تكفون ناخيتكم زوجي مايبي الاالقيمات وانا ماعرف لاتخلوني

[ملاك نفسي]

هاي بابنوتات
كيفكم انشاء الله بخير

نخيتكم يالبلقيسيات لاتردوني
بليييييييز
انا عندي معانات مع القيماااااات
عجزت اضبطه مليييت
ماخليت طريقه ماسويتها
ماخليت احد ماسالته استحييت من كثرمااسال
والمصيبه ان زوجي مايبي الاالقيمات
اهم شيء على السفره هي
تفشلت منه اسويها وغبيهاعنه الانها ماتضبط
الله يدخلها الجنه ويحققلها ماتتمنى الي تقولي ع طريقه تظبط
والله والله لاادعيلها قبل الفطور
عاد تعرفون ادعوه مجابه قبل الفطور
بس لاتقولون لي اي طريقه تكفون
ماابي طريقه الاالي تكون مضبووووووطه مره تقرمش
ومجربه
اهم شي اهم شيء
المقادير المذكوره تكون باتفصيل
واهم شي يابنات مقدار الماء حددوه بظبط
لاتقولون المقدار المناسب
لاني ماعرف المناسب
تكفون لاتردوني ياخبيرات القيمات

 

[خوااااطر]

اهلين حبيبتي والله حاسه بمعاناتك كل سنه في رمضان حقل تجارب
يامنفقعه في وجهي ياماتظبط المهم ماخليت قيمات سعوديه ولا كويتيه ولا مصريه الا وجربتها
المهم اخر رمضان الي فات جربت طريقه بصراحه حلوه مشاءلله ومن الفرحه كتبتها في ورقه
وخبيتها بين هدومي كني مخبيه ذهب بالدولاب هههههههههههه
يوم جت هالسنه واروح اطلعها والحمدلله اسويها وانا مفتخرره ان ابحاثي السنين الي فاتت
جابت نتيجه وامشي معي خطوه خطوه ​

في خلاط الطماط حطي المقادير التاليه ​

بيضه
علبة زبادي
ملعقه كبيره سكر
نصف ملعقه صغيره ملح
ملعقه كبيره وممتلئه نشاء
وملعقه كبيره وممتلئه خميره فوريه
ملعقه كبيره حليب نيدو ناشف
نصف كاس ماء دافىء ​

نخلطها بعدين نصبها على كاس ونصف دقيق ونخلطها مع بعض باليد ونضرب من جهه وحده
عشان يدخلها الهواء ​

الشروط ​

الزبادي والبيضه تطلعينهم قبل بوقت لازم بحرارة الغرفه
الكاس المستخدم هوكاس جبن بوك
تبين لونها اشقرحطي شوي زعفران معهم فالخلاط
عند القلي لابد ان يكون الزيت حار ثم تقصرين عليه وتلقمين وبعدين ترفعين
واذا صار حار تقصرين لازم يكون عندك خلفيه عن هالشي
التلقيم بيدك وبواسطة ملعقه لقمي احسن تطلع مستديره
للحصول على افضل النتائج اقلي القيمات لين يصير لونها بيج وطلعيها بعدين خليها خمس دقايق
رجعيها واقليها تصير مقرمشه مررره وتجلس فتره اطول ماتذبل
واذا حبيتي تستفيدين اكثر شوفي اسامه السيد باليوتيوب وشلون يقليها مرتين فكره خطيره وحلوه
اذا كانت القيمات حاره لازم الشيره بارده والعكس ​

اتمنى انك استفدتي حبيبتي وبالعافيه مقدما​

 

[شواقة2]

حبيتي أنا مثل معاناتكم 7سنين تجارب<< تخيلي عاد.. وما ضبط معي الا اللقيمات المقرمشة ولا أبي أجرب أي طربقة ثانية غيرها، لانها ضبطت معي وما عاد فيني تجارب وفشاااايل..
مقاديرها: في الخلاط
ملعقة كبيرة ونصف خميرة+كاس ونصف ماء
تخلطينها ثم تضيفين بيالتين( يعني ثلث كاس زيت)+ثلثين كاس نشأ
ثم تصبينها في زبدية وتضيفين إليها كاسين طحين..
تتركينها تخمر لمدة ساعة أو أقل شوي ، ثم تسخنين الريت الغزييير وفي هذه الأثناء<<متعوب عليها
تضيفين للعجين ثلث كاس حليب بودرة+بيضة وتخلطينها ومباشرة تبدأين تقلين..
وإن شاء الله تعجبك.. عموما هي مشهورة باسم اللقيمات المقرمشة.. ممكن تبحثين عنها في قوقل..

