تــــــعــــــبـــــانـــــة.. غير راضية أبدا عن شكلي ووزني

[مستحيل أتنازل!!]

السلام عليكم ورحمة الله وبركاتة..

بنات انا لو قلت اني تعبانة نفسيتي والله شوية مشكلتي ككبيره جداااا
بس ماقدر اقول غير الحمدلله يارب على كل شي ...

ياليتكم تقرون كلامي لين الاخر قصتي متعبتني حيل والله ...

مشكلتي يا بنات هي جـــســـمـــي وربي اني تعبت انا وزني ماشاءالله زاايد وااااايد
والله اني حاولت سويت رجيمات وجي بس ماقدر استمر عليهمم والله انه في بنات وايد
ماقصروو وياي ف المنتدى ولكن ماقدر استمر ف الريجيم ورحت مراكز بعد ماستر وياهم
وعمليات مستحيل اسويها اهلي مايرضون بنات وربي راسي يعورني من كثر الصيااح
تعبت تعبت بنات انا الحمدلله فيني جمال بس الكل يقولي لو تضعفييين والله امر في موااااقف
محرجه جداااااااا وغير جي انا الحمدلله انخطبت كذا مره بس ماقدر اوافق لان وزني كبير
وادري اني مابقدر ارضي ريلي ولا بقدر املي عينه ...
انا قبل كان وزني 123 كيلوو وسويت ريجيم خلال شهر ونص تقريبا ووصلت لين 109 ومب قادره اسوي ريجيم مره ثانية مع ان الريجيم اللي سويته وايد كنت مرتاحه فيه .. بس احس اني شهر ونص على 13 كيلو شوي ... والله اني تعباااااااااااااانه انا اقول في خاطري يمكن ماقدرت اسوي ريجيم لاني بطاليه حاليا ماعندي لادراسه ولا شغل..
ان شاءالله يوم السبت ببدي شغلي يعني بشتغل يمكن حياتي تتغير بنات انا ماعرف كيف بشتغل
شغلي بيكون مختلط وانا جسمي مب شي استحي والله استحي شكلي يفشل انا ماحب نفسي ابداااااااا
انا اعيش في معاناة ماتتوقعونهاااا والله يابنات خاطري اتزوج واعيش حياتي اشوف ربيعتي تتزهب حق العرس مرتاحه الله يديمها عليها يارب انا ماحسدها والله بس انا اقدر اكون شراتها اقدر البس اللي فخاطري بس انا حارمه عمري من هذا كله بسبب الوزن ياربي قبل كم يوم طلعت وياها وتقولي حرااااام عليج اضعفي والله انج حلوه بس لو تضعفييين..؟؟ تتحراني انا مابي بس يابنات الارادة مااااااااااااااشي ماعندي اراده ابداااااا
انا تعبانه والله وربي تعبانه جداااااااااااااااااااااااااااااا:tears::tears::tears:

الكل ينظرلي نظرة شفقه ليييش..

ماقدر اكمل والله اني تعبانه والله:tears::tears:

 

[روح الضباب]

حبيبتي الله يشفي امك وجعلك تخسين على خير

وين ماعندك اراده ماشاء الله عليك نقصتي كثير من 123 الى 109 انجاز وربي بالعكس المفروض تفرحين

استمري على الرجيم الى 70 كيلوا وبعد كذا ابدي خففي يعني من الأكل اللي ياكلونه اهلك بس شوي خذي لك بصحن لحالك

واذا من النوع اللي تحبين الشوكولا والحلا

خلي لك يوم بالأسبوع اكلي فيه بس كمان على خفيف


وامشي باليوم نص ساعه بس كل يوم
واشربي مويه كثير

وصدقيني رح تنزلين وبتدعين لي

انا مجربه

 

[مستحيل أتنازل!!]

رووح الضباب تسلمين غلااي
انا ريجيمي كان اني اكل في اليوم وجبه وحده بس وهي
مشاوي وامشي كل يوم نص ساعه وان شاءالله بحاول ارجع للريجيم
مع اني احس اني مب قادره بس بحاول:tears:

 

[روح الضباب]

انسي التعب وونسي حالك وخلي نفسيتك توب

وحده اعرفها مثلك تنحف لما يصير جسمها جنان

وبعدين ترج

نقولهل ليش كذا قالت عادي برجع انحف مو صعبه

اهم شي ياعمري النفسيه فوق كل شي هي

تصدقين هالبنت فعلا ترجع تخس بالراحه

لأن نفسيتها مرتاحه

وآسفه ياعمري طولت عليك

 

[Ms.RoZa]

وعليكم السلام ..

