تغيرات زوجي اللي مايشوف انها غلط

[اعشق ترابهـ]

السلاااام عليكمـ ورحمهـ الله وبركاتهـ

انا عضوه يديده وتوني مسجله ف المنتدى

بدخل ف الموضوع بسرعهـ

انا متزوجه من سنه ونص وعندي ولد عمره شهرين واحب زووجي وااايد وهوو بعــد

بس المشكلهـ انه ريلي بعد ماتزوجنا صاار ملتزم ومتدين وكل شي عنده هب زين ومكروه وحرام
وصااار واااايد غامض وصامت

مايسولف عندي شرات قبل واكثر وقتنا ساكتين لاني يوم اسولف عنده وافتح مواضيع هوو يحبهن مايرد علي بس يتم ساكت ولا يعلق بشي


وكان اول ماعرسنا وااايد نطلع ونتمشى بس الحيييين مستحيييل يقولي بس بحوطج ف السياره ماتنزلين وبعد عدال البيت مانروح بعييد واول ما اركب السياره وهوو يتم يستغفر ويشغل قران عشان ما اسولف وياه وكل مره ع هالحاله ...


ومايخليني اروح عند الدريول حتى لو كان عندي خواتي او اهله مستحيييل لازم ههو يوديني وانا ما ارتاح اروح وياه لانه يتم يقولي يله خلصي بس خلاص طولتي .


انا اباه يلتزم ويتقرب من الله بس واااااااااايد تغيييير ف كل شي صار وايد مــعـــقـــد ..

بلييييز حبوبات
نصحوني كيف اتعامل وياهـ ...؟

 

[NicE-GirL]

بعضهم ماخذ الالتزام انه تشدد


الله يهديهم بس ,,


بالعكس ليش التشدد الرسووول كان رقيق مع زوجاته ,,



ويضحك معهم ويسمعهم ..


يعني معلييييييييييش ,, الدين يسر مو عسر ...,,


الله يعينك


اعرف ناس يوم التزموا ,, صاروا رومانسيين اكثر ,,



ويعرفون حقوق زوجاتهم وتمشيات ووناسة ,,


ودلع اكثر من قبل ,,,.. انتي فهميه بهدووء انو هالشي ماحثنا عليه الاسلام


وعطيه مواضيع عن الرسووول ولعبه مع زوجاته


واصحابــه .. (( ولو كنت فظآ غليظ القلب لانفضوا من حولك ))


والرفق اذا دخل شي زانه واذا خرج من شي شانه ,,

 

[وهم79]

حاولي تجيب ليه فتوة من شيخ معروف ان الركوب مع السواق موب حرام
ولا توة ان لازم الرجال يتعامل مع زوجته باللين والطيب ويسمع لها في احاديث كثيره وايات تساعدك
انتي جيب له الحل بنفسي الطريقه الي هو يحرم عليك الموضوع خلك ذكيه معه وغيري باسلوبه باللين والاقناع

 

[اعشق ترابهـ]

ثانكس حبووبات ماقصرتن وبحاااول معاهـ ان شاء الله ...

اتريا نصائح خواتي الغاليات اللي ف المنتدى ..

 

[حنانوو]

الله يعينك جد الدين عمره ماصار كذا
اتمنى الاخوات يفيدونك

 

[اطياف الرومنسيه]

يارب يسخر لك زوجك ويحقق مطلبك

بأقولك وجهة نظؤي


اولآ أصبري وتحملي ومهما كان هذا زوجك وجنتك

ثانيآ حاولي قدر المستطااااااع تتفاهمي معاه

و سبحان الله يمكن هدايته المتشدده هذي خيره لكم والله اعلم

ولا تنسي الدعاء بالسجود وكثرة الاستغفار بالنيه

وان شاء الله ربي يسعدك ويخليك زوجك وولدك وترجعون مثل اول واحسن



اختك


أطياااااااااف

 

[اعشق ترابهـ]

مشكووره حياتي حنانوو
وصح كلامج عمره الدين ماصار جيه

بس هوو يذلني بهالكلمه احمدي ربج انه ريلج ملتزم ويخاف ربه ومايحب هالخرابيط

وانا هنيه ماقدر اقوله شي ...

