توني عروس .. بس كأني زوجه من 10 سنوات

[هيفاء أبوظبي]

كل بنت تحلم انها تتزوج و تستقر .. و تعيش احلى أيام الملجه... و أيام شهر العسل ... أنا اعيش حالياً حالة من التساؤلات اللي راح ينفجر راسي منها ...:icon1366:​

هو أختارني عن قناعه و مب مغصوب ... لكن تصرفاته تحسسني بهالشي .. ما احس بلهفته علي .. ما يسولف معاي .. كله يتذمر اذا حر اتأفف و إذا برد اتأفف .. الاكل ما يعيبه ... يوم ينام يتذمر من جسمه و انه تعبان و انه مصدع ..​

رحت معاه شهر العسل .. و كان الشهر كله زيارات عايله و طلعات مع ناس من انسابه .. نطلع نتغدى مع بعض .... نتعشى مع بعض .. كان يحب السهرات .. الحفله اللي فيها مطرب و رقاصه ..​

ما استأنست أبداً بشهر العسل .. قلت يلا بعدين يوم بنرد البلاد بيتغير ... من أول ما وصلنا المطار .. غير ثيابه طيران عتد ربعه ... و سهر عندهم لين الصبح .. و انا قاعده بروحي في البيت !!!​

و بعدها قال انا بروح البحر مع ربعي ... روحي باتي عند اهلج ... او حد يبات عندج ...
اوكي روح استانس مع ربعك ... لكن اللي استغرب منه انه ما يفكر بروحه و يخطط انا انكون ابروحنا و نسولف و نضحك
مع اني شخصيه فرفوشه و معندي سوالف و اجتماعيه .. قلت يمكن لانه ما كمل دراسته .. و يمكن لانه يحس اني احسن منه .. انا راتبي اكثر منه ... بس و لو ليش اختارني ... مب مجبور يتزوجني في وايد بنات​

بدت دواماتنا ... دوامه من الصبح لين المسا و حتى في اجازة نهاية الاسبوع يطلبونه ..​

مصروف البيت لين الحين ما يعطني بئيدي ... يوم اقوله و بعد نقاشات .. هو يروح يشتري الاغراض بنفسه​

احسه كله يهرب مني ... استغرب ليش .. انا شو فيني ... نفسي يتلهف علي

حاولت اعرف شخصيته هل هو شمالي او جنوبي ما عرفت ... لانه مخلوط شمالي على جنوبي على شرقي
الغريب انه عند الناس يسولف و يضحك ... بس معاي انا لا .. مع الناس يظهر كرمه و سخائه معاي انا بخيل حتى في عواطفه..​

مليت ... مليت ... احس ما أقدر أستمر ... احس اني وايد اتحمل عشان اراضيه لكن ما تفرق عنده و ما يفكر حتى يعوضني ...
انا الحمدلله اشتغل .. و اسوق ... اطلع و اروح ... لكن انا احتاج لحنان زوجي ... اريده يشاركني الحياه​

بسألكم هل الحياة الزوجية كلها بهالطريقه و الا انا بس جذيه ...​

 

[بياض القلب]

حبيبتي ، اصبري شوي ، اغلب الشباب في بداية الزواج يكونوا على هذا النحو والسبب انه معتاد على حياة العزوبية وهي حياة الحرية والانطلاق بدون قيود ،ويحتاج وقت للاعتياد على الحياة الجديدة ، ومعروف ان السنة الاولى من الزواج تكون فترة تعارف على اطباع كل من الزوجين على الاخر ، المهم ان تحاولي تغييره بأسلوب غير الشكوى والنقد لكي لا يمل ويهرب خارج المنزل ، بل حببيه بأجواء المنزل بجعله مكان راحته وملاذه ،كوني مرحة سعيدة برؤيته لكي يشتاق للقائك . وشيئا فشيئا ستقطفين ثمار مجهودك ، وبالتوفيق ان شاء الله

 

[رماني]

لا حبيبتي
الحياه الزوجيه حب واستقرار وحنان ولهفه وشوق وامان وفاء وعطاء ورومنسيه وتضحيه وتنازل ،،، بس ليش معظم البشر غافلين ،،، الله سبحانه وتعالى فرض هالشيئ في الزوووووووواج ،،،، وفرض الموده والرحمه بين الزوجين،،، أذا انت حبيت تكمل نص دينك ،،، وانت اللي اخترت هالانسان اللي بتكمل معاااااااه حياتك ،،، يعني مو مغصوووب ،،، ليش تتعامل معاه بجفى وخشونة مشاعر ،،، اذا تحب انسان عبر له عن مكنون حبك ، باي طرييييييقه بس وصله انه هو يعنيلك شيئ في هالحيااااه ،،، ما تسوى عليك هالعييشه ،،، وين المتعه في انك دايما تشكوا التعب مع انك تنسى هموم الدنيا عند ربعك،،، وين المتعه في انك تقول لزوووووووجتك باتي في بيت اهلج وانت تستمتع بكل شيئ حراااام ،،، طيب جرب الحلاااال وبعدين قرر ،،، جرب الانثى اللي عندك ،،، وآخر شيئ احكم بينها وبين الثعابين اللي تتعامل معهم...
استخدم عقلك ،،، مع اني احس العقل عند الرجل زيييييينه ما يستخدمه ،،، ورجال هالايام ذكوووور نحل ...
آآآآآآآآآآآسفه حبيبتي على الاطاله ،،، الله يكتبلج السعاده دنيا وآخره ويفرج همج...