ليه بس كل هالإحباط يامستحيل اتنازل .. !

يتهيألي إن نفسيتك تعبانه ومحبطه مؤقتاً الأن .. نتيجه لـ بعض الضغوطات او مشاكل أخرى ..
وهذا هو سبب كلامك الغريب عن نفسك .. وتفكيرك بجسمك كان هو القشه الي قصمت ظهر البعير

بمعنى إنك مانتي بـ وضعك الطبيعي ونفسيتك متدهوره الآن ..
لذالك قبل أن أعلق ع المشكله وحلولها ..
أحب اذكرك يالغلا إن جسمك عمرك ماراح يحصل لك جسم غيره
هذا هو جسمك وهذا شكلك راح يبقى معك العمر كله
.. حبي نفسك .. ليش تكرهينها .. !
يعني لو كرهتيه راح يتركك مثلا ً وبيجيك جسم غيره .. !!

ماوصل جسمك لـ هالمستوى إلى لإنك أهملتيه في فتره من الفترات ..
لكن مافاتك شي .. لو رجعتي وإهتميتي فيه .. ماراح يخذلك أبدا ً

وأكبر دليل ..

انا قبل كان وزني 123 كيلوو وسويت ريجيم خلال شهر ونص تقريبا ووصلت لين 109 ومب قادره اسوي ريجيم مره ثانية مع ان الريجيم اللي سويته وايد كنت مرتاحه فيه .. بس احس اني شهر ونص على 13 كيلو شوي ...

وااااااو .. هذا نقله خطيره .. 13 كيلو خلال شهر هذي إراده من حديد ماشاء الله عليك ..
يعني كان باقي لك شهرين او ثلاث شهور بالكثير .. وتوصلين للوزن المثالي !!

ليه ماتواصلين ع برنامج غذائي صحي .. مو بس شهر أو شهرين ..
العمر كله .. هو حنا كم جسم عندنا عشآن نهمله ؟


لازم يالغلا طول ما أنتي تسوين الرجيم تمارسين الرياضه تفاديا ً للترهلات ..
ومشآن يكون جسمك مشدود ورزه
شوية إراده يالغلا منك .. وثقه بالنفس .. وبإذن الله بتكونين باااااربي ..

 

[مراحب123]

اختي مستحيل اتنازل انتي شفتي لقبج

ما شاء الله يدل على ان عندج ارده والعزيمه بس الشيطان شاطر

ما راح يخيلج تكملين لانه يوسوس لج ان ما سويتي شئ
يا قلـــــــــــــــــبي

ما شاء الله عن جد 13 كيلو في شهر ونص كثير شئ حلو

لو استمريتي لمده لمده 4 اشهر راح تنفصين 52 كيلو
شلون لو سنه تنقصين الكثثثثثر

اتمنى ان العزيمه والاراده تكووون عندج مستمره ما تتحطميت يا قلبي
والله يوفقج ويضعفج اللهم اميـــــــــــــــــــــن،،

اختج مرااااااااحب:cupidarrow:

 

[ورودة حالمة]

الحل بسيط وسهل


ريحي نفسيتك الحالة النفسية ذي بتخلي الوزن يزيد حتى لو ما اكلتي

يعني فكري من جديد وللعلم البدانة ما تمنع الحرية والحركة وان كانت تقيدها شوي

بس فكي عن نفسك وهذا انتي تقولينها انك جميلة مرة ولله الحمد غيرك لاا جسم ولا جمال

استهدي بالله واتراضي انتي ونفسك

وابتدي رجيم هادي بنفسية فرشششش ومتفائلة

وصدقيني بتنجحين

والوزن اللي كنتي خسرتية من جد انجاز


واعلمي اذا نزل وزنك بسرعة رجع بسرعة


بس بهدوء كل شي يصير زين

 

[مهره مالها خيال]