 

[أحبك بجنون]

مممم انا كل سنه اسويها وتفشل شكلها لها كرش وزوائد شنيعه
بس السنه هذي اشتريت من الجاهزه وانا احط عليها زيت ومويا وخميره
ومرااااا تطلع مزبوطه معايا الحمد لله
والتلقيم بملعقه صغيره يجي شكلها مرتب وحطي على جنب شوية زيت فصحن
وكل شويا حطي الملعقه في الزيت ولقمي عشان تتزحلق ما تلصق ويخرب شكلها

يااااااااااارب تسوي اي طريقه وتزبط معاك وتفرحي زوجك

 

[جرحتني طيبتي]

انا اعطيك طريقه تمام وربي زوجي يحبها وانا مجربتها
تكفين ادعي ان الله يصلح لى زوجي وعيالى
وهذي الطريقه مضمونه100بالميه
المقادير: 1/2 كيلو دقيق
قطعة خميرة بيرة في حجم عين الجمل
ملعقة سكر
ماء دافئ
ذرة ملح
زيت غزير للتحمير
شربات أو سكر بودرة أو صوص شيكولاتة

التحضير: 1- يضاف للخميرة ملعقة السكر وقليل من الماء الدافئ وتترك لتخمر.
2- يضاف الملح للدقيق ويقلب ثم يضاف لهما الخميرة بعد تخمرها وتقلب ثم يضاف الماء الدافئ ويقلب العجين حتى يصبح مابين السيولة والصلابة (شبه سائلة أو لينة نوعا ما)
ثم تترك لتخمر لمدة ساعة ثم تقلب بالملعقة بسرعة ليهبط العجين وتترك لتخمر ساعة ثانية
ماراح تندمين عليها والله

 

[هلوسات]

انا نفس المشكله
ما ضبطت معي
الله يعطيكم العافيه بتفيدوني انا بعد

 

[ملاك نفسي]

تسلمون يابناات ع الفزعه ماقصرتو
خوااااطر وشواااقه و جرحتني طيبتي واحبك بجنون و هلوسات
الله يوفقكم ويحقق لكم ماتمنيتو
راح اجرب كل اطرق والي تضبط راح ادعيلها ليل ونهااار

 

[حكآية صمت]

طيب بنوتااات كيف القم انا ماعرف بيدي

ابي طريقة الملعقه كيف

 

[rawiah]

الحمدلله اخيرا ضبطت معاي استانست

 

[ملاك نفسي]

طيب يابنات اطرق هاذي مايكون داخلها عجين
وسؤال ثاني اذالقمتها علطول احطهابزيت ولا اخليها تتخمر

 

[سلطانه السعوديه]

الطرييييييييقه الاولى اخليها تخمر ولا لأ
لبى قلوبكم يعطيكم العافيه

 

[كنوز عابره]

اختي اذا حابه تصير كلها شكل واحد اذا خمرت تجيبين كيس الي نحط فيه اللحم طبعا نظيف تقصين من احد جوانبه فتحه صغيره وتحطين فيه اللقيمات وتعصرينها ونكون جنبك زبديه فيها مويه وملع قه صغيره تاخذي من اللقيمات ومن المويه وتحطينها في الزيت وتقلبي لين تحمر وصفيها من الزيت في المصفى بعدين على ورق النشاف وبالعافيه واذا في استفسار انا تحت امرك

 

[حبيبة توتي]

اول شي ببشرك اديك طريقه بتشكريني بإذن الله
2ك( حق الجبنه السائله الطويله) دقيق كويتي جميع الاستعمالات
و1ك ماء بنفس الكوب وام ص خميره
و1م ص بكنج بودر
و3م حليب بودره
وكاس شاي زيت
طبعا السر اللي محد وضحه ومهم جدا جدا
جيبي الصحن اللي بتعجني فيه وحطي الخميره اول شي وبعدها كوب المويه والحليب والبكنج واخلطي لين تذوب الخميره وبعدها حطي الباقي بس السر فالبدايه ولاتنسين ذرة الملح والسكر وخليها ساعه
طبعا .................
تبين شكلها مدور لا ملعقتي ولا ملعقتك
جهزي القلايه وصحن فيه ورق نشاف وحافظه
وصحن صغير فيه مويه عشان يدك
خذي العجينه بيدك اليمين وقبضي يدك وخليها تطلع من فوق وشيليها بيدك الثانيه وحطيها فالزيت
واذا خلصتي حطيها فحافظه وقفلي عليها علشان ماتقسى وطلعيها وقت التقديم وخلي شيرتك جاهزه
وابصم بالعشره تزبط وياك

 

[السر المكنون]

يعطيكم ألف عافيه على هالوصفات العجيبه
لأنه عن جد نفس المعاناه بكل رمضان زوجي يطلب مني أسويله لقيمات بس للأسف تطلع بأشكال خرافيه <<< كأنها كائنات من كوكب غريب >>> وتعالو شوفو وجهي من الفشيله
بس ان شاء الله وصفاتكم ماتخيب ظني فيكم
ولا ظن زوجي فيني
أما عن الأخت ((حبيبه توتي)) اللي ذكرت السر الخطير ((وضع الخميره في زبديه بعدها أصب عليها المويه لين تذوب)) هذي الطريقه دايما أستخدمها حتى في عجينه الفطاير
جزاكم الله خير​

 

[فتاه]

هههههههههههههههههه انا اشطر منكم جربت من اول مره ضبطت مو مصدقه لان الطريقه سهله حتي زوجي مدحني احم احم:

طحين كويتي
خميره فوريه
اشويه سكر وهيل مطحون
وماء مناسب وبس وخليه ساعه يتخمر انا اغلفه بألمنيوم واخليه بالشمس
ويطلع مقرمش
جربوا هالطريقه سهله