تفتيش هاتف الزوج او الزوجه او الابناء

[@ام حمدان@]

انا الف في اليوتيوب

لفتت انتباهي هذه المحاضره للشيخ المغماسي

اتمنى انكم تسمعونها لما سمعتها راجعت نفسي كثير


http://www.youtube.com/watch?v=GM5kfcOHiMk


ليش افتش واوجع راسي والله هو المكلف بمحاسبة الجميع
انا بسوي اللي علي والباقي خليه على رب العالمين لان بالتفتيش اصلا كل وحده فينا قاعده تخرب حياتها
تنغص على نفسها

لنج عارفه انج اذا فتشتي بتشوفين اشيا تخرب حياتج فليش تفتشين وتخربين بيتج

وكليه لرب العالمين وعامليه بالاحسان وباذن الله ربي بيرده لج ردا جميلا


هالكلام قلته لنفسي قبل لا اقوله لكم

انتظر تعليقاتكم ومشاركتكم :17:

 

[inlove]

انا اصلا ما أأيد التفتيش واعتقد انه اول خطوة لهدم حياتج
كونج فتشتي يعني انتي مو واثقة فيه
فشلون تبقين مع شخص مو واثقة منه

 

[صعبة المراس]

طبعا أختي كلامك صحيح جزاك الله خيرا ، ما في وحده فتشت وما لقت الي يكدر خاطرها ويجلب لها الهم عقب ما كانت مرتاحه ، الله سبحانه وتعالى أمرنا بعدم التجسس ونحن نصر على معصيته ونفتش ليش ؟؟! فيكون العقاب مؤلم هم وغم وخراب بيوت .

 

[كنت حلمي!]

يالييييييييت اقدر ابطل وبالفعل تكون الامور طيبه بس اذا فتشت تقلب نفسيتي ويقلب مود البيت كله ويااااااااكثر ما اعاتب نفسي اقول هو يذنب بالخيانه وانا اذنب بالتجسس وجزاء لي يضيق صدري من اللي اشوفه وبهدم بيتي بنفسي.. وياااااكثر ما اندم واقول اللي بشوفه بيعور قلبي وماراح انساه طول العمر ليه اتعب نفسي ؟؟؟؟
وانا واثقه مهما فتشت ماراح يغيره الا اللي خلقه .. واذا بيدي شي اسويه هو الدعاااااااء فقط .. فلا يرد القدر الا الدعاء وليس بيدنا هدايه .. انك لا تهدي من احببت ولكن الله يهدي من يشاء ..

 

[@ام حمدان@]

صدقتو
ولا وحده فينا تقدر تغير ريلها حتئ اذا كشفته مليون مره انا ريلي من كثر ما افتش حط لكل تلفوناته ارقام سريه وقتها قلت له كلمه وحده بس
انا وكلتك رب العالمين ولا تنسا ان تحتك عيال قالي دامج وكلتيني ربي خلاص خليني انا بيني وبين ربي والله شايفني وبيحاسبني انتي مالج دخل
صج اوقات اوسوس بس من بعد ماسمعت هالمحاضره قلت صج الوحده هي اللي تجيب لعمرها الهم
يعني انتي ماتقبلين زوجج يفتش تلفونج يمكن في شي ماتبين احد يشوفه بينج وبين نفسج وربج وربي ساتره عليج فتخيلي هو شافه شو بتحسين !!
نفس الشي هو
يمكن غلط وارتكب اغلاط وربي ساترها عليه فليش تفظحين ماستره ربي عليج بالدعا وخلاص ماتعرفين يمكن هالشي خيره لج
وهالكلام قلته لنفسي قبل لا اقوله لكم

 

[العروس السعيده]

اكره ان افتش في تلفون زوجي .. احس اصلا مالي حق ان افتش

اوكل امري الى الله و الله يحفظه لي من بنات الحرام ان شاء الله

 

[الحب كله شمالي]

الحمد لله فتشت مره وقلت بتوب ورجعت مره ثانيه وندمت اني فتحته مع اني واثقه من زوجي بس الشيطان انصح كل وحده ماتفتح جوال زوجها بالمره وانا قطعت على نفسي عهد اني ماالمسه .