ماشاء الله إرادتك قويه تعرفي انا نزلت بشهر ونص بس 7 كيلو فقط وكرهت عمري
بصراحه ارادتك ممتازه يعني لو استمريتي 5 شهور كمان يصير وزنك مثالي وتدخلي عالم الرشيقات أنا كنت أقول أنا ما أقدر ع الرجيم وبدأت بالغصب لكن اش سويت صرت اتخيل نفسي وانا رشيقه كيف حيكون شكلي وكمان جبت بنطلون استريتش اللي يبين الجسم وكل ما أحس اني اطفش من الرجيم وبأتركه ألبس البنطلون وأشوف نفسي بالمرايه أكره شكلي وتتولد العزيمه من جديد.
في وصفه للدكتور عبد الباسط روعه كثير من صديقاتي استخدموها نحفوا عليها سويها مع الرجيم وكمان اشربي مغلي البقدونس ع الريق واشربي منقوع الشمر عشان يشد الترهلات. تعرفي قرأت قبل فترة وحده مسويه خلطه نحفت عليها كثير وهي زيت سدر وزيت خروع وزيت اللوز الحلو وخل تفاح اصلي تحطيها ع الجسم من 4 الى 6 ساعات الكل يمدح فيها الله ييسرلك وتصيري منيكان ياعمري​

 

[همسة حنين]

حبيبه قلبي أول شي اهنيك على العزيمة القوة ماشاء الله تبارك الله لاقوة الا بالله


ومين قال ان ماعندك عزيمه حبيبتي انتى عزيمتك من حديد وشي رائع تنقصي 13 كيلو بشهر في ناس بالشهر يالله يشوفو 5 كيلو قولي الحمدلله وبعدين حبيبتي الجسم كم سنة وهو مليان دهون ماتقدري بيوم وليله تكوني رشييييقه حيل بلعكس ماهو كويس لا لصحتك ولا لجسمك لان بيسير ترهل ..لاسمح الله

وبعدين حياتي انتى لو بدك تضعفي راح تقدري وانا مستعدة أول وحده أحط أيدي بأيدك وتكون رابطه ونساعد بعض ياغاليه ايش رايك ؟؟؟

حبوبة من خلال تجربتي ان تعذبي حالك بوجبه وحده خطيييير لان الجسم بيسير في مرحله دفاع بيفكر ان في مجاعه تقوم يتحول الاكل الباقي لدهون يخزنها لوقت الحاجه .. لاتحرمي نفسك من الاكل وراح تتعودي ايش الكويس وايش البطال تبعدي عنه


يارب توصلي لمبتغاكي وانتي بصحه وعافيه يارب


هموسة

 

[همسة حنين]

حبوبة ...

نسيت اقلك على شي ترى الحاله النفسيه تزووووووووود الوزن ياقلبي ..

وكل ماتتضايقي وتكدري خاطرك انا مانزلت انا ... وانا بيسير جواتك ردة فعل ويعند الجسم

عن جد دا كلام معروف وقرأته بكتاب وقالته لي دكتورتي

بالتوفيق يارب

 

[اعلامية طموحة]

ماشاء الله تبارك الله لاقوة الا بالله

تنحفي في شهر ونص 13 كيلو .. ومع ان وزنك مش مثالي تنخطبين .. مع ان نفسيتج تعبانه حصلتي وظيييفه

بالله عليج لاتخليني انط من الشاشه اعظك الحين :busted_red:<< ماتلاحظوا ان وايد اهدد بان بعظ الناس >> صرت متوحشه:bigsmile:

ياختي حرام عليج .. لاتحملي نفسج فوق طاقتها .. عندج وايد حاجات ماعند وايد بنات

انا متأكده ان ربيعتج ماقالت لج "حرام عليج انحفي" الا انها عارفه انك تقدري بس مقيده نفسج بقيود وهمية

ويالله رجعي للرجيم خلي عنك الدلع .. خلينا نسمع اخبار حلوه الرشاقه والجسم الممشوق​

 

[أوركيد]

تقلوين ماعندك إراده!!!!!


حبيبتي أنا كان وزني زياد وعملت لي دايت والحمد لله نزلت أنا كنت احمس نفسي باني كنت احط

صور للناس إلي

نحاف وأجسامهم حلوه وأخليها دايما قدام وجهي كنت أقول في نفسي هم احسن مني في إيه ماشاء

الله هم قدروا ينحفوا وانا لا :flex:حتي لما كنت أشتهي نوع معين من الاكل كنت أقول كله هذا الاكل

إلي تحبيه ياقلبي ملحقين عليه إنت بس خسي وإنحفي وبعدين كلي كل أصناف الاكل وإنت بنفسيه عال

العال وجسم ماحلي منه انا ماما كانت تعمل معي الديت والله كانت حرب نفسيه كانت بس تشتكي وتسب

وتهزء في الدايت إلي عاملينه والدكتوره إلي إحنا معاها حتي مررره قالت لها الدكتوره إلي إكتسبناه

