سهرني الشوق
New member
- إنضم
- 10 أبريل 2010
- المشاركات
- 92
مدري من وين وكيف ابدا لاني ماتعودت اشتكي لاحد راح ابدأ من بدايه زواجي انا انسانه ابتلاني الله ببعض اخواني الي كانوا اخلاقيا منحرفين وكنت اخاف على سمعتنا وبالذات خواتي وامي طبعا همها الوحيد الوالد الي هو مدمن انترنت وكان هاجسها بس تفتش وراه وطبعا نلقى بعض الرسائل بالرغم ان ابوي ملتزم بس ليه يسوي كذا مدري كان يكرهني كره الموووت لانه يظن اني افتح عيون ماما عليه المهم تركت دراستي والله خوفا على نفسي اولا لان ماكان غير مدرستين بالمنطقه الي انا فيها وكلها انتشر المخدرات فيها والسحر تخيلوا وحده اعرفها خاتمه المصحف سحروها بنات لانها نصحتهم ويومين نسوها كل شي وانحرفت المهم وثانيا لاني كنت ابي انتبه لاخواتي الصغار من تحرشات اخواني وفسخت خطبتي ورفضت كل الي تقدموالي بس عشان اربي خواتي الين يكبرون وافهمهم كل شي طبعا الموضوع يطول بشرح حياتي عند اهلي وعذابي الي عشته من تكذيب اهلي لي وعزلهم لي احيان اليل اغسل بالملابس والظهر اقوم على دعس ابوي لي عشان اسوي الغداء يادوبها كم ساعه انامها واحتسبت كل ذا عند ربي ااه كنت اكره صنف الرجال احسهم نجاسه مااطيق سيرتهم من النماذج الي اشوفها قدامي تجيب الهم بعد 8سنين تقدم لي نفس خطيبي هو ولد خالتي ووافقت خلاص خواتي كبروا وسلمت لهم العهده باخواني الصغار طبعا كنت احلم باشياء كل وحده بالفتره ذي تحلم فيها لكن والله ماشفت منها شي ابوه بقلت الحياء تكلم وخطبوني حسيت انه مايبيني لابنه ومشت الايام انا كنت خلااص ابي اسمع اي كلمة حب تعبانه وابي احد يحتويني لكن جمود غريب بس يقول لي انسي طنشي اتصل كم كلمه وقفل والله يابنات كنت من تعلقي فيه اسوي فطاير وثلاجات حليب شاي واخلي خواتي يبيعوا بالمقصف بس عشان اشحن لي وله لانه يقول طفران بس ماكان يدري وملكنا تصدقون ماكان يحط ريال بيدي غير تشدد امي وابوي حتى سلام ممنوع عشان ايش يستعجلوا بالزواج والله انقهرت يوم ابوزوجي يقول بنتهم فيها عيب بيخلصوا منها بسرعه ااه حرقت قلبي هالكلمه حيييل تزوجت بلا مهر ولا ملابس وشنطه زي العرايس قلت طز اهم شي اطلع وارتاح ولاذهب يعني ولاشي ماكاني عروس شهر عسل زي الناس ماشفت اسبوع ورجع لاصحابه كرهت شي اسمه رجال يوم صحيت مره ولقيته يتصفح افلام بنات خليجيات كرهته قال الدي سي ال ارسلها لي يستغبيني عشان انا مو مكمله ثنوي ولا لي بالخراب وصدقته مسكت له مسج لوحده بالمسن يسالها كيف جسمك بعدجلستك بالبيت كنت وقتها حامل وربي بكيت لحد ماحسيت اني بموت وبتطلع روحي كان كل ماتناقشنا بموضوع يقول لي حدك متوسطه وش دراك كرهت كل شي اسمه رجال وكل سفره لازم اخته وزوجها وعيالهم معانا بنفس السياره وقلت طز اتونس معاهم وش جاني منهم غير شوهوا سمعتي المهم انا الانسان هاذا ماني قادره اوثق فيه له مكالمات كثير ارقام ترسل له بصفه بنات يقول لي انهم اولاد جنس ثالث وهو يستدرجهم عشان يعرف مين هم انا ودي اصدقه واحيان ودي اغسل يدي واعيش حياتي بس مو قادره كرهته من اهله كرهته من الي شفته منه بدايه زواجي كرهته من اهلي كرهته لاني باقي اشك انه يتابع مع اصحاب السوء افلام المجون مره قال لاخوه نزل لي افلام اتفرج لها اليله مع زوجتي نزل له فلم اباحي معها تتوقعون ليه سوى اخوه كذا؟ااففف وش ذي العيشه احس الصبر او التصبر عندي انتهاء هاذا اختصار حياتي ولالو فصلت حياتي معاهم وعذابي الي عشته بسبتهم اكتب لكم مجلدات الحين انا ضايعه مدري وشلون اعيش من غير الشك والعذاب الي مسببينه اهله لي شوروا علي هو احيان والله يبكي ويقول ادري اني مقصر معاكم بس ياليته يتحرك هو جنوبي غربي وانا كمان ودايم هو يعتذر حتى لو اناغلطانه احترت هو يحلف انه تغيير بس لما اتذكر المقاطع احس انه نجس شوروا علي مدري لمين افضفض غيركم مالي بعد الله الا انتواحبايبي
