تعـــــــــــــــــــــــــبت وأبي حل

[وهودي]

مرحبا حبيباتي
بدخل في الموضوع على طول لاني صدق طفشانه
زوجي عصبي بشكل وسريع الانفعال على اتفه الاسباب
فمثلا اليوم طق ولدي طق عجيب وانا كنت جالسه ومرتاعه واقول خلاص يكفي والله الولد صغير
بعد ماخلص استلم هواش علي انتي مالك دخل وانتي تبين تصيرين الرجال بالبيت وانا ابي اربيه
وانتي وانتي..........
هذا العيب الاول خلصنا منه والعجيب انه دايم يردد انتي بتصيرين الرجال بالبيت او انتي بتخلين نفسك مضلومه وانتي المسكينه والله ما ادري ليش يكررها بشكل والله اني اطفش لما يقولها
اما العيب الثاني مايجلس بلبيت الاقليل وان جلس يكون نايم او يتابع مبارة يعني مافيه امل ندردش مع بعض وهذا العيب من اول ماتزوجنا والحين صار لنا ست سنوات متزوجين والحال على ماهو
والعيب الثالث مايحب يطلعني انا وعيالي ولو طلعنا رحت لامي او اهله مافيه تمشي ولاكشتات ولاوناسه
والعيب الرابع مايطيق شي اسمه سوق والله ما اكذب عليكم يمكن من تزوجت ماطلعت لزوق معه الا اربع او خمس مرات
دايم روحاتي مع اهلي
تكفون كل هذا مايشكل عند كثر حرارته الزايده انا كنت اعصب واهاوش بس الحين لا ما ابي ولدي يتاثر لانه اذا صار نقاش بيننا وطلع زوجي
يقولي ولدي ماما بابا ليش يهاوشك او ماما انتي تحبين بابا
والله تعبت ابي حل احس كله كم يوم وانجن...........

 

[الورده الشرقيه]

الله يصلح حالك ويهدي زوجك
ويسخره لك
كثري من الدعاء ومن قول لاحول ولاقوه الا بالله

 

[وهودي]

الله يجزاك خير اختي
بس ابي حل اتفاهم معه...

 

[دلع قلبه]

الحل معه تعرفين نمطه وتعرفين وش يناسبه وش يثيره وش يغضبه

http://www.niswh.com/vb/showthread.php?t=109230&highlight=%C7%E1%C7%E4%E3%C7%D8

ربي يفرج لك,,

 

[وهودي]

نمطه شمالي شرقي
اما انا العكس جنوبيه غربيه
كيف اتعااااااااااااااامل معه والله طفشت

 

[honhon]

الله يكون بعونك اختي والله يهديه ويحنن قلبه عليك
والله انا ما اعرف عن الانماط شي
اتمنى احد يفيدك

 

[رماريمو]

http://www.niswh.com/vb/showthread.php?t=256172

أتمنى أن تستفيدي من هذا الموضوع في التعامل مع الشمالي الشرقي ... سي السيد << كما يحلو لبعض الأخوات تسميته

 

[سرااااااااااب]

الحل انك تهتمين مايصير شي يضايقه ابدااا .. وحاولي وقته معاكم في البيت يكون مسل وحلو .. والسوالف بينكم بادري انت فيها وتكون سوالف حلوة مو مشاكل وانت تتصفحين في النت اكيد بيمر عليك خبر حلو او غريب او قصه اوشي قوليله اليوم قريت كذا ووش رايك بكذا ..

السوق شكلك بايعتها من ست سنين وزوجك على ما بتعوديه ..
ولده هو اكبر مشكله بينكم لا تعقودن الولد بمشاكلكم .. في احدى الليالي الملاح وزوجك فارد خشته ومبسوط معاكم حتى لو بعد العلاقة الحميمة قربي من زوجك وحطي يدك على اخر جزء في راسه مع رقبته وابدأي دلكيها بنعومه وقولي له حبيبي مو عاجبني تعاملك مع ولدنا فلان لازم تخليه يقرب منك ويحبك .. بكرة يكبر وانت ابوه لااازم يصارحك بكل شي وما يتردد يستشيرك في اي امر .. وقولي له ارجوووك خلك صاحبه عشان يتعلم منك الرجوله والمسؤؤليه .. وهنا ابدأي امدحي بزوجك ... وبينه وبين نفسه راح يستحي على دمه وحس بالمسؤؤليه تجاهكم ..

ولا تنسين اهم شي .. الاستغفار .. والدعاء .. والهدؤؤؤ .. والاستمراااار .. وتأكدي انه مايطفي النار الا الماء .. فكوني نهرا عذبا يجري في بيتك ويرتوي منه زوجك وابنك ...

