تكفون مساعدتي والسبب الله يعلم..

[كلي امل@]

السلام عليكم ورحمة الله وبركاته
عزيزاتي اولا ..كل عام وانتم بخير بمناسبة شهر رمضان المبارك
ثانيا..واه من الهم الذي لايفارقني اضحك يوم وايام حزينه والمشكله كله ماابين وهو ان زوجي اهله دايما يتدخلون بحياتي مع ان زوجي حنون وطيوب ..تكفون كيف اتعامل معاه من غير مشاكل ..والمصيبه العظمى اذا صارت مشاكل بيني وبينه يحاول يستفزني ويقول انتي ميته على ولدعمك مع انه خطبني ورفضته رضيت بزوجي هذا اللي مجنني بشكه حتى جهاز البلاك بيري طعته ومااخذته ابغا ارتاح من المشاكل بس المشاكل وراي وراي والله العظيم حتى اهله مازاروني واخر زياره بولادتي بولدي واللحين له سنتين الله يحفظه ليه.. والله اانا ازور اهله ولا اسوي مثلهم.وهم ساكنين بحي قريب مو بعيد عني وام زوجي وبناتها من الناس اللي تزوار؟؟
.الاهم زوجي مااحسه يزيد اهتمامه بالعكس دوم صراخ عليه وشك ..حتى لدرجة اني كارهه ازور اهله مع اننا داخلين على شهر الخير..تكفووووووووووووووووون ساعدوني عندي ولد وبنت كل اافكر اطلب الطلاق يحزنوني اولادي ..
الله يسعد اللي تساعدني..

 

[لودي الحلوة]

علينا عليك ياعمري
اهله مهما صدر منهم لابد تتحملينهم وتخليك على السايلنت وخليك محترمه معاهم ولا تراددينهم احقري وبس وعطي كلا على قده حلو لانه اهل الزوج اذا ماحبو مرت الولد لابد ينقفون عشها يوم من الايام حاولي تكسبينهم حتى لو كنتي كذابه ( مثلي الان ) واكسبيهم لصفك علشان لو قلب عليك الزوج يوما ما تلقين وراك سند انا ادري انك بتقولين صعب بس صدقيني هالدنيا فانيه كم بنعيش فيها قولي لي كلها ايام معدوده خلينا نعطي احسن ماعندنا بكره كله لك يقولك اللي يزرع ورد يجني ورد واللي يزرع شوك والله مايجني غير الشوك وهذولي اهل الزوج انتي ماتبينهم يصرفون عليك صح خلاص اكسبيهم حتى لو فيهم ايش مافيهم واذا مافيه فايده خليك رسميه هذه نقطه النقطه الثانيه زوجك حطي له حد من الكلام اللي ماله داعي قولي له انا الان زوجتك وما يحق لك ابدا ترميني بهالكلام واذا انت تشك فيني فتراني ما اجوز لك ولد عمي لو ابيه خذيته قبل لا اخذك بس جاني ورفضته فرجاء الزم حدك والا راح يكون لي تصرف ثاني ( التصرف الثاني ) هزيه في شخصيته فيما لو كررها قولي له اسمح لي انت ماعندك ثقه في نفسك ولد عمي يهزك ولا مو على كل صغيره وكبيره تطريه رغم انه مافيه شي يستدعي انك تطريه واغسلي شراعه وصدقيني لا يمكن يعيدها
والله يوفقك

 

[كلي امل@]

مشكوره يالودي والله يعطيك العافيه ويوفقك
وانشااااااااااء الله اسوي اللي كتبتيه والله يساعدني ..جزاك الله خير

 

[يالوردي]

انصحك تقللين زيارتك عند اهل زوجك واهم شي تكوني رسميه معهم واقري عن الانماط واعرفي نمط زوجك وكيفية التعامل معه