تكفوون ابي حل مليييت من العيشه يارب ارحمني بس

[حوطيه دلوعه]

:33::33:بسم الله الرحمن الرحيم
السلام عليكم ورحمه :::
حالتها: عازبه
عمرها :21
عااااااطله وان شاء بكمل دراستي
انا عندي المشكله في بيتنا
اسمعوا المشكله::
انا الله يسلمكم من الشر
اقولك ذاك اليوم جائني اخوي وهذا عمره 18 سنه واهو اصغر مني 3 سنين المهم
وقال انتي راسله صورتك ع الاب توب
المهم والله واللي خلقني انا ماادري كنت محددهفي جوالي صور ومادريت اني محدده صورتي وطبعآآ وانا متلثمه واخااف ربي ولا ابي والدايني ولا ربي يغضبون علي
المهم قلت انا والله مادري
المهم راح لأمي وقال لها السالفه وتخيلواا قال انوو انا مصورتها وراسلتها بالاب لاتوب عشان اوريها الشباب
وانا ماكان قصدي اني اوريها ولا شي بس اني مادريت ولرربي ماردريت
المهم جتني امي وقالت انتي بتطحين عرضنا وشرفنا ومن هالكلام وصدقت كلام اخوي طبعآآ انا عصبت ولالله اني مظلومه
وقلت لها السالفه وماصدقتني طبعآآ لأنو امي تحب وتعز اخوي هذا
وتصدقه بكل شي
وانا الكبيرة ماتصدقني ابدآآآ
المهم جاء اخوي ودخل علي بغرفتي وصفقني كف تخيلووو
وقلت لأمي شوفيه صفقني وماقلت شي قالت طبيعي بيتصرف كذا
اها ذااك اليوم تعبت
كنت بقول لأبوي بس قلت يمكن يصدق اخوي ويكذبني وبيمنعني من كل شي
وماقلت له
وبعديومين تقريبآآ رمي علي الجزمه بوجهي الله يكرمك ويكرم السامعين
ورحت وقلت لأمي ولا قالت شي
اااااااااااااااه بس

وغير هذا صار عقب مشاكل وامي تصدقه ولا تصدقني
وانا الحين اكره اكره
وماايطيقها
وكنت رافضه مبدأ الزواج والحين اي احد بتقدم لي رااح اتزوج حتى لو اهوو كبير في السن
تكفون طلبتكم عطني حل وربي مليت مليت
ولا تقولون اقول لأبوي لأنو صارت مشكلع عقبها وقلت لأبوي وصار معااي وحتى اختي الكبيرة وصارت معي بس عطوني حل
اسفه لأنو طولت معااكم بمشكله بس وش اسوي صار فيني حاله نفسيه
وكرهت الدنيا وكل شي خلوها ع ربي بس
اتمنى انكم تعطوني حل الله يسعدكم ويوفقكم يارب
واذا انتم تقدرون تسمعون المشكله الثانيه رااح اقولكم
وانت تحددون الصح او غلط
​

 

[دفء]

