تغيرت بفضل الله ثم بفضل هذا المنتدى

[دمعة بريئة]

بنات نصيحة لوجه الله .. لاتجعلين الزوج أكبر همك حبيه طيعيه
عطيه حقوقه الشرعية أحسني التبعل له بس لاإفراط ولا تفريط .. أنا أشوف
الوحده فينا صايرة مهووسة بشي إسمة زوج طول اليوم شاغل تفكيرها
وتجسس وتراقبة ولا ترتاح لا في ليل ولا في نهار وتعطل المخ عندها من
كثر ماتفكر وش أعطيه وش أسويلة وش أقدملة وش ألبسله وليالي حمراء طول السنه
حتى اللون الاحمر كرهه كل شي بحدود .. وبالنهاية تعالوا شوفوا وش سوى فيني !!!
وبعض القصص والله ماودك تقرينها من تفاهتها قالي وقلتله والمشكلة أشياء عادية تحصل
في كل بيت تعلقنا بسفاسف الأمور اللهم لا تجعل الدنيا أكبر همنا ........
لاتحسبين وزجك إذا كسرتي ظهرك في شغل البيت وجاك والبيت يلق من النظافه
كذا بيعشقك .. لاتحسبين زوجك إذا تلبستي وتشيكتي كل يوم وإنتي على سنقة عشرة بيهواك .. لاتحسبين زوجك إذا ضحيتي بحقوقك وظلمتي نفسك على حسابة بيموت فيك
لا لا لا حطوا هالاشياء في بالكم زييييييين والله لوتولعينله أصابعك الخمسة شمع وإنتي
على حالك ذا ماتستفيدين شي .. غير كذا عطي فرصة لزوجك يختلي بذاته خلية ياخذ راحته
مو إن قام قمتي وإن جلس جلستي وإن راح بيسترخي لحقتيه كذا بيمل منك تخيلي معي
بس طفلك الوديع البرئ اللي ماسك فيك والا بيجلس في حضنك بالقوه مو حركته هاذي تضايقك ؟؟ شوفوا ياحلوات سبب مشاكلنا تعلقنا بالمخلوق ونسينا الخالق إنشغلنا عن قرأننا وإنشغلنا عن صلاتنا وحده تقولي حتى وأنا أصلي أفكر فيه !!!!
جااااارتي الله يستر عليهااا ويسخرلها زوجة قمة في النشاط والنظافة والسناعة وطباخة على مستوى عال وعندها عيال وحلوه وعليها جسم ماشاءلله في الا عراس ملفتة بشكل وأم زوجها تحبها وحبوبة حتى أنا أحبهااا بالله وش ناقصهااا وزوجها ماديا يعني ؟؟؟ زوجها الا سبوع اللي فات تزوج عليها .....

ووحده من أقاربي مهملة غير مرتبة يعني ماهي نظيفة ماهي حلوه (عذرا بس حبيت أبينلكم) طبخها ماش زوجها جميل منصب أحواله المادية ممتازة زوجهاااا يحبهاا ماشاءللة ويحن عليها بشكل ولايمكن تجلس من دون شغالة بس تحب نفسها كثير وعندها ثقة عمياء بذاتها لإن عندها كل شي عادي ماطبخت معليش نجيب من برا جوها ضيوف ماتكلف نفسها
في اغلب الاحيان تسوي شي من المطعم أكيد ..ومافكر يتزوج

أنا أتوقع وحده شاطره في النهار ووحده شاطرة في الليل _____>> إنتم معي
والله إني أشوف كثير تسهر وتنام لاتدري عن بيت ولاعن عيال وعايشه حياتها
والمشكله زوجها يقول خلوها تنام تعبانه مانامت الاالظهر ذكيه من كثر ماتقول أنا تعبانه حن عليهااا وبعضهن مافيه الا العافيه .. أتمنى فهمتوااا

يابنات أنا تعلمت أشياء من هالمنتدى الرائع واستفدت وبديت أتغير وغيرت من أشياء كنت أسويها وأستفدت وأتمنى تتغيرون إنتم بعد
وتفكرون زين ليش أنا أمرض عمري وأتعب نفسيتي عشان دنيا فانية خليكي ذكية وإعرفي تتعاملي مع زوجك وتعطينه حقوقه وتعطين نفسك حقها
كتبت الموضع بعد ماقريت قصة وحده كاتبتها هنا الله يجزاها خير ..

أنا حاولت أفيدكم إن أصبت فمن الله وإن أخطأت فمن نفسي والشيطان ....

 

[حبي فيصل]

-

كلامك سليم انا من بداية حياتي وهي اغلاط باغلاط ولصقه بالرجال وان ماكلمني بكيت
وان تاخر زعلت وهذا حنا بمشاكل صغيره وبالاخير نزلني عند اهلي ولاعاد سال عني ..,
ومن هالمنتدى من بعد الله بدت تتغير افكاري وافكر بعقل واترك العاطفه بديت احب نفسي
واكتب كل فائده من قصص الاخوات خصوصا ان زوجي شمالي شرقي خائن ..,
وان كتب لي ربي رجعه له راح يشوف شخصيه ثانيه ..,

 

[فيفووو]

حبي فيصل حلو إنك فكرتي وعزمتي على التغيير
والله يسخرلك يردلك زوجك ويجعله مايشوف غيرك

 

[دمعة بريئة]