في سنينن عمرنا ماراح نخسره في شهر المسأله محتاجه عزيمه وإصرار

وإنت ماشاء اللعنك هاذ إنت ماشاء الله نزلتي شيء كثييير يله إستمري وراح تشوفي

حاجات احلي واحلي

صدقيني ياقلبي إنت بس راح تخسي وتنحفي راح مرره تنبسطي حتي الناس من حوليكي لما

يشوفو كيف كانت

إرادتك من حديد وقدرتي تنزلي وزنك بهذا الشكل راح يحترموك ويحبوكي

موفقه ياقلبي ​

سوري عند مشكله في اللاب عامل لكم تنسيق مرره حلو:busted_red:

 

[Ms Uae]

حبيبتي

شوفي الحياة حلوة وكل شي ماشي الحمدلله

ناس تنتظر سنيين تدور وظيفة وما تحصل..انتي اليوم حصلتي وظيفة يلا شدي حيلج

انتي قدرتي تنحفين 13 كيلو..ليش زعلانة بداية الالف ميل خطوة

خلي عزيمتج قوية

واذا ياج خطاب لا تقولين لا

انا قريبتي ما شا الله عليها مثل جسمج..وتزوجت وريلها شو ضعيييييف بس عادي ماشية الحياة بينهم

الحين قررت انها تغير حياتها..بسم الله ما شا الله عليها..صارت وحدة ثانية ما تعرفينها

هي تسوي رجيم خفييييف..وتضعف يمكن 2 كيلو لكن المهم الاستمرار

احنا دايما يقولون لنا "ريوقك أكله كله..غداك كل نصه..وعشاك عطه عدوك"

وبعدين كلي وايد من الفواكه والخضرا اللي تحبينها..عشان تحسين بالشبع..كلي سلطة قبل الأكل..واشرب ماي وااااايد

والمهم الاستمرار

توكلي على الله انتي مش أول وحدة ولا آخر وحدة تسوي رجيم وما تضعف وايد

والله كنت اشوف الخاسر الاكبر..يشتغلون ويموتون لا ياكلون وييسوون رياضة..وما يخسرون ولا كيلو

مع ذلك ما خسروا الامل..كملي مشوار الالف ميل

لا توقفين..بعدج في أول الطريق

ونظرة الشفقة انتي اللي لازم تشلينها عن بالج

خلي نفسيتج حلوة..ومرحة..وطموحة

وبعدين الناس بتوشف الانسانة اللي داخل

الله يوفقج

 

[مستحيل أتنازل!!]

هلا خواتي
والله العظيم انه كلامكم اثلج صدري..
والله عطيتوني العزيمه والارادة بعد
والله احـــبــــكـــــم... والله نفس هالمنتدى مااااااااشي الله يعطيكم العافية
وان شاءالله راح ابشركم بالنتائج ... بس دخيلكم دعواتكم لي الله يحقق لكل وحده
اللي تتمناه وان شاءالله تتوفقون بحياتكم ياااااااارب...
انا اليوم بديت بالريجيم ويااااااارب استمر ولازم احب نفسي عشان استمر
اشكركم من كل قلبي والله على كلامكم الطيب..

 

[VAH]

هلا حبيبتي يارب يشفي امك وتنحفين يارب

انا قريبه لي كانت تمشي على السير تعرفينه ؟ يومياً لمده ساعه على الاقل هالشي نحفها جداً

وبعدين النحافه اللي تجي بسرعه حبيبتي ترجع الوزن بسرعه عشان كذا مافيها شي لو حستي انك مانحفتي واجد اهم شي ماترجعين الوزن

حاولي تشربين شاهي اخضر وتغيرين الخبز اللي تاكلينه تحاولين تخلينه اسمر عشان فيه الياف والياف تقلل الكوليسترول في الجسم حاولي تاكلين تفاحه او يعني خضار خضراء لانها ماتعطيك سعرات عاليه

مو كويس تعتمدين على وجبه بروتين وتتجاهلين الكربوهيدات والدهون , الدهون حلو تقللينه

شوفي ياقلبو عطيني وزنك وطولك الحالي اوكي ؟

.. وان شاء الله راح تنحفين .. وراح اعطيك درس كيف تسوين تخطيط وجبات لنفسك بحيث انك تسوين لك رجيمك الصحي الخاص

انتظر جوابك عشان نبدا بالدرس اذا حابه

فمان الله

 

[مستحيل أتنازل!!]