غاليتي:
(حوطيه دلوعه)
هنيئا لك عزيزتي..
بكونك (مظلومة)..
هنيئا لك من الأعماق..
قد تستغربين قولي هذا ولكن..
والحقيقة لا تستحقين في موقف مثل هذا إلا أن أهنئك من القلب..
1.دعوة المظلوم مستجابه(ليس بينها و بين الله حجاب)..
حتى الكافر إن كان مظلوما دعاؤه مستجاب..
فما بالك بمسلمة تؤمن بالله..؟؟؟
ارفعي يديك لله الناصر وادعي أن يكون عونا لك في مصابك و أن يظهر الحق الرادع لتصرفات أخيك..
ولا تلومي والدتك في تصديقه..
لأن المحب إن خاف على حبيبه و أغلى ما يملك إن سمع بضرر قد يلحق به وإن كان زيفا هاج و ماج..
و أمك تحبك كثيرا..
ولكن عليك أن لا تقبعي للحزن و لا تتألمي من أفعالهم..
لأن تلك التصرفات(منك)سوف تؤكد عليك كذب أخيك..
ولن يصدقوك..
(واثق الخطوة يمشي ملكا)..
إرفعي رأسك بشموخ..
و سيري كما يسير الملك..
أثبتي للكل أنك الطاهرة العفيفة بصمت..
و إن تمادى أخوك في أفعاله..
ليس له صارم إلا الهجوم..
ولم لا تقولي لوالدك؟
أحضري كتاب الله وارفعيه أمامهم جميعا..
واحلفي عليه قسما بأن ما قاله أخيك كذبا و زورا..
و اذكري لهم الحقيقة كاملة..
خوفيهم بدعوة المظلوم(ولكن لا تدعي عليهم)..
وبذنب قذف المحصنات الغافلات..
ليس لحالك إلا الشكوى لله..
و توضيح الحقيقة..
لأن أخاك بحكم أنه أصغر منك و تأييد والدتك له..
أحب السلطة(وخاصة من هم في سنه يعشقون التسلط و فرض الشخصية وإبراز الرجولة)..
إن سكتي لا تأمني العواقب..
(ولنفسك عليك حق)..
إفعلي ما قلت وليكن هذا الموقف درس لك في عدم تصوير نفسك نهائيا..
حتى تضمني بعد الشر عنك..
لا تخافي و لاتهني و لا تحزني..
(الله عدل)..
يراك و يسمعك و يعلم حالك..
وثقي أن النصر قريب..
ولكن لا تستسلمي أبدا..
(هاجمي بالحق قبل أن تُهاجمي بالباطل)..
أسأل الله أن ينصرك النصر المبين ..
ولا تزيدي ظلمك لنفسك(بقبول أي شخص للزواج بك)
لأنك حينها تشتركين معهم في ظلم نفسك..
ليس حل السوء بالسوء أبدأ..
طمنينا غاليتي..

 

[إنسانة مكسورة]

... عزيزتي حوطية,,,

مدامك,, صادقة,, لايهمك الا ربك.. مايهمك احد غيره,, وقولي بسجودك,, يارب, انك تعلم سري وعلانيتي فأقبل معذرتي وتعلم حاجاتي فاعطني سؤلي,,
وانا متأكدة ان اخلاقك عالية وانك متربية وتخافين ربي,بس لايرمى بالحجر الا الشجرة المثمرة.. معليش يختبرك ربي,,, اصبري
على بلاء اهلك شوي عشان.. تفوزين بحياة حلووووة
واخوك ابد ماله حق يمد يده عليك ولا يهينك ويرميك بالنعل ابدآ هذا اسمحي لي تصرف ,, دنئي


وبنفس الوقت اعذريه لانه جاهل وهذا اخوك.. سندك.. واي انسان بمكانه ممكن يتصرف هالتصرف.. طبعآ مع اختلاف النآس بآخلاقهم

وحاولي ,, تتجاهلينه,, وقولي له.. انا اختك لاتشك فيني.. ولو ابي اغلط ماخفت منك انا اخاف من ربي,,

تكفييييييين طلبتك,, ياحوطيه ادعي له بسجودك الله يهديه ويحط بقلبه الرفق والين تجاهك صدقيني وربي عن تجربه
مريت باصعب من مواقفك هاذي واتهامات وربي وحدة الي يعلم صدقك وربي ان تشوفين العالم كله موب بس اخوك ولا امك
كلهم ودهم يرضونك.. ومايخدوشون مشاعرك بكلمة..

وامك ثم امك,, انتبهي انكِ تخسرين ودها وهي الاي تهمك بعد ربي وتبين رضاها,, اثبتي لها العكس

وخليه تتاكد ان بنتها مظلومة وان تعدوعليها وتعبو نفسيتها وكل ماسجدتي قولي يلرب اعني عاى بر امي وادخل في قلبها الرفق بي والين ياحي ياقيوم وشوفي

لاتكونين مهزومة وتقولين بتزوج شايب لايابعدي لالا ان ان شاء الله مايآخذك الا احسن واحد,, بس طيعي,, ربك..
وخلي اخوك يستحي على نفسة لما يعرف انه ظالمك

والله معكِ يالغالية ييسر امورك.


