تكفوووووووووووووووون لا تبخلوووووووون عليا

[فوفو الورد]

السلام عليكم و رحمة الله وبركاتة


ياحوامل طلبتكم اللي جربت هذا النظام للنفاس ونفع معاها وعجبها تطمني
ابغى ارجع لزوجي عروسة وما تغير فيا شي لانه جنسي درجة اولى وما ابغاه يكرهني ويروح لغيري
واللي استخدمت في نفاسها نظام اعجبها ورجعها لزوجها عروس تكفوووون لا تبخلون عليا
أولا : طريقة اللهوم :

المقادير تاخذينها من الحواى
وبعدين تطحنينهم مع بعض وتحطينهم ببرطمان او اي شي عندج .

المقادير :

نصف كوب كمون
نصف كوب حبه حلوه ( شمر )
نصف كوب كزبره
فنجال كركم
6 حبات دارسين ( قرفه )
فنجال حبة سوداء
سكر نبات كيس او نصف كيس
شوى حلبه
شوى رشاد ( الحبه الحمرا )

وتاخذينهم اخر عشرين يوم لانة ينظف النفاس والي عليها الدورة بعد مفيد لها

طريقة ثانية :

المقادير :
كاس ماش
نص كاس شمر ( حبه حلوه ) ( مثيبه )
نص كاس حلبه
ربع كاس حبه سودا
ربع كاس كمون
ربع كاس فلفل ابيض
ربع كاس فلفل اسود
ربع كاس سكر نبات

الطريقه :
تخلطينها وتطحنينها وتحطين ملعقه من الخلطه في كاس حليب دافئ وتشربينها على الريق وبنات ترى الفلفل الابيض هو اساس الموضوع وهو الزين فيه كله حتى الاندنوسيات هذا سرهم في تضييق والتنشيف والحركات اللي عارفينها هذا اللي مزينهم
وسكر النبات علشان يزين لك طعم الخليط ويصير حالي

وهذا هو لهوم النفاس والدوره اللي اكثر التاجرات يبيعونه للحريم

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

ثانيا : طريقة السفوف :
مفيد لاول عشرين يوم

المقادير :
كوب حلبه
نصف كوب حبة سودا
مقدار فنجال حبة حلوة ( شمر )
م . ك قرنفل

الطريقه :
تاخذين 2م ك وتشربينه مع كأس حليب

من فوائده :
اهمها انه يزول الامساك (الله يكرمكم) المعروف انه يصير للنفاس
بالاضافه لتنضيف الرحم0

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

ثالثا : طريقة الحسو :

المقادير :
4 ملعقه كبيرة طحين اسمر
1/2 كوب رشاد ( الحبه الحمرا ) منقوع
1 فنجان زيت او سمن عربي
1/2 كوب سكر
1/4 ملعقه فلفل اسود بودرة
1/4 ملعقه هيل
رشه حلبه حب
1/2 ملعقه قرفه
1/2 ملعقه كركم
1/4 كمون + كزبرة
4- 5 كوب ماء

الطريقه :
يوضع الرشاد المنقوع في أناء ويضاف عليه 3أكواب ماء ويترك يغلي على النارالى ان تنضج حب الرشاد ويضاف عليه السكر.
ينخل الطحين للتخلص من النخاله أن وجدت.
يسخن السمن ويضاف الطحين عليه ويقلب حتى يبدأ البخار يخرج منه.
تضاف البهارات ويحرك الجميع ثم يضاف عليه الرشاد مع الماء .
إذاكان الخليط ثقيلا يمكن إضافه القليل من الماء حتى يصبح مزيجا سائلا وخاثر في نفس الوقت .

للتزيين:-
تخفق بيضتان مع قليل من الملح والفلفل الاسود وتقلى في مقلاه بها زيت قليل ويحرك البيض حتى يتفتت ويضاف على الحسو اثناء التقديم.

