارلي تقريبا 8 شهور تاركة الحبوب اللحين واخر مرة قرب موعد الدورة تأخرت25 ولا جتني مع العلم اني ولله الحمد منتظمة عندي الدوره من يوم تزوجت ومن يوم تركت الحبوب ...
طبعا حللت يوم تاخرت عندي الدورة ب 10 ايام تحليل دم وما صار حمل وبرضو تاخرت وسويت تحليل مرة ثانية بعد 15 يوم ومافية حمل ويوم صار 20 يوم رحت لمستشفى حكومي وقلت للدكتورة السالفة كلها و سوتلي تحليل هرموني وقالتلي عندك ارتفاع بهرمونين بس الحمدالله مو الارتفاع الخطر وعطتني اللحين ورقة موعد عشان الاشعة الصوتية تقول اللي ظاهر عندي بالتحليل انة عندك تكيس وانا خفت يوم قالتلي كذا لاني بنت ولا اعرف بالسوالف هذي واللي اسمعها مع الكبار بس ..
طبعا انا صارت نفسيتي مرررة تعبانة واخيرا جتني الدورة بعد 25 يوم من تاخيرها لكن جتني بشكل غريب اول يومين<< وانتم بكرامة>> تنزل مني كدرة مو طبيعية وثالث يوم نزلت نقطة دم مع شي ابيض مادري وشو ولا جت الا في اليوم الرابع جاء معي دم كثير واليوم الخامس نفس الشي وبعدها انقطعت ولا جاء دم وبعد تقريبا 10 ايام جاء نقطة دم مو واضحة
ومن بكرة نفس الشي والغريب من كذا اني اذا ركضت من الدرج يعورني بطني الام غريبة واحيانا في الجماع يعورني بطني وتلوع كبدي واحيانا يعورني بطني زي الم الدورة وظهري مرررة يعورني...
سؤلي هل هذي اعراض حمل للي صارلها نفس الشي؟
او هل هذي اعراض التكييس مع اني اللي اعرفة ان التكيس يلخبط الدورة وانا الحمدالله الدورة عندي منتظمة؟
اللي صار لها نفس الشي لاتبخل علي بنصايحها والله يجزاها الف خير اللي ترد علي والله ان نفسيتي زفت كل مااتذكر سالفة التكييس يضيق صدري
سامحوني طولت عليكم..
" الهم اغفر للمؤمنين وللمؤمنات والمسلمين وللمسلمات الأحياء منهم والأموات"