تنحت كل الحلول امام مشكلتي .. ليت مالي قلب حب بيوم .. ليت ليت

[صمت الجرررح]

السلام عليكم
..


ماعرف من وين ابتدي
مشكلتي ارتبطت بانسان شخصيته ضعيفه وشوره مهوب عنده
الام والخوات شخصيتهم قويه ومادري ليش ما يحبون الخير لاحد
ودايم يفرضون رايهم وهو دايم يكون خاضع لقراراتهم

زواجنا كان قبل 3 سنين
واحنا عايشين ببيت اهله لان والدته حالفه عليه ما يطلع من البيت الا اذا ماتت
وانا ماعندي خلاف سكنت معاهم
من اول يوم دخلت فيه البيت وهم بحرب معاي ليش ما ادري
غيره حقد حسد لانه يحبني وااايد وكان هالشي واضح للجميع
على فكره انا من منطقه غير منطقته
المهم حاولت ارضيها بشتى الطرق ومافي فايده
ودايما تشتكي له ليش تشتري لها ليش تسفرها ليش ترضيها بكل شي ليش توديها لاهلها تعب عليك ليش تصرف كل هالصرف
صج هو كان ما يقصر بس موب بالقدر اللي هي تتكلم به يعني كان ما يقصر علي وعادي يعني لاني ما اشتغل فصرفي كامل عليه واعتقد كل زوج ملزوم بهالشي
حاولنا نرضيها
قمنا نخلي الاكياس بالسياره لو شرينا شي
واذا سافرنا عطاها فيزا منتهيه على انها فيزته علشان تتطمن انه ما بيصرف علي منها
واشياء كثيره
وبعد مافي فايده
انا حمالي تأخر
عانيت معاهم وااايد بس صبرت لاني احب زوجي وهو يمووت فيني
كان ما ينام الا لي حطيت راسي على صدره
ولو امرض يبكي علي
كان يقيس حرارتي كل 10 دقايق انا انام وهو سهران علي يجيب لي حتى الاكل ويأكلني لان طبعا مالي حد بمنطقته واهله مب سآلين فيني
وهي دوم تحسسه اني مب سنعه ومقصره ولما يدافع عني تزعل وتصارخ ليش تدافع عنها
يقول لها هي موب مقصره تبين اقول انها مقصره بس علشان ارضيج؟
وللعلم كل شي كنت اسويه لحالي خدمهم محذرتهم الام ان ما يسوون لي ولا شي لو يشوفوني ميته ما يشيلوني
..
وصبرت وصبرت وصبرت
قامت الام تفتري علي سوالف وتطعن بشرفي واني راعيه سحور
هو ما كان يقولي علشان ما يضايقني وما كان يصدقها لاني اصلا ما اطلع الا معاه
وانا الحمدلله صاينه نفسي وزوجي وبيتي في حضوره وفي غيابه مرضاة لله وحده وليس لاحد من البشر
..
بعد فتره لاحظت ان وحده من جماعتهم قاعده تقرب له بنتها
وتسوي حركات غيره الزوجه ما تسمح بها الصراحه
وصارحته بهالشي
ضحك علي يقولي انتي ليش تفكيرج اسود
وانتي ليش تحطين حالج معاها
انتي معاها مافي اي مقارنه
انتي ملكه جمال وهي ما تجي شي عندج
انا واثقه انه يحبني بس ما تدرون بنات ابلييييس
المهم
كانوا يترددون وايد ع بيتهم بشكل يومي
وانا كل ماله بضيق منهم اكثر واكثر
يوم من الايام صارت مشكله اهله ظلموني فيها
وهالبنت لها يد فيها بعد
انا طفشت خلاااااص كنت اشقق ثيابي اللي علي من القهر
واهلي طبعا مب عارفين شي
رجعت بيت هلي
وهو وعدني لو كنت حامل بيطلعني ببيت بروحي الظاهر لانه كان مستبعد هالشي
اكتشفت اني حامل بعد هالسنين
وخبرته وفرح
بعدها باسبوعين جاني وقعد معاي ويكند ورجع
وتم يجيني كل شهر مره وانا مصره اني ما ارجع بيت هله لو شيصير
بعد 9 شهور ولدت بالسلامه
وانا فنفاسي جاني خبر
ليتني مت ولا سمعته
ليت الارض انشقت وابلعتني
ليت وليت وليت
وتبقى مجرد اماني
تمنيت موتي او موته قبل لا اسمع هالخبر
زوجي اللي كان يحبني ويعشقني وينضرب فيه المثل بالحب والاخلاص
زوجي اللي لما الكل كان يقول له تزوج لان مرتك مافيها عيال يقول لو اعرف انها ما بتحمل ابدا بعد ما راح اتخلى عنها
هي عندي اغلى من اي ياهل
جاتني الصاعقه
زوجي تزوج علي
..