 

[وهودي]

والله حاولت وماخلت شي يدخل البيت ويهاوش ويطلع ولما يرجع انسى كل شي صار انا عموما فيني عيب لما يزعل على اتفه الاسباب لازم اراضيه واصيح عنده ماابيه يزعل انا اللي خربته عارفه
ولي تقريبا سنه اخذه مناعه من الهواش عادي يهاوش ويطلع ولا كان شي صار انسى
وعلى قولتك سوليف لما اسولف معه يقولي والله يانتن يالحريم كل شي عندكن خرابيط يقصد سواليفي
وتصدقون حاولت اتابع معه مباريات واشجع واتحمس بس مافيه فايده
والله قولوني طققققققققققققققققققق

 

[وهم79]

اختي ما اتوقع زوجك شمالي شرقي يمكن شمالي غربي ايه
لان الشرقي يحب يجلس في البيت كثثثثثثثثثثثثثثثثير
وفيه من صفات زوجي
اول العصبيه هذي ما تقدرين تصيطرين عليها الا انك تتحاشي تسوين اي شي يزعله لان الشمالي لا عصب خلاص انسي انه يعرف من الي قدامه
حاولي تبعدين اولادك عنه ولو ظربهم لا تكلمينه بنفس الوقت كلميه بعدين وقولي له تخيل الولد صار له شي بيدك وش تبي تسوي وش يفيدك زعلك بعدين ترى هو يحب اولاده لكن يوم يعصب ما يعرف من قدامه

اما عن جلوسه في البيت ترى لو تفكري فيها من منطق ثاني ترى اريح لك واريح لعيالك من عصبيته وزعله
لكن حاولي لا تواجد بالبيت انك تسولفي معه او بطريق وانتي رايح لاهلك يعني تسرقي الاحظات معه


اما عن طلعت انتي وعيالك صحيح قليل ما يطلع لكن وقت ما يكون مروق واغلبها تكون بغرفه النوم تعالي له بدلع والغنج والمدح وقولي له ابي تحدد لنا يوم انه تطلعنا تمشينا والله اني احب اطلع معك واستانس
ترى الشمالي يموت بالمدح اي شي تبيه امدحيه قبلها ثما اطلبي الي تبيه

واخر شي السوق يا بنت الحلال وشوله تبيه ينزل السوق معك ما تشوفي الفتن والبنات الي ترمي بلاهم على الرجال انا بنسبه لي افضل واصر اني اروح مع اهلي ولا اروح معه لان طول ما حنا بسوق يقولك ها خلصتي وبعدين
مطولين يعني ابدا ما اركز على شي واظايق واطفش واطر اطلع وانا ما خلصت

وفي نقطه هو دايم يقولك انتي تبي تصيري رجال البيت
انتي بعدين لا راق قولي له انت ليه تحسب اني بصير رجال البيت انا مستحيل اتحمل هذي المسؤوليه الصعبه انتي لانك شخص قادر تتحمل اعباء ومشاكل البيت مشاء الله عليك عشان كذا انت اساس البيت ولا انا لو كنت رجال والله ما اتزوج ولا اقدر لان مسؤوليه كبيره
طبعا هنا مدحتيه وخليتيه يعرف انك لا تبي تصير رجال البيت ولا شي
وبعدها ما اتوقع يقولها لك

اهم شي اهم شي امدحيه كثثثثثثثثثثثثثثثثثثثثثثثثثثثثثثثثثثثثثثثثثثثثثثثثير بكلامك معه حتى لو حسيتي انه بيشوف عمره ما عليه لكن انتي المستفيده لكن انتبهي تمدحيه بعجاب الحريم بشخصيته لان ممكن يفدر دام كذا خلني اجرب واشوف

وللعلم ترى الشمالي يحب المجازفات واعجاب البنات بشخصيته ويدوره عندهم اذا انتي ما اشبعتي غروره بشكل يفيدك انتي ما يفيدهم هم

 

[shamseyah]

الله يكووووووون بعووونج يالغاليه

 

[وهودي]

امين يارب
بس يااختي والله انك صادقه المدح شي ثاني عنده
وعلى قولتك روحته لسوق انا ما ابيها بس ابيه يعرف الاسعار يحسب كل شي رخيص لانه ما تعود على الروحه له يحسب كل شي اقل من ميه مثل لو اقول ابي جزمه الله يكرمكم وشنطه يقولي تكفيك ميه
ياناس حنا باي عصر الخمس ميه الحين ماتسوي شي
فاذا رحت مع اهلي لازم امي الله يخليها لي تدفع وماتقصر