تكفون لاتبخلون علي باالنصيحه

[ورقه ملونه#]

السلام عليكم احبائي حبيت استشيركم مره ثانيه بس هاالمره في ولدي الكبير عمره 4سنوات سكنا بيت جديد وحطينا له غرفه لوحده بصراحه كان ينام معانا بالسرير والحين ابي اعلمه ينام لحاله بس مايبي يقول اخااااااااااااااااف مع انه غرفته جنب غرفتنا مرره وكل مانومته وقمت عنه يجلس يبكي ويجيني الغرفه وينام معاي ومدري وش اسوي معاه والله ابوه تضايق من هاالوضع صار لنا من سكنا تقريبا 4شهور وانا احاول معه ومو راضي مصمم ينام معاي تتوقعون ممكن ينام بغرفته والله خسرنا عليها كثييير بس عشان نحببه فيها وينام فيها ومافي فايده وشرايكم انتو عندكم اقتراحات مثلا ....عاد المره اللي فاتت ماشفت الا رد واحد هالمره بزعل اذا ماشفت ردودكم تكفون لاتبخلون علي بالنصيحه..

 

[بيضاء قلب]

أنا الحين قاعدة أسوي غرفة لعيالي الكبير مثل ولدك عمره 4 سنوات وشايلة هم يصير معاية مثلك
لكن أنا أفكر أنام معاه شوية في غرفته وإذا ثقل نومه أقوم عنه وبالليل بين فترة وفترة أمر عليه ...
وأنا من الحين أشجع فيه إنه رجال وبطل ومايخاف ويقدر ينام في غرفته الحلوة ومن هذا الكلام ....
الله يصلحهم ويهديهم ويحفظهم من كل مكروه ...

 

[بيضاء قلب]

ممكن بعد أغريه ببعض الأشياء اللي يحبها ... مثلا إذا نمت في غرفتك راح أعطيك كمبيوتري كل يوم تلعب فيه من ألعاب النت ... هذا الشي يموت فيه وإن شاء الله يجيب نتيجة ...

 

[ورقه ملونه#]

انا حاولت معاه بالمغريات بس ولدي عنيييييييييييييد وخواف .....ونمت معه بس اذا ثقل نومه رحت عنه واطل عليه بس 3ساعات كذا ويجلس يدورني اكون بغرفتي ويجيني الغرفه وماعاد ينام لحاله عشان مااتركه.... اشكرج حبيبتي على الرد والله يصلحلج عيالج يارب

 

[rona197]

اصلا انتى اتاخرتى علية المفروض بعمر سنتين تنقليةينام بغرفة خاصة انتى احسن شى تشغلى لة السهراية او الضوء الخافت بغرفتة وومكن تغلين قران بصوت خفيف وخلىالباب مفتوح علية و كل ما يرجع غرفتك رجعية غرفتة وما تياسى حتى يتعود باذن الله

 

[ام سااارونه]

فهميه انه كبر وقولي له بتحصلني عندك على طول ادا تبغاني وخلي باب غرفتك وغرفته مفتوح علشان ما يخاف حتى يتعود الله يصلحه ويصلح عيالنا

 

[-موج-]

اهم شئ لا تخلين الموضوع يكون حساس ويسبب تنغيص بجو البيت...يعني خلي الموضوع طبيعي متى ما صار خلي يصير لانه عاجلا ام اجلا راح يصير ويروح لغرفته ان شاء الله..فلا تقلقين نفسك وتضغطين على نفسك وابنك بسبب هذا الشئ...والحل الي اسويه مع ابني انه ينام جنبي بعدين اشيله واوديه لفراشه بغرفته وهكذا وشويه شويه يتعود...لا تحملين نفسك عبء وتعب لشئ مصيره ان يتحقق ان شاء الله..