 

[sad heart 333]

إذا كان هناك (خلاف بين الزوج وزوجته ، فليقرأ سورة المزمل على شراب (ثلاث مرات) ثم
يشربانها فيصبحان متحابين عطوفين ،،، اكثري من ذكر ياودوود وانفثي على الماء اللي تشربون منه او الاكل وانتي تطبخيه،، اقري سورة البقرة ،، أو شغليها في بيتكم بالمسجل بصوت عالي وقت اللي مايكون موجود ،،

في أعمال كثير الواحد يعملها تحنن القلب وتعطفه خصوصاً بين الزوجين بعد لاتنسي تتفنني في اللبس والعطور والشكل ،،، والحركات الرومنسية والمسجات ،، ترى كل هذا يذوب الحجر اختي فمابالك بزوجك ..

الله يسخركم الى بعض ويبعد عنكم كل شر ويرزقكم الذرية الصالحة المعافاة

 

[girls rock]

آأأخ جنج تتكلمين عني بالضبط نفس اللي صار فيني .. كله يشوف وناسته بره مع اني البس له واسولف معاه

واضحك .. اكثر من مره ما ابين اني مقهوره من تصرفاته لكن مليت وصارحته مرات واايده باني زوجته ولي حق عنده

يقعد معاي ويشوف طلباتي .. واكثر من مره قايلته الرسول عليه الصلاه والسلام قال رفقا بالقوارير وانه احنا النسوان

الله خلقنا كلنا كتله من المشاعر والاحاسيس حلو لين اهتميت فيني سولفت معاي ..قعدتك معاي تكفيني ولا اكو فايده

وانا الحين صار لي معاه سنه ومريت ببلاوي وايده منها قله المعاشره وطلبه من بداية الزواج عدم الانجاب وهاذا

الشي اللي صدمني بس يالله صابره واحتسب الله .. كنت بالبدايه اتضايق ولين الحين اتضايق بس احاول اخفف على

عمري واواسي نفسي اطلع واروح جمعات اهل اسواق لكن كل ما اشوف اثنين كابلز مع بعض اكتئب واقول ليش

ريلي مو جذي .. ياريت احد يلقا لي حل معاج عالطريج

 

[بنت المطر2]

الله يسخر لج ريلج ويجعلج قرة عين له

 

[الالماس*]

اصبري واستعيني بربج والحي بالدعاء ولاتهدمين حياتج بسهولة وحاولي بكل الطرق ، واشغلي نفسج لاتخلين تفكيرج متعلق فيه استانسي والقيلج هوايات تونسج ، تدرين لوقعدتي تفكرين فيه جسمج وصحتج كلها بتتأثر ،وارضي يمكن هاذا اختبار من رب العالمين ، والله يسخره لج .

 

[هواها شرقي]

الله يعينك حبيبتي بس ليه ماتصارحيه وتتناقشي معاه بهدوء يمكن هو علشان بداية حياته يفكر الاشياء هذي عاديه وضحيله وجهة نظرك وايش الي يضايقك ...
الله يوفقك ويهديه لك ..دمتي في حفظ الله

 

[سكر زماني]

اصبري هي بداية الحياة كذا

حسسيه بحبك وحببيه للحياه الجديده

 

[البسمة الخجولة]

اصبري واكثري من الدعاء

شغلي مسجل مستمر لسورة البقره

وايضا اقرائ سورة البقره دايما

الله يسخر لك زوجك ويجعلك قرة عينه

ويسخرلنا ولجميع الاعضاء

 

[رين]

اللهم اهد زوجها وسخره لها واجعلها قريبة إلى قلبه

 

[#دلع نادر#]

الله يهديلنا ان شاء الله ازواجنا..

ما علينا غير الصبر والدعاء ونسوي كل شي نقدر نسويه ..

وما علينا غير الرجوع لله سبحانه وتعالى والله ما يضيع عباده المؤمنين..

