تكفوون ساعدوني بحل لمشكلتي ..؟؟

[كلي حنو]

السلام عليكم ..

صباح الخير ..؟؟

حبيت اطرح لكم مشكله عني ..؟؟

وهي كييف اجيب زوجي بأسلووب ..

كييف اطرح مواضيع بيني وبيين زوجي ..

كييف اهتم بزوجي اكثر واكثر ..

انا ما اقول لكم صحيح اني احب زوجي لكن مو ذاك الحب

اللي يخليني ما استغني عن زوجي يمكن لان هو مكاان

وانا بمكاان .. يمكن لان انا طول الاسبوع بيت اهلي

وهو بالريااض لان دوامه هنااك ..مدري والله

ما احس ان في تقارب بيني وبين زوجي

مع ان هوو يحبني ويموت فيني لكن لو استمريت ع هالوضع

اللي انا فييه صدقوني زوجي راح يبتعد عني لان بيكوون

تعود ع اسلووب اني انا ع طوول ازعل او اذا صاار

نقاش بينا ولا عجبني اللي يقوله اتهاوش معااه واقووم من يمه

ولا اسمع له ما ادري متى يكون زوجي مستانس ومتى

يكون حزيين ومتى يكوون متكدر .. ابد ما اساله ولا اقوله

اليوم انت مبسوط او من هالاموور الروتيين اللي بالشقه

ابد مايتغيير اصلا نادر مانقعد بالشقه يا نجي بيت اهلي

انا ويااه او يحطني بيت اهلي وهو يرووح القهوه شووي

يطلع لان مايشووف احد جالس يمه مايشووف زوجته

تسمع له تجي تسولف معه تجي تفتح مواضيع عنده

تجي وتقوله انا مشتاقه لك ابد ما اقوله ولا افكر ..

حتى لو جااء من الريااض او بيمشي حدي بس اضمه

هو بعد اللي يجي ويضمني انا ما ارووح ولا اقوله اشتقت لك

ولا اقوله الله يعطيك العافييه او الحمدلله ع السلامه

نفسسه يووم يجي ويسمع مني هالكلام نفسه يووم اجيي له

بأسلووب حلوو نفسسه يوم لو سولفت معااه وصوتي

مو عالي مرره او اصرخ او اقوله اييه ايه واقووم من عنده

نفسي في اشيااء كثيره تتغير في حياتي ..ابي احس بقررب زوجي

ابي احسس زوجي اني احبه ولا استغني عنه

ابي احسس زوجي ان هو حياتي لكن ما ابي اخلييه كل حياتي

لا لكن ع الاقل يحس باهتماام بسيط مني .. لو قال شيء

ما ازعل ع طوول او اطنقر واخلييه واقووم الغرفه

ليين مايجي هو ويراضيني احس ودي اتغيير ..

لكن مو عارفه ودي اجييه باسلووب عدل

ودي اطب طب ع زوجي اسووي كل شيء حق زوجي

ودي هالمشاكل اللي بيني وبينه تخف لازم يمر اسبووع

ونتهاوش وياليت ارضى انا او ادق علييه وربي ولا افكر ادق

او ان اليوم الثاني يرجع الامور كما لان هو قالي عادي ازعلي

سوي اللي بسويه لكن حاولي تحلي هالمشكله نفس اليووم

مو شرط ع طوول بس اذا روقتي تعالي وقولي لي انت اليوم سويت

كذا وكذا وانا ماعجبني فييك حاولي لما شيء مايعجبك تجي

وتقولي لي عنه مو تسكتي وتكتمي .. لا ترى هالشيء غلط

لازم تتعودي ع هالشيء عشاان يكون بعدين بينا تفاهم

لما يصير شيء اجي انا اقولك وانتي بعد لما يصير شيء تجي وتقولي لي

مو تسكتي وتزعلي واروح انا اراضييك وياليتك ترضي

ع طوول ماترضي الا بالغصب .. مع ان اوقاات يقولي قومي

بنطلع هو بس عشاان والله ارضى احسه تعب من هالمشاكل

يقولي يكفي علي مشاكل اهلي كل يوم والثاني دقو علي

ابوك وابوك ترى والله اني تعب بالحييل .. حاولي تخففي علي

انتي يقولي تدري والله اني من اشوفك واجي من الريااض

احس ان يخف علي التعبب بشكل ماتتصورييه بالذاات

لاشفتك مبتسمه واوقات والله اني اضغط ع نفسي ما اجي

هنا لو شفتك مالك خلق او زعلانه او مطنقره وربي اكره

هاليووم اللي انزل فييه .. يقولي اقلها لو جييت من الريااض

استقبليني استقباال حلوو اقلها ابتسمي اقلها قولي يعطيك العافيه

او الحمدلله ع سلامتك يالغالي عساك ع القوه يا ابو عيالي

انا والله ابد تكفوون ساعدوني .. حالوو

تقولو لي كيف اخلي عندي اسلووب بالكلام..

