تكفون ... ساعدوني

[دنياء العذاب]

كيفكم حبايبي ... بصراحه هذا اول موضوع لي بلمنتدى وانشاء الله انكم تفيدوني وتساعدوني ..
لاني بصراحه ما طرحت مشكلتي الا وانا لاقيه بينكم تعاون وانشاء الله انكم تهدوني لطريق الصواب ..


انا تزوجت وعمري 17 سنة والحين لي سنتين ونص وانا متزوجة والله ماكتبلي بلذرية .. تزوجت وانا بلصف الثاني ثانوي مع انو قدامي اربع من خواتي ماتزوجو وانا الخامسة الصغيره تزوجت قبلهم .. طبعا انا كنت ساكنه بقرية ومافيها ناس ترحم وتذكر الله ... بداية حياتي قدرت اوفي بدراستي وبزوجي بنفس الوقت مع صغر سني ... درست الترم الاول من الصف ثالث ثانوي وقبل نهاية الترم الاول تعبت واصرت امي علي انو توديني لحرمه تقرا علي وبعدها طلعت الفضايح .. طلع معاي عين قويه مع العين جاني مس ... كرهت الدراسه وكرهت حياتي .. لاكن الحمد لله قدرت امر بهلازمه لاكن كل ما جا طاري مدرسه تنقلب حياتي فوق تحت لدرجة انو إذا جاني التعب اكره حتى زوجي وكل الي حولي ..
سكنت ببيت والحمد لله كل شي تمام الا إذا زعلت او طفشت .. والمشكله انو زوجي دوامو من الساعه 7 الصباح الى 5 العصر وعلى بال مايجي للبيت ياخذ نص ساعه يجي يتغداء والاغلب يتغداء بلدوام بعدها يجلس نص ساعه ويطلع مع ازملاه ولا اشوفه الا الساعة 11 او 12 الليل يجي ويجلي على النت حق ربع ساعه وبعدها ينام وعلى هلموال طول اياااام الاسبوع الا إذا كان عندي موعد مستشفى ( لدرجة انو صرت افرح بمواعيد المستشفيات ) واليوم الي يجلس فيه ينام من الساعه 8 او 9 عاد هو النوم عند طرف عينه ... واحيانا الاربعاء يجون اهله ونطلع لبيت خالتي والخميس والجمعه اجلس بلبيت وهو اخر فتره صار يطلع البر ولا يجي الا الفجر واحيانا خالتي تطلع تمشي عيالها وانا يجيب خواتو عندي بلبيت ويجلسون عندي الاربعاء والخميس والجمعه طبعا ولا اطلع من البيت الا يوم الجمعه إذا بنوديهم لبيتهم ... وإذا طرحت فكرت انو نطلع نتمشى احنا وأهله امه ترفض مو اي مشوار يعجبها وإذا قلت نطلع لحالنا يرفض يقول إذا طلعنا لحالنا اطفش ... مع انو والله انو مو مقصر معاي وانو يحبني لدرجة انو مستحيل يطلع من البيت وانا زعلانه وإذا طلع يتصل ويقول إذا انتي زعلانه برجع وانا مسكينه اجامله واقوله لامو زعلانه يكفي انك اتصلت وسئلت وأنا من جوا احتررررررررق وإذا قلتله انا زعلانه ولاتطلع يجي وينام ويجلس زعلان وش الفايده والمشكله مو اي شي يرضيه.
انا تعبت من حياتي ومن الطفش والملل الي انا فيه.. تكفون يا اخوات ساااااااااااااااااااااااعدوني

 

[الفرفوشه انا]

ياريت تغيري لون الخط ياختي مو قادرره اقراه

 

[دلع قلبه]

الله يحميك ويحفظك ويكفيك كل من فيه شر..
عزيزتي اولا عليك بالمحافظه على الاذكار اليومية واستودعي الله نفسك وزوجك دائما وحافظي على الصلاة وسننها
ليكفيك الله كل من اراد بك سوء..
دائما يقولون زوجك على ماعودتيه يعني اذا كنتي من البداية ماعوديته يطلعك او على الاقل يخصص يوم فالاسبوع
يسهر معاك عوديه بالترغيب طبعا
انصحك تقرين مقالات الاستاذة ناعمة وخصوصا مقهى الحب لانه مفيد في حالاتك
حاولي فالبداية وبما انك تقولين زوجك يحبك ماشاء الله توفرين يوم فالشهر بااجواء خاصة تجذبة للقعدة فالبيت
وبعدها خليها كل اسبوعين وهكذا ....
الله يسعدك ويحفظك ...​

 

[لولو الصغيرونه]

والله ماانتي بعيده عن حالتي لكن انا اقوله طفشانه احس لو ماطلعت اطق طلعني عشان ترتاح نفسيتي قولي له ليش ماتفكر بي اني اغلب الوقت قاعده لحالي ليش مو انت تقول انك تحبني وماتحب تزعلني ياحياتي طلعني حس بي وممكن اسألك انتي بمنطقه مافيها اسواق ومطاعم اطلعي لو للبر بالليل لو لحديقه قولي انا متعوده على الجمعه عند اهلي وخواتي والحين حرام عليك بس طالع عند خوياك ولاتفكر بي تعرفي على جاراتك عادي هذا زوجك فظفظي وتكلمي ولاتسكتين قولي خلاااااااااااااص انا طقت روحي اجلس معي خلنا نطلع والله هو مستانس انك ساكته وصدقيني يدري انك طفشانه لكن يقول مدام هي ساكته ليش انا اطلعها حبيبتي الرجال انانيين اذا ماتكلمتي لاحياة لمن تنادي اسمعي كلام مجربه وتكلمي