 

[عاشقة الرمنسيه]

اكثري من الاستغفار

 

[نعيش ونشوف]

:exclamationpoint:

آأأخ جنج تتكلمين عني بالضبط نفس اللي صار فيني .. كله يشوف وناسته بره مع اني البس له واسولف معاه

واضحك .. اكثر من مره ما ابين اني مقهوره من تصرفاته لكن مليت وصارحته مرات واايده باني زوجته ولي حق عنده

يقعد معاي ويشوف طلباتي .. واكثر من مره قايلته الرسول عليه الصلاه والسلام قال رفقا بالقوارير وانه احنا النسوان

الله خلقنا كلنا كتله من المشاعر والاحاسيس حلو لين اهتميت فيني سولفت معاي ..قعدتك معاي تكفيني ولا اكو فايده

وانا الحين صار لي معاه سنه ومريت ببلاوي وايده منها قله المعاشره وطلبه من بداية الزواج عدم الانجاب وهاذا

الشي اللي صدمني بس يالله صابره واحتسب الله .. كنت بالبدايه اتضايق ولين الحين اتضايق بس احاول اخفف على

عمري واواسي نفسي اطلع واروح جمعات اهل اسواق لكن كل ما اشوف اثنين كابلز مع بعض اكتئب واقول ليش

ريلي مو جذي .. ياريت احد يلقا لي حل معاج عالطريج

اللي اقدر اقوله- ان في كثير من الرجال كذة-خاصة الشمالي منهم--
وانا شخصيا واجهت مواقف مثل هذي
ــ
لكن افضل حل حسيت اني لمست اثره في حياتي ((الإســـــــتـــــــغـــــــفـــــــــارررر))
مفعول فوري وعجيب فعلا:c014:

 

[اام رزان]

الله يعينك

 

[للهموم فرج قريب]

إذا كان هناك (خلاف بين الزوج وزوجته ، فليقرأ سورة المزمل على شراب (ثلاث مرات) ثم
يشربانها فيصبحان متحابين عطوفين ،،، اكثري من ذكر ياودوود وانفثي على الماء اللي تشربون منه او الاكل وانتي تطبخيه،، اقري سورة البقرة ،، أو شغليها في بيتكم بالمسجل بصوت عالي وقت اللي مايكون موجود ،،


الله يسخركم الى بعض ويبعد عنكم كل شر ويرزقكم الذرية الصالحة المعافاة

سبحانك ربي

من أين أتتي بهذا الكلام ؟؟

هل هو حديث قاله صلى الله عليه وسلم أو قاله فلان بن فلان

يا أختي الكريمة امور العبادة لا نأخذها إلا من قول الله تعالى

 

[**ام غلاوي**]

اجلسي معاه جلسه صراحه يمكن طبع فيه يمكن متضايق من شي يمكن مافهمتا احتياجات بعض لسى اكثري من الاستغفار والله يوفقك ان شاء الله

 

[مهاوي990]

الله يكون بعونج حبيبتي

 

[هيفاء أبوظبي]

مشكورات خواتي على نصائحكم ... ولله محتاجه حد يفهمني و يوسع صدري ... ما عندي غير الله و مساندتكم لي .. أمي متوفيه و ابوي ما عشت معاه من صغري ...
اليوم الصبح صار لي موقف معاه .. طبعاَ أنا طول يوم ما أشوفه و لا أقعد معاه .. و اذا يا في الليل يا متأخر و يقعد يطالع في الافلام فلم ورى فلم ... و لا يعيريني اي انتباه ... قلت بتركه و بروح انام وراي دوام الصبح .....
قعدت الصبح حسيت اني ابى حضن منه ... حضنته ماكو فايده .. اتقولون حطبه .. جماد ...قعدت ابوسه و بعدني قعد يتذمر آي جسمي كله يعورني تعبااااان .. طبعاَ مب اول مره دايما يسوي كذا
رحت انا الحمام ور جعت و قلت له زيحلي .. عاد يويني امازحه ... فقعدت اسوي مثله آي جسمي يعورني تعبانه ..بعدين قالي كلمه كان يقلدني يوم اطلب منه انه ينام معاي .. حسيته يذلني ... والله جد تضايقت و قمت عنه ما قدرت اتحمل... قمت رحت غرفه ثانيه عشان اغير ملابسي و اروح الدوام ... بس طلعت من البيت و انا دموع و ابكي ... ليش .. هل غلط الحب و الحنان بين الزوجه و زوجها ؟؟؟ اذا ما خذته منه من وين احصله .. ليش شو السر ؟؟؟ ولله احترت

 

[نينا ريتشي]

اكثري من الاستغفار والدعاء


اعزميه عالعشاء برا وصاااارحيه باللي تحسين فيه

وشوفي وش رده؟؟؟؟؟

ماينفع الا المصااااارحه في هذي الحالات

او عن طريق مسجات الجوال قولي اللي بقلبك له

واالله يعينك ياااااااااااااااارب