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

رابعا : المردوود :

المقادير :
كاس حبه سوداء
كاس حبة حلوه
كاس يانسون
ثلاث او اربع اعواد الليه مدقوقه بالنجر
نصف كاسة شاي فلفل اسود او اقل للي فيهم قولون
ثلاث ارباع كاسة الشاي قرنفل
ملعقتين خوا جوا
كاس ونصف دارسين مدقوق

الطريقة :
اخلطي هذه المقادير مع بعض ثم اطحني وانخلي بالمنخل واللي يبقى بعد النخل لما تخلصين كل الكميه ارجعي واخلطي وانخلي مره ثانيه واخلطيه ثم اضيفي عليه :
كاس رشاد وملعقة وسط رزنه واخلطيه مضبوط اهم شي الرشاد ما ينطحن مع الخليط


ـ يؤخذ المردود مرتين باليوم طوال فترة الدورة الشهرية أو طوال فترة النفاس..ملعقة كبيرة مع كأس حليب .

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

خامسا : الطبيخه :

والله يابنات هالطيبخه قليل كلمة رووووعه عليها
وهذي مقاديرها وخلي مقاسك كوب الحليب
كوب دارسين مدقوق ومهشر
كوب حبه حلوه
كوب يانسون
كوب قشر قهوه مدقوق
ملعقه صغيرة زنجبيل مطحون
كسرة جاثه مدقوقه
ثلاث اعواد الليه مدقوقين بالنجر
كوب رشاد
كوب حبه سوداء
ملعقه كبيره فلفل اسود مجروش

الطريقه :
اخلطيهم مع بعض وحطي عليهم رشي بديج نعناع مجفف انا احط نعناع حايل واذا مو عندج نعناع حايل حطي نعناع مغربي بس مجفف ورشة زعفران وميرميه وزعًتر واذا عندج بابونج حطي رشه واخلطيه مع بعض .
هذي روعه في النفاس اشربيها من ثالث يوم لين تكملين شهر او 25 يوم وفي الدوره الثلاث ايام الاولى .

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

سادسا : شاي الاعشاب :

يتم تناوله في فترة الصباح والعصر .

الطريقه :
ميرميه
أعواد شيح
كمون
حبه سوداء
قيصوم
قشر قهوه
نونخه
دارسين
يانسون

الطريقه :
اخلطيها بكميات متساوية أو ما يتوفر منها عندج.

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

سابعا : تمرة الاعشاب :

وايييييييييييييييييييييييييييييييييييد مفيدة


المقادير :
2كاس تمر منزوع النوى
نص استكانه ماء
ملعقتين سمن أو زبده
2 ملعقة رشاد

الطريقه :
نخلطهم مع بعض ثم نضيف :
ملعقة كمون حب
ملعقة شمر ( حبه حلوه ) مطحونين مع بعض
فلفل اسود انتي تتحكمين بكميته
نص ملعقة زنجبيل مطحون

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.


ثامنا : قشر القهوه للتضييق :

المقادير :
قشر قهوه
كمون
نانخه
زعتر بري
كلها عند العطارييين

الطريقه :
اخلطوها واطحنوها او لاتطحنوها براحتكم اول شي قشر القهوه حلو للتنحيف خاصتن الكرشه وهالخلطه حلوه للتنظيف الارحام وحلوه للتضيييييييييييييق والخلطه هذي موجوده بكتاب اسرار الحريم وذكرها جابر القحطاني ومدحه والتاجرات اكثرهم يبيعونها واستخدامها وقت الدوره والنفاس وماله وقت معين يعين كم يوم تستخدميه يعني سويها وحطيها لج بدله وتقهوي منها مثل القهوه العاديه ولاتنسون تحطون بالتمر الخلاص شوي رشاد وزبده او سمن غنم وقت الدوره والنفاس وبتشوفون كيف راح تتخلون عن عملية التضييق وبعد لحم جسمك بيصير مشدود مو مترهل
والخلطتين كلها تنفع للمتزوجات وللبنات
تعدل الافرازات اللي عندج وتنشفج وتخليج تحسين بنظافه وتنظفج عدل .