وخذ من؟؟
اللي كنت اتكلم عنها فوق
ترا ما جرحني انه تزوج علي قد ما جرحني انه كذب علي ودخل بها وانا على ذمته
انا كنت شارطه عليه ان لو بغى يتزوج لاي سبب من الاسباب انا ماعندي خلاف بس اول يطلعني من ذمته
هذي جزاة الصبر
بدل لا يفاجأني بانه خذ لنا بيت نعيش فيه مع بعض
اتفاجأ انه جاب وحده 2 على راسي
وين قعدها؟ في غرفتي ومكاني وعلى اثاثي
تتخيلون؟؟
كنت مب فالدنيا ومحد مصدق ان هالحبيب يسوي هالسواة
معقوله؟؟ كل هالحب خدعه وكذب؟؟
منها ما كلمته
بس هو يكلم اخواني ويقول لهم انه متحسف
وين اصرفها له؟؟
وفنفس الوقت هو نفسه ما عنده حل ومو مبين انه يبي يفرط فيها
انا خلاص نفسي طابت منه
ما اقدر اقول اني كرهته لا
بس لما توصل للكرامه ادوس على قلبي
انا مو عارفه اخذ قرار
بس الاكيد اني مرة انصاف الحلول ما ترضيني
كثير عايشين مع زوجه وثنتين وثلاث بس انا ما اقدر
فيني طاقات من الصبر بس ما يحتويها هالموضوع
افكر في ولدي اشذنبه يعيش بدون ابو؟
انا اشذنبي؟
يبيني ارجع معاه.. طبعا لا انا راضيه ولا اهلي راضيين ووين بيت هله هذا المستحيل
يعني ما بيطلعني اصلا هذي اول مستحيل
والمستحيل الثاني ان في انسانه 2 تشاركني فيه


..


بس لما فكرت بعقلي قلت اذا هو باع انا ما راح اشتريه
والحياة ما وقفت عنده
والزمن كفيل ان يبري هالجرح
موهامني اتطلق والا ابقى ع ذمته
بس ما اعتقد اني اقدر حتى اشوفه مره 2
وهو ليحين ما اخذ اي قرار ولا صار كلام جدي لانه قال انا بجيكم اتفاهم معاكم
وليحين ما جا
بس انا انظلمت وايد وهالطعنه ان ماذبحتني اتمنى انها تقويني
..



اتمنى اسمع ارائكم
ولو انتو مكاني وشو القرار؟؟
اعذروني كلامي ملخبط بس مو عارفه ارتب افكاري
السموحه

 

[مودعة الحب]

ياعمري اثلج الله صدرك
وبلغك مقصدك
لا تحتاري
وتذكري ان بعد العسر يسراااااااااااااااااااااااا
اقعدي معه في مكان برا البيت على هدوء لاتصارخي
ولا تقللي من احترامه ابد
ورتبي النقاط الي تبي تكلميه عليها وحده ورا الثانية
وتناقشو لين توصلون لحل
وتذكري هو الحين تزوج والافضل لك انك ماتتركيه لها يعني لا تطلبي الطلاق وتحققي مراد اهله فيك
خليك سنعه وحافظي على بيتك وزوجك وكل يوم خليه يشوفك عروس
واتفقي معاه لا جا يومك لايجيب طاري الثانية
وخليك القطة الوديعة
نصيحة لاتتركي بيتك

 

[أميرة حتووم]

انا مع الاخت مودعة حب

بس انا شاكه احس والله اعلم ان ام زوجك هي راعية سحور يعني زوجك مسير غير مخير

فلا تستعجلي ابدا

الدعاء والاستغفار صدقيني راح توصلي لمرادك

والله يرده لك رد جميل ويجمعكم على خير

 

[صمت الجرررح]