عشاان اقرب زوجي مني اكثر واكثر .. وانا ودي اقوله

شرايك بدال ماتجدد اجار الشقه تاخذني ويااك الريااض

جربني ع الاقل شهر وشووف هل تستمر المشاكل او تخف

يعني ودي اجييه بأسلووب حلوو .. يمكن ياخذني ويااه

تكفووووون عطوني حل حق موضوعي .

الله يخلييكم لاتهملوو موضوعي .. ابي ردودكم

حتى لو احد يجيني ويكتب لي ع الخاص مستعده

ان اللي بقوله لي راح اطبقه معاهاا لكن ابي وحده اسلوبها

مع زوجها حلوو تكفوون والله يعافيكم حاولو معااي لاني

والله تعبت من هالمشاكل وانا توني متزوجه اخذ لي 10 شهوور

والا الحين مشاكل .. مدري انا اقول يمكن بس الحيين

مشاكل بعديين راح تخف مدري ما اقول لكم

الحياه الزوجييه لابد من المشااكل وملح الحياه الزوجيه المشاكل

لكن عاد مو اقل سبب ازعل علييه .. وربي تعبت من وضعي

هل فييه احد مثلي او بس انا كذاا .. واني انا حساسه زياده

عن اللزوم .. ابي مساعدتكم بليييز ..

 

[يتم المشاعر]

وعليكم السلام ورحمة الله وبركاته
الله يصبحك بالرضى والعافيه اختي كلي حنو
والله انك ذكرتيني بنفسي اول زواجي بس الفرق بيننا زوجي مايراضيني لو وش ماصار يعني يسحب علي وانا ارجع له
وانا حساسه مره صدقيني هالأمر طبيعي جداً وخاصه انكم بعاد عن بعض بس انتبهي يمكن زوجك يمل من طريقتك وبما انك حاسه ان فيه مشكله فهذي خطوه حلوه وبداية الحل إن شاء الله بعض البنات تدري انها على خطأ وتعاند الله يهديهم
عموما انا كنت زيك زعول وحساسه وزوجي طفش وصار يطنشني واذا طلعنا بس ساكتين بس الحمد لله لحقت على عمري وبدي ابتسم اذا
شفته طبع الرجال عموما يحب الابتسامه صدقيني انتي بس ابتسمي له واذا زعلتي ازعلي بدلع مو تقومين من عنده وانتي تنافخين يعني اذا ماعجبك شي اجدعي كلمه بمزح مو تخلين بقلبك والله كذا بيطفش انتي حاولي شوي شوي بتعودين
دعواتي لك بالتوفيق.

 

[دموعي شي معتاده]

اذا استمريتي على كيذا بيزهق منك
وبيدور على وحده ثانيه
نصيحه انا مجربتها كنت اعامل زوجي بقسوه وهو يراضيني
واللحين لو ابكي من اليوم لابكره
يعطيني ظهره وينام ىلانه مل وانا ماالومه
بس غيرت طبعي اللحين

 

[رازيا]

طيب ليش ما تروحي تعيشي معاه في الرياض اقصد يستاجر شقة واجلسوا هناك
مو حلو تبتعدون عن بعض الا اذا فيه اسباب قوية

 

[كلي حنو]

يعني الحين انتي تغيرتي يالغلاا ..

وكييف تغلبتي ع التغيير اللي فييك ..

وزوجك يمك ع طوول والا يجيك مثلي انا ..