 

[اعشق ترابهـ]

ختيهـ اطياف مشكووره ع الدعاء الحلوو وربي يتقبلهـ

وامييين ياربي

الله يسعدكم مثل ما اسعدتوا قلبي بردودكم اللي ريحتني

 

[سيدة وقورة]

من تشاد فب الدين غلبه وديننا دين يسر لا عسر يعني بيتوقع انو بكدة يكون يرضي رب العالمبن لا والف لا ادا كان رسولنا الحبيب يمازح زوجاته ويلاطفهن وكان كان وجهو دائم البشاشة والبسمة ليش زوجك لي مجرد عبد لله ليش يتشدد معاكي ويازم العلاقة بيناتكم

قال تعالى
فبما رحمة من الله لنت لهم ولو كنت فظا غليظ القلب لانفضوا من حولك


الله يهديه ويعرف اللي يعمله غلط ويبغالو يراجع نفسه ويعرف لي ليه ولي عليه

 

[القلب المهجور]

الله يهديه ويسخره لك

 

[التحدي صعب]

اول شئ الله يثبته على الطاعة يارب قولي امين
ويثبتك ويثبتنا رب العالمين
بالعكس اذا التزم الشخص ترتاحين الله يسخره لك يارب
نصيحة اشتري له
اشرطة دينية عن التعامل مع الزوجات وجيبي له كتاب يتكلم عن تعامل افضل البشر مع زوجاته عليه افضل الصلاة والسلام وكيف انه العلم الشرعي اخذناه عن السيدة عائشة رضي الله عنها
يعني تعالي له بنفس الطريق اللي هو عليه واحمدي الله على هالنعمة كثيييييييييييييييييييير
احمدي الله واشكريه مع زوجك بتحسين بطعم الطاعة لانه بيعينك عليها كثير
بتحسين بالعمره وبزيارة المدينة وبكل شئ
والله زوجك يستاهل تشدين على يده
هو عشانه توه التزم صار يفكر كثير
فعادي الوضع
الواحد اول مايلتزم يبدا يحاول يعيد ترتيبات حياته
فتقبلي وعاوني زوجك على فعل الخير
وربي يجمعنا واياكم بجنات الفردوس يارب
واخيرا شفنا مشكلة فيها اشياء كثير ايجابية وحلوة
الله يخليكم لبعض ولايحرمكم من بعض وربي يخلي لكم ولدكم ويرزقكم الذرية الصالحة اللي يطلعون كلهم حفظة كتاب الله وعيالي يارب وعيال المسلمين

 

[رحيل الوقت]

قصي عليه هي لقه وهو يفهم عليك

يروى أن ذات مرة جاءت امرأة تشكو سيدنا عمر ، يبدو أنه كان منشغلاً عنها ، قالت له : " يا أمير المؤمنين إن زوجي صوامٌ قوام " ، ما انتبه فقال : " بارك الله لكِ بزوجك " ، صوام في النهار ، قوَّام في الليل ، في النهار صائم ، وفي الليل قائم ، عبادة مستمرة فقال لها : " بارك الله لكِ بزوجك" ، عنده أحد الصحابة قال له : " يا أمير المؤمنين إنها تشكو زوجها " ، لا تمدحه ، قال : " هكذا فهمت ، احكم بينهما " ، هذا الصحابي نظر لو أن الرجل عنده أربع نساء كما هو مسموحٌ له ، نصيب الواحدة من نسائه يوم كل أربعة أيام ، فأمره أن يتفرَّغ له يوماً كل أربعة أيام ، أعجب بهذا الحكم ، عيَّنه قاضي البصرة ، قالت : " إن زوجي صوام قوام " ، قال لها : " بارك الله لكِ بزوجك " ، قال : " يا أمير المؤمنين إنها تشكو زوجها " ، لا تمدحه ، لكن النساء كن عفيفات صاحبات حياء ، بليغات ، فصيحات ، وتعلَّمن من أسلوب القرآن الكريم ..

​

 

[نعومه كول]

الله يتمم عليه يارب ويهديه للطريقه الصحيحه حبيبتي التدين مو معناه ينقطع عن ملذات الحياه
الله قال ولاتنسى نصيبك من الدنيا