تـقـبـلـت الـخـيـانــه

[تقبلت الخيانه]

تـقـبـلـت الـخـيـانــه يا عذابي .. مشيت بعالم كـلـه اغترابي

اسلي النفس واجاري همومي .. وابكي دون ما حــد درابي

انا اكــبــر ضــحــيـه يا زماني .. انا اللي ضـعـيـت بيدي شبابي

انا قصة حزن من جور ليام .. ولا حسبت احساب لمصابي

خساره راحــت ايــــام جميله .. طواها الوقت شروات السحابي

خسرت كل شي وهمي راس مالي .. وشفت الهم معجب بي اعجابي

والسموحه جيت اسجل بالمنتدى واخترت هذا الاسم ومن غير شعور طلعت معاي هاي الحروف على السريع

 

[مثل الورد]

صح لسااااااانج...

افااااااا ليش كل هالحزن والتشااائم...

والله الدنيا بعدها بخير.... والدليل انج تكتبين لنا اليوم....

الحياه ماتوقف عند شخص معين ... دام ربج عاطنج الصحه

والعمر اهتمي بعمرج.. وصدقيني ترا الهموم تكبر الواحد

وتزيده على عمره سنين... احب اشوف الناس متفائله...

ضحكي وفرحي مافي شي بهالدنيا يستاهل بس خلي هالشي في بالج...

اتمنى انشوف لج ابيات ثانيه احلى واطمنلا عليج اكثر....

كان بودي ارد علج ببيت بس انا الحين بدوام وبيخلص دوامي....

لنا لقاااااااء يافرحة الايام...

 

[تقبلت الخيانه]

مثل الورد

مشكوووره عزيزتي وردج حلو ومثل الورد

وان شاء الله بودع الحزن مع الايام ما في شي يدوم

والف شكر لج على المرور

 

[محتاجه حـب]

قصيده راااااااااائعه..........

 

[تقبلت الخيانه]

المعذبه

الاروع مرورج الكريم
دمتي طيبه

 

[وهج البنفسج]

ابيات جميله تنزف ألم ..ليس هناك اصعب من الخيانه..لكن الا ما تكسره ريح تقويه

وان شاء الله تكوني من اللي اتقويهم.....مشكوره على الابيات

 

[ايمي]

الخيانة اصعب شيئ في الحياة خاصة من الذين نحبهم
تكون صدمتنا الاولى بهم انهيار.... وبعد ذلك جرح كبير في القلب ،،، وبعد ذلك ذكرى ندفنها بقوتنا وارادتنا حتى نكمل مسيرتنا بالحياة،،،، فلا احد يستحق الحزن عليه وصدقيني يااختي كلما اٌقرأ اسمك اتضايق من اجلك اتمنى ان تستطيعي ان تغيري الاسم ويكون كله تفاؤل وحب لنفسك حتى تنسي الالم

اشكك من اعماق قلبي على ابياتك هذه

ايمي​

 

[...الظلام...]

جئت فقط لأسجل حضوري على صفحاتكِ المحمله بالاسي ..والالم ..

جئت لا اقف بصمت ..لان الصمت امام الجمال جمال ...

لاتحرميني ياغاليه صدقَ حروفكِ

 

[احاسيس*]

[grade="00008B FF6347 008000 4B0082"]قالوا علامـك شـارد الـفـكـر حـيـران

وعـيـونـك مـن قـل الـنـوم تـعـبـانـــه

قــلــت الـهـواء يـانـاس مـالـه امــان

ومن يـدخـلـه يـانـاس عـاش بمـهـانـه

قـالـوا تـكـلـم وقــلـنـا لـيـش زعــلان

وعـلـمـنـا بـكـل تـفـاصـيـل الـخـيـانـه

قلت الخيانه صارت موضه هـالـزمـان

وكلن يـلعـب عـالـثـانـي بـرقـة لـسـانـه[/grade]

 

[ام سلامي]

صح اللسانج

 

[كلمات بلا حروف]

آآآآآآآآآآآآآآآآآه مني يا تقبلت
ليه بس كل هذا الحزن والحسره
يا قلبي الي خان مايستاهل حتى لحظة من ذكرى خساره فيه والله
وكوني متفائله وحبي الحياه تحبك ولا تقف الحياه والحب عند شخص معين ومن خان هذا من سوء حظه
وياقلبي بلييييييييييييييييز غيري نكك لانك فيه قاعده تذكرين من خان وباع وهوا ما يستاهل
والله يوفقك ويسعدك دنيا واخره ويفرش طريقك حب وفاء وورد الامل

 

[غاليه]

صح لسانك

 

[تقبلت الخيانه]

وهج البنفسج


الف شكر لج الغاليه على مرورج نعم اصعب شي الخيانه بس الواقع يحكم علينا نصبر ونتحمل

تقبلي مني ارق تحيه

 

[تقبلت الخيانه]

ايمي

اشكرج على المشاعر الطيبه وان شاء الله بغير اسمي فالج طيبه بس مب الحين شارده من جميع المنتديات ومختاره لي اسم ما يخطر على بال عدواني

الله يدوم التواصل ولا يحرمنا من ردودج

 

[تقبلت الخيانه]

...الظلام...

تسلمين عزيزتي شرفني مرورج العطر

دمتي بخير وعافيه

 

[تقبلت الخيانه]

احاسيس

اشكرج عزيزتي على المجاراه الرائعه والله يدوم التواصل بينا

تقبلي مني ارق واجمل تحيه معطره بدهن العود

 

[تقبلت الخيانه]

ام سلامي

صح بدنج الغاليه وتسلمين على المرور العطر

 

[تقبلت الخيانه]

كلمات بلا حروف

مشكوووووووووره فديتج عجبني ردج وااايد حلو وان شاء الله مع الايام بصير وحده ثانيه هذا القرار اللي خذيته على عمري

وقررت اتحدى زماني ولا هو يتحداني

تقبلي حبي واحترامي لج

 

[تقبلت الخيانه]

غاليه

صح بدنج حبيبتي والف شكر لج على المرور الكريم

دمتي طيبه