توي أعرف زوجي كافل يتيمة مراهقه... وصورها ما تبشر بالخير!!!

[الأمل]

السلام عليكم ورحمة الله وبركاته...

ماعرف مكان الاستشاره اهني صح ولا لا... أنا أبا أكبر مجموعه يساعدوني... الله يجزاكم كل خير...

العنوان غريب صح؟؟!!

هاللي صاير... زوجي ولله الحمد ناجح (((((فقط))))) في الصرف علي.... أما المعاشرة بالمعروف وغيره... حطوا تحتهن كم خط... الله يهدي الجميع... وهو (((شماااااالي))) على ما أظن... ويمووووت عالمديح.. مستعد يقطع عمره عسب ينمدح... تصرفاته تصرفات شيخ.... يحب الكشخه... يحب الفخامة... شايف نفسه حبتين.. يحب يعطي الناس بلا حساب... هو يقصد خير بس الناس يقولون يلعب بالفلوس... المهم...

كنت أفكر من فترة نكفل يتيم عسب يباركلنا ربي في رزقنا... وعيالنا... وتعرفون أجر كافل اليتيم... بس ما كلمته للحين... المهم... اليوم أرتب الحجره وشفت ثلاث ملفات للهلال الأحمر... فتحتهن إلا وأشوف ظرف كفالة اليتيم وعالغلاف رسالة شكر لكافل اليتيم بإسم ريلي... أنا قلت يحليله كافل يتيم بدون ما أقوله زين والله.. واتخيل شكل اليتيم ولد ولا بنت صغيرونه أثيوبيه ولا غيره... إلا وأفتح الظرف وأنصدم,,,,, البنت تقولين صورة مغازلجيه!!!!!!!!! متكحله وروج وشيله وقدله... يا سلااااام ونظرتها ما عجبتني!!!! تفاجأت البنت مواليد 1991 بس شكلها أكبر عن جيه... واهي من إحدى مدن الدوله....والثلاث ظروف في كل ظرف صورتها الشخصيه (مالت الجواز) وشهادة المدرسة (فاشلة دراسياً) وتقرير عنها وشهادة شكر بخط يدها!!!


تخيلوا ردت فعلي..... علطول قلت مالي إلا بنات بلقييس..... الحين هو راقد.... وأصلاً بيني وبينه هالايام شوي اختلافات... شسوي كيف أفاتحه.. بصراحه أباه يقطع كفالة هالبنت.. أبد مب مرتاحه لها..... الحين إذا هي فاشلة دراسياً ومب متستره في صورها الشخصيه... عيل ليش نصرف عليها.. خل نصرف على (((أطفال))) مجتهدين يكافحون للحصول على لقمة العيش.. استغفر الله أحس هالبنية تصرف الكفاله عالمكياج والكشخه...

يا بنات شرايكم في كلامي... أنا مب مرتاحه لهالموضوع أبد بس أخاف ريلي يعند ويصر انه يكفلها... أخاف تكون عاجبته... ولا تعجبه عقب الشيطان شاطر... حسبي الله عليهم حق شو يطرشون صورة بنية مراهقه... ورساله منها المفروض فوق 15 سنه خلاص يسترون عالبنيه..

ساعدوني تكفون... تراني وايد مضايجه من هالموضوع

 

[الأمل]

كيف أتصرف بحكمة وتعقل... كيف اقنعه يقطع كفالتها!!!

أبا أتصرف بذكاء بدون ما يحس ان هالشي مضايقني... يعني ألف وأدور...

همتكم يا بنات..

 

[ام شوردي]

سهله قولي ميجوز حنا ريحن ندور الاجر وهم مرسلين هذي البنت .............مار يازوجي العزيز انا أكفلها تكون تبعي وانا اتابع حالتها ... ونت أكفل ولد والله يعظم أجرك .......(طبعن انتي لاتبينين انك خايفه منها)

 

[المستبدهـ]

اهم شي اعطيه خبر انك دريتي بالموضوع
وانك معجبه في شهامته
واستفسري زييييييين عن هالبنت
وشوفي وش يقولك عنها ووش فكرته هو عنها
ووقتها لكل حادث حديث
وبعدين يا حبيبتي لو كان مسوي شي غلط كان بيخاف منك وهالملف ما بيكون بحجرتك وما بتوصلين له أساسا
لأن الشماليين ما تفوتهم هالشغلات

لكن اهم شي سوي الي قلت لك عليه واعرفي هو وش فكرته عن البنت ووش منظوره لها من غير ما تحسسينه بهالشي

انشالله خير

 

[نحول]

اسكتي لاتجيبين طاري الموضوع لين هو يقولك عليه اذا قالك سوي روحك مادريتي وقولي حلو والله خل اشوف الملف واذا شفتي الملف علقي على الصوره وعلى ادراستها وان خل نحط افلوسنا على طفل اصغير نرجي فيه خير مب على واحد كبير وخربطي عليه ومن اللذي منه
واذا شفتيه مسكت ولا جابلك طاري اصبريلك يومين اخاف تقوليله على طول يشوفك انك متحمسه ويحطه براسه الله يستر بس

 

[قارورة امورة]

من رايي انك تفاتحيه في موضوع الكفالة
وخبريه بنيتك وانت فعلا فرحتي لما عرفتي
واطلبي انك تشوفي البنت وتتعرفي عليها << كل هذا تسويه بمشاعر صادقة مو تمثيل وزوريها كيتيمة انتوا كافلينها
لانه لما هذا يصير ماتدرين يمكن انت تحبيها وتقدري تنصحيها وتاثري عليها خاصة وهي يتييييييييييييييييمة
واذا شفتي انه مو نافع معاها وانها مارح تتعدل بلغي زوجك واقترحي عليه تحولون الكفاله الى طفل او طفلة
طبعا لاتنسي انه في اهتمامك بهذي البنت كيتيمة وحرصك على التزامها واستقامتها له اجر كبير عند الله
​