حبي فيصل شاكره مرورك والله
يرده لك ويسعدك

 

[دمعة بريئة]

فيفووو أسعدني مرورك

 

[كركمان]

يا حبي لك يادمعه وربي تعجبيني
انا اتبع هذا الاسلوب مالي من زواجي سنه وان شاء الله طول العمر :31:

 

[شموخ وحيدة]

الصراحه صادقه بكل كلمه قلتيها اول كنت احط زوجي كل همي واغار عليه بجنون واشك في كل رنه تلفون وتعبت نفسيتي وتغير شكلي وصرت بعد الجمال الي فيني ذبل والكل قال ليه اهملتي عمرك بعدها فكرت قلت ليه انا بنهبل عليه وهو ماعنده فيني واخذت موقف وبديت اقل شكوكي فيه واهتمام اول واريح باااااااالي والله ارتحت وصرت انصح صديقاتي بنفس الشي وارتاحو وبديت اهتم بنفسي وطلباتي والله الموفق وربي يسعد الجميع
تقبلي مروري

 

[دمعة بريئة]

تسلمين كركمان ماشاءلله عليك
والله يهنيك ويسعدك بحياتك

 

[نبراس الدعوة]

يا اختى دمعة انصحني با لله ايش اسوي انا نظيف مره جميلة وطباخه لكن احس مو مرة يشتاق لي رغم الان لما يكون في البيت مااجلس معها كثير يعني لما يكون عند الكمبيوتر مااروح عندها

 

[رقيق الإحساس]

ايوا كدا خليكم نسوان غييييييييييييييييييييييييييييييييير
ههههه
ربي يسعدكم ويسعدني

 

[حلى التوفي]

كلام رووووووعه .. وهذا اللي اتبعه هاليومييين
من بعد مشاكل وشك وغيره .. وان شاء الله على طوول كذا
ههههههه تصدقين عاد بس يومين مطنشه احس اني مرتاحه وحليانه
بس ياخوفي مااطول ...

 

[نبراس الدعوة]

الله يعطيك العافية

 

[دمعة بريئة]

شموخ وحيده شفتي كل اللي سويته بنفسك مااستفدتي
شي المشكلة إحنا عاطفيات زياده عن اللزوم عادي نتعب
أعمارنا بداعي الحب !!! والله ياقلبي ماكتبت هالكلام إلا
إني مجربته بنفسي وحبيت تستفيدون مثل مااستفدت

 

[دمعة بريئة]

نبراس الدعوة إسمعيني ياقلبي خليكي ثقيلة الثقل
صنعة إشغلي نفسك عنه شوي خليه ياخذ راحته ع الاخر
واذا جلستي معه خليكي مرحه شوي بس لاتطولين بالجلسه
عشان يشتاق لجلستك أوكيه وشيلي الافكار السلبية مايشتاق
لي مايحبني خليه يشوفك سعيده معه وبدونة واهم شي الليل يعني
لابغاك هو إظهري شطارتك .. ونصيحة خليكي غامضه
مو زعلتي منه بشي قمتي تتكلمين وانت سويت خليكي
ساكته وهو اللي يجي بيسألك ويحاول يعرف ذيك الساعه
استغليها لنفسك ياليت أكون أفدتك

 

[دمعة بريئة]

رقيق الاحساس حلا التوفي
منورررررررين والله يسعدكم

 

[حيرانه جدا]

والله شاطره يا دمعه بريئه انتى كده هتشجعينى اعمل زيك والله انا لما اطنشه شويه احس انى مرتاحه بس تعملى ايه قى عقول وقلوب النساء ما الحق اصبر على روحى وارجع زى الاول واتعب من المراقبه والشك والغيره

 

[شموخ وحيدة]

هااذا القهر بعينه تتعبين وتتعبين وفي الاخير يقول انا ماقلت لك تتعبين نفسك بكل قوه عين ويسكر الباب ويروح ويونس عمره وعمرك ماترتاحين ولا تتونسين الرجل ترى همه نفسه بس الاماندر منهم اذكر بنت خالتي زوجها تزوج عليها في السر وهي لو تشوفيها تقولي لبنانيه ومهتمه في بيتها وطباخه بس كل هاذا ماشفع لها ودرت تدرين وش سوت ابد طلعت من البيت وراحت لااهلها وخلت اعيالها في البت له هديه قالت جاى دورك تهتم فيهم قلنا لها حرام عليكي ليه تركتيهم صغار قالت شوفو وش بيصير في الاخير وصدق رجه لها بعد اسبوع يبكي ويبيها ترجع قالت طلقها وارجع وطلقها بسرعه زوجته الثانيه قال بس كانت نزوه شفتي كيف

 

[دمعة بريئة]

حيرانة جدااااا
تعرفين المثل من راقب الناس مات هما حتى
لو زوجك حطي المثل دايم ببالك من حقك تعيشين
وتستمعين بحياتك يعني لو راقبتيه بتحلين المشكله
بالعكس يمكن تكتشفين أشياء تزيدك تعب وهم وعذاب
ويمكن تراقبينه على لاشي بس وساويس شيطان
فكرررري زين ياحلوووه لين متى بتجلسين على هالوضع

 

[المعتزة بالله]

فعلا هذا الكلام الصح يسلمووووووووووووو

 

[دمعة بريئة]

حياك يالغلا منووووره