. وادعي لي الله يجمعني بمن احب بالحلال
اختك إنسانة مكســــــورة
​

​

 

[دوم زعلانه]

لروحك بردا وسلاما

اخووك يغار عليك كثير وخاايف عليك
وانا كل اخواني بالهسن داايم مشااكل

افضل حل

خليك اغلب الوقت بغرفتك
ولاتقابلينه كثير

بيكبر ويعقل
وامك خليك عندها
وقولي لها قصص عن الظلم وكذا
وهي رح تتأثر

وصدقيني والله هم خايفين عليك

 

[تآئه بين آحلامي]

ياحبيبتي عاتي عاتي


الحال من بعضو ^_^

آسسسستحملي وخليك قوية​

 

[اعلامية طموحة]

هلا حبي

انا احسج انتي كأنج كأنج من النوع اللي بارد شوي ومهمله بعض الشيئ

يعني بالله عليج قالج راسله صورج تقوليله ما ادري!!!

يا اختي قوليله لا وألف لا.. حسسيه انه فعلا لا ..ومستحيل

وبعدين كل هالمرمطه من اخوج وكفوف وحاله وماتبي تخبري ابوج ليش!

دافعي عن نفسج ولاتكتفي بالكره .. لأن الكره بياكلج انتي ولا بيغير في الواقع شي

انتي تكرهي اخوج وتزيد الفجوة بينكم ويستمر هو مفكر انك انتي تعملي حاجة غلط

ثانيا اي نعم هو ولد بس احترامه لج واجب

كلمي والدج وقوليله ظالميني وانا صارلي فترة ساكته

احلفي بالله قدام الكل .. امسكي المصحف واحلفي

وخذي حقك واسترجعي كرامتك
​

 

[حوطيه دلوعه]

مشكور اللي ردووو علي وان شاء الله انفذ كلامك
بس الى متى وانا هالحال ملييت
وبرد ع الاعلاميه خااايفه اقول لأبوي تجي امي تقوله شي ثاني وانا متردده من ذي شي
ومحتارن وش اسوي

 

[بنت نآس]

شوفي قلبي انا حاااااااسه فيك لاني اعرف طبيعة اخواننا كيف

ومتـأكده ان طينتهم وحده..

والام دااااااااااااايم توقف معهم..

لانها تنبسط ان اخوك يخاف عليك ويبي مصلحتك..

اهم شي انتي خليييييييييييك واثقه من نفسك بقوه لانك ماسويتي شي غلط..

خوفك وسكوتك يأكد لهم انك غلطتي..

واجهيهم ..

ولا تخافين..


وابوك نصييييييييييييييييييحه لاتقولين له شي لان بيوقف مع اخوك من الكلام اللي يسمعه برى..

ويعني بيني وبينك هم كذا يحسون البنات طايشات هههههه..



اهم شي تعمليه ثقتك بنفسك وخليك انتي نفس ماانتي بااسلوبك معهم لاتتغيري للاسوء ابداااااااا

 

[المتجدده37]

حوطية دلع
مرحبا.................. اشلونك؟

عزيزتي مشكلتك فيها أمرين:
1-أخوكي وكيف تتعاملين معه؟
2-أبوكي كيف تخبرينه.
لاتسمحي له باهانتك أبدا وقولي له بكل جدية وليس صراخ:أنا أختك وأخطأت صحيح في عدم تأكدي من الصور..ولكن مش معناته تهينني كل شوي كأني مسوية جريمة.

واتركيه فورا واذهبي..لماذا؟
لأنه سيشعر بأنه له قيمة لأنك وضحتي له.وسيشعر بأن لك قيمة لأنك دافعت عن نفسك ولم تسمحي بالإهانة.
بل وأخبريه بأنك ستخبرين والدك بمايحدث إذا لم ينتهي من حركاته.وإن أخبر والدك هو بنفسه فقولي له نفس الكلام الذي ستقولينه لأمك وهو.