الامل بالله كبير مالي الا هو سبحانه اللي بينصرني على من ظلمني
هو مثل ما قلت ما يقدر ياخذ قرار هم اللي ياخذون القرارات عنه يعني قعدت والا ما قعدت معاه مافي اي فاايده دووم يوعدني باشياء ويرد بكلمته لانهم يقنعونه وهو شخصيته ضعييفه يعني ما تاخذين منه لا حق ولا باطل
الحل كان موجود ومن زمان وقبل لا يستوي كل هذا بس هو جبان ما يقدر يخالفهم حتى لو هالشي يظلمني ويظلمه
ومشكلتي ما اقدر اعيش مع واحد ماهو بلي
وبكون معاه بديره بعيد عن هلي يعني مااالي احد
وهذلين ناس مايخافون رب العالمين
شلون بصبر العمر كله عليه وعليهم
وهو مثل ما قلت لج ما بيطلعني يبيني ارجع بيت هله
انا ما صبرت على هله هالدور اهل ومره؟؟

شقول بس

 

[أميرة حتووم]

نسيت

رددي دائما اللهم اجرني في مصيبتي واخلفني بخيرا منها

 

[حبيبي بوعيالي]

والله حكايتك عورت قلبي ,,,,,الله يفرج عنك ويعطيج القوه اللي تخليج تاخذين القرار الصح انا ما بقول تطلقي لان مثل ما قلتي شنو ذنب ولدك يرتبى من غير أبوا بس حاولي تتفاهمين وياه انه يحطلك بيت لحالك انتي ولدك بس حراااام الولد محتاج لابوه ما يكبر ,ويمكن لما يكون لك بيت خاص تترجعنة بطريقة :
|(((((اااان كيييييييدهن عظيم )))))

 

[Hno0odah]

الله يكون بعونج
الغاليه فكري في الموضوع مره ومرتين وثلاث واستخيري كل مره
موضوع الطلاق هب سهله
ولا تنسين ان انت عندج بيبي ولازم يعيش مع ابوه
الغاليه لازم اتكلمينه وتتفاهمين معاه
والحياه اخذ وعطى واذا هو غلط اتحملي هب عشانه عشان البيبي
انا ما اقول انهاني عشان ولدج لا بس اتفاهمي مع ابوه
وقوليله انا ابغي بيت بروحي واشرطي عليه شروطج
وافق كان به
ما وافق على الدنيا السلام

وربي يفرج همج

 

[صمت الجرررح]

تسلمون ع الردود حبيباتي
بس قلت لكم الكلام معاه مب جايب نتيجه لان الشور مب عنده
وهاي اكبر سبب يخليني افكر فالطلاق
انه بلا شخصيه وبتم طول عمري اعاني من قرارات امه الظالمه
رجال ماعنده كلمه شلون اتناقش معاه

ولو تناقشت معاه ما راح يسوي الا اللي هي تبيه
وهي تبي تنزل راسي باي طريقه

 

[قمر0707]

سبحان الله كل هذا الجرح و ما كرهتيه حبيبتي اذا كان مدة السنين هذي ما اثبت رجولتة امام اهلة و وقفهم عند حدهم فا ما فيه فايدة الطلاق اريح خاصة انك مظلومة في الاول و الاخر يعني انظلمتي مع اهله و راح تنظلمين مع زوجتة و لن يعدل هذا ما وقف معك و صبر و عوضك يبغا بعد ما يتزوج يعوضك حبيبتي عيشي حياتك بحلوها و بمرها و لا تقولين ولدي و تضيعين نفسك ولدك له رب وانتي خليك قوية اياك تضعفين اذا كنتي خايفة من الطلاق اشرطي عليه يحطلك بيت عند اهلك لانهم هم الي راح يسالون عنك و يراعونك و ذا كان شاريك راح يوافق بدون تردد الي قدرة يتزوج يقدرة يفتح بيتين عند اهله و عند اهلك

 

[ذووقي]

ياحياااتي وربي ماعندي ربع صبرك الله يفرج كربتكي ويسعدكي طوول العمر عسى الله يحفطلك ولدكي ويعوضكي من الهم الللي ذقتيييه صبرتي كثيير والله مع الصابرين من جد لا تتحطمين ولا تحزنيين وحده مثلك مفروض تكون رافعه راسه قولي الحمدالله ان القصور مو منك وانك مرءه سنعه وراعيه بيت شووفي حبيبتي ماقدر اقولك سوي كذا ولا سوي كذااا بنهايه هاذي حيااتك وانتي ادرى بطريق الللي بترتاحين فييه وين سؤ قعدتي معاه ولا تطلقتي منه كل اللي اقدر اقولك ياااه خليكي واثقه من ربك والله بيفرج همك خليكي متفائله وعايشه حياتك مهما صااار مافي شي ولا شخص يستاهل تتكدرين على شانه​