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.



طريقه ثانيه :
قشرالقهوه للنفااس والدورة

قشر القهوه تحصليه بالمحامص القهوه حطي منه على ماء مغلي واهو يغلي حطي قرفه وسنوت وشوي زنجبيل وخليه عشر دقائق لا تخليه يغلي كثير اكثر من ربع ساعه وتحلى بالعسل
وفوائدة يقول جابر القحطاني عنها :
يمدح فيها ويقول انه مافيه شي ينظف الرحم ومفيد للنفاس خاصة مثل قشر القهوه لأنه فعال في تنظيف الرحم.

طريقة ثانية :
قشر القهوه ممتاز جدا للكرشه
طريقتها عندنا بالنفاس نسوي قهوة نسميها قهوة الوالدة وتشربها النفاس طول الاربعين .........مكوناتها....

المقادير :
قشر قهوه
شوية زنجبيل مطحون
عناب ( وإذا ما في ممكن تحطي بداله تمر)
سكر نبات
قرفة أختياري
شوية شمار
يانسون
و برير ( هذا ما ادري بتلاقينه او لا )

الطريقة :
تغلين المكونات كلها مع بعض لين يصير لونها احمر غامق او بني غامق وتشربين منها بعد ماتصفينها بالمشخال
وتقدرين تشربين منها ايام الدورة بتنزل الدورة وتصفي البطن وبتحسين كرشتج خفيفة
وطعمها لذيذ مافية اي مرارة ولا اي طعم غريب جربيها وراح تدمني عليها ......


قائمة الممنوعات :
من الاكل والحركات :

بشكل مبسط ....يمنع الجوع منعا باتا وهذا متعارف عليه لدى الكل

ممنوع الاكلات اللزجه ملوخيه وباميه البصل والشمام والبطيخ وبعضهم يمنعون الباذنجان والجريش لانهم يسببون غازات

عدم شرب الماء بكثره ......هذي ماني متأكده منها ناس وناس على حسب الجسم

ممنوع المشروبات الغازيه والسكريات ولا تكثرين من الحلو عشان السكر وزيادة الوزن ويجيب الخمول للجسم

ممنوع الحركه العنيفه وحمل الثقيل وصعود الدرج بكثره

ممنوع المشي حافيه وخاصه على السيراميك ....والتعرض لتيارات الهواء والبرد

ممنوع التنقع بكثره وان حصل فلا يزيد عن عشر دقائق

العطس والكح ....بس هذا مالنا يد فيه خخخخخخخ

ممنوع البخور بكل انواعه بالنفاس من تعطير وغيره
الجلوس بهدوء ورويه بدون عجله ويفضل وضع المخدات خلف الظهر وتحت

 

[سلفانا]

شكله حلووووووومرررررررره اعجبني ولاقدسمعت عنه بس عادي خوذي منه اللي تحسين متعارف عليه

 

[فوفو الورد]

انا خايفة كثرة الاعشاب تضرني تكفوووووون ساعدوني

 

[دمعه مشتاق]

اتوقع انه ممتاز لان امي وخالاتي ياخذونه وامورهم تمام وجاي الدور علي ويارب تسهلها علي.............​

 

[فوفو الورد]

الله يسعدك يادمعة مشتاق بس ابغى اطمن اكثر
امك وخالتك يسوون نفس هذا النظام تكفين اتاكدي واذا هذا النظام فيه لخبطة الله يسهل عليك وعلي الولادة ويسرها اكتبيلي النظام اللي راح تمشين عليه وقت النفاس الله يقومك بالسلامة ان شاء الله

 

[فوفو الورد]

الله يقومك بالسلامة يادمعة مشتاق بس امانة اتاكدي من امك نفس هذا النظام اللي يمشون عليه واذا فيه لخبطة تكفيننننننننن الله يقومك بالسلامة انك تكتبيلي النظام اللي راح تمشين عليه في فترة نفاسك