أنا ماأقول إني ماغلطت لكن خلاص يمه لاتعاملوني مثلي مثل البنات اللي سووا أكبر جريمة...الحمد لله أنا مؤدبة وخايفة ربي ماني خايفة منكم.
يمه الله يسعدك لا تساعديه على اهانتي كأنني مدري ويش سويت أعوذبالله.
يمه انتي تعرفيني...تعرفين بنتك.



2-والدك
لاتخافي أبدا منه بل اذهبي له وتوكلي على الله وأخبريه بماحصل ولاتخبصي في الكلام
احفظي جيدا ماستقولين له.

وأما أنت أحب أن أهمس في أذنك بكلمة لكي لايسمعها أحد تعالي قربي:
لييييييييييييييييييييش تتصوري وأنت متلثمة؟هاااااااااااااه؟

ماسمعتي المثل اللي يقول:امشي عدل...يحتار عدوك فيك.
يعني محد يقدر يقول كلمة

أنت رائعة بالفعل عزيزتي وأشعر أنك تعانين من فراغ وكبت.
الله يزوجك قولي آآآآآآآآآآآآآآآآمين.تراها من قليبي والله.

​

 

[صمت الحنينـ]

لازم ابوك يعرف
اجل مظلومه وتسكتين؟
ياريته بمووضوع عادي
هذا شررف
لو ابوكي سمع منه الموضوع قبلك والله يصدقه
بيقول لو انها مظلومه كان قالتلي بس سكتت معناها غلطانه

انتبهي لنفسك وشوفي مصلحتك

 

[بارونة القمر]

بنات مو كل أب حنون ومتفهم ...بعضهم مافي أقسى منه ومايصدق خبر بالزله...

من رأيي لاتقولين لأبوك اذا كان من النوع اللي ميؤس منه ...اجلسي مع امك وحاولي تقنعينها ان اخوك يتبلى عليك...اعوذ بالله وش هالأخ...!

 

[حوطيه دلوعه]

والله يابنااات محتااااااااااااارة مادري من اسمع كلمته
مشكوريييييين ع ردود

 

[ت ع ب ..!]

حبيبتي: )

مافي بيت مافيه مشاكل
واخوك في عمر يحب يفرض نفسه! ولو بشكل غير صحيح!
وكل الأمهات كذا مع الأولاد انا ابموت من كثر ما امي تحب العيال!:S
لكن خلاص مابيدي شي

وبالنسبه لموضوعك ياعزيزتي ، اذا امك تكتب وتقرا اكتبي لها ورقه!
وحطيها على مخدتها
وقولي يا امي كيف رضيتي تشكين ببنتك اللي كبرت على تربيتك!
والظفر مايطلع من اللحم لو فرضا انا غلطت! ما الفروض تعاقبيني بهالطريقة!
بكرا ولدك يكبر ويتزوج ويروح وماراح يبقى لك الا بناتك
لاتصنعين فجوه بيني وبينك!
انا بنتك!



حاولي اكتبي عبري قولي كل اللي ببالك
وان شاء الله بتشوفين نتيجه
ومايمنع تحطين هديه معها ()

 

[حوطيه دلوعه]

بنات تكفوووون وش اسوي مع اخوي تخيلوو صاير يتحكم فيني بااي شي
لدرجه بدى يقول لي لا تتطلعين من البيت وانتي الابسه شنط او جزم ملونه ولا بعد اظافر طويله ولا يقول بعد
صاير يتحكم بااختي يقول الاتلبسين نقاب وانا اصلآ مانطلع الا وانا محتشمات الحمد الله
نخاف من ربي ومحد وقفه عن حده ابدآآآوش اسوي الحين انا ماتكلم معه ابدآآ لأنوو شكك اهلي فيني يارب ارحمني بس .....
الله يوفقكم وشلون اخليه يوقف عن حده ردوووووووووووو