هلا حبيبتي..
اشكرج يالغلاااااا..
انا وزني الحالي 109 كيلو وطولي 157
ومرات يقولولي الطول 160 ماعرف بالضبط..
تسلمين حبيبتي على الاهتمام واسمحيلي لو تعبتج وياي..

 

[VAH]

يالله بما انك داخله النت راح نبدا اول الدرس .. اول شي جيبي معاك أله حاسبه , وقلم رصاص, مساحه , وقلم حبر , ودفتر ...

راح نبدا حالياً بالاساسيات وراح اعطيك مثال عن بنت اسمها هدى .. وبعد ماتفهمين الحاله هدى راح ابدا لك بنفسك اوكي ؟؟؟

ولا حابه يكون الدرس في وقت معين ؟؟؟

 

[VAH]

بسم الله الرحمن الرحيم ..

اول شي لازم تعرفين ان لتخطيط الوجبات للبنت غير عن الولد ,, وراح ندرس البنت لانك راح تستفيدين منها بأذن الله

هذا المثال اللي عندي :

هدى معلمة رياض أطفال طولها 163 سم ووزنها 68 كجم قيمي حالة هدى الغذائية.​

الحل :
150 سم ----> 54.5 كجم

+- 1 سم ----> + - 5. كجم

هذا قانون للكل .. يعني اي بنت في الدنيا تستخدم هالقانون .. معنى هالقانون , ان كل بنت طولها 150 وزنها مسموح له يكون 54.5
اما الزائد والناقص 1 يعني اي زياده او نقص في الطول , يواجهها زياده او نقص في الوزن بمعدل نص ..

عندنا الحين هدى طولها 163سم , معناها انها اكثر 150 سم بـ 13 سم

يعني نقول

+ 13 سم ----> + ( 5. * 13 ) = 6.5 كجم <<< النص نضربها بالزياده في الطول اللي هي 13 والناتج طلع لنا هو 6.5 كجم ( ايش هذا العدد ؟ )

هذا العدد هو الزياده المسموحه اللي مفروض تكون فوق الـ 45.5 اللي في القانون الاصلي

54.5 + 6.5 = 61 <-- يعني وزن هدى مفروض يكون 61 وليس 68

عشان تعرفين الزياده اللي في وزن هدى تطرحين الوزن الاصلي من الوزن الجديد اللي هو 61

68 – 61 = 7 كجم <--- يعني هدى لازم تنحف 7 كجم

اذا فهمتي الشرح لحد الآن .. او عندك سؤال اسأليه عشان ننتقل للخطوه الثانيه اللي هي :

وشلون نخلي هدى تنحف هالسبع كيلوجرامات , يعني ايش المده اللي نبي نخلي هدى تنحف فيها ؟؟؟


* ملاحظه اذا فيه مشكله في اللهجه قوليلي عشان اتكلم بالفصحى :$

 

[مستحيل أتنازل!!]

كلامك 100%
كملي يالغلاااااا يزاج الله خير..

 

[VAH]

طيب ياعمري الجزء الثاني راح يكون المده اللي لازم تنحفها هدى . . كان سؤالنا كالتالي :

وشلون نخلي هدى تنحف هالسبع كيلوجرامات , يعني ايش المده اللي نبي نخلي هدى تنحف فيها ؟؟؟

فيه مدتين تقدرين تنحفين فيها اللي هي كليو واحد كل 7 ايام , او كيلو واحد كل 10 ايام ... في حاله هدى اخترت كيلو واحد كل 10 ايام ...


1 كجم ----> 10 ايام
7 كجم ----> س
س = (7 * 10 )/ 1 = 70 يوم <--- تعرفين طريقه الوسطين في الطرفين ضربنا 7 كيلو في ال 10 ايام وقسمناا على 1 وطلع الناتج 70 يوم لان الكيلو جرام تروح مع الكيلو جرام

( معناها هدى لازم تجلس 70 يوم تسوي هالرجيم عشان تنحف الـ 7 كيلوا الزايده عندها )


7 كجم ----> 7000 جم <-- كذا عشان نحول من كجم الى جم
7000جم ÷ 70 يوم = 100 جم * 7.7 = 770 سعرت / يوم ( 7.7 هذي هي الدهون اللي في انسجه الجسم لازم نحسبها وبعدين راح تعرفين ليش )

معناها ان هدى راح تنحف
100 جم تنزل من وزنها في اليوم عشان توصل وزنها المثالي ..

اذا للحين اوكي فاهمه كملت اذا فيه استفسار قوليلي عشان ننتقل للخطوه اللي بعدها وهي الخطوات المهمه ...

انتظر ردك