 

[صمت الجرررح]

تسلمووون يا قلبي بردودكم اللي تثلج الصدر والله
الله يجزيكم خير الجزاء ويفرج عنكم همومكم يااارب
..
الله يفرجها من عنده املي بالله سبحانه وتعالى كبير
مثل ما قلتي اختي ذوقي
الله يعلم اني ما قصرت وعطيت بكل مافيني
واقول الف الحمدلله اني مظلومه ماني بظالمه
هذي بحد ذاتها نعمه
لان لو هي عندها عقل كان فكرت فالاخره والحساب والعقاب
انا الناس تدعي لي
وهي الناس تدعي عليها
ما اقول الا حسبي الله ونعم الوكيل
ان كان لي حق الله ياخذه منهم
وان كان لهم حق الله ياخذه مني
والله يعلم اني ما ضريتهم ولا ابيلهم الشر
بس كنت ابيها تتركنا بحالنا
لكنها ضيعتنا كلنا
حسبي الله ونعم الوكيل

 

[الوردهـ الخجوله]

ياعمري اثلج الله صدرك
وبلغك مقصدك
لا تحتاري
وتذكري ان بعد العسر يسراااااااااااااااااااااااا
اقعدي معه في مكان برا البيت على هدوء لاتصارخي
ولا تقللي من احترامه ابد
ورتبي النقاط الي تبي تكلميه عليها وحده ورا الثانية
وتناقشو لين توصلون لحل
وتذكري هو الحين تزوج والافضل لك انك ماتتركيه لها يعني لا تطلبي الطلاق وتحققي مراد اهله فيك
خليك سنعه وحافظي على بيتك وزوجك وكل يوم خليه يشوفك عروس
واتفقي معاه لا جا يومك لايجيب طاري الثانية
وخليك القطة الوديعة
نصيحة لاتتركي بيتك

:icon30: :icon30: :icon30:

 

[حسب الجو]

الله يفرجلك همك

 

[ياليتـــني طفله]

الله يفرجها لك من رب العالمين

 

[يديدة^^]

الي فهمته من كلامج ان من حملتي وانتي عند اهلك.صح؟؟

احس الريال ما ينترك لحاله ...

وربي ينصرج ويعوضج ع صبرج

 

[التحدي صعب]

الله يفرج همك
والله مااقدر انصحك اختي حاولت عجزت الصدمة قوية لكن خليك انت اقوى بقربك لربي وهو بيعوضك
وخلي عندك رضا بماكتب الله لك ولاتخافين لابد للظالم يوم وانت تشوفين

احكيك عن نفسي وحدة ظلمتني الله يسامحها وبنفس القصة اللي سوتها علي صارت لها بعدي بسنتين تقريبا
والله ماتشمت فيها بس قلت سبحانك ربي مااعظمك والله يااختي
انها جت لحد عندي وقتها وطلبت مني اسامحها وسامحتها لوجه الكريم والان هي بنفسها تتصل تسال وتتطمن علي بين فترة والثانية
لاتخافين مايضيع لمظلوم حق

 

[كفاني وحسبي]

الله يكون فى عونك ويسخره لكوينصر كل مظلوم

 

[فراوله فوشي]

حبيبتي المفروض ماتتركينه لحاله بس حاولي اللحين تحطين شرط ماتردين الا ببيت لحالك والله يوفقك

 

[صمت الجرررح]

انا بعدت عنه برضاه وانا كنت حامل وحمالي من بدايته مشاكل
وكان لازم ما اتحرك الا للحمام وانتو بكرامه
كيف بخدم هناك؟ لو قاعده هناك حتى اللقمه ما بلقاها علشان اكلها
هله مب سآلين فيني وامه مو راضيه ان يجيب لي خدامه
وطبعا هو في شور امه وبس

 

[M.A.R.Y.A.M]

الله يكون بعونك ويفرج عنك ويسخرلك زوجك ويسعدك معاه