انا يمكن لاني تعودت اني طوول الوقت بيت اهلي

ولا اروح له الا اربعااء وخميس وجمعه يمشي

عشاان كذا يمكن تعودت ع هالوضع .. يعني ما احس

ان في بينا تفااهم ابد ولا نقااش ابد .. يعني احيانا

ويمكن عشاان اني مو يمه ما اهتم له حتى لو زعلت

انا قلت لو اروح ويااه الريااض يمكن يتغيير الوضع

لكن هو يقولي جو الريااض مايصلح وهو مايبي يسكن هنااك

يقولي ترى الريااض قرف والله ماتنطااق ابد .. بس انا ابي اجررب يمكن

تخف المشاكل مع ان قالي بشووف اليين العييد بس والله زهقت

كل مشاكل مشاكل الواحد يمل اذا انا ملييت فما بالك هوو ..​

 

[**لولي**]

حرآآم عليك
و الله رحمت زوجك وش ذنبه
أقل شي جامليه مجآمله بالكلآم الحلو
و أعتبريها صدقه و لك أجر عليه
طيب مع كل النآس كذآ تعآملك أو مع زوجك بس ؟؟

​

 

[كلي حنو]

والله قلت له اخذني ويااك الريااض ..

لكن مايبي هوو ان نسكن بالريااض يبي هناا

قلت له يعني الا متى ترى وربي ملييت وزهقت من كذاا

مع اني قلت له ترى احنا تعودنا البنت تتبع ززوجها كل مكاان

مو حلوو انت في مكاان وانا في مكاان والله ابد مو حلوو

قلت بشووف اقوله قبل لايجدد الاجاار حق السكن بقوله

بدال ماتجدده اخذني ويااك وبشووف .. ما ابي استمر والله ع هالوضع

ملييت خلاص .. ​

 

[أسماء زكي الدين]

الله يهديك ويصلح حالك ... قرأت موضوعك كله على طوله لكني سبحان الله وجدتك قد كتبتي المشكلة والحل معا ....

وليس الحل عندن الحل عندك وأحمدي ربك يا اختي إن زوجك كلمك وقالك ماذا يريد ولا سابك تحتاري وتلفي حوالين نفسك ... الله يهديك ...

أبدأي من الآن الآن ,, ارسلي له رسالة قولي له فيها ك وحشتني ...

ولما يتصل بك خلي صوتك منخفض ... ولما تنتهي المكالمة قولي له ... في أمان الله (بحنية ونعومة) مش كان صديقه بيسلم عليه ...
وأنا عندي استعداد أساعدك عن طريق الخاص لكن راسلي لي موقف ...


وخلي شيء في بالك زوجك صابر الآن لكنه سيبحث لنفسه عما يعوضه أو سيستبدلك بما يعوضه أحمدي الله عليه أنه ملتزم وصابر ويريد إصلاحك ... لكن أعلمي أن دوام الحال من المحال فاستعجلي نفسك ودربيها ​

 

[كلي حنو]

كذا تعاملي مع كل النااس مو بس زوجي ..؟؟

 

[أسماء زكي الدين]

عزيزتي .. من رأيي ألا تسأليه مرة أخرى الانتقال معه لكن أبدأي بتغيير نفسك - لن عدم تشجعه اصطحابك أنه لا يريد زيادة ضيقة خلق .. غيري نفسك واتركيه حتى يعتاد على زوجته الجديدة المتجددة ووقتها ستفاجأي به قد تأجر الشقة وجاء لاصطحابك ...

لكن لا تذهبي معه وأنت على حالك لأن ذلك سيزيد الوضع سوءا ...

 

[جسم بلا روح]

والله ان زوجك مافي منه بس انتي حبيه


لانه صابر الحين ويحبك بس اذا استمريتي كذا راح يتغير وانتي الخسرانه


والله ان زوجي يخطي علي واذا زعلت اجلس ومايراضيني لو اجلس شهر لين اجي انا واعتذر منه


وانا ماني غلطانه بس منشان يسير مركب هالحياة خيتي حاولي تحبيه اكثر وشوفي الحاجات الحلوه فيه


وخذي فرصة غيابه واشعلي نار العشق بينكم برسايل الغرام والشوق واتمتعي بحياتك يالغاليه........

 

[كلي حنو]

والله اني حاولت لكن استمر يووم بعدين

يتغيير وضعي مدري لييه .. انا ابي سبب للي انا فييه مو لاقييه

مدري يمكن لان معي اهلي الحيين اسووي كذا

وهو مو يمي والله مدري يا اختي .. يمكن لو كنت معااه بالريااض

يمكن ارووح له واعتذر او استمر ع هالوضع مدري ..

يعني حتى لو رحت هناك والله مدري يتغيير وضعي او مثل هناا ..؟؟